sitoo 25
25
ec'ʉhʉ to honte ne looma 'o poolo
1miteuhi ho mo yac'ʉ 'o fuisutu, mo i'mine kaisalia ho uhne 'elusalemu. 2'o saisicoo ho i'o so'ehti to couyutaya. ihe mi'usneni ho ehpʉnga 'o poolo, 3m'eya hafa yuovei ta 'elusalemu 'o poolo, tehe akoeva no nofkʉta ne ceonʉ ho 'a'usni. 4nama isi yut'inga to fuisutu ho yainca: <isin'a poekotva ne kaisalia maitan'e 'o poolo, ta'ucu mon'i yuovei ne'e. 5ina masoso'ehtimu. 'atemueno fiho a'o ho uhne'e, hoci pano mo 'oha peihtuhcu to cou ic'o, 'atamueno yone'e ho ehpʉnga.>
6mion'a i'vaho asonʉ mimaski 'o fuisutu, ataveisi micu yuovei ne kaisalia. ne micu mivahi isicu hioa na yʉsvʉtʉ, eutotaveiya ho hafa yʉmeʉmʉ 'o poolo. 7cu esmi 'o poolo, i'omo i'mine 'elusalemu ci couyutaya mo yac'ʉ to aukukuyungusi, boemi to man'i ci kuici ecvʉhʉ ci kuisi ho ehpʉnga 'o poolo, at'inghi uk'a cimo conci ihe tuyafa ci huomza. 8mo iachi eto'usnu 'o poolo, yainca: <uk'a cimo conci nte'o hioa cimo yuszozʉ to hoolicu ta couyutaya, hocieno boevovoyo to seiten, hocieno yutasufku to honte ta looma.>
9at'inghi mo mici noa ʉm'ʉmnʉa to couyutaya 'o fuisutu, cu tuocosi 'o poolo: <nteko mimho hoci'u e'usna ne 'elusalemu, yone'e ho tiou note'o hia yʉsvʉtʉ ta hioa tan'e?>
10yainca to poolo: <maitan'e mami'o yac'ʉ ta hooin to honte; 'aeno tan'e na te'o yoni tiou no yʉsvʉtʉ. osko yaeza iachia cohivi, uk'a ci os'o hioa cinte koakuzo ta couyutaya. 11hoci mi'o yuszozʉ ta hoolicu, panonte'o hioa ci nte koa mcoi ci kuisi, o'ate'o meʉfngʉ no patvovei. i'e ihin'i titha ehpʉngʉ hoci acʉhʉ o'a a'ʉmtʉ, o'ate aha'va peelʉi toveineni hin'i a'o. te'o mi'usnu to honte ho ehpʉngʉ.>
12mo toʉsvʉsvʉtʉ 'o lasi eahahafa to fuisutu, cu yainca: <hoci tekoeno esifou to honte, 'atekoeno uhto honte.>
mi'usnu to honte 'acipa 'o fuisutu ho eʉsvʉsvʉta 'o hi'hioa to poolo
13micu mipiyohi, mo uhne kaisalia 'o honte 'acipa ho i'o peinisu ho yungeova 'o fuisutu. 14aʉlʉ mipiyohi ne'e, 'o fuisutu isi eʉsvʉsvʉta to 'acipa na hi'hioa to poolo, yainca: <panto cihi ci cou tan'e. ohsi teongasi to fuilisu ci isi poekotva. 15ne mo'u auyu uhne 'elusalemu, 'o saisicoo ho i'o macocoolo to yutaya ne'e, ihe ehpʉngneni a'o ho 'ucia poa topci no kuisi. 16o'u mi'usni ho yainca, hoci ieni no h'ofiha ta looma, hoci o'temocu yupa mi'usnu 'omo ehpʉngʉ ho i'o isi ehpʉngneni, auyusi no o'temocu iachi eto'usnu o'ate peelʉi topci no kuisi. 17totea ne micu ianan'ou esmi tan'e, o'a mi'o ake'i mo'ma'na'o, ne micu mivahi osnia hioa 'e yʉsvʉtʉ, pashʉya ho e'eafi 'o poolo ho tuucocosi. 18i'omo ehpʉngʉ mo acʉhʉ yʉc'ʉ ho ehpʉnga 'o poolo, at'inghi 'o ihe ehpʉngneni. o'amo maito os'o ta'to'tohʉngva ci kuisi. 19i'o ihe yupa 'eehcʉvha ma i'o lahe hia m'om'ohkuyu, ho i'omo cihi ci isi yainca iesu ci cou; 'e cou eni micu mcoi, isi yainca to poolo mion'a yaansoua. 20ina 'e hioa eni. a'ʉmtʉ o'a os'o cohivi na te'o ti'a'ausna, os'o tuocosi 'o poolo ho yainca nianteko mimho hoci hafa uhne 'elusalemu, yone'e ho yʉsvʉta. 21at'inghi, mo m'eya yontan'e 'o poolo ho noa yʉsvʉtʉ to honte, ko'koeno os'o pashʉya ho poan'a yonta poo'usna, totea no hafa uhto honte.>
22mo mi'usnu to fuisutu 'o 'acipa ho yainca: <os'o na'na 'ucia iachia talʉi na hiasi eʉsvʉsvʉtʉ.>
isi yainca to fuisutu: <'atekoeno talʉi ho hucma.>
23micu mivahi, 'o 'acipa ho peinisu mo eteop'ʉcʉ to makoko'ia maeeahahafo ho i'omo yaa sapcia ci cou to hosa ho yʉmeʉmʉ; mo matnʉskʉ 'o fuisutu. mo cono mashʉyʉ. cu hafa yʉmeʉmʉ 'o poolo. 24yainca to fuisutu: <honte 'acipa ho i'e mimu yusuhngu tan'e! temu aiti 'e cou eni; 'aeno taini 'o ihe yontan'e ho yone 'elusalemu ho toehunga ehpʉngneni a'o to couyutaya, yainca te yʉsvʉta no mcoi ci cou. 25at'inghi, o'aos'o honga na nteta meamzi cinte koa mcoi ci hi'hioa; a'vinano mita mainca te'o ec'ʉhʉ to ateuyunu honte, os'o esvʉta no pahcʉ'ha. 26at'inghi'so na a'a'ausna ta cou eni, uk'a ci os'o asansana ci hi'hioa ho peelʉi ec'ʉhneni to honte, ko'koeno os'o hafa uhta tuhcumu, afnaso yonta tuhcu ta honte 'acipa, asuhcan'a asansana na a'a'ausnasi. te ko'ko peelʉi ec'ʉhneni to atuhcu honte. 27ta hia'u baito, hoci'so uk'a a'ʉmta asansana ci hi'hioa ho ec'ʉhʉ to honte. o'ate 'aseolʉ.>
ទើបបានជ្រើសរើសហើយ៖
sitoo 25: bsnfe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014
sitoo 25
25
ec'ʉhʉ to honte ne looma 'o poolo
1miteuhi ho mo yac'ʉ 'o fuisutu, mo i'mine kaisalia ho uhne 'elusalemu. 2'o saisicoo ho i'o so'ehti to couyutaya. ihe mi'usneni ho ehpʉnga 'o poolo, 3m'eya hafa yuovei ta 'elusalemu 'o poolo, tehe akoeva no nofkʉta ne ceonʉ ho 'a'usni. 4nama isi yut'inga to fuisutu ho yainca: <isin'a poekotva ne kaisalia maitan'e 'o poolo, ta'ucu mon'i yuovei ne'e. 5ina masoso'ehtimu. 'atemueno fiho a'o ho uhne'e, hoci pano mo 'oha peihtuhcu to cou ic'o, 'atamueno yone'e ho ehpʉnga.>
6mion'a i'vaho asonʉ mimaski 'o fuisutu, ataveisi micu yuovei ne kaisalia. ne micu mivahi isicu hioa na yʉsvʉtʉ, eutotaveiya ho hafa yʉmeʉmʉ 'o poolo. 7cu esmi 'o poolo, i'omo i'mine 'elusalemu ci couyutaya mo yac'ʉ to aukukuyungusi, boemi to man'i ci kuici ecvʉhʉ ci kuisi ho ehpʉnga 'o poolo, at'inghi uk'a cimo conci ihe tuyafa ci huomza. 8mo iachi eto'usnu 'o poolo, yainca: <uk'a cimo conci nte'o hioa cimo yuszozʉ to hoolicu ta couyutaya, hocieno boevovoyo to seiten, hocieno yutasufku to honte ta looma.>
9at'inghi mo mici noa ʉm'ʉmnʉa to couyutaya 'o fuisutu, cu tuocosi 'o poolo: <nteko mimho hoci'u e'usna ne 'elusalemu, yone'e ho tiou note'o hia yʉsvʉtʉ ta hioa tan'e?>
10yainca to poolo: <maitan'e mami'o yac'ʉ ta hooin to honte; 'aeno tan'e na te'o yoni tiou no yʉsvʉtʉ. osko yaeza iachia cohivi, uk'a ci os'o hioa cinte koakuzo ta couyutaya. 11hoci mi'o yuszozʉ ta hoolicu, panonte'o hioa ci nte koa mcoi ci kuisi, o'ate'o meʉfngʉ no patvovei. i'e ihin'i titha ehpʉngʉ hoci acʉhʉ o'a a'ʉmtʉ, o'ate aha'va peelʉi toveineni hin'i a'o. te'o mi'usnu to honte ho ehpʉngʉ.>
12mo toʉsvʉsvʉtʉ 'o lasi eahahafa to fuisutu, cu yainca: <hoci tekoeno esifou to honte, 'atekoeno uhto honte.>
mi'usnu to honte 'acipa 'o fuisutu ho eʉsvʉsvʉta 'o hi'hioa to poolo
13micu mipiyohi, mo uhne kaisalia 'o honte 'acipa ho i'o peinisu ho yungeova 'o fuisutu. 14aʉlʉ mipiyohi ne'e, 'o fuisutu isi eʉsvʉsvʉta to 'acipa na hi'hioa to poolo, yainca: <panto cihi ci cou tan'e. ohsi teongasi to fuilisu ci isi poekotva. 15ne mo'u auyu uhne 'elusalemu, 'o saisicoo ho i'o macocoolo to yutaya ne'e, ihe ehpʉngneni a'o ho 'ucia poa topci no kuisi. 16o'u mi'usni ho yainca, hoci ieni no h'ofiha ta looma, hoci o'temocu yupa mi'usnu 'omo ehpʉngʉ ho i'o isi ehpʉngneni, auyusi no o'temocu iachi eto'usnu o'ate peelʉi topci no kuisi. 17totea ne micu ianan'ou esmi tan'e, o'a mi'o ake'i mo'ma'na'o, ne micu mivahi osnia hioa 'e yʉsvʉtʉ, pashʉya ho e'eafi 'o poolo ho tuucocosi. 18i'omo ehpʉngʉ mo acʉhʉ yʉc'ʉ ho ehpʉnga 'o poolo, at'inghi 'o ihe ehpʉngneni. o'amo maito os'o ta'to'tohʉngva ci kuisi. 19i'o ihe yupa 'eehcʉvha ma i'o lahe hia m'om'ohkuyu, ho i'omo cihi ci isi yainca iesu ci cou; 'e cou eni micu mcoi, isi yainca to poolo mion'a yaansoua. 20ina 'e hioa eni. a'ʉmtʉ o'a os'o cohivi na te'o ti'a'ausna, os'o tuocosi 'o poolo ho yainca nianteko mimho hoci hafa uhne 'elusalemu, yone'e ho yʉsvʉta. 21at'inghi, mo m'eya yontan'e 'o poolo ho noa yʉsvʉtʉ to honte, ko'koeno os'o pashʉya ho poan'a yonta poo'usna, totea no hafa uhto honte.>
22mo mi'usnu to fuisutu 'o 'acipa ho yainca: <os'o na'na 'ucia iachia talʉi na hiasi eʉsvʉsvʉtʉ.>
isi yainca to fuisutu: <'atekoeno talʉi ho hucma.>
23micu mivahi, 'o 'acipa ho peinisu mo eteop'ʉcʉ to makoko'ia maeeahahafo ho i'omo yaa sapcia ci cou to hosa ho yʉmeʉmʉ; mo matnʉskʉ 'o fuisutu. mo cono mashʉyʉ. cu hafa yʉmeʉmʉ 'o poolo. 24yainca to fuisutu: <honte 'acipa ho i'e mimu yusuhngu tan'e! temu aiti 'e cou eni; 'aeno taini 'o ihe yontan'e ho yone 'elusalemu ho toehunga ehpʉngneni a'o to couyutaya, yainca te yʉsvʉta no mcoi ci cou. 25at'inghi, o'aos'o honga na nteta meamzi cinte koa mcoi ci hi'hioa; a'vinano mita mainca te'o ec'ʉhʉ to ateuyunu honte, os'o esvʉta no pahcʉ'ha. 26at'inghi'so na a'a'ausna ta cou eni, uk'a ci os'o asansana ci hi'hioa ho peelʉi ec'ʉhneni to honte, ko'koeno os'o hafa uhta tuhcumu, afnaso yonta tuhcu ta honte 'acipa, asuhcan'a asansana na a'a'ausnasi. te ko'ko peelʉi ec'ʉhneni to atuhcu honte. 27ta hia'u baito, hoci'so uk'a a'ʉmta asansana ci hi'hioa ho ec'ʉhʉ to honte. o'ate 'aseolʉ.>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014