sitoo 27
27
yonto 'apangʉ 'o poolo ho emo'usnu ne looma
1ho micueno afu'a esvʉtʉ no smaimio ta etʉpʉ ho emo'usnu ne 'italia, ihe cu toveineni to yuliu ci ngungkang to honte 'o poolo ho i'o mocmo ci isi poekotva. 2mimzacu smopayo to mo i'mi ne 'atamiten ci 'apangʉ; tec'u e'ohʉ 'e 'apangʉ eni, smaitoyange to mo piyo ci toosva 'apangʉ ta 'aziasoo. panto cihi ci coutesalonike ne makitong, zou 'alitaku 'o ongkosi, mo fiho a'mi. 3sʉc'ʉhʉ ne saitong ne micu hucma, isi aʉt'ʉt'ʉca to yuliu 'o poolo, teomneni ho poa biebimi to nanghiasi, tiou no aʉt'ʉt'ʉca. 4mimza ivaho i'mine'e ho e'ohʉ, maica homo yupteilʉ tomo meikvo'ʉ ci poepe, cu poahe mitomo meechipi to poepe ne saipulusu. 5mimza sucaefi to etʉpʉ to mia'usnu ne cilicia, pangfuiliya, esmi to meila ne like. 6yone'e, mo elʉ to mo i'mi ne 'alisanta ci 'apangʉ 'o yuliu, te emo'usnu ne 'italia, isicu poa smopayo a'mi.
7acngucnguhu piyo no hie, mo na'no smaipopoha'o 'o 'apangʉ. petohʉyʉ smaic'ʉhʉ to cum'usi ne konitu, maica homo angu taso 'o poepe, o'ana mimza meelʉ maito ntoho anana'va mia ci ceonʉ ho emosuhcu, cu smaitvopci to isi meikvo'i to poepe ci kolitho, smaimzo to tmuahpuhpusu ne samoni. 8mimza smaitvopci to aaskiti to etʉpʉ ho emosuhcu, a'ʉmtʉ butaso ho petohʉyʉ sʉc'ʉhʉ to o'anamo covhi to hosa to lasi'a ci ka'oo ci toosva 'apangʉ.
9aʉlʉ 'enepio no hie ho mimza ma'na'o, micu sucaefi 'o meesi no tanzi, 'anamo 'aseolʉ hocin'a 'aoko emosuhcu. isicu mi'usni to poolo 'o botngonʉ, 10yainca: <haah'o, ho os'o aiti te sokoeva hocin'a 'ahʉyʉ 'aoko mitan'e ho emo'cʉ'cʉnʉ; o'a anouc'o 'e 'apangʉ ho macucuma nate kuzo, ac'ʉhʉ ta nsouto ho sokoeva no o'te peelʉi aʉt'ʉca.> 11at'inghi, isi angahe taa'uzva to ngungkang 'o e'e to sencoo ho ito himnonu to 'apangʉ, o'a isi taa'uzva 'o poolo. 12'e toosva 'apangʉ eni o'amo h'unano 'aseolʉ hoci 'oyona totoefʉngʉ no hosoyʉma; ko'koeno, mo botngonʉhe 'o mo tohmʉskʉ hoci aupcio e'ohʉ, pnanfi sʉc'ʉhʉ ne fuiniki ho yone'e hote hosoyʉma. 'o fuiniki zou conci toosva 'apangʉ to kolitho, mo miyovcu ho miteufzu#<miyovcu ho miteufzu> hocieno yainca <miesmomhana ho miyovcu>. 'o hpʉhpʉngʉ ne'e.
cmoehu ta etʉpʉ
13ne mio, mo yaa i'eovcu cimo meaosohuyu ci poepe, acʉhʉ ma'unano te meelʉ maito anana'o 'tohʉngʉ ho e'ohʉ, cu esifova 'o momsʉhcʉ'o hocu e'ohʉ, smaitvopci to kolitho. 14o'amo noana'o, pantola yainca <yulakolo> ci tucvihi mo i'mi to omia ho mea'usnu. 15isi vo'heni to poepe 'o 'apangʉ, uk'a ci imza ta'uni no hioa, isi cuc'o peaʉnpʉnpeni to taso ci poepe 'o 'apangʉ. 16ne micu smaimzo to oi'isi tola yainca kauta 'o 'apangʉ, imzacu petohʉya maka tʉtpʉta 'o okono 'apangʉ. 17ihe tas'usna to meoino 'apangʉ, boemi to teesi ho seoʉlʉlʉa seo'tʉneni. ihe smoyoneni hoci smaefo'ʉ to efuefu'u to saioti 'o 'apangʉ, cu pehtupeoha 'o peaaftonga poepe, ho poa meangohcu to etʉpʉ 'o 'apangʉ. 18mo a'cʉ'cʉnʉ tucvihi, ne micu hucma, ihecu ahoza ciha to etʉpʉ 'o macucuma, 19i'vaho miski, ac'ʉha to macucuma to 'apangʉ 'o ihe toyafneni. 20aʉlʉ 'enemipiohi mipzohi ho o'aimza teolʉi na hie ho congeoha; mo a'cʉ'cʉnʉ taso 'o smahu ho poepe, mimzacu ma'unano o'anate yaa ta'usni no yaansoua.
21'enepio no hie ho o'amo ahtun'a bonʉ 'omo yonta 'apangʉ, mo yac'ʉ to tuhcuhe 'o poolo ho mainca: <haah'o, hoci ohmuso osnia talʉi 'o e'e'u, ho o'te smaimio ne kolitho, o'antohoso elʉ tamo maica ci ku'kuici. 22maitan'e temucu ma'sosohuyu, ta 'ayumonamu uk'a cite payo'ʉ no nsou, te at'ingha payo'a 'e 'apangʉ. 23ne yofna, i'o os'o ma'hi'usni ho p'ohkui ci hamo isi skuna 'o tensisi mi'usni a'o ho yainca: 24<<poolo, 'ote smoyo! 'ateko ahtuo'te yac'ʉ to tuhcu to honte. a'vinano. i'mi no himngonghi to hamo. isicu asvʉta no 'tohʉngʉsi ho noʉt'ʉci 'e nsou ta mo cono 'apangʉ.>> 25ko'koeno, maahaah'o o'atemu siya no 'tohʉngʉ; os'o taa'uzva 'o hamo o'atesi ahtao'te mia 'o e'esi. 26at'inghi'so. teto mea'usnu to mo conci hpʉhpʉngʉ.>
27ac'ʉhʉ to yofnasi no mimaski uspotʉ, mioc'on'a yonto etʉpʉ ne 'atolia ho meaavovei 'o 'apangʉmia. cu taico feʉngna, ihe ta'unano micu ake'i cum'u to ceoa tomo poʉt'ʉcʉ to 'apangʉ, 28ihecu to'seni to chumu 'o toosvʉta, ho tosvʉti 'o hia mʉ'eona to chumu, mon'a msʉptʉhʉ meeta 'o hiasi mʉ'eona; ake'i emosuhcu ho ivaha tosvʉti. mion'a mtuehu meeta. 29ihe sokoeva no smotokʉ no fatu, cu i'mi to civci to 'apangʉ ho to'seni 'o mo sʉptʉ ci momsʉhcʉ'o, mooteo no moseo'ohngʉ. 30mo mici toekameosʉ ta 'apangʉ 'o lepoʉt'ʉcʉ 'apangʉ, ihe pehtupeoha 'o 'apangʉ no to'usnu, memamais'a te i'mi to fnguu to 'apangʉ ho topeohneni 'o momsʉhcʉ'o. 31mo mi'usnu to ngungkang ho ito heetai 'o poolo ho yainca: <hoci o'te nongaco ta 'apangʉ 'emo maica ci cou, o'ates'a peelʉi to'usni muu.> 32ihecu p'ontʉhi to heetai 'o teesi to oko no 'apangʉ, ho poa meapkaakoa.
33ne tec'u mon'i tiskova, isi eucufna to poolo 'omo botngonʉ ho poa ake'i bonʉ. isi yainca: <ho mimu ma'tipvongʉ, o'te bonʉ o'te mimo, micu aʉlʉ mimaski uspotʉ no hie. 34ko'ko te'o cucufni muu, ake'i bonʉ teeno meelʉ yaa tonʉa, maica 'emimu macicihi ac'ʉhʉ no mehacni ci f'ʉsʉmu o'atemu payo'a.> 35eepʉnga 'e e'esi, mo mayo to pang 'o poolo, yonta tuhcu ta mo botngonʉ ho to'aveoveoyʉ to hamo, cu tipcia ho ana. 36mo acʉhʉ ma'sosohuyu na 'tohʉngʉ, cu acʉhʉ bonʉ. 37i'o mimza noteuyunu to 'apangʉ mo se'icha ho mpʉtvʉhʉ unmʉ#<se'icha ho mpʉtvʉhʉ unmʉ> panto piyo ci tposʉ noana'o isi yainca <se'icha ho mpʉtvʉhʉ uemo>; panto piyo ci h'unasi ci tposʉ noana'o isi yainca <asonʉ mpʉtvʉhʉ unmʉ ci cou>.. 38ne micu acʉhʉ yoseʉ, akoeva no poa e'sop'o 'o 'apangʉ, yaeza ciha to etʉpʉ 'o heome.
meokosʉ 'o 'apangʉ
39cu tiskova, o'aihe honga to lepoʉt'ʉcʉ 'apangʉ 'o hpʉhpʉngʉ to ic'o, at'inghi mo elʉ to conci 'eou, a'vinano yaa efuefu'u to aaskiti, cu esvʉta no 'ahʉya poa smatvopci 'o 'apangʉ. 40ihe aueva p'ontʉhi 'o teesi, to'seni to etʉpʉ 'o momsʉhcʉ'o, psoevoyunga 'o teesi no poʉt'ʉcʉ, e'tʉi eepza 'o peaoftonga to fnguu to 'apangʉ, poa pea'usneni to aaskiti 'o 'apangʉ. 41at'inghi, maica homo smaefo'ʉ to efuefu'u 'o 'apangʉ, cʉnghʉ 'o fnguusi to 'apangʉ, 'anamo meelʉ tmaiezuhu, isi smoftongi to smahu 'o civcisi to 'apangʉ, hocu kuici aon'oi.
42ihe 'ucia pohcʉcʉha to heetai 'o isi poekotva, sokoeva hoci yaa yuefo'ʉ to chumu ho toekameosʉ. 43at'inghi tesi to'usni to ngungkang 'o poolo, potani hoci 'aʉnpʉnpʉ, isicu pashʉi ho poa auyu su'to chumu 'omo meelʉ yuuhnguzu, ho yu'unu to aaskiti; 44i'ocu mocmo mo titho to i'iya ho itomo meaoskopʉ ci ma'e'evi ho yu'unu to aaskiti. maicac'o, micu acʉhʉ tmo'poyapo.
ទើបបានជ្រើសរើសហើយ៖
sitoo 27: bsnfe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014
sitoo 27
27
yonto 'apangʉ 'o poolo ho emo'usnu ne looma
1ho micueno afu'a esvʉtʉ no smaimio ta etʉpʉ ho emo'usnu ne 'italia, ihe cu toveineni to yuliu ci ngungkang to honte 'o poolo ho i'o mocmo ci isi poekotva. 2mimzacu smopayo to mo i'mi ne 'atamiten ci 'apangʉ; tec'u e'ohʉ 'e 'apangʉ eni, smaitoyange to mo piyo ci toosva 'apangʉ ta 'aziasoo. panto cihi ci coutesalonike ne makitong, zou 'alitaku 'o ongkosi, mo fiho a'mi. 3sʉc'ʉhʉ ne saitong ne micu hucma, isi aʉt'ʉt'ʉca to yuliu 'o poolo, teomneni ho poa biebimi to nanghiasi, tiou no aʉt'ʉt'ʉca. 4mimza ivaho i'mine'e ho e'ohʉ, maica homo yupteilʉ tomo meikvo'ʉ ci poepe, cu poahe mitomo meechipi to poepe ne saipulusu. 5mimza sucaefi to etʉpʉ to mia'usnu ne cilicia, pangfuiliya, esmi to meila ne like. 6yone'e, mo elʉ to mo i'mi ne 'alisanta ci 'apangʉ 'o yuliu, te emo'usnu ne 'italia, isicu poa smopayo a'mi.
7acngucnguhu piyo no hie, mo na'no smaipopoha'o 'o 'apangʉ. petohʉyʉ smaic'ʉhʉ to cum'usi ne konitu, maica homo angu taso 'o poepe, o'ana mimza meelʉ maito ntoho anana'va mia ci ceonʉ ho emosuhcu, cu smaitvopci to isi meikvo'i to poepe ci kolitho, smaimzo to tmuahpuhpusu ne samoni. 8mimza smaitvopci to aaskiti to etʉpʉ ho emosuhcu, a'ʉmtʉ butaso ho petohʉyʉ sʉc'ʉhʉ to o'anamo covhi to hosa to lasi'a ci ka'oo ci toosva 'apangʉ.
9aʉlʉ 'enepio no hie ho mimza ma'na'o, micu sucaefi 'o meesi no tanzi, 'anamo 'aseolʉ hocin'a 'aoko emosuhcu. isicu mi'usni to poolo 'o botngonʉ, 10yainca: <haah'o, ho os'o aiti te sokoeva hocin'a 'ahʉyʉ 'aoko mitan'e ho emo'cʉ'cʉnʉ; o'a anouc'o 'e 'apangʉ ho macucuma nate kuzo, ac'ʉhʉ ta nsouto ho sokoeva no o'te peelʉi aʉt'ʉca.> 11at'inghi, isi angahe taa'uzva to ngungkang 'o e'e to sencoo ho ito himnonu to 'apangʉ, o'a isi taa'uzva 'o poolo. 12'e toosva 'apangʉ eni o'amo h'unano 'aseolʉ hoci 'oyona totoefʉngʉ no hosoyʉma; ko'koeno, mo botngonʉhe 'o mo tohmʉskʉ hoci aupcio e'ohʉ, pnanfi sʉc'ʉhʉ ne fuiniki ho yone'e hote hosoyʉma. 'o fuiniki zou conci toosva 'apangʉ to kolitho, mo miyovcu ho miteufzu#<miyovcu ho miteufzu> hocieno yainca <miesmomhana ho miyovcu>. 'o hpʉhpʉngʉ ne'e.
cmoehu ta etʉpʉ
13ne mio, mo yaa i'eovcu cimo meaosohuyu ci poepe, acʉhʉ ma'unano te meelʉ maito anana'o 'tohʉngʉ ho e'ohʉ, cu esifova 'o momsʉhcʉ'o hocu e'ohʉ, smaitvopci to kolitho. 14o'amo noana'o, pantola yainca <yulakolo> ci tucvihi mo i'mi to omia ho mea'usnu. 15isi vo'heni to poepe 'o 'apangʉ, uk'a ci imza ta'uni no hioa, isi cuc'o peaʉnpʉnpeni to taso ci poepe 'o 'apangʉ. 16ne micu smaimzo to oi'isi tola yainca kauta 'o 'apangʉ, imzacu petohʉya maka tʉtpʉta 'o okono 'apangʉ. 17ihe tas'usna to meoino 'apangʉ, boemi to teesi ho seoʉlʉlʉa seo'tʉneni. ihe smoyoneni hoci smaefo'ʉ to efuefu'u to saioti 'o 'apangʉ, cu pehtupeoha 'o peaaftonga poepe, ho poa meangohcu to etʉpʉ 'o 'apangʉ. 18mo a'cʉ'cʉnʉ tucvihi, ne micu hucma, ihecu ahoza ciha to etʉpʉ 'o macucuma, 19i'vaho miski, ac'ʉha to macucuma to 'apangʉ 'o ihe toyafneni. 20aʉlʉ 'enemipiohi mipzohi ho o'aimza teolʉi na hie ho congeoha; mo a'cʉ'cʉnʉ taso 'o smahu ho poepe, mimzacu ma'unano o'anate yaa ta'usni no yaansoua.
21'enepio no hie ho o'amo ahtun'a bonʉ 'omo yonta 'apangʉ, mo yac'ʉ to tuhcuhe 'o poolo ho mainca: <haah'o, hoci ohmuso osnia talʉi 'o e'e'u, ho o'te smaimio ne kolitho, o'antohoso elʉ tamo maica ci ku'kuici. 22maitan'e temucu ma'sosohuyu, ta 'ayumonamu uk'a cite payo'ʉ no nsou, te at'ingha payo'a 'e 'apangʉ. 23ne yofna, i'o os'o ma'hi'usni ho p'ohkui ci hamo isi skuna 'o tensisi mi'usni a'o ho yainca: 24<<poolo, 'ote smoyo! 'ateko ahtuo'te yac'ʉ to tuhcu to honte. a'vinano. i'mi no himngonghi to hamo. isicu asvʉta no 'tohʉngʉsi ho noʉt'ʉci 'e nsou ta mo cono 'apangʉ.>> 25ko'koeno, maahaah'o o'atemu siya no 'tohʉngʉ; os'o taa'uzva 'o hamo o'atesi ahtao'te mia 'o e'esi. 26at'inghi'so. teto mea'usnu to mo conci hpʉhpʉngʉ.>
27ac'ʉhʉ to yofnasi no mimaski uspotʉ, mioc'on'a yonto etʉpʉ ne 'atolia ho meaavovei 'o 'apangʉmia. cu taico feʉngna, ihe ta'unano micu ake'i cum'u to ceoa tomo poʉt'ʉcʉ to 'apangʉ, 28ihecu to'seni to chumu 'o toosvʉta, ho tosvʉti 'o hia mʉ'eona to chumu, mon'a msʉptʉhʉ meeta 'o hiasi mʉ'eona; ake'i emosuhcu ho ivaha tosvʉti. mion'a mtuehu meeta. 29ihe sokoeva no smotokʉ no fatu, cu i'mi to civci to 'apangʉ ho to'seni 'o mo sʉptʉ ci momsʉhcʉ'o, mooteo no moseo'ohngʉ. 30mo mici toekameosʉ ta 'apangʉ 'o lepoʉt'ʉcʉ 'apangʉ, ihe pehtupeoha 'o 'apangʉ no to'usnu, memamais'a te i'mi to fnguu to 'apangʉ ho topeohneni 'o momsʉhcʉ'o. 31mo mi'usnu to ngungkang ho ito heetai 'o poolo ho yainca: <hoci o'te nongaco ta 'apangʉ 'emo maica ci cou, o'ates'a peelʉi to'usni muu.> 32ihecu p'ontʉhi to heetai 'o teesi to oko no 'apangʉ, ho poa meapkaakoa.
33ne tec'u mon'i tiskova, isi eucufna to poolo 'omo botngonʉ ho poa ake'i bonʉ. isi yainca: <ho mimu ma'tipvongʉ, o'te bonʉ o'te mimo, micu aʉlʉ mimaski uspotʉ no hie. 34ko'ko te'o cucufni muu, ake'i bonʉ teeno meelʉ yaa tonʉa, maica 'emimu macicihi ac'ʉhʉ no mehacni ci f'ʉsʉmu o'atemu payo'a.> 35eepʉnga 'e e'esi, mo mayo to pang 'o poolo, yonta tuhcu ta mo botngonʉ ho to'aveoveoyʉ to hamo, cu tipcia ho ana. 36mo acʉhʉ ma'sosohuyu na 'tohʉngʉ, cu acʉhʉ bonʉ. 37i'o mimza noteuyunu to 'apangʉ mo se'icha ho mpʉtvʉhʉ unmʉ#<se'icha ho mpʉtvʉhʉ unmʉ> panto piyo ci tposʉ noana'o isi yainca <se'icha ho mpʉtvʉhʉ uemo>; panto piyo ci h'unasi ci tposʉ noana'o isi yainca <asonʉ mpʉtvʉhʉ unmʉ ci cou>.. 38ne micu acʉhʉ yoseʉ, akoeva no poa e'sop'o 'o 'apangʉ, yaeza ciha to etʉpʉ 'o heome.
meokosʉ 'o 'apangʉ
39cu tiskova, o'aihe honga to lepoʉt'ʉcʉ 'apangʉ 'o hpʉhpʉngʉ to ic'o, at'inghi mo elʉ to conci 'eou, a'vinano yaa efuefu'u to aaskiti, cu esvʉta no 'ahʉya poa smatvopci 'o 'apangʉ. 40ihe aueva p'ontʉhi 'o teesi, to'seni to etʉpʉ 'o momsʉhcʉ'o, psoevoyunga 'o teesi no poʉt'ʉcʉ, e'tʉi eepza 'o peaoftonga to fnguu to 'apangʉ, poa pea'usneni to aaskiti 'o 'apangʉ. 41at'inghi, maica homo smaefo'ʉ to efuefu'u 'o 'apangʉ, cʉnghʉ 'o fnguusi to 'apangʉ, 'anamo meelʉ tmaiezuhu, isi smoftongi to smahu 'o civcisi to 'apangʉ, hocu kuici aon'oi.
42ihe 'ucia pohcʉcʉha to heetai 'o isi poekotva, sokoeva hoci yaa yuefo'ʉ to chumu ho toekameosʉ. 43at'inghi tesi to'usni to ngungkang 'o poolo, potani hoci 'aʉnpʉnpʉ, isicu pashʉi ho poa auyu su'to chumu 'omo meelʉ yuuhnguzu, ho yu'unu to aaskiti; 44i'ocu mocmo mo titho to i'iya ho itomo meaoskopʉ ci ma'e'evi ho yu'unu to aaskiti. maicac'o, micu acʉhʉ tmo'poyapo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014