Hilassi Ergaano 2
2
Rubeyti Munyee ergaano isooyagta
1Ibeenki daawti Beentekos soomarte ka, ꞌdooꞌd Kiriisto tuumman intoo kalday kasoourure. 2Koloo kalday on riiriitoo iꞌdi hafari buure iyeedo goobi Waakh kayimiyye, minki kootte icho goya fiddiyaan tuumman buuhiche. 3Wohoo iꞌdi ꞌdabi bolkhee argeen. Wahaas la seley goggoweene, yimaateene, eti intaas kijire tuumman koorronteen. 4Icho tuumman Rubeyti Munyee buuhisse, saggi Rubeyti Munyee igargaartuu la afi icho idaagin kaayyeedin sookhabteen.
5ꞌDooꞌdi Yaꞌhuude Waákh karooro ilal tuumman kayimiy la, ilkerengeetti weene Yeerusaleem a kajira. 6Chirri icho hooyaas daageen ka urureen. Jeenteti ebba ꞌdooꞌd Kiriistoki aficho kaayyeedo idaaguu girmeesteen. 7Weyti girmeesteene wihi icho isworsateen, “ꞌDooꞌda tuummane yeyyeedo ꞌdooꞌdi boroofenhi Gaalilaaya menya? 8ꞌDeerka saggoh eteenyo ba saggi icho afi ilassi nah kadelanne ikaayyeedaan idaagna? 9Bal yaafohi inno nahe yeya, yaafti Baaꞌdiya ichoow ti Meediya ichoow ti Eelam ichoow ti ili Messabotaamiya ichoow ti ili Yaꞌhuudiya ichoow ti ili Kabadookiya ichoow ti ili Boontus ichoow ti boroofenhi Aassiya, 10ichoow ti Furiijiya ichoow ti Bambiiliya ichoow ti Miissiri ichoow yaafti ili Kureene haggeenye Liibiya layadeeh ichoow martiti ilkerengeetohi Rooma katimiy. Martitaas gaasoo 11a ꞌdooꞌdi Yaꞌhuud ichoow ki wihi Yaꞌhuud wahti iurgiye. Gaaseenyokoo laka Kireete ichoow ili Araabo kayimiy. Iꞌdaasenyi nah ichohi girmohi Waakh yeele afeenyo ka cheeko a daagna!” 12Iche tuumman girmeysatte il fooliis waayte, “Iche waha a mehe?” isworsatte.
13Iꞌdaasenyi enenyet gaasiiskoo a kachaarta, “ꞌDooꞌda farsoti sabiibe buurenye khaatte!” iche essa.
Beetero urur leeyyeeda
14ꞌDeerka Beetero ergaanoti addane tomon ichoow koowe khabaayi tolossate riire, wihi us urur iyidah, “Yaafteeyti Yaꞌhuud, ichoow atinhi ilkerengeetti weene Yeerusaleem taalliin tuumman, alleya waha a atin idowdowo. Wihi an eldi mujjum nabah isuda. 15ꞌDooꞌda farso mee khaatte, iꞌdi maanta atin ielattaan u, a mehe il toolla a sahaꞌd seyyahti chirdeereet on. 16Iꞌdaas menye, waha atin agarteen a wihi goorat eti Waákh íyeyyeedo Yoowel layadeeh cheeke,
17“ ‘Ibeenneti ꞌdaꞌddaboot, iche Waakh essa,
Rubeyteey weeli enenyet tuumman a kakhuba.
Yeeletiin ichoow albehiin wori Waakh a kaayyeedaan.
Mejeliinki nunnugul fooltabcho a arga.
Mejeliinki araarrinyee issilloyyo issilloota.
18Falfayyoheey, wihi mejele ichoow wihi deyyah laka
maanassaas Rubeyteey a isookhuba,
woreey kaayyeedaan.
19Inti saraat ka an girmo yeela,
harra ka wahanyeyyohi miigti Waakh tuso yeela,
diig a khubta, ꞌdab ichoow uunki buure la harra ka kahaan.
20Geeddi ibeenki Kamure khummane toro girmee iitaahan,
orrah a luurgiyicha mugꞌdi tateehe,
yeyyah laka guꞌduutta koo diige yateeh.
21Eti tuummane,
magahi Kamur waho la a lariba.’ ” #2:21 Yoowel 2:28-32.
22Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan. 23Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen. 24Iꞌdaasenyi Waakh usu omoot a kasookahche, bolokkhi omooteet kasoofure, a mehe omoote usu jeyin ma tabuuꞌd. 25Wihi usu miinsane karnati Dawuud layadeeh yidah,
“ ‘An kol dakkhan Kamur ortaaya kaarga.
Jeenteti us garabeey itoolluu,
walah isesseehicho mele.
26ꞌDeerka an uureey ka weyti hamaada,
harrabeey laka weyti Waakh koolicha.
Sarteey laka khajjeel a khabta.
27A mehe meessi ꞌdooꞌdi tuume kijiro goya ma ikatabto,
ommos Falfataahti Munyee ma ꞌdiisso ma suusahto.
28Jiti jiro lakeelo a itusse,
chaꞌan ortaah toollo la weyti ikahamaadissa.’#2:28 Sabuur 16:8-11.
29“Yaafeey, wihi aacchiheenki karnatenye Dawuud layadeeh miinsan roorro laane atin abcha. Dawuud a yumuyye, lahawwaale. Kaassintiis la ichoow uliba intane inno kaleejirta. 30Iꞌdaasenyi us eti Waákh íyeyyeedo eheete, ayyinti Waakh usu daato ka igooche ꞌdee eti hiiyyiise komborti antoot gesso a garte. 31Dawuud wihi berri Waakh yeelo iche arge. Saggi Ki Lasubhe omoot liikasookahcho cheeke. Usu iꞌdi ꞌdooꞌdi tuumuu meessi ꞌdooꞌdi tuume kijiro goya ma lakatabine, ommos sartiis ma suusahin. 32Waakh Yeessoha omoot a kasookahche, nah tuumman la gartaas a laabna. 33A laweynaache, Waakh anki dahantiisti miigeet loorrommiche. Waakkhi Aabbahiise Rubeyti Munyeenye us ayyiche kaꞌhele. Waha buurenye toolla atin agarteene toro la daagteen tuumman la, Rubeyti Munyeenye kayamiitiin. 34A mehe Dawuud goobi Waakh ma ikorine, iꞌdaasenyi wihi us yidah,
“ ‘Waakkhi Kamure wihi us Kamureey iyidah,
“Dabankeeyki miigeete antoot orrommo,
35ichoowka chiiytaah
tuum dahanohaah a soogesso.” ’#2:35 Sabuur 110:1.
36“Maantaka ꞌdooꞌdi Issiraayel tuumman, waha a abti giꞌde! Waakh rumanka Yeessoha atin massalaaba kakaahteen, a soobahsate, Kamur ichoow Ki Lasubhe kayeele!”
37Enenyet uus yeedaas daage, yeed rumanka khaniine, wihi us Beetero ichoow ergaanoti addan worsate, “Yaafeey mehe yeello?”
38Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho. 39Ayyintaas atin ichoow nyaakhutiin ichoow enenyeti fogaat ichoow ebbaaw addane Kamuri Waakkheene soowahti iche miinsantahe.”
40Beetero toro enenyet yeedassoo addane ittaawenye iꞌdaase katootooche. Toro hawwaaste wihi us iyidah, “Taba ꞌdooꞌdi weyꞌdane uskeel leh iskariba.” 41ꞌDooꞌdi yeediis khaatte labaattissiye. Maalinkaas ꞌdooꞌdi ururicho isookhaye, a geeddi et elif seyyah.
Fiddihi ꞌdooꞌdi Kiriisto rummeeste
42Icho kol tuumman wihi ergaano abisse raaheene toro kulankoo kalday isleekhabeen. Icho ichoow ꞌdooꞌdi Kiriisto rummeeste ba isleegolossateene, toro Waakh isleewahteen. 43Ergaano girmo ichoow wahanyeyyohi miigti Waakh tuso haaggisse, enenyet tuumman la roorro gesse. 44ꞌDooꞌdi Kiriisto rummeeste tuumman mujjum isleefiddiye, wihi icho khabeen tuumman laka isleegismeen. 45ꞌDooꞌdaas hoolahicho ichoow meehichooda ororicheene, ebba geeddi sinatiis tahe u, chilimme lasiiche. 46Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane, 47Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.
ទើបបានជ្រើសរើសហើយ៖
Hilassi Ergaano 2: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
Hilassi Ergaano 2
2
Rubeyti Munyee ergaano isooyagta
1Ibeenki daawti Beentekos soomarte ka, ꞌdooꞌd Kiriisto tuumman intoo kalday kasoourure. 2Koloo kalday on riiriitoo iꞌdi hafari buure iyeedo goobi Waakh kayimiyye, minki kootte icho goya fiddiyaan tuumman buuhiche. 3Wohoo iꞌdi ꞌdabi bolkhee argeen. Wahaas la seley goggoweene, yimaateene, eti intaas kijire tuumman koorronteen. 4Icho tuumman Rubeyti Munyee buuhisse, saggi Rubeyti Munyee igargaartuu la afi icho idaagin kaayyeedin sookhabteen.
5ꞌDooꞌdi Yaꞌhuude Waákh karooro ilal tuumman kayimiy la, ilkerengeetti weene Yeerusaleem a kajira. 6Chirri icho hooyaas daageen ka urureen. Jeenteti ebba ꞌdooꞌd Kiriistoki aficho kaayyeedo idaaguu girmeesteen. 7Weyti girmeesteene wihi icho isworsateen, “ꞌDooꞌda tuummane yeyyeedo ꞌdooꞌdi boroofenhi Gaalilaaya menya? 8ꞌDeerka saggoh eteenyo ba saggi icho afi ilassi nah kadelanne ikaayyeedaan idaagna? 9Bal yaafohi inno nahe yeya, yaafti Baaꞌdiya ichoow ti Meediya ichoow ti Eelam ichoow ti ili Messabotaamiya ichoow ti ili Yaꞌhuudiya ichoow ti ili Kabadookiya ichoow ti ili Boontus ichoow ti boroofenhi Aassiya, 10ichoow ti Furiijiya ichoow ti Bambiiliya ichoow ti Miissiri ichoow yaafti ili Kureene haggeenye Liibiya layadeeh ichoow martiti ilkerengeetohi Rooma katimiy. Martitaas gaasoo 11a ꞌdooꞌdi Yaꞌhuud ichoow ki wihi Yaꞌhuud wahti iurgiye. Gaaseenyokoo laka Kireete ichoow ili Araabo kayimiy. Iꞌdaasenyi nah ichohi girmohi Waakh yeele afeenyo ka cheeko a daagna!” 12Iche tuumman girmeysatte il fooliis waayte, “Iche waha a mehe?” isworsatte.
13Iꞌdaasenyi enenyet gaasiiskoo a kachaarta, “ꞌDooꞌda farsoti sabiibe buurenye khaatte!” iche essa.
Beetero urur leeyyeeda
14ꞌDeerka Beetero ergaanoti addane tomon ichoow koowe khabaayi tolossate riire, wihi us urur iyidah, “Yaafteeyti Yaꞌhuud, ichoow atinhi ilkerengeetti weene Yeerusaleem taalliin tuumman, alleya waha a atin idowdowo. Wihi an eldi mujjum nabah isuda. 15ꞌDooꞌda farso mee khaatte, iꞌdi maanta atin ielattaan u, a mehe il toolla a sahaꞌd seyyahti chirdeereet on. 16Iꞌdaas menye, waha atin agarteen a wihi goorat eti Waákh íyeyyeedo Yoowel layadeeh cheeke,
17“ ‘Ibeenneti ꞌdaꞌddaboot, iche Waakh essa,
Rubeyteey weeli enenyet tuumman a kakhuba.
Yeeletiin ichoow albehiin wori Waakh a kaayyeedaan.
Mejeliinki nunnugul fooltabcho a arga.
Mejeliinki araarrinyee issilloyyo issilloota.
18Falfayyoheey, wihi mejele ichoow wihi deyyah laka
maanassaas Rubeyteey a isookhuba,
woreey kaayyeedaan.
19Inti saraat ka an girmo yeela,
harra ka wahanyeyyohi miigti Waakh tuso yeela,
diig a khubta, ꞌdab ichoow uunki buure la harra ka kahaan.
20Geeddi ibeenki Kamure khummane toro girmee iitaahan,
orrah a luurgiyicha mugꞌdi tateehe,
yeyyah laka guꞌduutta koo diige yateeh.
21Eti tuummane,
magahi Kamur waho la a lariba.’ ” #2:21 Yoowel 2:28-32.
22Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan. 23Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen. 24Iꞌdaasenyi Waakh usu omoot a kasookahche, bolokkhi omooteet kasoofure, a mehe omoote usu jeyin ma tabuuꞌd. 25Wihi usu miinsane karnati Dawuud layadeeh yidah,
“ ‘An kol dakkhan Kamur ortaaya kaarga.
Jeenteti us garabeey itoolluu,
walah isesseehicho mele.
26ꞌDeerka an uureey ka weyti hamaada,
harrabeey laka weyti Waakh koolicha.
Sarteey laka khajjeel a khabta.
27A mehe meessi ꞌdooꞌdi tuume kijiro goya ma ikatabto,
ommos Falfataahti Munyee ma ꞌdiisso ma suusahto.
28Jiti jiro lakeelo a itusse,
chaꞌan ortaah toollo la weyti ikahamaadissa.’#2:28 Sabuur 16:8-11.
29“Yaafeey, wihi aacchiheenki karnatenye Dawuud layadeeh miinsan roorro laane atin abcha. Dawuud a yumuyye, lahawwaale. Kaassintiis la ichoow uliba intane inno kaleejirta. 30Iꞌdaasenyi us eti Waákh íyeyyeedo eheete, ayyinti Waakh usu daato ka igooche ꞌdee eti hiiyyiise komborti antoot gesso a garte. 31Dawuud wihi berri Waakh yeelo iche arge. Saggi Ki Lasubhe omoot liikasookahcho cheeke. Usu iꞌdi ꞌdooꞌdi tuumuu meessi ꞌdooꞌdi tuume kijiro goya ma lakatabine, ommos sartiis ma suusahin. 32Waakh Yeessoha omoot a kasookahche, nah tuumman la gartaas a laabna. 33A laweynaache, Waakh anki dahantiisti miigeet loorrommiche. Waakkhi Aabbahiise Rubeyti Munyeenye us ayyiche kaꞌhele. Waha buurenye toolla atin agarteene toro la daagteen tuumman la, Rubeyti Munyeenye kayamiitiin. 34A mehe Dawuud goobi Waakh ma ikorine, iꞌdaasenyi wihi us yidah,
“ ‘Waakkhi Kamure wihi us Kamureey iyidah,
“Dabankeeyki miigeete antoot orrommo,
35ichoowka chiiytaah
tuum dahanohaah a soogesso.” ’#2:35 Sabuur 110:1.
36“Maantaka ꞌdooꞌdi Issiraayel tuumman, waha a abti giꞌde! Waakh rumanka Yeessoha atin massalaaba kakaahteen, a soobahsate, Kamur ichoow Ki Lasubhe kayeele!”
37Enenyet uus yeedaas daage, yeed rumanka khaniine, wihi us Beetero ichoow ergaanoti addan worsate, “Yaafeey mehe yeello?”
38Beetero la wihi us ilaabe, “Etiimba uskeeliis a kasoonokhti, antohi magah Yeesso Kiriisto ka a atin labaattissiyo, ꞌdee Waakh uskeeliin a atin ikakuto. Waakh la ꞌdee siinti Rubeyti Munyee a atin siicho. 39Ayyintaas atin ichoow nyaakhutiin ichoow enenyeti fogaat ichoow ebbaaw addane Kamuri Waakkheene soowahti iche miinsantahe.”
40Beetero toro enenyet yeedassoo addane ittaawenye iꞌdaase katootooche. Toro hawwaaste wihi us iyidah, “Taba ꞌdooꞌdi weyꞌdane uskeel leh iskariba.” 41ꞌDooꞌdi yeediis khaatte labaattissiye. Maalinkaas ꞌdooꞌdi ururicho isookhaye, a geeddi et elif seyyah.
Fiddihi ꞌdooꞌdi Kiriisto rummeeste
42Icho kol tuumman wihi ergaano abisse raaheene toro kulankoo kalday isleekhabeen. Icho ichoow ꞌdooꞌdi Kiriisto rummeeste ba isleegolossateene, toro Waakh isleewahteen. 43Ergaano girmo ichoow wahanyeyyohi miigti Waakh tuso haaggisse, enenyet tuumman la roorro gesse. 44ꞌDooꞌdi Kiriisto rummeeste tuumman mujjum isleefiddiye, wihi icho khabeen tuumman laka isleegismeen. 45ꞌDooꞌdaas hoolahicho ichoow meehichooda ororicheene, ebba geeddi sinatiis tahe u, chilimme lasiiche. 46Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane, 47Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.