Hilassi Ergaano 28
28
Wihi Baawulo kurti Malta bicche dahcho kajirto ka yeele
1Chirri nah nebey bicche maahne ka, saggi kurtaas bicche dahcho kajirto Malta liiyadeeh abanne. 2ꞌDooꞌdi kurtaas yaal la weyti haag nah tuste. Intaas ka la hir a ꞌdeya il la a roffo. ꞌDooꞌdaas ꞌdabi nah dahammoonni nah ibolkhiche, nah tuumman la nah martiisteen. 3Baawulo la khorokkoo soobaayiche. Chirra us ꞌdab kachibo ka, toofoo jeenteti kuleeli ꞌdab u soobahe dahantiis khaniine, toro dahan kaallooꞌde. 4Chirri ꞌdooꞌdi ilaas toofi dahan Baawulo kalollooꞌdo arge ka, wihi icho isiyidaaheen, “Eta rumanka diige khaba, a mehe chirri us beyti buure goyaka iumaatan laka, waakkheenki Ki Jiti Fissan Ka Enenyet Hukkumo layadeeh usu jiro a tirte.” 5Iꞌdaasenyi Baawulo toof jillaanjilliche, ꞌdab goya kalugꞌde, walah suujenye kayitah la mele. 6ꞌDooꞌd la Baawulohi sooyombobo suge ommos omoote kasuge. Iꞌdaasenyi inkoo icho geeddi deer sugeene, saggi Baawulo wohoo ikiitaahan icho argeen ka toro maloo addan dowteen. Wihi icho yidaaheen a mehe ya, “Usu a waakkhoo.”
7Chiifi kurtaase Baabiliyos layadeeh la gosashiis intaas ma kadeer. Ulla mujjume nah martiiste orrah seyyah tuummamba nah martitiissa on eheet. 8Aabba Baabiliyos la a maya, adahe kabahta sare a kuleele a jiifa. Baawulo la min gele usu argaa, dahan korche iweeste samaache. 9Inkoo waha tuumman yitaaheen ka, ꞌdooꞌdi intaas kajiro khakkhannan tuumman iyimiyye, lasamaache. 10Icho la weyti nah inkaanyiteen. Maanti nah kahno ka wihi nah jit ka raahno tuumman nah siicheen.
Baawulo kurti Malta bicche dahcho kijirto kakaha ili Rooma irta
11Uuꞌ goorat kooban jejjebeen, hay seyyahe kutte. Koobanhoo ili Alekisaandariya kayimiyye, sumatticho “Waakkhassi Manꞌdaanee,” layadeeh gelle. Koobanha la geeddi hayohi hafari miige jire tuumman Malta on kajireen. 12Ilkerengeetti Siirikusaay nimiyye orrah seyyah intaas bariine. 13Intaas ka kooban gelle kahne ilkerengeetti Reegiyo layadeeh gelle. Ibeenki kaas sooraaho ka hafar anki gurro kayimiyye, kahne ibeenki lammaatteet ka ilkerengeetti Bottiwoli gelle, kooban kasooyegne. 14Intaas ka ꞌdooꞌdoo Kiriisto rummeeste ꞌhelle, icho la nah waheene teebatoo a leefiddiino. ꞌDeerka intaas kakahne luhlo ka ilkerengeetti Rooma nimiy. 15Geeddi nah Rooma igelin ꞌdooꞌdi Kiriisto rummeeste saggi nah inamiit daage, yimiyye, Sokkoti Abbiyo ka or nah kasoodowe. Gaasoo la inti Wetteelinyeti Seyyahe layadeeh ka isꞌhelle. Baawulo la chirri us icho arge ka, Waakh kalaꞌd ilaabe weyti uur miigooche.
16Chirri nah ilkerengeetti Rooma gelle ka, Baawulo etoo iskareete yaakhicho laleeꞌdiiche, irte awtiis u keley fiddiye.
Baawulo ilkerengeetti Rooma ka Wori Haaggan cheeka
17Inkoo orrah seyyahe kutte ka, Baawulo weynaanti Yaꞌhuud tol iwahe. Chirri icho soourureen ka wihi us iyidah, “Yaaftaay, walah an ꞌdooꞌdeen ichoow hugumme aacchinyeteen miinsane an tirrime mele, eheetteey laka a liikhabte, ilkerengeetti weene Yeerusaleem ka liihide, toro liisookhaate dahanohi sirgaali Rooma ilaas kajiro liigesse. 18Icho a ihukkumeene ifurin ꞌdooneen. A mehe walah omoot liikagoocho icho ikaargaan mele. 19Iꞌdaasenyi chirri ewweenki Yaꞌhuud iꞌdaas ꞌdiiꞌdo ka iholisse, ani Kaaysar iooye. Iꞌdaasenyi walah an yaafteey kacheekdi mele. 20Wihi an atin iwahe a wahaas. Innohi isabanni toro isleehawwoonno ꞌdoona. An toolla biingoyyoha ikahidan a jeenteti khajjeeli innohi ꞌdooꞌdi Issiraayele tuumman khajjeello.”
21Wihi icho ilaabeen, “Nah khadaab woraah cheeko nah ili Yaꞌhuudiya kaꞌhelle mele. Toro et yaafteenenye ilaas kayimiyye woraah keene ommos uskeelaah keene mele. 22Iꞌdaasenyi nah ati malaah daagin ꞌdoonna, iꞌdi tahe saggi meel tuumman ka rabitta at kajirto woricho baabul liikaayyeedo a garanna.”
23Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa. 24ꞌDooꞌd gaasoo yeediis raahe, iꞌdaasenyi gaasoo yeediis rummeysawwaaye. 25Inkoo Baawulo ayta yomboot cheeke ka ꞌdooꞌd iswaaye toro kaheen. Baawulo la wihi us yidah, “Geeddoo meheenye Rubeyti Munyee afi eti Waákh íyeyyeedo Isaaya layadeeh ka aacchinyeteen leeyyeedde. Yeediis la kalla,
26“ ‘Nyaam ꞌdooꞌda mehe itadeeh ya,
“Atin walah a dagansattaane, dagansattaane, iꞌdaasenyi jirtuu ma abattaan.
Walah a yeytaane, yeytaane, iꞌdaasenyi jirtuu ma atin gelaan.”
27A mehe ꞌdooꞌda uurassicho a gaꞌdaale,
dogohicho la a ꞌduuꞌdeene,
toro la indohicho laka a ꞌduuꞌdeen.
Chiꞌiche iꞌdaas ieheynan, indohicho a geeddi icho il argaane, dogo la khabaane,
rubeyohicho la a geeddi icho walah abtaan,
a geeddi icho ani isoourgiyaane anna samaacho.’#28:27 Isaaya 6:9-10.
28“Maantaka waha abda, ribnaanki Waakh ꞌdooꞌd ribo, yaafohi Yaꞌhuud ieheynane liierge, icho la daagaan!”#28:28 Chiirnaanneti Yeedi Waakhe uumacchee gaasoo chiirnaanka a kakhayte, 29 “Inkoo Baawulo leeyyeede ka, ꞌdooꞌdi Yaꞌhuud kahe irte, iriirti uskul la dahcho gesse.”
30Baawulo la guꞌh lamma tuumman minkoo us kireeste fiddiye. Ulla intaas ka ꞌdooꞌdi argin yimiy tuumman soodowweeste. 31Baawulo intaas ka roorro laan wori dakhi Waakh miinsan cheeke, toro wori Yeesso Kiriistohi Kamure miinsan ꞌdooꞌd abche, et jeyche la mele.
ទើបបានជ្រើសរើសហើយ៖
Hilassi Ergaano 28: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
Hilassi Ergaano 28
28
Wihi Baawulo kurti Malta bicche dahcho kajirto ka yeele
1Chirri nah nebey bicche maahne ka, saggi kurtaas bicche dahcho kajirto Malta liiyadeeh abanne. 2ꞌDooꞌdi kurtaas yaal la weyti haag nah tuste. Intaas ka la hir a ꞌdeya il la a roffo. ꞌDooꞌdaas ꞌdabi nah dahammoonni nah ibolkhiche, nah tuumman la nah martiisteen. 3Baawulo la khorokkoo soobaayiche. Chirra us ꞌdab kachibo ka, toofoo jeenteti kuleeli ꞌdab u soobahe dahantiis khaniine, toro dahan kaallooꞌde. 4Chirri ꞌdooꞌdi ilaas toofi dahan Baawulo kalollooꞌdo arge ka, wihi icho isiyidaaheen, “Eta rumanka diige khaba, a mehe chirri us beyti buure goyaka iumaatan laka, waakkheenki Ki Jiti Fissan Ka Enenyet Hukkumo layadeeh usu jiro a tirte.” 5Iꞌdaasenyi Baawulo toof jillaanjilliche, ꞌdab goya kalugꞌde, walah suujenye kayitah la mele. 6ꞌDooꞌd la Baawulohi sooyombobo suge ommos omoote kasuge. Iꞌdaasenyi inkoo icho geeddi deer sugeene, saggi Baawulo wohoo ikiitaahan icho argeen ka toro maloo addan dowteen. Wihi icho yidaaheen a mehe ya, “Usu a waakkhoo.”
7Chiifi kurtaase Baabiliyos layadeeh la gosashiis intaas ma kadeer. Ulla mujjume nah martiiste orrah seyyah tuummamba nah martitiissa on eheet. 8Aabba Baabiliyos la a maya, adahe kabahta sare a kuleele a jiifa. Baawulo la min gele usu argaa, dahan korche iweeste samaache. 9Inkoo waha tuumman yitaaheen ka, ꞌdooꞌdi intaas kajiro khakkhannan tuumman iyimiyye, lasamaache. 10Icho la weyti nah inkaanyiteen. Maanti nah kahno ka wihi nah jit ka raahno tuumman nah siicheen.
Baawulo kurti Malta bicche dahcho kijirto kakaha ili Rooma irta
11Uuꞌ goorat kooban jejjebeen, hay seyyahe kutte. Koobanhoo ili Alekisaandariya kayimiyye, sumatticho “Waakkhassi Manꞌdaanee,” layadeeh gelle. Koobanha la geeddi hayohi hafari miige jire tuumman Malta on kajireen. 12Ilkerengeetti Siirikusaay nimiyye orrah seyyah intaas bariine. 13Intaas ka kooban gelle kahne ilkerengeetti Reegiyo layadeeh gelle. Ibeenki kaas sooraaho ka hafar anki gurro kayimiyye, kahne ibeenki lammaatteet ka ilkerengeetti Bottiwoli gelle, kooban kasooyegne. 14Intaas ka ꞌdooꞌdoo Kiriisto rummeeste ꞌhelle, icho la nah waheene teebatoo a leefiddiino. ꞌDeerka intaas kakahne luhlo ka ilkerengeetti Rooma nimiy. 15Geeddi nah Rooma igelin ꞌdooꞌdi Kiriisto rummeeste saggi nah inamiit daage, yimiyye, Sokkoti Abbiyo ka or nah kasoodowe. Gaasoo la inti Wetteelinyeti Seyyahe layadeeh ka isꞌhelle. Baawulo la chirri us icho arge ka, Waakh kalaꞌd ilaabe weyti uur miigooche.
16Chirri nah ilkerengeetti Rooma gelle ka, Baawulo etoo iskareete yaakhicho laleeꞌdiiche, irte awtiis u keley fiddiye.
Baawulo ilkerengeetti Rooma ka Wori Haaggan cheeka
17Inkoo orrah seyyahe kutte ka, Baawulo weynaanti Yaꞌhuud tol iwahe. Chirri icho soourureen ka wihi us iyidah, “Yaaftaay, walah an ꞌdooꞌdeen ichoow hugumme aacchinyeteen miinsane an tirrime mele, eheetteey laka a liikhabte, ilkerengeetti weene Yeerusaleem ka liihide, toro liisookhaate dahanohi sirgaali Rooma ilaas kajiro liigesse. 18Icho a ihukkumeene ifurin ꞌdooneen. A mehe walah omoot liikagoocho icho ikaargaan mele. 19Iꞌdaasenyi chirri ewweenki Yaꞌhuud iꞌdaas ꞌdiiꞌdo ka iholisse, ani Kaaysar iooye. Iꞌdaasenyi walah an yaafteey kacheekdi mele. 20Wihi an atin iwahe a wahaas. Innohi isabanni toro isleehawwoonno ꞌdoona. An toolla biingoyyoha ikahidan a jeenteti khajjeeli innohi ꞌdooꞌdi Issiraayele tuumman khajjeello.”
21Wihi icho ilaabeen, “Nah khadaab woraah cheeko nah ili Yaꞌhuudiya kaꞌhelle mele. Toro et yaafteenenye ilaas kayimiyye woraah keene ommos uskeelaah keene mele. 22Iꞌdaasenyi nah ati malaah daagin ꞌdoonna, iꞌdi tahe saggi meel tuumman ka rabitta at kajirto woricho baabul liikaayyeedo a garanna.”
23Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa. 24ꞌDooꞌd gaasoo yeediis raahe, iꞌdaasenyi gaasoo yeediis rummeysawwaaye. 25Inkoo Baawulo ayta yomboot cheeke ka ꞌdooꞌd iswaaye toro kaheen. Baawulo la wihi us yidah, “Geeddoo meheenye Rubeyti Munyee afi eti Waákh íyeyyeedo Isaaya layadeeh ka aacchinyeteen leeyyeedde. Yeediis la kalla,
26“ ‘Nyaam ꞌdooꞌda mehe itadeeh ya,
“Atin walah a dagansattaane, dagansattaane, iꞌdaasenyi jirtuu ma abattaan.
Walah a yeytaane, yeytaane, iꞌdaasenyi jirtuu ma atin gelaan.”
27A mehe ꞌdooꞌda uurassicho a gaꞌdaale,
dogohicho la a ꞌduuꞌdeene,
toro la indohicho laka a ꞌduuꞌdeen.
Chiꞌiche iꞌdaas ieheynan, indohicho a geeddi icho il argaane, dogo la khabaane,
rubeyohicho la a geeddi icho walah abtaan,
a geeddi icho ani isoourgiyaane anna samaacho.’#28:27 Isaaya 6:9-10.
28“Maantaka waha abda, ribnaanki Waakh ꞌdooꞌd ribo, yaafohi Yaꞌhuud ieheynane liierge, icho la daagaan!”#28:28 Chiirnaanneti Yeedi Waakhe uumacchee gaasoo chiirnaanka a kakhayte, 29 “Inkoo Baawulo leeyyeede ka, ꞌdooꞌdi Yaꞌhuud kahe irte, iriirti uskul la dahcho gesse.”
30Baawulo la guꞌh lamma tuumman minkoo us kireeste fiddiye. Ulla intaas ka ꞌdooꞌdi argin yimiy tuumman soodowweeste. 31Baawulo intaas ka roorro laan wori dakhi Waakh miinsan cheeke, toro wori Yeesso Kiriistohi Kamure miinsan ꞌdooꞌd abche, et jeyche la mele.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.