Hilassi Ergaano 12
12
ꞌDooꞌdi Yeesso kakhuufo weyti sina loomhicha
1Geeddassaas on ka karnati ꞌHerood Agiribba layadeeh urur Kiriisto goyaka ꞌdooꞌdoo khabte, usuhi sina omhicho ꞌdoonaa. 2Yaakoobohi walaal Yoohanee birlabe lakayigis. 3ꞌHerood la chirri us saggi ꞌdooꞌdi Yaꞌhuud waha ikahamaado arge ka, Beetero laka sookhabte jeela gesse. Wahaas la maanti Daawti Makaateti Liikhasin iche yitaaheen. 4Inkoo Beetero jeela lagesse, Beetero a lakhaate iskarti toorribto rabit affarenye rabite ba la et affar tahe liigeeche ꞌdee toorribta. ꞌHerood la mehe ꞌdoona ya, usuhi Beetero inkoo daawti Baasakka kutte ꞌdooꞌd tuumman ortiis ka hukkumo.
5Beetero ꞌdeerka jeela lagesse. Iꞌdaasenyi urur Kiriisto jeentetiis u weyti Waakh wahte.
Herti Waakh Beetero jeela ka soofurta
6Ibeenki ꞌdee saahka ꞌHerood Beetero soohukkumo ka, Beetero et lamma iskareete dahcho urꞌda, biingo lamma lakahide, tooba etoo iskareete lakahide, iskarti lammeenye aritti jeela toorribto la a jirta. 7Koloo kalday on hertoo Kamur soobahte, minki ꞌdooꞌd lakahido banay kaababeen. Herti Waakh la Beetero barbar ꞌdaarte, “Dowwa sookah,” itidah. Chirraas on gaꞌdaarreti kootte Beetero dahano kahidan diddihte.
8Herti Waakh la wihi iche Beetero itidah, “Saabaah jurkhiche, kobohaah gesso.” Beetero la iꞌdaas yeele. “Kabuuꞌdaah laka gesso, isooraah,” itidah. 9Beetero la raahe, jeela kaleebahe, iꞌdaasenyi saggi wahaas herti Waakh yeesse rumanka iyitaaheen ma kasine, kol us fooltabcho argo on koogyahe. 10Eti oraate arit yaakhicho ichoow ki lammaatteet kasookuteene aritti gaꞌdaare ilkerengeet liikabaho sooeleeleen. Arite la keley on furnante icho la tabeen. Inkoo icho inti jitat iskachibaan sooeleeleen ka, chirraas on herti Waakh usu katabte.
11Beetero ꞌdeerka neybaate, wihi us yidah, “Toolla rumanka a uba, Kamur hertiistoo a isooerge, hiinaan ꞌHerood ichoow wihi tuummane ani isooyateehe ꞌdooꞌdi Yaꞌhuud garti ikaribe.”
12Chirri us iskase ka min Maariya irte. Maariya la a abar Yoohanahi toro magahiiskoo Marko layadeeh. Minkaas la ꞌdooꞌdi ittaawenye Waakh wahti iche kajira. 13Beetero la yimiyye afafhi kharaat gugguꞌdde inanti falfeenye Rooda layadeeh itimiyye leeyeedde. 14Chirri iche hooy Beetero garatte ka weyti hamaadde, min ma furin ba nyaante ꞌdooꞌd saggi Beetero khar itoollo icheekte.
15ꞌDooꞌd la wihi us inám iyidah, “At a sirgo!” Iname la matah miigeysatte, “Mele, a rum,” itidah. Icho la toro, “A hertiisti Waakh,” iyidaaheen.
16Iꞌdaasenyi geeddaas tuumman Beetero afaf on soojaha. ꞌDaꞌddaboka afaf fureene, chirri icho Beetero argeen ka weyti girmeesteen. 17Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo#12:17 Yaakoobo. Waha walaal Yoohanahi ergaanee menye a walaal Yeesso. Usu urur Kiriistoki ilkerengeetti Yeerusaleem itoolla. ichoow ꞌdooꞌdi Kiriisto rummeeste icheeka,” iyidahye, bahe intoo addan irte.
18Baryo ka, iskarti Beetero toorribto mal gele, jeenteti wihi Beetero kayitah u. 19Inkoo iskar ꞌHerood weyti Beetero yowatte waayte ka, ꞌHerood iskar wowworsate amur bahche iskar omoot igooche.
ꞌHerood ꞌdeerka ili Yaꞌhuudiya kakahe irte ilkerengeetti Kaaysareya geeddoo fiddiye.
Karnati ꞌHerood Agiribbahi oraate yamuut
20Karnati ꞌHerood Agiribbahi oraate ꞌdooꞌdi ilkerengeetti Tiiro ichoow ꞌdooꞌdi ilkerengeetti Siidon ba weyti kahollowe. Icho la saamo ka irteene sooargeen. Kolooraat la eti uranti karnat iweene Bulaastas layadeeh iche ankicho leekeeneen. Irteene ꞌHeroodha nebey daaheen, iꞌdi tahe ilicho il ꞌHeroodhane golol kaꞌhela.
21Ibeenkoo isliigooche ka ꞌHerood darfohiiski karnannoon gessate komborti antoot koorronte, ꞌdooꞌd itolche. 22Urur la rirriire, “Weeli enenyet mee yeyyeedo, waakkhoo yeyyeeda,” yidaaheen. 23Chirraas on jeenteti ꞌHerood Waakh ikoolin u, hertoo Kamur usu guꞌdubte, ulla deyyah uur yumheene, yumuy.
24Iꞌdaasenyi Yeedi Waakh orey on isohte, ꞌdooꞌdi ittaawe la Yeesso rummeeste.
25Chirri Barnaba ichoow Saawulo hilicho buuhicheen ka, ilkerengeetti weene Yeerusaleem kasoonokhteene,#12:25 Chiirnaanne gaasoo mehe tadeeh ya, “Ilkerengeetti weene Yeerusaleem isoonokhteen.” Yoohanahi magahoo Marko layadeeh khaatteene ilkerengeetti Antiyookhiya irteen.
ទើបបានជ្រើសរើសហើយ៖
Hilassi Ergaano 12: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
Hilassi Ergaano 12
12
ꞌDooꞌdi Yeesso kakhuufo weyti sina loomhicha
1Geeddassaas on ka karnati ꞌHerood Agiribba layadeeh urur Kiriisto goyaka ꞌdooꞌdoo khabte, usuhi sina omhicho ꞌdoonaa. 2Yaakoobohi walaal Yoohanee birlabe lakayigis. 3ꞌHerood la chirri us saggi ꞌdooꞌdi Yaꞌhuud waha ikahamaado arge ka, Beetero laka sookhabte jeela gesse. Wahaas la maanti Daawti Makaateti Liikhasin iche yitaaheen. 4Inkoo Beetero jeela lagesse, Beetero a lakhaate iskarti toorribto rabit affarenye rabite ba la et affar tahe liigeeche ꞌdee toorribta. ꞌHerood la mehe ꞌdoona ya, usuhi Beetero inkoo daawti Baasakka kutte ꞌdooꞌd tuumman ortiis ka hukkumo.
5Beetero ꞌdeerka jeela lagesse. Iꞌdaasenyi urur Kiriisto jeentetiis u weyti Waakh wahte.
Herti Waakh Beetero jeela ka soofurta
6Ibeenki ꞌdee saahka ꞌHerood Beetero soohukkumo ka, Beetero et lamma iskareete dahcho urꞌda, biingo lamma lakahide, tooba etoo iskareete lakahide, iskarti lammeenye aritti jeela toorribto la a jirta. 7Koloo kalday on hertoo Kamur soobahte, minki ꞌdooꞌd lakahido banay kaababeen. Herti Waakh la Beetero barbar ꞌdaarte, “Dowwa sookah,” itidah. Chirraas on gaꞌdaarreti kootte Beetero dahano kahidan diddihte.
8Herti Waakh la wihi iche Beetero itidah, “Saabaah jurkhiche, kobohaah gesso.” Beetero la iꞌdaas yeele. “Kabuuꞌdaah laka gesso, isooraah,” itidah. 9Beetero la raahe, jeela kaleebahe, iꞌdaasenyi saggi wahaas herti Waakh yeesse rumanka iyitaaheen ma kasine, kol us fooltabcho argo on koogyahe. 10Eti oraate arit yaakhicho ichoow ki lammaatteet kasookuteene aritti gaꞌdaare ilkerengeet liikabaho sooeleeleen. Arite la keley on furnante icho la tabeen. Inkoo icho inti jitat iskachibaan sooeleeleen ka, chirraas on herti Waakh usu katabte.
11Beetero ꞌdeerka neybaate, wihi us yidah, “Toolla rumanka a uba, Kamur hertiistoo a isooerge, hiinaan ꞌHerood ichoow wihi tuummane ani isooyateehe ꞌdooꞌdi Yaꞌhuud garti ikaribe.”
12Chirri us iskase ka min Maariya irte. Maariya la a abar Yoohanahi toro magahiiskoo Marko layadeeh. Minkaas la ꞌdooꞌdi ittaawenye Waakh wahti iche kajira. 13Beetero la yimiyye afafhi kharaat gugguꞌdde inanti falfeenye Rooda layadeeh itimiyye leeyeedde. 14Chirri iche hooy Beetero garatte ka weyti hamaadde, min ma furin ba nyaante ꞌdooꞌd saggi Beetero khar itoollo icheekte.
15ꞌDooꞌd la wihi us inám iyidah, “At a sirgo!” Iname la matah miigeysatte, “Mele, a rum,” itidah. Icho la toro, “A hertiisti Waakh,” iyidaaheen.
16Iꞌdaasenyi geeddaas tuumman Beetero afaf on soojaha. ꞌDaꞌddaboka afaf fureene, chirri icho Beetero argeen ka weyti girmeesteen. 17Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo#12:17 Yaakoobo. Waha walaal Yoohanahi ergaanee menye a walaal Yeesso. Usu urur Kiriistoki ilkerengeetti Yeerusaleem itoolla. ichoow ꞌdooꞌdi Kiriisto rummeeste icheeka,” iyidahye, bahe intoo addan irte.
18Baryo ka, iskarti Beetero toorribto mal gele, jeenteti wihi Beetero kayitah u. 19Inkoo iskar ꞌHerood weyti Beetero yowatte waayte ka, ꞌHerood iskar wowworsate amur bahche iskar omoot igooche.
ꞌHerood ꞌdeerka ili Yaꞌhuudiya kakahe irte ilkerengeetti Kaaysareya geeddoo fiddiye.
Karnati ꞌHerood Agiribbahi oraate yamuut
20Karnati ꞌHerood Agiribbahi oraate ꞌdooꞌdi ilkerengeetti Tiiro ichoow ꞌdooꞌdi ilkerengeetti Siidon ba weyti kahollowe. Icho la saamo ka irteene sooargeen. Kolooraat la eti uranti karnat iweene Bulaastas layadeeh iche ankicho leekeeneen. Irteene ꞌHeroodha nebey daaheen, iꞌdi tahe ilicho il ꞌHeroodhane golol kaꞌhela.
21Ibeenkoo isliigooche ka ꞌHerood darfohiiski karnannoon gessate komborti antoot koorronte, ꞌdooꞌd itolche. 22Urur la rirriire, “Weeli enenyet mee yeyyeedo, waakkhoo yeyyeeda,” yidaaheen. 23Chirraas on jeenteti ꞌHerood Waakh ikoolin u, hertoo Kamur usu guꞌdubte, ulla deyyah uur yumheene, yumuy.
24Iꞌdaasenyi Yeedi Waakh orey on isohte, ꞌdooꞌdi ittaawe la Yeesso rummeeste.
25Chirri Barnaba ichoow Saawulo hilicho buuhicheen ka, ilkerengeetti weene Yeerusaleem kasoonokhteene,#12:25 Chiirnaanne gaasoo mehe tadeeh ya, “Ilkerengeetti weene Yeerusaleem isoonokhteen.” Yoohanahi magahoo Marko layadeeh khaatteene ilkerengeetti Antiyookhiya irteen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.