looma 14
14
'otela eyayaezoyʉ no cou
1'ola yoheoz'u 'o singkoo ci cou temula tiova, 'upena hoci yaa o'te totiski na lasi hu'a'ausna, yaeza teav'a 'ahʉya yʉhcʉvha. 2'ola yaa singkoo ci cou la meelʉ bonʉ tomo mav'ov'o ci macucuma; i'omo yoz'u 'o singkoo lac'o bonʉ to machachae. 3i'ola meelʉ bonʉ tamo mav'ov'o teav'a potfʉnga 'ola o'te bonʉ; i'olac'o bonʉ to chae teav'a eayaezoya 'ola oa'pucu, maica isicu acʉha tiova to hamo. 4zou siya suu, ci smeecʉ'ho eayaezoyʉ no soskuskunu no mocmo? o'atesieno peelʉi hʉsvʉta no taukesi namo kuzo ho ʉmnʉ? namaeno, 'o nooe'oca tesi to'usni ho poa meelʉ yaa a'a'ausna.
5pantola mainca 'o koyuhe 'e hie eni mo tosa'ohe tomo h'unasi ci hie; panola mainca 'e afu'u hie moc'o acʉhʉ totiski. 'emo macicihi nte acʉhʉ yaa iachi hu'a'ausna. 6pantola afnasa huecvʉhʉa namo conci hie, epa'teni na lasi hia einu to nooe'oca; pantola ongongabo to macucuma, yaeza epa'teni na lasi hia einu to nooe'oca, maica lasi nomio ta isi ana ci 'oanʉ ho to'aveoveoyʉ to hamo. pantola opeic'o to isi ana, totiski epa'teni na einu to nooe'oca, maezo to'aveoveoyʉ to hamo. 7ta taicoto uk'a citec'o nomio ta iachi ho yaansoua. maezo uk'a citec'o nomio ta iachi ho mcoi; 8ho mito yaansoua, la yaansouneni 'o nooe'oca, hoci mcoi, te nomio to nooe'oca ho mcoi. ko'koeno, 'upena hoci yaansoua, hocieno mcoi, mito acʉhʉ tma'usnu to nooe'oca ci cou. 9nomio tan'e, 'o kilisto mo mcoi ho i'vaho smoevovei, na atuhcusi te nooe'oca tamo yaansoua ho ito mo mcoi ci cou. 10homoeno maica, na suu, mainci eayaezoya na nanat'ot'ohaesasu? mainci potfʉnga na nanat'ot'ohaesasu? tatola acʉhʉ yac'ʉ no tuhcu to hamo ho tiou no tesi hia yʉsvʉtʉ; 11maica isi yainca to seiso:
yainca to nooe'oca: te'o mas'osʉ ta iachi'u nsou ho esvʉtʉ.
'e yatatiskova te acʉhʉ mi'usnu a'o ho pop'up'ungu m'ohkuyu;
'e yatatiskova te acʉhʉ ebobohngʉ yainca zou hamo a'o.
12ho isicu e'usna yaica, 'emito macicihi ci cou tena acʉhʉ mi'usnu to hamo ho tuyafa na tposʉ no ohola hioa.
teav'a poa smopcuku na mocmo
13ko'koeno, 'anateto i'vaho yupa eayaezoyʉ; nte ma'kokoyu, o'te hioa nate koa smopcuku ho poa peiskuisi na mocmo ci cou. 14os'o ieni to hiamza yupa tmʉyʉcʉ ci natʉ'ca 'o nooe'oca iesu ho a'ʉmta cohivi, 'e 'oanʉ mo acʉhʉ cofkoya; hoci pano cou mo ma'unano o'amo cofkoya, hote ieni ta cou tan'e, 'anate cofkoya. 15hociko nomio no 'oanʉ ho alolongʉ no 'tohʉngʉ no nanat'ot'ohaesa, 'e osko hioa 'anamo i'mi no himngonghi ci 'tohʉngʉ. 'otes'a i'mi no 'oanʉsu ho poa kuzo na ohsicula mcoineni to kilisto ci cou! 16na osko ta'unano mo ʉmnʉ ci hi'hioa teav'as'a poa elʉ no kuici ongko. 17maica ina hpʉhpʉngʉ to hamo o'amo yono 'oanʉ, mo yono isi faeni to seilei ci moʉhmʉskʉ, moususeomʉ, kokaekaebʉ. 18'emo maica ci hia fifiho to kilisto ci cou 'ate ahtuo'te noa ʉm'ʉmnʉa to hamo. ho emomoengʉa ta cou.
19ko'koeno, tetola cucufnu no nananghinghia, yupa m'eac'ʉ note cono feango ci h'oyunsova. 20'ote i'mi no 'oanʉ ho poa aon'oi na lasi hi'hioa to hamo. 'e afu'u 'oanʉ te acʉha peelʉi ana, at'inghi hoci nomio no osko ana ho poa e'puyu na mocmo ci cou, 'anamo emio. 21ko'koeno, atva'esi ʉmnʉ hoci o'te 'ahʉyʉ bonʉ no fou, o'te mimo no emi, teav'a hioa nate afu'u koa smpcuku no nanat'ot'ohaesa ci hi'hioa. 22mio mainenu na hu'a'ausnasu tan'e, zou iachisu natʉ'ca to hamo. 'emo cihi ci cou hoci meelʉ yono isi ta'unano mo emio ci hi'hioa ho o'te ma'kokoe'i. te mainenu na hia ʉm'ʉmnʉ! 23at'inghi hocisi ta'kuv'a na isi ana ci 'oanʉ, hocisi ana, tesi topci no kuisi to hamo, maica ho o'aisi ieni no singkoo ho ana. acʉcʉhʉ na o'a isi ieni no singkoo ho hioa zou ci hi'hioa zou acʉhʉ kuisi.
ទើបបានជ្រើសរើសហើយ៖
looma 14: bsnfe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014
looma 14
14
'otela eyayaezoyʉ no cou
1'ola yoheoz'u 'o singkoo ci cou temula tiova, 'upena hoci yaa o'te totiski na lasi hu'a'ausna, yaeza teav'a 'ahʉya yʉhcʉvha. 2'ola yaa singkoo ci cou la meelʉ bonʉ tomo mav'ov'o ci macucuma; i'omo yoz'u 'o singkoo lac'o bonʉ to machachae. 3i'ola meelʉ bonʉ tamo mav'ov'o teav'a potfʉnga 'ola o'te bonʉ; i'olac'o bonʉ to chae teav'a eayaezoya 'ola oa'pucu, maica isicu acʉha tiova to hamo. 4zou siya suu, ci smeecʉ'ho eayaezoyʉ no soskuskunu no mocmo? o'atesieno peelʉi hʉsvʉta no taukesi namo kuzo ho ʉmnʉ? namaeno, 'o nooe'oca tesi to'usni ho poa meelʉ yaa a'a'ausna.
5pantola mainca 'o koyuhe 'e hie eni mo tosa'ohe tomo h'unasi ci hie; panola mainca 'e afu'u hie moc'o acʉhʉ totiski. 'emo macicihi nte acʉhʉ yaa iachi hu'a'ausna. 6pantola afnasa huecvʉhʉa namo conci hie, epa'teni na lasi hia einu to nooe'oca; pantola ongongabo to macucuma, yaeza epa'teni na lasi hia einu to nooe'oca, maica lasi nomio ta isi ana ci 'oanʉ ho to'aveoveoyʉ to hamo. pantola opeic'o to isi ana, totiski epa'teni na einu to nooe'oca, maezo to'aveoveoyʉ to hamo. 7ta taicoto uk'a citec'o nomio ta iachi ho yaansoua. maezo uk'a citec'o nomio ta iachi ho mcoi; 8ho mito yaansoua, la yaansouneni 'o nooe'oca, hoci mcoi, te nomio to nooe'oca ho mcoi. ko'koeno, 'upena hoci yaansoua, hocieno mcoi, mito acʉhʉ tma'usnu to nooe'oca ci cou. 9nomio tan'e, 'o kilisto mo mcoi ho i'vaho smoevovei, na atuhcusi te nooe'oca tamo yaansoua ho ito mo mcoi ci cou. 10homoeno maica, na suu, mainci eayaezoya na nanat'ot'ohaesasu? mainci potfʉnga na nanat'ot'ohaesasu? tatola acʉhʉ yac'ʉ no tuhcu to hamo ho tiou no tesi hia yʉsvʉtʉ; 11maica isi yainca to seiso:
yainca to nooe'oca: te'o mas'osʉ ta iachi'u nsou ho esvʉtʉ.
'e yatatiskova te acʉhʉ mi'usnu a'o ho pop'up'ungu m'ohkuyu;
'e yatatiskova te acʉhʉ ebobohngʉ yainca zou hamo a'o.
12ho isicu e'usna yaica, 'emito macicihi ci cou tena acʉhʉ mi'usnu to hamo ho tuyafa na tposʉ no ohola hioa.
teav'a poa smopcuku na mocmo
13ko'koeno, 'anateto i'vaho yupa eayaezoyʉ; nte ma'kokoyu, o'te hioa nate koa smopcuku ho poa peiskuisi na mocmo ci cou. 14os'o ieni to hiamza yupa tmʉyʉcʉ ci natʉ'ca 'o nooe'oca iesu ho a'ʉmta cohivi, 'e 'oanʉ mo acʉhʉ cofkoya; hoci pano cou mo ma'unano o'amo cofkoya, hote ieni ta cou tan'e, 'anate cofkoya. 15hociko nomio no 'oanʉ ho alolongʉ no 'tohʉngʉ no nanat'ot'ohaesa, 'e osko hioa 'anamo i'mi no himngonghi ci 'tohʉngʉ. 'otes'a i'mi no 'oanʉsu ho poa kuzo na ohsicula mcoineni to kilisto ci cou! 16na osko ta'unano mo ʉmnʉ ci hi'hioa teav'as'a poa elʉ no kuici ongko. 17maica ina hpʉhpʉngʉ to hamo o'amo yono 'oanʉ, mo yono isi faeni to seilei ci moʉhmʉskʉ, moususeomʉ, kokaekaebʉ. 18'emo maica ci hia fifiho to kilisto ci cou 'ate ahtuo'te noa ʉm'ʉmnʉa to hamo. ho emomoengʉa ta cou.
19ko'koeno, tetola cucufnu no nananghinghia, yupa m'eac'ʉ note cono feango ci h'oyunsova. 20'ote i'mi no 'oanʉ ho poa aon'oi na lasi hi'hioa to hamo. 'e afu'u 'oanʉ te acʉha peelʉi ana, at'inghi hoci nomio no osko ana ho poa e'puyu na mocmo ci cou, 'anamo emio. 21ko'koeno, atva'esi ʉmnʉ hoci o'te 'ahʉyʉ bonʉ no fou, o'te mimo no emi, teav'a hioa nate afu'u koa smpcuku no nanat'ot'ohaesa ci hi'hioa. 22mio mainenu na hu'a'ausnasu tan'e, zou iachisu natʉ'ca to hamo. 'emo cihi ci cou hoci meelʉ yono isi ta'unano mo emio ci hi'hioa ho o'te ma'kokoe'i. te mainenu na hia ʉm'ʉmnʉ! 23at'inghi hocisi ta'kuv'a na isi ana ci 'oanʉ, hocisi ana, tesi topci no kuisi to hamo, maica ho o'aisi ieni no singkoo ho ana. acʉcʉhʉ na o'a isi ieni no singkoo ho hioa zou ci hi'hioa zou acʉhʉ kuisi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014