Hilassi Ergaano 23
23
1Baawulo la Jaldaabti Weene Yaꞌhuud indo katoolliche, yeye, “Yaaftaay, an ichoowka maalinka rubeyteeyti suujoon ikacheekan ka, hileey a buuhiche Waakh ortiis ka,” iyidah. 2Kuhaanihi weyti weene Anaaniya layadeeh la ꞌdooꞌdi Baawulo garabiis toollo, amur ibahche af a laguꞌddo. 3Baawulo ꞌdeerka wihi us iyidah, “Waakh a kiguꞌdda, atiha etoo haaggan iskayeesso! At intaase kafiddiita amurre Muusa ka ihukkunta, iꞌdaasenyi ati rubeytaah amurre Muusa jebissa chaꞌat amuri liikaguꞌddo bihisso.”
4ꞌDooꞌdi kootte Baawulo garabiis toolle la wihi us Baawulo iyidah, “Ati kuhaanihi weyti weene Waakhe abaarta!”
5Baawulo wihi us ilaabe, “Yaaftaay, an saggi us kuhaanihi weyti ween iyahe ma kasin, a mehe wihi chiiran, ‘Eti ꞌdooꞌdaah iween wihi suuje iidaahan.’ ”#23:5 Guuram 22:28.
6Baawulo ꞌdeerka saggi gaasichekoo Farissaayo itahe, gaasichekoo la Sadukaayo itahe garte Jaldaabti Weene Yaꞌhuud goyaka riire, “Yaaftaay an a Farissaayo, a weeli Farissaayo. Wihi inta ka liikahukkumo a jeenteti an ꞌdooꞌdi tuume berri sookaho ikhajjeelo,” yidah. 7Uus iꞌdaas yidah ka, ꞌdooꞌdi Farissaayo ichoow ki Sadukaayo isleeiriire, ꞌdeerka seley lagowe. 8Iꞌdi tahe Sadukaayo mehe tadeeh ya, omoot ka ma lasookaho, herti Waakh la ma jirto, wahanyeyyohi Waakhe jiro khabo liiargin laka ma jiraan. Iꞌdaasenyi Farissaayo saggi wahaas tuumman ijiraan a cheekta.
9Riirit weyti buuraate ichoowka tagaammetoo amurre Muusa Farissaayee kahte, “Eta suujoon nah kaagarro mele,” tidah. “Eemba hertoo Waakhe leeyeedde, ommos wahanyeyyohoo Waakhe jiro khabo liiargine usu leeyeedde?” 10Iriire weyti uskulaatte ichoowka eti iskar tuumman itoollo ichohi Baawulo seley goocho karoore. Amur bahche iskartiis ergate a iratti Baawulo ꞌdooꞌd a soosarto, a sookhaatto uranti iskareet a keento.
11Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”
ꞌDooꞌdi Yaꞌhuud Baawulo ogoos marma
12Ibeenki kaas sooraaho chirdeer ka ꞌdooꞌdoo Yaꞌhuud isꞌhele saggi icho Baawulo iyagiisiin kamasseen. Daatteene, sammata icho Baawulo iigaasan ma golossataane ommos bicche laka ma yabhuubiin. 13ꞌDooꞌdi waha isleegooche tomon affar laka a kuta. 14Irteene, kuhaaniyyohi wewween ichoow ewweenki Yaꞌhuud ba iirteene, “Nah a isleedaatanne, sammata nah Baawulo iigaasan ma golossanni,” iyidaaheen. 15“Toollaka atin ichoow Jaldaabti Weene Yaꞌhuud ba eti iskar tuumman itoollo farniin iꞌdiicha, Baawulo a sookhaato. Iꞌdi ꞌdooꞌdoo runti wohoo kaabti iskayeela. Nah la a tannabanne usu nagiis geeddi us inta isooeleelin.”
16Iꞌdaasenyi Baawulo eysinkiis waha daage, irte, Baawulo minki latoorribo ka icheeke.
17Baawulo la etoo koobbintoo iskareet itoollo wahe, “Eta nugul wohoo us eti iskar tuumman itoollo icheekti khaba, khaate igeey,” iyidah. 18Et la ínam khaate eti iskar tuumman itoollo igeeche.
Etoo koobbintoo iskareet itoollo wihi us yidah, “Eti hidane Baawulo layadeehe eta nugul khaate ati igeey iyidah. A mehe wohoo us kisoocheekti, iche khaba.”
19Eti iskar tuumman itoollo eti nugul dahan khabte khaate, ꞌdol geeche, “Mehe isoocheekin ꞌdoonta?” worsate.
20Ulla wihi us yidah, “ꞌDooꞌdi Yaꞌhuud mehe iskadaage ya, atihi saahta Baawulo Jaldaabti Weene Yaꞌhuud orche keento. Iche la iꞌdi ꞌdooꞌdoo runtoo usu kayowti, iche iskayeessa. 21Alla icho adagansan, iꞌdi tahe ꞌdooꞌdi dagti usú jit ka sugo tomon affar laka a kuta. Icho la a daatteene, sammata icho usu iigaasan ma golossataane ommos bicche laka ma yabhuubiin. Icho la toolla yeedicho a massicheene ati on ayye kaasugaan.”
22Eti iskar tuumman itoollo eti nugul ꞌdiiche toro leefarme wihi us iyidah, “Saggi at waha ikasoocheekte, etoo kalday laka iicheekin.”
Baawulo Gaafanahi Feelig layadeeh liigeecha
23Eti iskar iween ꞌdeerka et lamma kooba koobbintoo iskareet itoollo wahe, wihi us iyidah, “Nyaama, iskarti kud lammee ichoow et tomon teeba faraꞌd korto ichoow et kud lamma toorar khabto ilkerengeetti Kaaysareya iratti soobahcha, ꞌdee sahaꞌd seyyahti ibeen ka a kahto. 24Baawulo laka faraꞌdoo us koro siicha, Gaafanahi Feelig layadeeh la nebey igeecha,” iyidah.
25Eti iskar iween sagguu khadaab ichiire.
26Eti khadaaba soochiiro, a ani Kilaawudiyo Luusiyas.
Eti an ichiiro la a atihi weene, gaafaneenye Feelig layadeeh.
Nebeytaah ma furatti.
27ꞌDooꞌdi Yaꞌhuud eta a khabte igaasan leheet. Iꞌdaasenyi iskar khaadde usu ribe, iꞌdi tahe saggi us eti ili Rooma liiekkaacho iyahe a abde. 28Anna wihi icho usu kacheektaane aban ꞌdoone, khaate, Jaldaabtichoti Weene Yaꞌhuud igeeche. 29An mehe kase ya, wihi icho usu kacheektaan a wahanyeyyohi amurreti Yaꞌhuud miinsan, iꞌdaasenyi wahanyeyyohaas goya walah omoot liikagoocho ommos lakahido goya kijiro mele. 30Chirri saggi ꞌdooꞌdoo ogoos iyowti liisoocheeke ka, an chirraas on a kisooerga idah. Anna toro ꞌdooꞌdi usu wohoo kakhabo amur ibahche, wihi icho usu kacheektaan ati a kikeeneen.
31Iskare ꞌdeerka wihi liiyidah yeesse, ibeenkaas goya on Baawulo khaatte ichoowka ilkerengeetti Antibaatiris geesse. 32Ibeenki kaas sooraaho ka, iskarti luhlo kasohatti uranti minki iskareet inokhatte, ti faraꞌd fuusso la Baawulo orey ileesohatte. 33Chirri iskarti faraꞌd fuusso ilkerengeetti Kaaysareya sooeleesse ka, gaafanahi Feelig layadeeh khadaab idiibte, Baawulo laka dahanohiis gelisse. 34Gaafana khadaab soome, Baawulo boroofenhi us kayimiy worsate. Chirri us saggi us inti Kiliikiya layadeeh ikayimiy abte ka, 35wihi us yidah, “Chirri ꞌdooꞌdi walah kaacheekti yimiy iche woraah daaga.” ꞌDeerka amuri Baawulo minki buurenye gaafana goorat ꞌHerood dise ka latoorribo bahche.
ទើបបានជ្រើសរើសហើយ៖
Hilassi Ergaano 23: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
Hilassi Ergaano 23
23
1Baawulo la Jaldaabti Weene Yaꞌhuud indo katoolliche, yeye, “Yaaftaay, an ichoowka maalinka rubeyteeyti suujoon ikacheekan ka, hileey a buuhiche Waakh ortiis ka,” iyidah. 2Kuhaanihi weyti weene Anaaniya layadeeh la ꞌdooꞌdi Baawulo garabiis toollo, amur ibahche af a laguꞌddo. 3Baawulo ꞌdeerka wihi us iyidah, “Waakh a kiguꞌdda, atiha etoo haaggan iskayeesso! At intaase kafiddiita amurre Muusa ka ihukkunta, iꞌdaasenyi ati rubeytaah amurre Muusa jebissa chaꞌat amuri liikaguꞌddo bihisso.”
4ꞌDooꞌdi kootte Baawulo garabiis toolle la wihi us Baawulo iyidah, “Ati kuhaanihi weyti weene Waakhe abaarta!”
5Baawulo wihi us ilaabe, “Yaaftaay, an saggi us kuhaanihi weyti ween iyahe ma kasin, a mehe wihi chiiran, ‘Eti ꞌdooꞌdaah iween wihi suuje iidaahan.’ ”#23:5 Guuram 22:28.
6Baawulo ꞌdeerka saggi gaasichekoo Farissaayo itahe, gaasichekoo la Sadukaayo itahe garte Jaldaabti Weene Yaꞌhuud goyaka riire, “Yaaftaay an a Farissaayo, a weeli Farissaayo. Wihi inta ka liikahukkumo a jeenteti an ꞌdooꞌdi tuume berri sookaho ikhajjeelo,” yidah. 7Uus iꞌdaas yidah ka, ꞌdooꞌdi Farissaayo ichoow ki Sadukaayo isleeiriire, ꞌdeerka seley lagowe. 8Iꞌdi tahe Sadukaayo mehe tadeeh ya, omoot ka ma lasookaho, herti Waakh la ma jirto, wahanyeyyohi Waakhe jiro khabo liiargin laka ma jiraan. Iꞌdaasenyi Farissaayo saggi wahaas tuumman ijiraan a cheekta.
9Riirit weyti buuraate ichoowka tagaammetoo amurre Muusa Farissaayee kahte, “Eta suujoon nah kaagarro mele,” tidah. “Eemba hertoo Waakhe leeyeedde, ommos wahanyeyyohoo Waakhe jiro khabo liiargine usu leeyeedde?” 10Iriire weyti uskulaatte ichoowka eti iskar tuumman itoollo ichohi Baawulo seley goocho karoore. Amur bahche iskartiis ergate a iratti Baawulo ꞌdooꞌd a soosarto, a sookhaatto uranti iskareet a keento.
11Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”
ꞌDooꞌdi Yaꞌhuud Baawulo ogoos marma
12Ibeenki kaas sooraaho chirdeer ka ꞌdooꞌdoo Yaꞌhuud isꞌhele saggi icho Baawulo iyagiisiin kamasseen. Daatteene, sammata icho Baawulo iigaasan ma golossataane ommos bicche laka ma yabhuubiin. 13ꞌDooꞌdi waha isleegooche tomon affar laka a kuta. 14Irteene, kuhaaniyyohi wewween ichoow ewweenki Yaꞌhuud ba iirteene, “Nah a isleedaatanne, sammata nah Baawulo iigaasan ma golossanni,” iyidaaheen. 15“Toollaka atin ichoow Jaldaabti Weene Yaꞌhuud ba eti iskar tuumman itoollo farniin iꞌdiicha, Baawulo a sookhaato. Iꞌdi ꞌdooꞌdoo runti wohoo kaabti iskayeela. Nah la a tannabanne usu nagiis geeddi us inta isooeleelin.”
16Iꞌdaasenyi Baawulo eysinkiis waha daage, irte, Baawulo minki latoorribo ka icheeke.
17Baawulo la etoo koobbintoo iskareet itoollo wahe, “Eta nugul wohoo us eti iskar tuumman itoollo icheekti khaba, khaate igeey,” iyidah. 18Et la ínam khaate eti iskar tuumman itoollo igeeche.
Etoo koobbintoo iskareet itoollo wihi us yidah, “Eti hidane Baawulo layadeehe eta nugul khaate ati igeey iyidah. A mehe wohoo us kisoocheekti, iche khaba.”
19Eti iskar tuumman itoollo eti nugul dahan khabte khaate, ꞌdol geeche, “Mehe isoocheekin ꞌdoonta?” worsate.
20Ulla wihi us yidah, “ꞌDooꞌdi Yaꞌhuud mehe iskadaage ya, atihi saahta Baawulo Jaldaabti Weene Yaꞌhuud orche keento. Iche la iꞌdi ꞌdooꞌdoo runtoo usu kayowti, iche iskayeessa. 21Alla icho adagansan, iꞌdi tahe ꞌdooꞌdi dagti usú jit ka sugo tomon affar laka a kuta. Icho la a daatteene, sammata icho usu iigaasan ma golossataane ommos bicche laka ma yabhuubiin. Icho la toolla yeedicho a massicheene ati on ayye kaasugaan.”
22Eti iskar tuumman itoollo eti nugul ꞌdiiche toro leefarme wihi us iyidah, “Saggi at waha ikasoocheekte, etoo kalday laka iicheekin.”
Baawulo Gaafanahi Feelig layadeeh liigeecha
23Eti iskar iween ꞌdeerka et lamma kooba koobbintoo iskareet itoollo wahe, wihi us iyidah, “Nyaama, iskarti kud lammee ichoow et tomon teeba faraꞌd korto ichoow et kud lamma toorar khabto ilkerengeetti Kaaysareya iratti soobahcha, ꞌdee sahaꞌd seyyahti ibeen ka a kahto. 24Baawulo laka faraꞌdoo us koro siicha, Gaafanahi Feelig layadeeh la nebey igeecha,” iyidah.
25Eti iskar iween sagguu khadaab ichiire.
26Eti khadaaba soochiiro, a ani Kilaawudiyo Luusiyas.
Eti an ichiiro la a atihi weene, gaafaneenye Feelig layadeeh.
Nebeytaah ma furatti.
27ꞌDooꞌdi Yaꞌhuud eta a khabte igaasan leheet. Iꞌdaasenyi iskar khaadde usu ribe, iꞌdi tahe saggi us eti ili Rooma liiekkaacho iyahe a abde. 28Anna wihi icho usu kacheektaane aban ꞌdoone, khaate, Jaldaabtichoti Weene Yaꞌhuud igeeche. 29An mehe kase ya, wihi icho usu kacheektaan a wahanyeyyohi amurreti Yaꞌhuud miinsan, iꞌdaasenyi wahanyeyyohaas goya walah omoot liikagoocho ommos lakahido goya kijiro mele. 30Chirri saggi ꞌdooꞌdoo ogoos iyowti liisoocheeke ka, an chirraas on a kisooerga idah. Anna toro ꞌdooꞌdi usu wohoo kakhabo amur ibahche, wihi icho usu kacheektaan ati a kikeeneen.
31Iskare ꞌdeerka wihi liiyidah yeesse, ibeenkaas goya on Baawulo khaatte ichoowka ilkerengeetti Antibaatiris geesse. 32Ibeenki kaas sooraaho ka, iskarti luhlo kasohatti uranti minki iskareet inokhatte, ti faraꞌd fuusso la Baawulo orey ileesohatte. 33Chirri iskarti faraꞌd fuusso ilkerengeetti Kaaysareya sooeleesse ka, gaafanahi Feelig layadeeh khadaab idiibte, Baawulo laka dahanohiis gelisse. 34Gaafana khadaab soome, Baawulo boroofenhi us kayimiy worsate. Chirri us saggi us inti Kiliikiya layadeeh ikayimiy abte ka, 35wihi us yidah, “Chirri ꞌdooꞌdi walah kaacheekti yimiy iche woraah daaga.” ꞌDeerka amuri Baawulo minki buurenye gaafana goorat ꞌHerood dise ka latoorribo bahche.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.