Mark 1
1
Tiotasaȣakȣen tsini Roiaton nʼOriȣatokenti ne Roiatatokenti Mark.
1Tsiniiot tsi tiotasaȣe ne Iesos Keristos Niio Roienha Raiatatake.
2Ronen ne Rotitokensehakȣe: iahiiatori ne rakeriȣenhaȣe, raonha enhiahaaseronnien.
3Kenh nihaȣennoten ne Karhakonson raȣennotaties; raton; Seȣahaaseronni ne Raȣenniio rahohaa, tsionniarakȣenhaton tsi rothate.
4Karhakon sakohnekȣahestakȣe ne Saȣatis, nok Sakoretsiaronskȣe naonsaiontatreȣate oni aonsaiakoterakeȣase ne Kariȣaneren.
5Akȣekon ne Judée tienakere oni ne Jerusalem-ronon ronȣaiatorenskȣe: Nok ne raónha akȣekon tasakohnekȣahestonhatie Kaihionhakon ne Jourdain
6Kenh nihokȣenniotenne ne Saȣatis; Oniakȣaer ononȣerhon rotseronniatonne nok ohna rotiatannhenne, tsistarare tanon otsinakontakȣane otsikheta rahotennatsera kenhne.
7Ratonhakȣe tsi sakotatiskȣe: iah teȣakerihonte nʼahiiennikatsienanerensi tsini haiatanoron ne tenhiatiatasonterako.
8Onekanos nii kierata tsi kȣanekȣahesta; nok tanon ne raonha, Rotkon Ronikonratokenton entsiseȣanekȣahestakȣe.
9Akȣa taiotokentane ethone nʼaraȣe ne Iesos, Nazaretke tahaientakȣe, nok kaihionhakon oni nehne ȣahatenekȣaheste.
10Nok akȣa neok sonsahateskoko, iahatkato ne Saȣatis tontonteronhiakhasi nok eh tahaiakenne ne Rotkon-Ronikonratokenti, Orite kenraken rotiatontakȣenhatie tsi ȣahotienhase ne Iesos.
11Ehoni takaȣenninekenne, ȣakenron: ise konhienha akȣekon ishaȣe nakenonȣesera.
12Nok oksaok karhakon iahotori nʼOnikonra.
13Kaieri niȣasontasen nikariȣes kontirio rohnariskonhonhaties, nok ronȣaiatanonstatonhaties ne rahoronhiakeronon okon, eh oni nahe ȣatenientenseronnes nʼotkon nahonikonrotako.
14Onen sihonȣannhoton ne Saȣatis, Kalilene sonsaraȣe ne Iesos Sakorihonniennihatie ne Niio rahonakerasera.
15Ratonne: Onen ieiotenniserihe, akta oni onen ihȣe ne Niio rahonakerasera: saseȣatatreȣat, nok taseȣetak ne Kariȣiio.
16Onen kaniataraktatie sire ne Iesos, ȣasakoken iatatekenhaa, Simon tanon Antré iataharos, aseken nitsiakȣaskȣe.
17Ȣasakaȣenhase ne Iesos: takehninonteratiesek nok ii enkenirihonnien Onkȣe hentsetsiiataharosseke.
18Ok eh taiatsiakȣarisi ne rahonahahre nok ȣahonȣasere.
19Iah sotsi ihnon tiieshaȣenon, eh are ionsasakoken iatatekenhaa, Sak tanon San nene Zebedé Sakoienhokonha, kaonȣakon niiatit iataharaseronni.
20Iasakohnonke oni neneh: Ok oni neneh ehtaonȣatsiakȣarisi ne ronȣaniha oni ne kannhatsera nok ȣahonȣasere.
21Kafarnaim iahontenatorenne; tsi ȣahorhenne iaȣentatokenton, Ononsatokentike iahataȣeiate nok ȣasakorihonnien.
22Akȣekon ok iakohnerakȣenhatonskȣe tsinihattokhakoȣa, aseken iah eh tohaierhakȣe tsi Sakotatis tsinihatiierha ne Ratiiatons, neh tanon raierathakȣe tsinihokȣeniatseroten.
23Saiatat eh raiatare notkonseraksen rotienni, tontahohenrete.
24Sahenron: Ah! Iesos Nasaretronon toh natetiattihen? neh kenh taseniente naskȣatonte? ȣakaterientase onka nise: Ise ne Niio Iaienha.
25Nok tanon ne Iesos tahoteȣennakȣisronhase, ȣahaȣenhase: tastotek, satsiakenn oni tsinonȣe nisiteron.
26Nese ȣaonni ȣaharonhiaken oni ȣathohenrete tsi sakaiakenne ne rotiennine Otkonseraksen.
27Akȣekon ok iakohnerakȣaskȣe, iontonnionskȣe: oh nahaiatotenkoȣa ne kenh ronkȣe? ok tisakoȣenniio nʼonatkonseraksen, ronȣaȣennarakȣa oni.
28Nese ȣaonni ȣahasennoȣannha ne Kalilerononke.
29Nok nonen sonsakaiakenne. Sak tanon San ȣaonne eh ȣahonnete tsi thotinonsote ne Simon tanon nʼAntre.
30Ethone niiotonkȣarhoskȣe ne Simon ronȣennhonsa, kanaktake kaiationni; neh niare taontierente ȣatkonȣarensaronnion.
31Ethone akta niiahare, ȣahanentsa nok ȣahakestsko, iokontatie Sakenton-kȣanoste; nok saioiohten.
32Okarahane nonkȣati, onen siiateiotsothon eh ȣaontatiataroroke nʼiakononȣaktanionni niatekannrotenson,
33Iotiokȣatsanit tsi kannhokaronte iakoteroronne.
34Eso oni eh sasakotsiente niatekannrotenson iakononȣaktanitakȣe; nok sasakoiatinekenseron oni notkonseraksen iakonatiennine, nok sakotinhesehakȣe nonatkonseraksen nakontrori tsi ronȣaienteri.
35Nok, sekon ok tetiokaras ȣahatkestsko, tsinonȣe shatitken niiahare eh iahaterennaien.
36Nok ne Simon, oni ne rontenrotiene ȣathonȣakarenhaȣe, nok ȣahonȣasere.
37Nok nonen Siiahonȣaiatorenne, ȣahonniron: akȣekon ok ise iesaiatisaks.
38Tontahenron: hennioh neh noiah tetkanataien niieheteȣe iakeiatati oni neneh; aseken neh teȣakenienton tsi teȣakenon.
39Nese ȣaonni akȣekon niiehataȣeiatakȣe, nok Sakotatiatakȣe tsi ronterennaientakȣa ne Kalile-ronon, nok sesakoiatinekenskȣe notkonseraksen iakohnatiennine.
40Saiatat roststaȣis ȣahoiatorenne, ȣattotontsothase tsi ȣahoneken, Sahenron: askȣeni nasere sitsient.
41Ȣathoniatasiharane ne Iesos tsi ȣahotkatho, iathonisnonsaerhase, nok ȣahenron; neh ikere satsieȣentann.
42Akȣa neok iahateȣennokten ok eh tonhton tsi roststarakȣe nok sahaton.
43Ȣahotiaȣenratse nahatrori, nok sahotekȣate.
44ȣahenron: senikonrarak tosa onka sherori; ȣas tanon shenatonnira ne ratitsihenstatsi nok ashenikonrasenniete tsi aseriȣaierite tsini hotenienten ne Moïs tsi tokenske sasaton.
45Nok tanon ne rahonha: ethok iahatasaȣen ȣathateriȣareniate oni ȣaharihoȣanate tsi nahaȣenne. Nese ȣaonni iah teseȣatonskȣe ne ȣene akenhatie tsi ratenatorenskȣe; tiotkon ok ihnon, tsi oni nonȣe sahtitken itreskȣe, sekonkiʼsʼ sane ok kenh titiaȣenskȣe ronȣaiatorenskȣe.
ទើបបានជ្រើសរើសហើយ៖
Mark 1: MHK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Mark 1
1
Tiotasaȣakȣen tsini Roiaton nʼOriȣatokenti ne Roiatatokenti Mark.
1Tsiniiot tsi tiotasaȣe ne Iesos Keristos Niio Roienha Raiatatake.
2Ronen ne Rotitokensehakȣe: iahiiatori ne rakeriȣenhaȣe, raonha enhiahaaseronnien.
3Kenh nihaȣennoten ne Karhakonson raȣennotaties; raton; Seȣahaaseronni ne Raȣenniio rahohaa, tsionniarakȣenhaton tsi rothate.
4Karhakon sakohnekȣahestakȣe ne Saȣatis, nok Sakoretsiaronskȣe naonsaiontatreȣate oni aonsaiakoterakeȣase ne Kariȣaneren.
5Akȣekon ne Judée tienakere oni ne Jerusalem-ronon ronȣaiatorenskȣe: Nok ne raónha akȣekon tasakohnekȣahestonhatie Kaihionhakon ne Jourdain
6Kenh nihokȣenniotenne ne Saȣatis; Oniakȣaer ononȣerhon rotseronniatonne nok ohna rotiatannhenne, tsistarare tanon otsinakontakȣane otsikheta rahotennatsera kenhne.
7Ratonhakȣe tsi sakotatiskȣe: iah teȣakerihonte nʼahiiennikatsienanerensi tsini haiatanoron ne tenhiatiatasonterako.
8Onekanos nii kierata tsi kȣanekȣahesta; nok tanon ne raonha, Rotkon Ronikonratokenton entsiseȣanekȣahestakȣe.
9Akȣa taiotokentane ethone nʼaraȣe ne Iesos, Nazaretke tahaientakȣe, nok kaihionhakon oni nehne ȣahatenekȣaheste.
10Nok akȣa neok sonsahateskoko, iahatkato ne Saȣatis tontonteronhiakhasi nok eh tahaiakenne ne Rotkon-Ronikonratokenti, Orite kenraken rotiatontakȣenhatie tsi ȣahotienhase ne Iesos.
11Ehoni takaȣenninekenne, ȣakenron: ise konhienha akȣekon ishaȣe nakenonȣesera.
12Nok oksaok karhakon iahotori nʼOnikonra.
13Kaieri niȣasontasen nikariȣes kontirio rohnariskonhonhaties, nok ronȣaiatanonstatonhaties ne rahoronhiakeronon okon, eh oni nahe ȣatenientenseronnes nʼotkon nahonikonrotako.
14Onen sihonȣannhoton ne Saȣatis, Kalilene sonsaraȣe ne Iesos Sakorihonniennihatie ne Niio rahonakerasera.
15Ratonne: Onen ieiotenniserihe, akta oni onen ihȣe ne Niio rahonakerasera: saseȣatatreȣat, nok taseȣetak ne Kariȣiio.
16Onen kaniataraktatie sire ne Iesos, ȣasakoken iatatekenhaa, Simon tanon Antré iataharos, aseken nitsiakȣaskȣe.
17Ȣasakaȣenhase ne Iesos: takehninonteratiesek nok ii enkenirihonnien Onkȣe hentsetsiiataharosseke.
18Ok eh taiatsiakȣarisi ne rahonahahre nok ȣahonȣasere.
19Iah sotsi ihnon tiieshaȣenon, eh are ionsasakoken iatatekenhaa, Sak tanon San nene Zebedé Sakoienhokonha, kaonȣakon niiatit iataharaseronni.
20Iasakohnonke oni neneh: Ok oni neneh ehtaonȣatsiakȣarisi ne ronȣaniha oni ne kannhatsera nok ȣahonȣasere.
21Kafarnaim iahontenatorenne; tsi ȣahorhenne iaȣentatokenton, Ononsatokentike iahataȣeiate nok ȣasakorihonnien.
22Akȣekon ok iakohnerakȣenhatonskȣe tsinihattokhakoȣa, aseken iah eh tohaierhakȣe tsi Sakotatis tsinihatiierha ne Ratiiatons, neh tanon raierathakȣe tsinihokȣeniatseroten.
23Saiatat eh raiatare notkonseraksen rotienni, tontahohenrete.
24Sahenron: Ah! Iesos Nasaretronon toh natetiattihen? neh kenh taseniente naskȣatonte? ȣakaterientase onka nise: Ise ne Niio Iaienha.
25Nok tanon ne Iesos tahoteȣennakȣisronhase, ȣahaȣenhase: tastotek, satsiakenn oni tsinonȣe nisiteron.
26Nese ȣaonni ȣaharonhiaken oni ȣathohenrete tsi sakaiakenne ne rotiennine Otkonseraksen.
27Akȣekon ok iakohnerakȣaskȣe, iontonnionskȣe: oh nahaiatotenkoȣa ne kenh ronkȣe? ok tisakoȣenniio nʼonatkonseraksen, ronȣaȣennarakȣa oni.
28Nese ȣaonni ȣahasennoȣannha ne Kalilerononke.
29Nok nonen sonsakaiakenne. Sak tanon San ȣaonne eh ȣahonnete tsi thotinonsote ne Simon tanon nʼAntre.
30Ethone niiotonkȣarhoskȣe ne Simon ronȣennhonsa, kanaktake kaiationni; neh niare taontierente ȣatkonȣarensaronnion.
31Ethone akta niiahare, ȣahanentsa nok ȣahakestsko, iokontatie Sakenton-kȣanoste; nok saioiohten.
32Okarahane nonkȣati, onen siiateiotsothon eh ȣaontatiataroroke nʼiakononȣaktanionni niatekannrotenson,
33Iotiokȣatsanit tsi kannhokaronte iakoteroronne.
34Eso oni eh sasakotsiente niatekannrotenson iakononȣaktanitakȣe; nok sasakoiatinekenseron oni notkonseraksen iakonatiennine, nok sakotinhesehakȣe nonatkonseraksen nakontrori tsi ronȣaienteri.
35Nok, sekon ok tetiokaras ȣahatkestsko, tsinonȣe shatitken niiahare eh iahaterennaien.
36Nok ne Simon, oni ne rontenrotiene ȣathonȣakarenhaȣe, nok ȣahonȣasere.
37Nok nonen Siiahonȣaiatorenne, ȣahonniron: akȣekon ok ise iesaiatisaks.
38Tontahenron: hennioh neh noiah tetkanataien niieheteȣe iakeiatati oni neneh; aseken neh teȣakenienton tsi teȣakenon.
39Nese ȣaonni akȣekon niiehataȣeiatakȣe, nok Sakotatiatakȣe tsi ronterennaientakȣa ne Kalile-ronon, nok sesakoiatinekenskȣe notkonseraksen iakohnatiennine.
40Saiatat roststaȣis ȣahoiatorenne, ȣattotontsothase tsi ȣahoneken, Sahenron: askȣeni nasere sitsient.
41Ȣathoniatasiharane ne Iesos tsi ȣahotkatho, iathonisnonsaerhase, nok ȣahenron; neh ikere satsieȣentann.
42Akȣa neok iahateȣennokten ok eh tonhton tsi roststarakȣe nok sahaton.
43Ȣahotiaȣenratse nahatrori, nok sahotekȣate.
44ȣahenron: senikonrarak tosa onka sherori; ȣas tanon shenatonnira ne ratitsihenstatsi nok ashenikonrasenniete tsi aseriȣaierite tsini hotenienten ne Moïs tsi tokenske sasaton.
45Nok tanon ne rahonha: ethok iahatasaȣen ȣathateriȣareniate oni ȣaharihoȣanate tsi nahaȣenne. Nese ȣaonni iah teseȣatonskȣe ne ȣene akenhatie tsi ratenatorenskȣe; tiotkon ok ihnon, tsi oni nonȣe sahtitken itreskȣe, sekonkiʼsʼ sane ok kenh titiaȣenskȣe ronȣaiatorenskȣe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.