looma 12
12
h'oyunsova tola fifiho to hamo
1ko'koeno, maanat'ohaesa, ho isieno yaica ci hia acocoveoza to hamo a'to, te'o cucufni muu ho mais'a yaansou ci sʉ'ta ho sʉ'teni to hamo, conci 'tohʉngʉ ho fifiho to hamo, noa ʉm'ʉmnʉa to hamo. 'aeno eni nantemu a'ʉmta sʉ'teni cimo mou'ʉmtʉ ci m'ohkuyu. 2'ote noa uv'oha ta hpʉhpʉngʉ, la poa teovahneni to hamo na muu, teofafaevai na 'tohʉngʉ ho koyumu, teeno peelʉi husansana zou cuma na 'tohʉngʉsi, cohivi zou cuma na mou'ʉmnʉ, a'sʉftonʉ ho peelʉi ʉm'ʉmnʉa.
3ieni to isi faeni a'o to hamo ci mengumi, te'o mi'usnu ta mimu macicihi ho yainca: teav'a anga huepzi si iachimu, la apuyu einu ho noyʉyʉci 'e iachi, macicihi maino isi faeni to hamo ci singkoo ho tosvʉti 'e iachi. 4'emo conci feango mo i'mi no man'i ci maesoesou ho yu'tʉ'cʉnghʉ, 'emo macoconi ci maesoesou mo yaa mav'ov'o ci isi peelʉi hioa. 5totiski, mito e'vono botngonʉ ci cou, mito no'ayumonʉ to kilisto ho cono feango, macoconi yupa yuecnguhu, hocu mav'ov'o ci maesoesou ta feango. 6ko'koeno, teto maino isi faeni a'to to hamo ci mengumi, bumemeala titha 'emo mav'ov'o ci mengumi, hioa nante anana'va hi'hioa. na mengumito hoci zou psoyaski no e'e, 'atetoeno mainote peihcʉ'hi no singkoo ho psoyaski; 7hoci zou fukumu, 'ateeno fukumu; hoci zou lema'cohio, 'anteeno mo'ma'cohio; 8hoci zou poucufnu, nte poucufnu; zou tmaha'o, la mealʉ; hoci zou so'ehti, o'ate bʉʉpsʉpsʉ no ngoseo; hoci lea himcocoveoi no cou, 'ateeno kokaekaebʉ.
9himngonghi no cou la mou'ʉmtʉ. la himkuzo to kokuzo, noʉyʉci na mou'ʉmnʉ. 10la nananghinghia 'emo cono feango; la aʉ'ʉmtʉ yupa einu. 11'otela lue'amamza, la asno'zonʉ yaahioa, boemi no cuveu ci 'tohʉngʉ ho fifiho to nooe'oca. 12yono taico no ta'usni ho kokaekaebʉ, notaico no 'atutumzo la luaveica, la asno'zonʉ hola 'inoli. 13poa tma'upu no acʉcʉhʉsu 'ola thi'cia ci nat'ohaesa; aʉt'ʉcʉ tola i'mocvihi ci cou.
14tooyokeoi 'ola akuzkuzo suu ci cou; 'aenozou, la tooyokeoi, teav'a patkuzkuzoi. 15la i'upu kaebʉ tola kokaekaebʉ ci cou, i'upu mongsi tola mongsi ci cou. 16'upena hoci mi'usnu nomo mainenu ci cou, la cono 'tohʉngʉ ho yupa maecingi. 'otela bobitano na 'tohʉngʉ, la euteozuc'o tola huaceaci; maezo 'otela ma'unano mo iachi mau'to'tohʉngʉ.
17'otela boemi no kuzo ho auski no kuzo; nala toehunga huyoyonghua ci hi'hioa, la soekaebeni ho hioa. 18la pnanfi na tonʉsu ho bunananghiya to botngonʉ. 19maananghia, teav'a eveineni si iachi, la poahe eveineni to hamo na lako ngoveoa, maica isi yainca to seiso: <yainca to nooe'oca: tomakneni a'o; te'o ahtao'te auskeni.> 20ivaha yainca to seiso: <hoci sieyo na hangʉsu, la poa bonʉa, hoci mecu, la poa mimoa; hociko yaica, tena ma'kokoe'i na 'tohʉngʉsi.> 21ko'koeno, teav'a poa atpʉtʉneni no kuzo, la boemi no ʉmnʉ ho atpʉtʉ no kuzo.
ទើបបានជ្រើសរើសហើយ៖
looma 12: bsnfe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014
looma 12
12
h'oyunsova tola fifiho to hamo
1ko'koeno, maanat'ohaesa, ho isieno yaica ci hia acocoveoza to hamo a'to, te'o cucufni muu ho mais'a yaansou ci sʉ'ta ho sʉ'teni to hamo, conci 'tohʉngʉ ho fifiho to hamo, noa ʉm'ʉmnʉa to hamo. 'aeno eni nantemu a'ʉmta sʉ'teni cimo mou'ʉmtʉ ci m'ohkuyu. 2'ote noa uv'oha ta hpʉhpʉngʉ, la poa teovahneni to hamo na muu, teofafaevai na 'tohʉngʉ ho koyumu, teeno peelʉi husansana zou cuma na 'tohʉngʉsi, cohivi zou cuma na mou'ʉmnʉ, a'sʉftonʉ ho peelʉi ʉm'ʉmnʉa.
3ieni to isi faeni a'o to hamo ci mengumi, te'o mi'usnu ta mimu macicihi ho yainca: teav'a anga huepzi si iachimu, la apuyu einu ho noyʉyʉci 'e iachi, macicihi maino isi faeni to hamo ci singkoo ho tosvʉti 'e iachi. 4'emo conci feango mo i'mi no man'i ci maesoesou ho yu'tʉ'cʉnghʉ, 'emo macoconi ci maesoesou mo yaa mav'ov'o ci isi peelʉi hioa. 5totiski, mito e'vono botngonʉ ci cou, mito no'ayumonʉ to kilisto ho cono feango, macoconi yupa yuecnguhu, hocu mav'ov'o ci maesoesou ta feango. 6ko'koeno, teto maino isi faeni a'to to hamo ci mengumi, bumemeala titha 'emo mav'ov'o ci mengumi, hioa nante anana'va hi'hioa. na mengumito hoci zou psoyaski no e'e, 'atetoeno mainote peihcʉ'hi no singkoo ho psoyaski; 7hoci zou fukumu, 'ateeno fukumu; hoci zou lema'cohio, 'anteeno mo'ma'cohio; 8hoci zou poucufnu, nte poucufnu; zou tmaha'o, la mealʉ; hoci zou so'ehti, o'ate bʉʉpsʉpsʉ no ngoseo; hoci lea himcocoveoi no cou, 'ateeno kokaekaebʉ.
9himngonghi no cou la mou'ʉmtʉ. la himkuzo to kokuzo, noʉyʉci na mou'ʉmnʉ. 10la nananghinghia 'emo cono feango; la aʉ'ʉmtʉ yupa einu. 11'otela lue'amamza, la asno'zonʉ yaahioa, boemi no cuveu ci 'tohʉngʉ ho fifiho to nooe'oca. 12yono taico no ta'usni ho kokaekaebʉ, notaico no 'atutumzo la luaveica, la asno'zonʉ hola 'inoli. 13poa tma'upu no acʉcʉhʉsu 'ola thi'cia ci nat'ohaesa; aʉt'ʉcʉ tola i'mocvihi ci cou.
14tooyokeoi 'ola akuzkuzo suu ci cou; 'aenozou, la tooyokeoi, teav'a patkuzkuzoi. 15la i'upu kaebʉ tola kokaekaebʉ ci cou, i'upu mongsi tola mongsi ci cou. 16'upena hoci mi'usnu nomo mainenu ci cou, la cono 'tohʉngʉ ho yupa maecingi. 'otela bobitano na 'tohʉngʉ, la euteozuc'o tola huaceaci; maezo 'otela ma'unano mo iachi mau'to'tohʉngʉ.
17'otela boemi no kuzo ho auski no kuzo; nala toehunga huyoyonghua ci hi'hioa, la soekaebeni ho hioa. 18la pnanfi na tonʉsu ho bunananghiya to botngonʉ. 19maananghia, teav'a eveineni si iachi, la poahe eveineni to hamo na lako ngoveoa, maica isi yainca to seiso: <yainca to nooe'oca: tomakneni a'o; te'o ahtao'te auskeni.> 20ivaha yainca to seiso: <hoci sieyo na hangʉsu, la poa bonʉa, hoci mecu, la poa mimoa; hociko yaica, tena ma'kokoe'i na 'tohʉngʉsi.> 21ko'koeno, teav'a poa atpʉtʉneni no kuzo, la boemi no ʉmnʉ ho atpʉtʉ no kuzo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014