Rooma 7
7
Amurre Muusa a inno lakasoofure
1ꞌDooꞌd Kiriistokaaw, an atinhi amurre Muusa wihiche garattaane atin leeyyeeda, saggi amurretaas enenyet geeddi us jiro anto ikakhabto ma garattaan a? 2A mehe aranti ladiste, amurretaas mehe tadeeh ya, geeddi arankiche on jiro, arankaas kaldach on lakahide. Iꞌdaasenyi chirri arankiche buje, amurreti mindischo miinsan ka aranta a lafure gon. 3ꞌDeerka chirri arame geeddi arankiche jiro arankoo addan leefiddiito, arantaas uskeeli iche aranki kiche ieheynan leeuꞌdurto iche gesse. Iꞌdaasenyi chirri arankiche buje, amurretaas mindischo miinsan ka a lafure. Chiꞌ arankoo addan diste laka uskeel iche yeesse mele.
4Iꞌdaasu laka ꞌdooꞌd Kiriistokaaw, atin omoot Kiriisto ka amurre Muusa kola ma atin dakhatti, a mehe atin toolla a koo Kiriistohi Waakh omoot kasookahche, ꞌdee atin la wihi Waakh ꞌdoono dessaan. 5A mehe geeddi wihi uurasseen goya kijiro uskeel imoono inno dakhtaan, amurretaas ildeerroti suujenye goyteen kijirto iche neybaasse, sarteen woyte, gurnaanki omoot keeno khabne. 6Iꞌdaasenyi toolla amurre Muusa ma inno dakhatti. Amurretaas ka a inno lafure, ꞌdee kola jiti raagane goorat amurretaas chiiran inno iwoyte ma isohanni, jiti husube Rubeyti Munyee inno abisse iche raahna.
Amurreti Waakh uskeeleenna inno isoobabbakkaahissa
7Toollaka wihi inno elanni kamalanni. Amurre Muusa rubeyche a uskeele nadeeh? Mele! Iꞌdaaru laka iꞌdaas mee! Amurretaas rubeycheeda ani wihi uskeel rumanka yahe iabisse. A mehe chirri amurre, “Wihi etoo addan amaanjeeran,”#7:7 Guuram 20:17, Deewutoronomi 5:21. iidaahan, ani rubeyteey wihi etoo addane lamaanjeerti suujoonkicho ma abdi ba. 8Iꞌdaasenyi uskeel aytoo amurretaase kasookoosse, maanjeeroti nool goyteey kadele. A mehe chiꞌ amurre ijirin, uskeel a wihi yumuy. 9Ani rubeyteey goorat ꞌhor geeddi amurre Muusa wohoo ileeheynan laka a jire on. Iꞌdaasenyi inkoo an wihi aytoo amurre ꞌdiiꞌddo abde, iche uskeeli nool yeelin ꞌdoone. 10An a iꞌdoo an umuy. Aloha amurre kootte incheenka jiti jiro ikeeno, iche ba jiti omooteete ikeenta. 11A mehe uskeel alohaas amurre kasookoosse, iekkeeste alohaas amurre ka iyigis. 12Maantaka amurre Muusa rubeyche a munya, alohiche laka a munya, a fissanyahiine, toro la a haagganyahiin. 13ꞌDeerka amurretaas haaggane ani omoot ikeente? Mele, iꞌdaaru laka iꞌdaas mee. Uskeele iꞌdaas yeele, amurretaas haaggan kasookoosse, omoot keene ꞌdee uskeel saggi us rumanka uskeel iyahe laarga. Toro la alohi amurre saggi uskeel rumanka wihi weyti suuje iyahe iche inno tusaan.
Dihoti goyteen kijirto
14Inno tuumman saggi amurre Muusa Waakh ikatimiy a garanna. Iꞌdaasenyi ꞌdabakkhi weeli enenyete an khabo Waakh ma kayamiite, ani iꞌdi bowꞌduu uskeele liiororiche. 15Ani rubeyteey wihi an yeelo ma gardi ba. A mehe wihi an ꞌdoono ma yeelo, wihi an ꞌdiiꞌddanahe on yeela. 16Toro la chirri an amurretaas ka saggi wihi an yeelo suuj iyahiin abde, waha mehe tusaan ya, an saggi amur ihaagganyahe a rummaacha. 17Iꞌda ka ani mee suujoonka yeelo, iꞌdaasenyi a uskeeli goyteey kajiro. 18Wihi an tissibo, walah haaggane goyteey kijiro mele, saggaas on u wihi uureey goya kijiro uskeele imoonaan. A mehe an haage yeelin imoona iꞌdaasenyi yeelin ma abuuꞌd. 19A mehe wihi an yeelo, haaggi an yeelin ꞌdoono menye, suujoonki an yeelin iꞌdoonin iche yeela. 20Maantaka chirri an wihi an yeelin iꞌdoonin yeelo, waha mehe tusaan ya, ani mee wahaas yeelo, uskeeli goyteey kijiro, iche wahaas yeela.
21Maantaka runta gaane jiroteey goyaka abde. Chirri an wihi haaggan yeelin ꞌdoono tuumman, suujoon la garabaaya on raaha. 22A mehe ani maleey goyaka weyti amurreti Waakh kahamaada. 23Iꞌdaasenyi runtoo gaane miilassi sarteey hil kahaaggisso a jirta. Runtaas gaan ichoow runti gaane maleey ꞌdoono a iꞌdoo icho isdihaan. Toro la runtaas gaane sarteey goya kijirto bowꞌdati uskeeli goyteey kijiro ikayeessa. 24Wooy! Mal a ibuuhiche! Ayyo sarta omoot igeesso ikasoofura? 25Waakh weyti kalaꞌd ilaaba! A mehe Yeesso Kiriistohi Kamureene ka, Waakh a isoofure.
Kola ꞌdeerka saggi an ijiro a iꞌda, maleey ka an a bowꞌdati amurreti Waakh. Iꞌdaasenyi wihi uureey goya kijiro uskeel imoono ka, ani a bowꞌdati miigti uskeel.
ទើបបានជ្រើសរើសហើយ៖
Rooma 7: rel
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
Rooma 7
7
Amurre Muusa a inno lakasoofure
1ꞌDooꞌd Kiriistokaaw, an atinhi amurre Muusa wihiche garattaane atin leeyyeeda, saggi amurretaas enenyet geeddi us jiro anto ikakhabto ma garattaan a? 2A mehe aranti ladiste, amurretaas mehe tadeeh ya, geeddi arankiche on jiro, arankaas kaldach on lakahide. Iꞌdaasenyi chirri arankiche buje, amurreti mindischo miinsan ka aranta a lafure gon. 3ꞌDeerka chirri arame geeddi arankiche jiro arankoo addan leefiddiito, arantaas uskeeli iche aranki kiche ieheynan leeuꞌdurto iche gesse. Iꞌdaasenyi chirri arankiche buje, amurretaas mindischo miinsan ka a lafure. Chiꞌ arankoo addan diste laka uskeel iche yeesse mele.
4Iꞌdaasu laka ꞌdooꞌd Kiriistokaaw, atin omoot Kiriisto ka amurre Muusa kola ma atin dakhatti, a mehe atin toolla a koo Kiriistohi Waakh omoot kasookahche, ꞌdee atin la wihi Waakh ꞌdoono dessaan. 5A mehe geeddi wihi uurasseen goya kijiro uskeel imoono inno dakhtaan, amurretaas ildeerroti suujenye goyteen kijirto iche neybaasse, sarteen woyte, gurnaanki omoot keeno khabne. 6Iꞌdaasenyi toolla amurre Muusa ma inno dakhatti. Amurretaas ka a inno lafure, ꞌdee kola jiti raagane goorat amurretaas chiiran inno iwoyte ma isohanni, jiti husube Rubeyti Munyee inno abisse iche raahna.
Amurreti Waakh uskeeleenna inno isoobabbakkaahissa
7Toollaka wihi inno elanni kamalanni. Amurre Muusa rubeyche a uskeele nadeeh? Mele! Iꞌdaaru laka iꞌdaas mee! Amurretaas rubeycheeda ani wihi uskeel rumanka yahe iabisse. A mehe chirri amurre, “Wihi etoo addan amaanjeeran,”#7:7 Guuram 20:17, Deewutoronomi 5:21. iidaahan, ani rubeyteey wihi etoo addane lamaanjeerti suujoonkicho ma abdi ba. 8Iꞌdaasenyi uskeel aytoo amurretaase kasookoosse, maanjeeroti nool goyteey kadele. A mehe chiꞌ amurre ijirin, uskeel a wihi yumuy. 9Ani rubeyteey goorat ꞌhor geeddi amurre Muusa wohoo ileeheynan laka a jire on. Iꞌdaasenyi inkoo an wihi aytoo amurre ꞌdiiꞌddo abde, iche uskeeli nool yeelin ꞌdoone. 10An a iꞌdoo an umuy. Aloha amurre kootte incheenka jiti jiro ikeeno, iche ba jiti omooteete ikeenta. 11A mehe uskeel alohaas amurre kasookoosse, iekkeeste alohaas amurre ka iyigis. 12Maantaka amurre Muusa rubeyche a munya, alohiche laka a munya, a fissanyahiine, toro la a haagganyahiin. 13ꞌDeerka amurretaas haaggane ani omoot ikeente? Mele, iꞌdaaru laka iꞌdaas mee. Uskeele iꞌdaas yeele, amurretaas haaggan kasookoosse, omoot keene ꞌdee uskeel saggi us rumanka uskeel iyahe laarga. Toro la alohi amurre saggi uskeel rumanka wihi weyti suuje iyahe iche inno tusaan.
Dihoti goyteen kijirto
14Inno tuumman saggi amurre Muusa Waakh ikatimiy a garanna. Iꞌdaasenyi ꞌdabakkhi weeli enenyete an khabo Waakh ma kayamiite, ani iꞌdi bowꞌduu uskeele liiororiche. 15Ani rubeyteey wihi an yeelo ma gardi ba. A mehe wihi an ꞌdoono ma yeelo, wihi an ꞌdiiꞌddanahe on yeela. 16Toro la chirri an amurretaas ka saggi wihi an yeelo suuj iyahiin abde, waha mehe tusaan ya, an saggi amur ihaagganyahe a rummaacha. 17Iꞌda ka ani mee suujoonka yeelo, iꞌdaasenyi a uskeeli goyteey kajiro. 18Wihi an tissibo, walah haaggane goyteey kijiro mele, saggaas on u wihi uureey goya kijiro uskeele imoonaan. A mehe an haage yeelin imoona iꞌdaasenyi yeelin ma abuuꞌd. 19A mehe wihi an yeelo, haaggi an yeelin ꞌdoono menye, suujoonki an yeelin iꞌdoonin iche yeela. 20Maantaka chirri an wihi an yeelin iꞌdoonin yeelo, waha mehe tusaan ya, ani mee wahaas yeelo, uskeeli goyteey kijiro, iche wahaas yeela.
21Maantaka runta gaane jiroteey goyaka abde. Chirri an wihi haaggan yeelin ꞌdoono tuumman, suujoon la garabaaya on raaha. 22A mehe ani maleey goyaka weyti amurreti Waakh kahamaada. 23Iꞌdaasenyi runtoo gaane miilassi sarteey hil kahaaggisso a jirta. Runtaas gaan ichoow runti gaane maleey ꞌdoono a iꞌdoo icho isdihaan. Toro la runtaas gaane sarteey goya kijirto bowꞌdati uskeeli goyteey kijiro ikayeessa. 24Wooy! Mal a ibuuhiche! Ayyo sarta omoot igeesso ikasoofura? 25Waakh weyti kalaꞌd ilaaba! A mehe Yeesso Kiriistohi Kamureene ka, Waakh a isoofure.
Kola ꞌdeerka saggi an ijiro a iꞌda, maleey ka an a bowꞌdati amurreti Waakh. Iꞌdaasenyi wihi uureey goya kijiro uskeel imoono ka, ani a bowꞌdati miigti uskeel.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.