Hilassi Ergaano 14
14
Saggi Wori Haaggan ilkerengeetti Ikooniyo ieleele
1Baawulo ichoow Barnaba ilkerengeetti Ikooniyo ka laka iꞌdi orrankateet u minki weysiite Yaꞌhuude geleen. Intaas ka wori Waakh mujjum cheekeene, ichoowka ꞌdooꞌdi buurenye yaafohi Yaꞌhuud ichoow ki yaafohi Yaꞌhuud ieheynan ba Kamur rummeesteen. 2Iꞌdaasenyi ꞌdooꞌdi yaafohi Yaꞌhuude Kamur rummeysan ꞌdiiꞌde ꞌdooꞌdi addane yaafohi Yaꞌhuud ieheynan sootukkiche ichoowka ꞌdooꞌdi Kiriisto rummeeste iholloween. 3Baawulo ichoow Barnaba ꞌdeerka intaas geeddi deer fiddiyeene, roorro laan Kamur iyeyyeedeen. Kamur la runti wori haaggi Waakhe buurenye inno imunneynane icho cheekeen tuse, ꞌdeerka miig siiche dahanohicho ka wahanyeyyohi miigti Waakh tuso ichoow girmo yeeleen. 4ꞌDooꞌdi ilkerengeeteet la seley gowe, gaasoo ki ꞌdooꞌdaas Yaꞌhuud yitahye, gaasoo la ki ergaano yitah. 5ꞌDooꞌdoo yaafohi Yaꞌhuud ieheynan ichoow ꞌdooꞌdoo yaafohi Yaꞌhuude ichoow weynaanticho ba dagsi ka isleetossateene, mali icho ꞌdee ergaano sina kawaarichaane toro dagah kachibaan goocheen. 6Iꞌdaasenyi Baawulo ichoow Barnaba yeedaas kaseene ilkerengeetti Deerbe ichoow ti Luussira distriighi Lukahooniya kajirto ichoow ili tuummane isoodow ifirdeen. 7Intaas ka orey isohteene Wori Haaggan cheekeen.
Baawulo ichoow Barnaba ilkerengeetti Luussira ichoow ti Deerbe ka sina lakawaaricha
8Ilkerengeetti Luussira ka etoo luhlo laaye, uus ladele injire isohan a jire. 9Geedda Baawulo yeyyeedo dagansate. Baawulo indo katoolliche, saggi us Waakkhi usu samaacho ikakhuufo arge, 10kariire, “Kahe tolosso,” iyidah. Geeddaas on ka et serey isoonyaame sohannaan sookhabte.
11Urur la chirri us wihi Baawulo yeele arge ka, afichoki Ikooniyo ka riire, “Waakkhassi ittaawe maalinka uummanki enenyete inno ikayimaateen” yidaaheen. 12Barnaba magah ibahcheene, Seewus yidaaheene, Baawulo la usu gon yeyyeede, Hermes yidaaheen. 13Minki waakkhi Seewus layadeeh la ilkerengeet kharicheeda kajira. Kuhaanihi waakkhaas la heerar sookhaate fiikhti lukhum lakorche khabaayi aritti ilkerengeeteet keene. Usu ichoow urur la ergaano soorriyo ibihin ꞌdoonaan.
14Iꞌdaasenyi chirri Baawulo ichoow Barnabahi ergaanee wahaas daageen ka, darfohicho ꞌdiiꞌddo ka khakkharradicheene, saggi icho wihi ꞌdooꞌd yeelo iꞌdiiꞌddanyahiin tuseene, oryeene urur goya geleene riireen. 15“Era iꞌda ayeelina. Nah laka iꞌdiin u a weeli enenyet on. Nah Wori Haaggan on atin icheekna, ꞌdee waakkhassi ilmarhaatteete atin wahattaan urgiyissaane, Waakkhi jiro wahattaan. Ulla a Waakkhi serey ichoow harra ichoow beyohi burbuure ichoow wihi tuummane goyahicho kajiro soouume. 16Kholoyyohi kute ka Waakh yaafo tuumman a ꞌdiiche, tooba jitiche tabte. 17Iꞌdaasenyi Waakh haaggi us yeelo ka saggi us rumanka ijiro enenyet a tuse. Hiri us atin siicho ichoow gurnaanki yeerassicho ka delo ka uuri ꞌdabakhe a atin tuste. Gololi buure la a atin siiche, rubeyohiin la hamaad buuhiche.” 18Yeedaas tuumman ka laka ergaano nyife ꞌdooꞌd soorriyoti kootte us icho igoon leheet kaholisse.
19ꞌDooꞌdoo Yaꞌhuude ilkerengeetti Antiyookhiya ichoow Ikooniyo kayimiy la yimiyye ꞌdooꞌd ankicho isoolaabeene, ichoowka Baawulo dagah kachibeen. Kol us yumuyye koogyahiine ꞌdeerka ilkerengeet khariche ijiiteen. 20Iꞌdaasenyi inkoo abatti Baawulo kakhaaratte ka, Baawulo sookahe icho raahe ilkerengeet leegele. Saahka usu ichoow Barnaba ba ilkerengeetti Deerbe ikaheen.
Baawulo ichoow Barnaba ba ilkerengeetti Antiyookhiya ili Siiriya kijirto inokhtaan
21Baawulo ichoow Barnaba la ilkerengeetti Deerbe ka Wori Haaggan cheekeene ꞌdooꞌdi ittaawe abatti Kiriisto kayeeleen. ꞌDeerka toro kaheene ilkerengeetti Luussira ichoow ti Ikooniyo ichoow ti Antiyookhiya ili Bisiidiya inokhteen. 22Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.” 23Baawulo ichoow Barnaba urur Kiriisto ewweenkoo woyo isoobahcheene, ꞌdooꞌdi Kiriisto rummeeste iweynaacheen. Af hiiteene ꞌdooꞌdaas Kamuri icho kakhuufaan iwaheene, dahantiis gesseen. 24Inkoo icho ili Bisiidiya tabeene ili Bambiiliya irteen, 25intaas ka ilkerengeetti Beerga ka Yeedi Waakh cheekeen. Ilkerengeetti Attaaliya ikhubteen.
26Ilkerengeetti Attaaliya ka kooban geleene ilkerengeetti Antiyookhiya ili Siiriya kajirto inokhteen. Intaase hili icho toolla massicheen ka, goorat dahanohi haaggi Waakhe buure lakagesse. 27Inkoo icho ilkerengeetti Antiyookhiya geleen ka, urur Kiriisto isiwaheene, wihi Waakh icho ka yeele ichoow saggi Waakh jitoo ifure ꞌdee yaafohi Yaꞌhuud ieheynan laka Waakh ikakhuufaan icheekeen. 28ꞌDeerka geeddi deer intaas ka abatti leejireen.
ទើបបានជ្រើសរើសហើយ៖
Hilassi Ergaano 14: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
Hilassi Ergaano 14
14
Saggi Wori Haaggan ilkerengeetti Ikooniyo ieleele
1Baawulo ichoow Barnaba ilkerengeetti Ikooniyo ka laka iꞌdi orrankateet u minki weysiite Yaꞌhuude geleen. Intaas ka wori Waakh mujjum cheekeene, ichoowka ꞌdooꞌdi buurenye yaafohi Yaꞌhuud ichoow ki yaafohi Yaꞌhuud ieheynan ba Kamur rummeesteen. 2Iꞌdaasenyi ꞌdooꞌdi yaafohi Yaꞌhuude Kamur rummeysan ꞌdiiꞌde ꞌdooꞌdi addane yaafohi Yaꞌhuud ieheynan sootukkiche ichoowka ꞌdooꞌdi Kiriisto rummeeste iholloween. 3Baawulo ichoow Barnaba ꞌdeerka intaas geeddi deer fiddiyeene, roorro laan Kamur iyeyyeedeen. Kamur la runti wori haaggi Waakhe buurenye inno imunneynane icho cheekeen tuse, ꞌdeerka miig siiche dahanohicho ka wahanyeyyohi miigti Waakh tuso ichoow girmo yeeleen. 4ꞌDooꞌdi ilkerengeeteet la seley gowe, gaasoo ki ꞌdooꞌdaas Yaꞌhuud yitahye, gaasoo la ki ergaano yitah. 5ꞌDooꞌdoo yaafohi Yaꞌhuud ieheynan ichoow ꞌdooꞌdoo yaafohi Yaꞌhuude ichoow weynaanticho ba dagsi ka isleetossateene, mali icho ꞌdee ergaano sina kawaarichaane toro dagah kachibaan goocheen. 6Iꞌdaasenyi Baawulo ichoow Barnaba yeedaas kaseene ilkerengeetti Deerbe ichoow ti Luussira distriighi Lukahooniya kajirto ichoow ili tuummane isoodow ifirdeen. 7Intaas ka orey isohteene Wori Haaggan cheekeen.
Baawulo ichoow Barnaba ilkerengeetti Luussira ichoow ti Deerbe ka sina lakawaaricha
8Ilkerengeetti Luussira ka etoo luhlo laaye, uus ladele injire isohan a jire. 9Geedda Baawulo yeyyeedo dagansate. Baawulo indo katoolliche, saggi us Waakkhi usu samaacho ikakhuufo arge, 10kariire, “Kahe tolosso,” iyidah. Geeddaas on ka et serey isoonyaame sohannaan sookhabte.
11Urur la chirri us wihi Baawulo yeele arge ka, afichoki Ikooniyo ka riire, “Waakkhassi ittaawe maalinka uummanki enenyete inno ikayimaateen” yidaaheen. 12Barnaba magah ibahcheene, Seewus yidaaheene, Baawulo la usu gon yeyyeede, Hermes yidaaheen. 13Minki waakkhi Seewus layadeeh la ilkerengeet kharicheeda kajira. Kuhaanihi waakkhaas la heerar sookhaate fiikhti lukhum lakorche khabaayi aritti ilkerengeeteet keene. Usu ichoow urur la ergaano soorriyo ibihin ꞌdoonaan.
14Iꞌdaasenyi chirri Baawulo ichoow Barnabahi ergaanee wahaas daageen ka, darfohicho ꞌdiiꞌddo ka khakkharradicheene, saggi icho wihi ꞌdooꞌd yeelo iꞌdiiꞌddanyahiin tuseene, oryeene urur goya geleene riireen. 15“Era iꞌda ayeelina. Nah laka iꞌdiin u a weeli enenyet on. Nah Wori Haaggan on atin icheekna, ꞌdee waakkhassi ilmarhaatteete atin wahattaan urgiyissaane, Waakkhi jiro wahattaan. Ulla a Waakkhi serey ichoow harra ichoow beyohi burbuure ichoow wihi tuummane goyahicho kajiro soouume. 16Kholoyyohi kute ka Waakh yaafo tuumman a ꞌdiiche, tooba jitiche tabte. 17Iꞌdaasenyi Waakh haaggi us yeelo ka saggi us rumanka ijiro enenyet a tuse. Hiri us atin siicho ichoow gurnaanki yeerassicho ka delo ka uuri ꞌdabakhe a atin tuste. Gololi buure la a atin siiche, rubeyohiin la hamaad buuhiche.” 18Yeedaas tuumman ka laka ergaano nyife ꞌdooꞌd soorriyoti kootte us icho igoon leheet kaholisse.
19ꞌDooꞌdoo Yaꞌhuude ilkerengeetti Antiyookhiya ichoow Ikooniyo kayimiy la yimiyye ꞌdooꞌd ankicho isoolaabeene, ichoowka Baawulo dagah kachibeen. Kol us yumuyye koogyahiine ꞌdeerka ilkerengeet khariche ijiiteen. 20Iꞌdaasenyi inkoo abatti Baawulo kakhaaratte ka, Baawulo sookahe icho raahe ilkerengeet leegele. Saahka usu ichoow Barnaba ba ilkerengeetti Deerbe ikaheen.
Baawulo ichoow Barnaba ba ilkerengeetti Antiyookhiya ili Siiriya kijirto inokhtaan
21Baawulo ichoow Barnaba la ilkerengeetti Deerbe ka Wori Haaggan cheekeene ꞌdooꞌdi ittaawe abatti Kiriisto kayeeleen. ꞌDeerka toro kaheene ilkerengeetti Luussira ichoow ti Ikooniyo ichoow ti Antiyookhiya ili Bisiidiya inokhteen. 22Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.” 23Baawulo ichoow Barnaba urur Kiriisto ewweenkoo woyo isoobahcheene, ꞌdooꞌdi Kiriisto rummeeste iweynaacheen. Af hiiteene ꞌdooꞌdaas Kamuri icho kakhuufaan iwaheene, dahantiis gesseen. 24Inkoo icho ili Bisiidiya tabeene ili Bambiiliya irteen, 25intaas ka ilkerengeetti Beerga ka Yeedi Waakh cheekeen. Ilkerengeetti Attaaliya ikhubteen.
26Ilkerengeetti Attaaliya ka kooban geleene ilkerengeetti Antiyookhiya ili Siiriya kajirto inokhteen. Intaase hili icho toolla massicheen ka, goorat dahanohi haaggi Waakhe buure lakagesse. 27Inkoo icho ilkerengeetti Antiyookhiya geleen ka, urur Kiriisto isiwaheene, wihi Waakh icho ka yeele ichoow saggi Waakh jitoo ifure ꞌdee yaafohi Yaꞌhuud ieheynan laka Waakh ikakhuufaan icheekeen. 28ꞌDeerka geeddi deer intaas ka abatti leejireen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.