sitoo 10
10
psoecʉ'hi to fukuin to petelo 'o koniliu
1pantomo cihi ci cou ne kaisalia, zou koniliu 'o ongkosi, zou ngungkang to heetai to looma ne 'italia. 2zou cihi cila ma'po'ʉ'ʉmtʉ ci cou; 'o conosi emoo la acʉhʉ m'ohkuyu to hamo, la asngʉcʉ to'usnu tola thi'cia ci couyutaya, a'vinano asno'zonʉ mi'usnu to hamo ho 'inoli. 3i'nʉskʉ ataveisi no cohzona no conohie, mia'usnu no ma'hituyu 'o huomzahie, mo baito to conci mavolosi; to mavolosi isi husansana aiti 'o cihi ci soskuskunu to hamo mo yʉmeʉmʉ, eyoho'a: <koniliu!>
4mo teochʉmʉ to tensi, kuici yamci, cu yainca: <nooe'oca, cuma na teko hioa?>
yainca to tensi: <isicu talʉi to hamo 'o 'inolisu, yaeza aiti 'o lako hia to'to'usnu cimo ʉmnʉ ci hi'hioa. 5homo maica teko popeosmuhnu no cou ho uhne yoopa, eho'a 'ola yainca saimong petelo ci cou ho poa uhtan'e. 6mo no'upu to emoo tola lesifkou feo'u ci saimong; 'o emoo to saimong mo noaskiti to etʉpʉ.> 7ne micu mongoi 'o mo mi'usnu ho ya'ei ci tensi, isi eyoho'a to koniliu 'omo yuso ci soskuskunu ho i'ola maezo ma'po'ʉ'ʉmtʉ to hamo ci heetaisi, 8eʉsvʉta 'o isi aiti ci a'a'ausna, isicu skuna ho poa uhne yoopa.
9micu hucma, mo tokokoyu tec'u cum'u ne yoopa. asonʉ mia'usnu no cohzona, mo uhto sofʉ 'o petelo ho 'inoli. 10cu sieo, ho mici bonʉ. ne mon'a seolʉa no ayocʉ note oahtua 'o conoemoo to ic'o, mo teolʉ to mo conci mavolosi 'o petelo. 11aiti mo maavo 'e engʉca, panto conci macucuma cimo tma'pueho, mais'a cono faf'ohʉ ci yʉteʉ, 'o sʉptʉ ci pengpingna to yʉteʉ isi seo'eisi ho pehtu'usna ta ceoa, 12to 'ayumonasi panto mayuyuansou ho mazozomʉ ta ceoa, panto maezo mayoyoi. 13mo yaa fihngau isi mi'usni ho yainca: <petelo, yʉc'ʉ, chua ho ana!>
14at'inghi isi yainca to petelo: <nooe'oca, o'ates'a ahtu ʉmnʉ! o'amocu mo'u la ahtu bonʉ tamo ca'i ho 'oha cofkoya ci macucuma.>
15'o fihngau isi i'vaha yainca: <i'o isi yainca to hamo mo cofkoya. o'ateko ta'una no mo ca'i.> 16maicac'o acngucnguhu i'toteuhu, cu tasvoveiya ne pepe 'o macucuma ic'o.
17mon'a seolʉa no ma'pepecvai 'o petelo, o'aisi cohivi zou cuma na e'a'ausnasi ta isi aiti ci mavolosi; ne mio, i'o isi skuna to koniliu ci cou micu ec'ʉhʉ to emoo to saimong, yac'ʉ to yafana to phingi, 18tmunoi tuocosʉ: <panola yainca saimong petelo cimo yontan'e?>
19ne isin'a 'aoka ta'to'tohʉngva to petelo na e'a'ausna ta isi aiti ci mavolosi, isi mi'usni to seilei ho yainca: <panto mo biebimi suu cimo tuyu ci cou#<tuyu ci cou> panto tposʉ noana'o isi yainca <mo yoso ci cou>; panto piyo ci h'unasi ci tposʉ noana'o isi yainca <'enepio ci cou>.! 20teko yʉc'ʉ. ohpueho ho fiho tamo biebimi. 'ote ma'pepecvai. maica 'aeno a'o 'omo popeosmuhnu ho poa uhtan'e.> 21micu ohpueho 'o petelo, mi'usnu to mo biebimi ci cou ho yainca: <'aeno a'o 'o imu i'ima ci cou. cuma na temus'a hioa ho mimu esmi tan'e?>
22ihe yut'inga: <'ai'o koniliu ci taicinimia 'omo popeosmuhnu a'mi ho poa uhtan'e, la a'ʉmtʉ asno'zonʉ m'ohkuyu to hamo ci coumoʉlʉlʉ, lahe toehunga einva to couyutaya. panto mo cihi ci tensi isi pas'ofeihna, i'ima suu ho poa uhto emoosi, ko'ko tiou no mo'ma'cohiosu.> 23isicu e'ayumona to petelo 'emo biebimi, aʉt'ʉca ho poa miskia.
cu hucma, cu smouyu'ho 'o petelo ho to'ofeihni; 'omo i'mi ne yoopa ci mo piyo ci sinto mo maezo fiho. 24micu mivahi, cu esmi ne kaisalia. ma ohsicu acʉha eho'a to koniliu 'o ma'o'oahngʉsi ho i'o maananghiasi ho poa mooteo to emoosi. 25moc'on'a boheʉemʉemʉ 'o petelo, mo yungeou 'o koniliu, m'ocnguyu to tuhcu to t'angosi ho m'ohkuyu. 26isi aupcieva ec'ʉvi to petelo, yainca: <yʉc'ʉ, zou maezo cou a'o.> 27isi yupeahngʉneni to petelo 'o koniliu, ho yʉmeʉmʉ to emoo. isi aiti 'o 'ayumona mo botngonʉ ci cou 'omo yu'eteuyunu, 28cu mi'usni ho yainca: <mimu acʉhʉ bochio, ieni to lamza h'ofifiha, 'e couyutaya o'a te meelʉ yupa 'u'uso 'o couh'unasi; at'inghi isi cu pas'ofeihna to hamo a'o, 'e afu'u yatatiskova teav'as'a ta'unano isi nokʉ'a ho o'te cofkoya. 29ko'koeno, ho mimu smuhnu ho eho'a a'o, o'ami'o bʉʉpsʉpsʉ hocu mimho uhtan'e. te'ocu tuocosi, ho imu eho'a a'o cuma co temu atuhca hioa?>
30yainca to koniliu: <auyusi ne mispoti, mo asonʉ ma'hituyu 'o huomza hie no ataveisi no cohzona, mi'o yonta emoo ho 'inoli. akameosʉ panto mo sʉ'eʉsʉ tomo tofsi'i 'o yʉsʉsi ci cou. mo yac'ʉ ta tuhcu'u, 31yainca: <<koniliu! isi talʉi to hamo 'o 'inolisu, yaeza talʉa 'o lako hioa cimo ʉmnʉ ci hi'hioa. 32teko popeosmuhnu no cou ho poa uhne yoopa, eho'a 'ola yainca saimong petelo ci cou ho poa uhtan'e. mo yonto emoo tola lesifkou feo'u ci saimong; 'o emoo to saimong mo yonto aaskiti to etʉpʉ.>> 33ko'koeno, mi'o osni smuhnu ho eho'a suu; ho miko mimho esmi, a'ʉmtʉs'a so'ʉmnʉa. maitan'e mito acʉhʉ yonta tuhcu to hamo, temia tmalʉ no ohsila eutotaveineni suu ci e'e to nooe'oca.>
aomotʉ'ʉ 'o petelo
34isi ahoza yainca to petelo: <os'ocu asansana cohivi maitan'e, lasi huhmʉhmʉska to hamo 'e afu'u cou. 35inamo afu'u m'ohkuyu, popeislʉlʉ ci cou, 'upena na suezopʉ no nenu, lasi acʉha ʉmnʉa. 36imu cohivi, 'o isi ieni to nooe'oca ta yatatiskova ci iesu kilisto ho psoecʉ'ha to cou'isolaelu ci e'e zou suseomʉ ci fukuin. 37ahoi ne ohsicu la epeaska to yohane 'o fukuin no toonono, i'o moso ahoi ne ngalilaya ho psoengaboa ta yutaya ci meoino hioa imucu acʉha cohivi. 38imu yaeza cohivi 'o counazalo ci iesu; 'o hamo mo mainenu na hiasi ieni to seilei ho ito meoino tonʉ ho hoyuha to feangosi, poa smaingabo ta mauhpʉhpʉngʉ, peihcocoyʉ to ʉmnʉ ci hi'hioa, aotothoma 'o isi atʉkca no 'akuma ci cou. 'amoeno maica ho isi no'upi to hamo. 39'aeno a'mi 'e mimza 'akasi ta ohsila hi'hioa ne moso yone 'elusalemu ho ito mocmo ci hpʉhpʉngʉ to couyutaya. ihe spica to zuuzika 'o iesu. 40at'inghi. ne micu miteuhi, isi poa smoevovei to hamo, a'vinano aopa'to ta cou; 41o'amos'a aopa'to tamo botngonʉ, moc'o aopa'to a'mi ci isi epeiya to hamo ho poa 'akasi ci cou. to ataveisi ne mohcu i'mi to mcoi ho smoevovei, omzan'a toehungneni eabobonʉ. 42isi pashʉya a'mi ho epeaska ta yatatiskova 'e fukuin, soomei ho zou isi p'eyac'a to hamo, poa yʉsvʉtʉ tamo yaansou ho mcoi ci cou. 43acʉcʉhʉ 'o eyongensa ihe yaeza 'akasineni; mo acʉhʉ mainca, namo afu'u tmaa'uzo, te peelʉi ieni to ongkosi ho peteongasa na kuisisi.>
tiou to seilei 'o couyafana
44ne mon'a seolʉano eʉsvʉsvʉtʉ 'o petelo, isi acʉha ohpuehi to seilei 'o feango tomo afu'u tiou to e'e ci cou. 45i'o mo i'mi ne yoopa ho to'ofeihni to petelo ci sinto to yutaya, aiti ho isi yaeza fii no mengumi to seilei to hamo 'e couyafana, acʉhʉ na'no yamci; 46maica ho ihe talʉi 'emo maica ci cou mo epiepiya, a'vinano tohmomoengʉ ho emamau'no'na'o to hamo. isicu yainca to petelo: 47<'emo maica ci cou micu tiou to seilei, ho totiski a'to, siya nate meelʉ motano hin'i hoci tiou no toonono no chumu?> 48i'mi tan'e, isicu eucucufni to petelo ho boemi to ongko to iesu kilisto ho tiou to toonono. mion'a m'eya poa mipiyohi no'upu 'o petelo.
ទើបបានជ្រើសរើសហើយ៖
sitoo 10: bsnfe
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014
sitoo 10
10
psoecʉ'hi to fukuin to petelo 'o koniliu
1pantomo cihi ci cou ne kaisalia, zou koniliu 'o ongkosi, zou ngungkang to heetai to looma ne 'italia. 2zou cihi cila ma'po'ʉ'ʉmtʉ ci cou; 'o conosi emoo la acʉhʉ m'ohkuyu to hamo, la asngʉcʉ to'usnu tola thi'cia ci couyutaya, a'vinano asno'zonʉ mi'usnu to hamo ho 'inoli. 3i'nʉskʉ ataveisi no cohzona no conohie, mia'usnu no ma'hituyu 'o huomzahie, mo baito to conci mavolosi; to mavolosi isi husansana aiti 'o cihi ci soskuskunu to hamo mo yʉmeʉmʉ, eyoho'a: <koniliu!>
4mo teochʉmʉ to tensi, kuici yamci, cu yainca: <nooe'oca, cuma na teko hioa?>
yainca to tensi: <isicu talʉi to hamo 'o 'inolisu, yaeza aiti 'o lako hia to'to'usnu cimo ʉmnʉ ci hi'hioa. 5homo maica teko popeosmuhnu no cou ho uhne yoopa, eho'a 'ola yainca saimong petelo ci cou ho poa uhtan'e. 6mo no'upu to emoo tola lesifkou feo'u ci saimong; 'o emoo to saimong mo noaskiti to etʉpʉ.> 7ne micu mongoi 'o mo mi'usnu ho ya'ei ci tensi, isi eyoho'a to koniliu 'omo yuso ci soskuskunu ho i'ola maezo ma'po'ʉ'ʉmtʉ to hamo ci heetaisi, 8eʉsvʉta 'o isi aiti ci a'a'ausna, isicu skuna ho poa uhne yoopa.
9micu hucma, mo tokokoyu tec'u cum'u ne yoopa. asonʉ mia'usnu no cohzona, mo uhto sofʉ 'o petelo ho 'inoli. 10cu sieo, ho mici bonʉ. ne mon'a seolʉa no ayocʉ note oahtua 'o conoemoo to ic'o, mo teolʉ to mo conci mavolosi 'o petelo. 11aiti mo maavo 'e engʉca, panto conci macucuma cimo tma'pueho, mais'a cono faf'ohʉ ci yʉteʉ, 'o sʉptʉ ci pengpingna to yʉteʉ isi seo'eisi ho pehtu'usna ta ceoa, 12to 'ayumonasi panto mayuyuansou ho mazozomʉ ta ceoa, panto maezo mayoyoi. 13mo yaa fihngau isi mi'usni ho yainca: <petelo, yʉc'ʉ, chua ho ana!>
14at'inghi isi yainca to petelo: <nooe'oca, o'ates'a ahtu ʉmnʉ! o'amocu mo'u la ahtu bonʉ tamo ca'i ho 'oha cofkoya ci macucuma.>
15'o fihngau isi i'vaha yainca: <i'o isi yainca to hamo mo cofkoya. o'ateko ta'una no mo ca'i.> 16maicac'o acngucnguhu i'toteuhu, cu tasvoveiya ne pepe 'o macucuma ic'o.
17mon'a seolʉa no ma'pepecvai 'o petelo, o'aisi cohivi zou cuma na e'a'ausnasi ta isi aiti ci mavolosi; ne mio, i'o isi skuna to koniliu ci cou micu ec'ʉhʉ to emoo to saimong, yac'ʉ to yafana to phingi, 18tmunoi tuocosʉ: <panola yainca saimong petelo cimo yontan'e?>
19ne isin'a 'aoka ta'to'tohʉngva to petelo na e'a'ausna ta isi aiti ci mavolosi, isi mi'usni to seilei ho yainca: <panto mo biebimi suu cimo tuyu ci cou#<tuyu ci cou> panto tposʉ noana'o isi yainca <mo yoso ci cou>; panto piyo ci h'unasi ci tposʉ noana'o isi yainca <'enepio ci cou>.! 20teko yʉc'ʉ. ohpueho ho fiho tamo biebimi. 'ote ma'pepecvai. maica 'aeno a'o 'omo popeosmuhnu ho poa uhtan'e.> 21micu ohpueho 'o petelo, mi'usnu to mo biebimi ci cou ho yainca: <'aeno a'o 'o imu i'ima ci cou. cuma na temus'a hioa ho mimu esmi tan'e?>
22ihe yut'inga: <'ai'o koniliu ci taicinimia 'omo popeosmuhnu a'mi ho poa uhtan'e, la a'ʉmtʉ asno'zonʉ m'ohkuyu to hamo ci coumoʉlʉlʉ, lahe toehunga einva to couyutaya. panto mo cihi ci tensi isi pas'ofeihna, i'ima suu ho poa uhto emoosi, ko'ko tiou no mo'ma'cohiosu.> 23isicu e'ayumona to petelo 'emo biebimi, aʉt'ʉca ho poa miskia.
cu hucma, cu smouyu'ho 'o petelo ho to'ofeihni; 'omo i'mi ne yoopa ci mo piyo ci sinto mo maezo fiho. 24micu mivahi, cu esmi ne kaisalia. ma ohsicu acʉha eho'a to koniliu 'o ma'o'oahngʉsi ho i'o maananghiasi ho poa mooteo to emoosi. 25moc'on'a boheʉemʉemʉ 'o petelo, mo yungeou 'o koniliu, m'ocnguyu to tuhcu to t'angosi ho m'ohkuyu. 26isi aupcieva ec'ʉvi to petelo, yainca: <yʉc'ʉ, zou maezo cou a'o.> 27isi yupeahngʉneni to petelo 'o koniliu, ho yʉmeʉmʉ to emoo. isi aiti 'o 'ayumona mo botngonʉ ci cou 'omo yu'eteuyunu, 28cu mi'usni ho yainca: <mimu acʉhʉ bochio, ieni to lamza h'ofifiha, 'e couyutaya o'a te meelʉ yupa 'u'uso 'o couh'unasi; at'inghi isi cu pas'ofeihna to hamo a'o, 'e afu'u yatatiskova teav'as'a ta'unano isi nokʉ'a ho o'te cofkoya. 29ko'koeno, ho mimu smuhnu ho eho'a a'o, o'ami'o bʉʉpsʉpsʉ hocu mimho uhtan'e. te'ocu tuocosi, ho imu eho'a a'o cuma co temu atuhca hioa?>
30yainca to koniliu: <auyusi ne mispoti, mo asonʉ ma'hituyu 'o huomza hie no ataveisi no cohzona, mi'o yonta emoo ho 'inoli. akameosʉ panto mo sʉ'eʉsʉ tomo tofsi'i 'o yʉsʉsi ci cou. mo yac'ʉ ta tuhcu'u, 31yainca: <<koniliu! isi talʉi to hamo 'o 'inolisu, yaeza talʉa 'o lako hioa cimo ʉmnʉ ci hi'hioa. 32teko popeosmuhnu no cou ho poa uhne yoopa, eho'a 'ola yainca saimong petelo ci cou ho poa uhtan'e. mo yonto emoo tola lesifkou feo'u ci saimong; 'o emoo to saimong mo yonto aaskiti to etʉpʉ.>> 33ko'koeno, mi'o osni smuhnu ho eho'a suu; ho miko mimho esmi, a'ʉmtʉs'a so'ʉmnʉa. maitan'e mito acʉhʉ yonta tuhcu to hamo, temia tmalʉ no ohsila eutotaveineni suu ci e'e to nooe'oca.>
aomotʉ'ʉ 'o petelo
34isi ahoza yainca to petelo: <os'ocu asansana cohivi maitan'e, lasi huhmʉhmʉska to hamo 'e afu'u cou. 35inamo afu'u m'ohkuyu, popeislʉlʉ ci cou, 'upena na suezopʉ no nenu, lasi acʉha ʉmnʉa. 36imu cohivi, 'o isi ieni to nooe'oca ta yatatiskova ci iesu kilisto ho psoecʉ'ha to cou'isolaelu ci e'e zou suseomʉ ci fukuin. 37ahoi ne ohsicu la epeaska to yohane 'o fukuin no toonono, i'o moso ahoi ne ngalilaya ho psoengaboa ta yutaya ci meoino hioa imucu acʉha cohivi. 38imu yaeza cohivi 'o counazalo ci iesu; 'o hamo mo mainenu na hiasi ieni to seilei ho ito meoino tonʉ ho hoyuha to feangosi, poa smaingabo ta mauhpʉhpʉngʉ, peihcocoyʉ to ʉmnʉ ci hi'hioa, aotothoma 'o isi atʉkca no 'akuma ci cou. 'amoeno maica ho isi no'upi to hamo. 39'aeno a'mi 'e mimza 'akasi ta ohsila hi'hioa ne moso yone 'elusalemu ho ito mocmo ci hpʉhpʉngʉ to couyutaya. ihe spica to zuuzika 'o iesu. 40at'inghi. ne micu miteuhi, isi poa smoevovei to hamo, a'vinano aopa'to ta cou; 41o'amos'a aopa'to tamo botngonʉ, moc'o aopa'to a'mi ci isi epeiya to hamo ho poa 'akasi ci cou. to ataveisi ne mohcu i'mi to mcoi ho smoevovei, omzan'a toehungneni eabobonʉ. 42isi pashʉya a'mi ho epeaska ta yatatiskova 'e fukuin, soomei ho zou isi p'eyac'a to hamo, poa yʉsvʉtʉ tamo yaansou ho mcoi ci cou. 43acʉcʉhʉ 'o eyongensa ihe yaeza 'akasineni; mo acʉhʉ mainca, namo afu'u tmaa'uzo, te peelʉi ieni to ongkosi ho peteongasa na kuisisi.>
tiou to seilei 'o couyafana
44ne mon'a seolʉano eʉsvʉsvʉtʉ 'o petelo, isi acʉha ohpuehi to seilei 'o feango tomo afu'u tiou to e'e ci cou. 45i'o mo i'mi ne yoopa ho to'ofeihni to petelo ci sinto to yutaya, aiti ho isi yaeza fii no mengumi to seilei to hamo 'e couyafana, acʉhʉ na'no yamci; 46maica ho ihe talʉi 'emo maica ci cou mo epiepiya, a'vinano tohmomoengʉ ho emamau'no'na'o to hamo. isicu yainca to petelo: 47<'emo maica ci cou micu tiou to seilei, ho totiski a'to, siya nate meelʉ motano hin'i hoci tiou no toonono no chumu?> 48i'mi tan'e, isicu eucucufni to petelo ho boemi to ongko to iesu kilisto ho tiou to toonono. mion'a m'eya poa mipiyohi no'upu 'o petelo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Society in Taiwan © 台灣聖經公會版權所有 2014