sitoo 22
22
1yainca to poolo: <maameoi maanat'ohaesa, temun'a talʉi ho te'o ehcʉvheni 'e iachi.> 2ihe talʉi 'o poolo homo buahevulu ho aomotʉ'ʉ, mo h'unano amiocni. mo e'cʉ'cʉnʉ 'o poolo:
3<zou couyutaya a'o, yayo to taasu ne cilicia, mi'o yusasmoyʉskʉ ta 'elusalemu, noskufu to kamale ho noa po'pa'cohivi, mo'u tiou to ayʉyʉcʉ ci hia ma'cohio to hoolicu to nia mamameoi, asno'zonʉ fifiho to hamo, totiski ta mimu yontan'e ci maanat'ohaesa maitan'e. 4mo'ula maezo akuzkuzo ta mo mee'ofeihni ta ceonʉ tan'e ci cou, po'usna no mcoi. o'u yuseiseita 'omo tmaa'uzo ci haahocngʉ ho maamespingi, poekotva to poo'usna. 5'o taisaisi ho i'o acʉcʉhʉ ci yane ngikai tehe peelʉi soomei 'e e'e'u ho mio a'ʉmtʉ maica, mo'u i'mi to emucuhe ho mayo to tengami ho faeni to mo yone tamasuko ci couyutaya, mi'ocu ko'ko meelʉ uhne'e ho tʉtpʉta 'emo tmaa'uzo ci cou, seo'eisi ho hafa yuovei ta 'elusalemu.>
etotoyangza to poolo na hiasi tma'usnu to nooe'oca
(sitoo 9:1-19; 26:12-18)
6<ne te'ocu mon'i sʉc'ʉhʉ ne tamasuko, asonʉ a'usnu no cohzona, mo akameosʉ i'mi ne pepe 'o mo taso ci tiskova ho psoetikovi 'e aukukuyungu'u. 7mi'o oefʉ'ʉ ta ceoa, talʉi 'o fihngau cimo mainca: <<saulo, saulo! mainci akuzkuzoa a'o?>> 8os'o tuocosi: <<nooe'oca, zou siya suu?>> isi yainca: <<'ai'o oskoeno akuzkuzoa ci counazalo iesu.>> 9i'o mo fiho a'o ci cou ihe aiti 'o tiskova ic'o, at'inghi o'a ihe talʉi 'o mo mi'usnu a'o ho aomotʉ'ʉ ci fihngau. 10os'o i'vaha tuocosi: <<nooe'oca, cuma na nte'o hioa?>> isi mi'usni a'o ho yainca: <<yʉc'ʉ, yʉmeʉmʉ ta hosa ta tamasuko. to ic'o, pantote eʉsvʉtʉ suu no tesi poa hioaneni to hamo.>> 11i'mi tomo angu taso ci tiskova, o'ana mi'o bohngʉ, i'omo fiho a'o ci cou ihecuc'o tiemuca eyakaka a'o, ho yʉmeʉmʉ to tamasuko.
12<to ic'o panto mo cihi ci cou zou 'anania 'o ongkosi. la asonghoi ma'einu ci cou, noyʉyʉcʉ to hoolicu, lahe a'ʉmta toehunga einva to couyutaya ne tamasuko. 13isi usa ho aiti a'o, bichipi a'o ho yainca: <<ohaeva ci saulo, tekocu i'vaho teolʉ!>> ne mio, mi'ocu yuovei teosansano, os'ocu yaeza teolʉi 'o 'anania. 14isi yainca: <<ina hamo to nia maameoito isi cu epeiya suu, isi poa cohivneni na 'tohʉngʉsi, peela teolʉi na moulʉlʉ ci soskuskunusi, yaeza talʉi namo yuyafo to ngayosi ci e'e. 15maica teko 'akasineni 'o hamo, eʉsvʉta ta yatatiskova 'e osko afu'a talʉi ho aiti. 16cuma na tekon'a 'aoka mi'povi? yʉc'ʉ, eyoho'ʉ to ongkosi, tiou no toonono, te ko'ko toonvi na kuisisu!>> >
tiou no uhto couyafana ho psoyaski to fukuin 'o poolo
17<atavei, mi'o yuovei ta 'elusalemu; ne mi'o yonto seiten ho 'inoli mi'o tiou to conci mavolosi, 18to mavolosi os'o teolʉi 'o nooe'oca. isi mi'usni a'o ho yainca: <<aupcio mongoi ta 'elusalemu, maica 'e yatan'e o'a ihe tiova ho osko 'akasineni a'o.>> 19os'o yainca: <<nooe'oca, ihe acʉha cohivi ho mo'ula uhto makakaitoo, ho tʉtpʉta ho ti'usna 'o mo tmaa'uzo suu ci cou. 20ne ohe opcoza 'o moso la 'akasi suu ci sutepana 'amo'ueno maezo yonto ic'o, kaebeni 'o hiahe tikuzkuzoa, a'vinano nohciei 'o yʉsʉ to moso opcoi ci cou.>> 21isi mi'usni to nooe'oca a'o ho yainca: <<e'ohʉ! te'o skuna suu ho uhto mo covhi, uhto couyafana.>> >
22ihe talʉi 'o poolo ho mo e'usnu maita'e; ne ihe talʉi 'e e'e eni cu tmunoi ho moozoyʉ: <opcoza! aapayo'a! 'anteta anana'o mcoi!> 23mo ya'ei ho eehocneni 'o yʉsʉhe, iachi tomfu. 24'o eahafo to heetai to looma isi pashʉya ho e'ayumoni to 'oyona heetai 'o poolo, eutotaveiya 'o heetai ti'usna ho tuucocosi, 'ucia cohivi na koa mainci zozoya ta mo botngonʉ ci cou. 25ne ihe seolʉa no seo'eisi ho ti'usna, isi mi'usni to poolo 'omo yac'ʉ ci ngungkang ho yainca: <mi'usnu ta cihi ci coulooma, ho o'te maka yʉsvʉta na kuisisi. hocu yaica ti'usna mio nana 'aseolʉ no hoolicu?>
26ne isicu talʉi to ngungkang 'e e'e eni cu uhto eahafo ho yainca: <teko akoeva no ti'vo'vona? zou nana coulooma na ic'o!>
27isicu usa to eahafo 'o poolo, tuocosi: <eʉsvʉta a'o, zou coulooma suu?>
yut'ingi 'o poolo: <'a zou.>
28yainca to eahafo: <mo'ula titho to man'i ci yupasʉ, mi'ocu petohʉyʉ mayo no ongko no coulooma.>
yainca to poolo: <ma mi'o asonghoi yaa ongko no coulooma.>
29micu osni boesase'u 'ontoho tuucocosʉ to poolo. maezo yaʉm'ʉm'i 'o ngungkang; maica. ihecu cohivi 'o poolo homo yaa ongko no coulooma, a'vinano oheso seo'eisi.
yonto ngikai 'o poolo ho ehpʉngʉ
30'o eahafo isi 'ucia asansana na i'hahozʉsi ho ihe ehpʉngneni to couyutaya 'o poolo, ko'koeno ne micu hucma, isi yunga 'o ekʉka to poolo. eteuyuna 'o saisicoo ho i'o mangingi'in to ngikai ho poa noteuyunu, isicu e'eafi 'o poolo ho poa yac'ʉ to tuhcuhe.
ទើបបានជ្រើសរើសហើយ៖
sitoo 22: bsnfe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014
sitoo 22
22
1yainca to poolo: <maameoi maanat'ohaesa, temun'a talʉi ho te'o ehcʉvheni 'e iachi.> 2ihe talʉi 'o poolo homo buahevulu ho aomotʉ'ʉ, mo h'unano amiocni. mo e'cʉ'cʉnʉ 'o poolo:
3<zou couyutaya a'o, yayo to taasu ne cilicia, mi'o yusasmoyʉskʉ ta 'elusalemu, noskufu to kamale ho noa po'pa'cohivi, mo'u tiou to ayʉyʉcʉ ci hia ma'cohio to hoolicu to nia mamameoi, asno'zonʉ fifiho to hamo, totiski ta mimu yontan'e ci maanat'ohaesa maitan'e. 4mo'ula maezo akuzkuzo ta mo mee'ofeihni ta ceonʉ tan'e ci cou, po'usna no mcoi. o'u yuseiseita 'omo tmaa'uzo ci haahocngʉ ho maamespingi, poekotva to poo'usna. 5'o taisaisi ho i'o acʉcʉhʉ ci yane ngikai tehe peelʉi soomei 'e e'e'u ho mio a'ʉmtʉ maica, mo'u i'mi to emucuhe ho mayo to tengami ho faeni to mo yone tamasuko ci couyutaya, mi'ocu ko'ko meelʉ uhne'e ho tʉtpʉta 'emo tmaa'uzo ci cou, seo'eisi ho hafa yuovei ta 'elusalemu.>
etotoyangza to poolo na hiasi tma'usnu to nooe'oca
(sitoo 9:1-19; 26:12-18)
6<ne te'ocu mon'i sʉc'ʉhʉ ne tamasuko, asonʉ a'usnu no cohzona, mo akameosʉ i'mi ne pepe 'o mo taso ci tiskova ho psoetikovi 'e aukukuyungu'u. 7mi'o oefʉ'ʉ ta ceoa, talʉi 'o fihngau cimo mainca: <<saulo, saulo! mainci akuzkuzoa a'o?>> 8os'o tuocosi: <<nooe'oca, zou siya suu?>> isi yainca: <<'ai'o oskoeno akuzkuzoa ci counazalo iesu.>> 9i'o mo fiho a'o ci cou ihe aiti 'o tiskova ic'o, at'inghi o'a ihe talʉi 'o mo mi'usnu a'o ho aomotʉ'ʉ ci fihngau. 10os'o i'vaha tuocosi: <<nooe'oca, cuma na nte'o hioa?>> isi mi'usni a'o ho yainca: <<yʉc'ʉ, yʉmeʉmʉ ta hosa ta tamasuko. to ic'o, pantote eʉsvʉtʉ suu no tesi poa hioaneni to hamo.>> 11i'mi tomo angu taso ci tiskova, o'ana mi'o bohngʉ, i'omo fiho a'o ci cou ihecuc'o tiemuca eyakaka a'o, ho yʉmeʉmʉ to tamasuko.
12<to ic'o panto mo cihi ci cou zou 'anania 'o ongkosi. la asonghoi ma'einu ci cou, noyʉyʉcʉ to hoolicu, lahe a'ʉmta toehunga einva to couyutaya ne tamasuko. 13isi usa ho aiti a'o, bichipi a'o ho yainca: <<ohaeva ci saulo, tekocu i'vaho teolʉ!>> ne mio, mi'ocu yuovei teosansano, os'ocu yaeza teolʉi 'o 'anania. 14isi yainca: <<ina hamo to nia maameoito isi cu epeiya suu, isi poa cohivneni na 'tohʉngʉsi, peela teolʉi na moulʉlʉ ci soskuskunusi, yaeza talʉi namo yuyafo to ngayosi ci e'e. 15maica teko 'akasineni 'o hamo, eʉsvʉta ta yatatiskova 'e osko afu'a talʉi ho aiti. 16cuma na tekon'a 'aoka mi'povi? yʉc'ʉ, eyoho'ʉ to ongkosi, tiou no toonono, te ko'ko toonvi na kuisisu!>> >
tiou no uhto couyafana ho psoyaski to fukuin 'o poolo
17<atavei, mi'o yuovei ta 'elusalemu; ne mi'o yonto seiten ho 'inoli mi'o tiou to conci mavolosi, 18to mavolosi os'o teolʉi 'o nooe'oca. isi mi'usni a'o ho yainca: <<aupcio mongoi ta 'elusalemu, maica 'e yatan'e o'a ihe tiova ho osko 'akasineni a'o.>> 19os'o yainca: <<nooe'oca, ihe acʉha cohivi ho mo'ula uhto makakaitoo, ho tʉtpʉta ho ti'usna 'o mo tmaa'uzo suu ci cou. 20ne ohe opcoza 'o moso la 'akasi suu ci sutepana 'amo'ueno maezo yonto ic'o, kaebeni 'o hiahe tikuzkuzoa, a'vinano nohciei 'o yʉsʉ to moso opcoi ci cou.>> 21isi mi'usni to nooe'oca a'o ho yainca: <<e'ohʉ! te'o skuna suu ho uhto mo covhi, uhto couyafana.>> >
22ihe talʉi 'o poolo ho mo e'usnu maita'e; ne ihe talʉi 'e e'e eni cu tmunoi ho moozoyʉ: <opcoza! aapayo'a! 'anteta anana'o mcoi!> 23mo ya'ei ho eehocneni 'o yʉsʉhe, iachi tomfu. 24'o eahafo to heetai to looma isi pashʉya ho e'ayumoni to 'oyona heetai 'o poolo, eutotaveiya 'o heetai ti'usna ho tuucocosi, 'ucia cohivi na koa mainci zozoya ta mo botngonʉ ci cou. 25ne ihe seolʉa no seo'eisi ho ti'usna, isi mi'usni to poolo 'omo yac'ʉ ci ngungkang ho yainca: <mi'usnu ta cihi ci coulooma, ho o'te maka yʉsvʉta na kuisisi. hocu yaica ti'usna mio nana 'aseolʉ no hoolicu?>
26ne isicu talʉi to ngungkang 'e e'e eni cu uhto eahafo ho yainca: <teko akoeva no ti'vo'vona? zou nana coulooma na ic'o!>
27isicu usa to eahafo 'o poolo, tuocosi: <eʉsvʉta a'o, zou coulooma suu?>
yut'ingi 'o poolo: <'a zou.>
28yainca to eahafo: <mo'ula titho to man'i ci yupasʉ, mi'ocu petohʉyʉ mayo no ongko no coulooma.>
yainca to poolo: <ma mi'o asonghoi yaa ongko no coulooma.>
29micu osni boesase'u 'ontoho tuucocosʉ to poolo. maezo yaʉm'ʉm'i 'o ngungkang; maica. ihecu cohivi 'o poolo homo yaa ongko no coulooma, a'vinano oheso seo'eisi.
yonto ngikai 'o poolo ho ehpʉngʉ
30'o eahafo isi 'ucia asansana na i'hahozʉsi ho ihe ehpʉngneni to couyutaya 'o poolo, ko'koeno ne micu hucma, isi yunga 'o ekʉka to poolo. eteuyuna 'o saisicoo ho i'o mangingi'in to ngikai ho poa noteuyunu, isicu e'eafi 'o poolo ho poa yac'ʉ to tuhcuhe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014