2 Koriinto 13
13
Tootoonnaanki ꞌdaꞌddaboot
1Waha a koli seyyahnaatteete an atin iamiit. Iꞌdi Chiirnaanneti Waakh ka chiiran u, “Ayti etoo lakacheekti, garti et lamma ommos seyyah laabto ka a larummaacho.”#13:1 Deewutoronomi 19:15. 2Koli lammaatteete goorat an atin leejire a atin tootooche. Toolla an atin ileejirin la a inokhda. Maanti an soonokhdi ꞌdooꞌdi ꞌhor uskeel yeele ichoow ki addan tuumman sirbiti an gesso ka koo kaldaye an ꞌdiicho mele. 3Iꞌdane yeela, a mehe atin runti saggi Kiriisto afeey ka atin ileeyyeedo tusso marantaan. Kiriisto wihi us atin iyeelo ka ma ꞌdarane, iꞌdaasenyi goytiin ka miig a khaba. 4Iꞌdi tahe maanti usu lakaahe rumanka iꞌdi weeli enenyet u a ꞌdarneet. Iꞌdaasenyi us miigti Waakh ka a jira. Saggaas on u, nahi Kiriisto ka wohoo kaldaye ꞌdarritiis a leegisanna, iꞌdaasenyi miigti Waakh ka, usu a leejirra.
5Mujjum isfiiricha usu atin rumanka kakhuufnaanki Kiriisto lakakhuufo khabtaan yeya. Ebba a iskajo. Saggi Yeesso Kiriisto goytiin ikajiro kasooꞌhela. Chiꞌiche iꞌdaas ieheynan, kajmeti atin lakajo ka a kufteen. 6Genneyte atin saggi nah kajmeti nah lakajo ka ikunne kassaan. 7Toolla la Waakhe wahanna uus ꞌdee atin suujoon yeeline. Jeenteti nah iwahanni, jeenteti nah ꞌdooꞌdi kajme ka kute iyoognahe menye, atinhi haag yeessaane ꞌdoonna, chiꞌ nah ꞌdooꞌdoo ka ꞌdooꞌdi kajme ka kufe iyoognahe laka. 8A mehe nah wihi runti Wori Haaggan buusan yeelin ma nabuuꞌd, iꞌdaasenyi wihi runtaas orey iwoyto on yeella. 9Chirbaaw nah ꞌdarannahe atin la miigtahiin, nah a hamaana. Weysiheenyo la a Waakkhi tuum atin isoobuuhicho. 10Jeentetaas u geeddi an atin ileejirin khadaaba a atin isoochiira, ꞌdee chaꞌan imiy sag ani antoheeyki miige ka atin idakhdi mele. Antohaas an atin kadakhdi Kamure isiiche, ꞌdee ꞌdooꞌd Kiriisto ma jejjebcho, disa.
Bariitoti ꞌdaꞌddaboot
11ꞌDooꞌd Kiriistokaaw wihi yomboot, taba weyti hamaada, ꞌdooꞌdi buuho ateeha, uur ismiigoocha, maloo kalday khaba, nebey iskaleefiddiya. Iꞌda ka Waakkhi ꞌdoonin ichoow nebey tuumman leh a atin leejira.
12Taba ꞌdoonin Kiriisto iskabariiticha. 13ꞌDooꞌdi Waakhe inta kajiro tuumman a atin soobariitiche.
14Haag Yeesso Kiriistohi Kamure ichoow ꞌdooninti Waakh ichoow kulanki Rubeyti Munyee ba atin tuumman atin leejiraan.
ទើបបានជ្រើសរើសហើយ៖
2 Koriinto 13: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
2 Koriinto 13
13
Tootoonnaanki ꞌdaꞌddaboot
1Waha a koli seyyahnaatteete an atin iamiit. Iꞌdi Chiirnaanneti Waakh ka chiiran u, “Ayti etoo lakacheekti, garti et lamma ommos seyyah laabto ka a larummaacho.”#13:1 Deewutoronomi 19:15. 2Koli lammaatteete goorat an atin leejire a atin tootooche. Toolla an atin ileejirin la a inokhda. Maanti an soonokhdi ꞌdooꞌdi ꞌhor uskeel yeele ichoow ki addan tuumman sirbiti an gesso ka koo kaldaye an ꞌdiicho mele. 3Iꞌdane yeela, a mehe atin runti saggi Kiriisto afeey ka atin ileeyyeedo tusso marantaan. Kiriisto wihi us atin iyeelo ka ma ꞌdarane, iꞌdaasenyi goytiin ka miig a khaba. 4Iꞌdi tahe maanti usu lakaahe rumanka iꞌdi weeli enenyet u a ꞌdarneet. Iꞌdaasenyi us miigti Waakh ka a jira. Saggaas on u, nahi Kiriisto ka wohoo kaldaye ꞌdarritiis a leegisanna, iꞌdaasenyi miigti Waakh ka, usu a leejirra.
5Mujjum isfiiricha usu atin rumanka kakhuufnaanki Kiriisto lakakhuufo khabtaan yeya. Ebba a iskajo. Saggi Yeesso Kiriisto goytiin ikajiro kasooꞌhela. Chiꞌiche iꞌdaas ieheynan, kajmeti atin lakajo ka a kufteen. 6Genneyte atin saggi nah kajmeti nah lakajo ka ikunne kassaan. 7Toolla la Waakhe wahanna uus ꞌdee atin suujoon yeeline. Jeenteti nah iwahanni, jeenteti nah ꞌdooꞌdi kajme ka kute iyoognahe menye, atinhi haag yeessaane ꞌdoonna, chiꞌ nah ꞌdooꞌdoo ka ꞌdooꞌdi kajme ka kufe iyoognahe laka. 8A mehe nah wihi runti Wori Haaggan buusan yeelin ma nabuuꞌd, iꞌdaasenyi wihi runtaas orey iwoyto on yeella. 9Chirbaaw nah ꞌdarannahe atin la miigtahiin, nah a hamaana. Weysiheenyo la a Waakkhi tuum atin isoobuuhicho. 10Jeentetaas u geeddi an atin ileejirin khadaaba a atin isoochiira, ꞌdee chaꞌan imiy sag ani antoheeyki miige ka atin idakhdi mele. Antohaas an atin kadakhdi Kamure isiiche, ꞌdee ꞌdooꞌd Kiriisto ma jejjebcho, disa.
Bariitoti ꞌdaꞌddaboot
11ꞌDooꞌd Kiriistokaaw wihi yomboot, taba weyti hamaada, ꞌdooꞌdi buuho ateeha, uur ismiigoocha, maloo kalday khaba, nebey iskaleefiddiya. Iꞌda ka Waakkhi ꞌdoonin ichoow nebey tuumman leh a atin leejira.
12Taba ꞌdoonin Kiriisto iskabariiticha. 13ꞌDooꞌdi Waakhe inta kajiro tuumman a atin soobariitiche.
14Haag Yeesso Kiriistohi Kamure ichoow ꞌdooninti Waakh ichoow kulanki Rubeyti Munyee ba atin tuumman atin leejiraan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.