2 Koriinto 11
11
Ergaanoti beenaat yuubsada
1Bal chaꞌan geeddoor saggi ꞌdalam iyeyyeedo iikaꞌharina. Iꞌdaasenyi ma ikaꞌhartaan ba. 2A mehe an inaafi Waakh kayamiite atin ikhaba. A mehe iꞌdi inanti laalkumuu an etoo a atin siiche, kaas la a Kiriisto. Iꞌda ka iꞌdi inanti ladisti miꞌdab itahuu Kiriisto atin ikeena. 3Iꞌdaasenyi wihi an karooro a mehe ya, saggi goorat toof kharatiis ka Haawwo iekkeestuu #11:3 Uumaccho 3:1-7. a geeddi maliin labaabulo ꞌdee raahnaanki el ikhabine atin tuum Kiriisto raahtaan ka jit atin labuucho. 4A mehe chiꞌ etoo yamiite Yeessohoo addan cheeko, ommos chaꞌatin rubeytoo addane Rubeyti Munyeenye atin ꞌhesseen kayeere ꞌhessaane, ommos woroo Wori Haaggane atin khaatatteen kayeere khaatattaan, atin iꞌdaanu wahaas khaatattaan. 5A mehe maleey ka reera, “ergaanoti weyti khukkhumman,” layadeeh an iꞌdaaru laka ma karucchul. 6Kolossoo an eti af kaatah mee. Eheetteey laka an wori Waakh a garda, ꞌdow ka la, jitat tuumman ichoow walah tuumman ka wahaas a atin tuse.
7Chirri an isnuglaache ꞌdee atin laweynaacho jeenteti an Wori Haaggane Waakh iꞌdaanu icheekuu, an uskeeloo a yeele? 8An a iꞌdoo an ururre Kiriistotoo hate chaꞌan geeddi an atin ihilo icho chilimme kaꞌhele. 9Maanti an atin leejire, chirri an walah waaye, et an hulees korche mele. Iꞌdi tahe ꞌdooꞌd Kiriistoki boroofenhi Makedooniya kayimiy wihi ikaankhan a isoobuuhiche. An hulees injire ma atin korinne, toro la uliba laka orey on isohda iꞌda yeela. 10Saggi rum Kiriisto goyteey ikajirtuu, et waha an ili Akhaaya ka keeylajo an ꞌdooꞌd hulees ikorin toollicho mele. 11An a iꞌdoh eylajeeyka orey ikaleesohda? Jeenteti an atin iꞌdoonine waha iyeela? Waakh saggi an atin iꞌdoono a garta.
12Wihi toolla an yeelo toro oreye ileesohda ꞌdee ꞌdooꞌdi jiti liifuro ꞌdoono ꞌdee eylajo, hilicho ichoow keenyo ba a ekka essi luhlo goocha. 13A mehe ꞌdooꞌdaas ergaano iskaayyeela. Hili icho haaggichaan ka enenyet a ekkeestaane soonyoy ka ergaano Kiriisto iskaayyeelaan. 14Waha la girmo mee, a mehe Seytaan rubeytiis soonyoy ka herti Waakhe ababto iskayeela. 15ꞌDeerka girmo mee chiꞌ ilbooyyetiis laka ilbooyyeti Waakkhi rumanka fissan iskaayyeesso. Inti icho kamassataan a Waakkhi wihi icho yeeleen ka sina tuso.
Baawulo sinayyohiis kaayyeeda
16Toro a inokhda adeehe, uus etoo kalday laka ꞌdalam ikoogeynan. Iꞌdaasenyi chaꞌatin ꞌdalam ikoogtahiin, saggi eti ꞌdalame on ikhaata ꞌdee iꞌdaaru a eylajo. 17Chirri an roorro laan eylajo, wihi Kamur iꞌdoono an adeeh mee, an iꞌdi ꞌdalame iyeyyeeda. 18ꞌDooꞌdi buure saggi ꞌdooꞌdi harratane ieylaja gone, annaka a eylaja. 19Iꞌdi tahe atin weyti a kharayyo, ꞌdooꞌdi ꞌdalammee laka hamaad ka a igarrahsattaan. 20Iꞌdi tahe chiꞌ etoo bowꞌda atin kayeesse ommos wihiin tuumman ꞌdabbaacho ommos ekkeysi ka wihiin atin kakhaato ommos atin ꞌdarraawo ommos fodoorre laka atin jaho a garrahsattaan on. 21Aa! Nah rumanka a ꞌdarneete iꞌdaas la ma yeelin! A lakhaanyeesdaay?
An uliba saggi ꞌdalame iyeyyeedaa, walahbaaw etoo roorro laan keeylajo, ani laka wahaas roorro laan a keeylaja. 22Icho a ꞌdooꞌdi Ibiraaniya? Ani laka. Icho saggi ꞌdooꞌdi Issiraayele Waakh iwahtaan? Ani laka. Icho hiiy Aburaahame kayimaateen? Ani laka. 23An saggi sirgo iyeyyeeda. Icho a ilbooyye Kiriisto? An ilbooy ka icho a kuta. ꞌDirihichooda hili miige haaggiche, ꞌdirihichooda jeela ka liihide, ꞌdirihichooda laajja ka liijahe, ꞌdirihichooda liigaasan leheet laka. 24Kol chane Yaꞌhuud laajja tomon seyyah ichoow saagaal igesseen. 25Kol seyyah ꞌdooꞌdi Rooma wulo ka ijahe, maantoo dagah liikachibe. Kol seyyahe koobanhi buurenye an kijire bar waayeen. Maalinkoo goya ween ibeenkiche khabto bey goya on kijire. 26Kolassi ittaawenye sohoti deer kijire, hawohi ꞌdulo ikhaatin leheete, chifta iigaasan leheete ꞌdooꞌdi Yaꞌhuud ichoow ki yaafohi Yaꞌhuud ieheynan ba iigaasan leheet. Ilkerengeetti ween ichoow hidaad ka ichoow beyohi burbuure ka liigaasan leheet. ꞌDooꞌd Kiriistoki beenaat laka iigaasan leheet. 27An weyti hol dowe, sinayyo laka iyumheene, ibeenneti ittaawe urꞌdumme laka waaye, raarahde, subgaade, kolassi ittaawe golol laan fiddiye. A roffoode toro gaaddi iyaakhto laka waaye. 28Waha tuumman ꞌdirihicho la, huleesi an kol dakkhan khabo a mali an ururre Kiriisto tuumman ikhabo. 29Maanti etoo ꞌdaranyahe ani laka a ꞌdaranahe. Maanti etoo uskeel lakalugꞌde an hol ka weyti bolkha.
30Chiꞌ anihi eylajo rumanka laꞌdoono, wihi an keeylajo a wihi ꞌdarriteey tuso. 31Waakkhi Waakh ichoow Aabba Yeessohi Kamure jirtuu tuumman a lakoolicho. Ulla saggi waha tuummane an eldi been ieheynan a garta. 32Maanti an ilkerengeetti weene Damaasko kijire, gaafanahi karnati Areeta layadeeh soobahsate ilkerengeete yaakhiche, ꞌdee ani ikhabtaa. 33Iꞌdaasenyi enjeloo goya liikalugꞌde, daddaabohi ilkerengeettaas kamarsan ka ꞌdohtoo liileekeene liisooyagche, dahantiis kabahsade.
ទើបបានជ្រើសរើសហើយ៖
2 Koriinto 11: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
2 Koriinto 11
11
Ergaanoti beenaat yuubsada
1Bal chaꞌan geeddoor saggi ꞌdalam iyeyyeedo iikaꞌharina. Iꞌdaasenyi ma ikaꞌhartaan ba. 2A mehe an inaafi Waakh kayamiite atin ikhaba. A mehe iꞌdi inanti laalkumuu an etoo a atin siiche, kaas la a Kiriisto. Iꞌda ka iꞌdi inanti ladisti miꞌdab itahuu Kiriisto atin ikeena. 3Iꞌdaasenyi wihi an karooro a mehe ya, saggi goorat toof kharatiis ka Haawwo iekkeestuu #11:3 Uumaccho 3:1-7. a geeddi maliin labaabulo ꞌdee raahnaanki el ikhabine atin tuum Kiriisto raahtaan ka jit atin labuucho. 4A mehe chiꞌ etoo yamiite Yeessohoo addan cheeko, ommos chaꞌatin rubeytoo addane Rubeyti Munyeenye atin ꞌhesseen kayeere ꞌhessaane, ommos woroo Wori Haaggane atin khaatatteen kayeere khaatattaan, atin iꞌdaanu wahaas khaatattaan. 5A mehe maleey ka reera, “ergaanoti weyti khukkhumman,” layadeeh an iꞌdaaru laka ma karucchul. 6Kolossoo an eti af kaatah mee. Eheetteey laka an wori Waakh a garda, ꞌdow ka la, jitat tuumman ichoow walah tuumman ka wahaas a atin tuse.
7Chirri an isnuglaache ꞌdee atin laweynaacho jeenteti an Wori Haaggane Waakh iꞌdaanu icheekuu, an uskeeloo a yeele? 8An a iꞌdoo an ururre Kiriistotoo hate chaꞌan geeddi an atin ihilo icho chilimme kaꞌhele. 9Maanti an atin leejire, chirri an walah waaye, et an hulees korche mele. Iꞌdi tahe ꞌdooꞌd Kiriistoki boroofenhi Makedooniya kayimiy wihi ikaankhan a isoobuuhiche. An hulees injire ma atin korinne, toro la uliba laka orey on isohda iꞌda yeela. 10Saggi rum Kiriisto goyteey ikajirtuu, et waha an ili Akhaaya ka keeylajo an ꞌdooꞌd hulees ikorin toollicho mele. 11An a iꞌdoh eylajeeyka orey ikaleesohda? Jeenteti an atin iꞌdoonine waha iyeela? Waakh saggi an atin iꞌdoono a garta.
12Wihi toolla an yeelo toro oreye ileesohda ꞌdee ꞌdooꞌdi jiti liifuro ꞌdoono ꞌdee eylajo, hilicho ichoow keenyo ba a ekka essi luhlo goocha. 13A mehe ꞌdooꞌdaas ergaano iskaayyeela. Hili icho haaggichaan ka enenyet a ekkeestaane soonyoy ka ergaano Kiriisto iskaayyeelaan. 14Waha la girmo mee, a mehe Seytaan rubeytiis soonyoy ka herti Waakhe ababto iskayeela. 15ꞌDeerka girmo mee chiꞌ ilbooyyetiis laka ilbooyyeti Waakkhi rumanka fissan iskaayyeesso. Inti icho kamassataan a Waakkhi wihi icho yeeleen ka sina tuso.
Baawulo sinayyohiis kaayyeeda
16Toro a inokhda adeehe, uus etoo kalday laka ꞌdalam ikoogeynan. Iꞌdaasenyi chaꞌatin ꞌdalam ikoogtahiin, saggi eti ꞌdalame on ikhaata ꞌdee iꞌdaaru a eylajo. 17Chirri an roorro laan eylajo, wihi Kamur iꞌdoono an adeeh mee, an iꞌdi ꞌdalame iyeyyeeda. 18ꞌDooꞌdi buure saggi ꞌdooꞌdi harratane ieylaja gone, annaka a eylaja. 19Iꞌdi tahe atin weyti a kharayyo, ꞌdooꞌdi ꞌdalammee laka hamaad ka a igarrahsattaan. 20Iꞌdi tahe chiꞌ etoo bowꞌda atin kayeesse ommos wihiin tuumman ꞌdabbaacho ommos ekkeysi ka wihiin atin kakhaato ommos atin ꞌdarraawo ommos fodoorre laka atin jaho a garrahsattaan on. 21Aa! Nah rumanka a ꞌdarneete iꞌdaas la ma yeelin! A lakhaanyeesdaay?
An uliba saggi ꞌdalame iyeyyeedaa, walahbaaw etoo roorro laan keeylajo, ani laka wahaas roorro laan a keeylaja. 22Icho a ꞌdooꞌdi Ibiraaniya? Ani laka. Icho saggi ꞌdooꞌdi Issiraayele Waakh iwahtaan? Ani laka. Icho hiiy Aburaahame kayimaateen? Ani laka. 23An saggi sirgo iyeyyeeda. Icho a ilbooyye Kiriisto? An ilbooy ka icho a kuta. ꞌDirihichooda hili miige haaggiche, ꞌdirihichooda jeela ka liihide, ꞌdirihichooda laajja ka liijahe, ꞌdirihichooda liigaasan leheet laka. 24Kol chane Yaꞌhuud laajja tomon seyyah ichoow saagaal igesseen. 25Kol seyyah ꞌdooꞌdi Rooma wulo ka ijahe, maantoo dagah liikachibe. Kol seyyahe koobanhi buurenye an kijire bar waayeen. Maalinkoo goya ween ibeenkiche khabto bey goya on kijire. 26Kolassi ittaawenye sohoti deer kijire, hawohi ꞌdulo ikhaatin leheete, chifta iigaasan leheete ꞌdooꞌdi Yaꞌhuud ichoow ki yaafohi Yaꞌhuud ieheynan ba iigaasan leheet. Ilkerengeetti ween ichoow hidaad ka ichoow beyohi burbuure ka liigaasan leheet. ꞌDooꞌd Kiriistoki beenaat laka iigaasan leheet. 27An weyti hol dowe, sinayyo laka iyumheene, ibeenneti ittaawe urꞌdumme laka waaye, raarahde, subgaade, kolassi ittaawe golol laan fiddiye. A roffoode toro gaaddi iyaakhto laka waaye. 28Waha tuumman ꞌdirihicho la, huleesi an kol dakkhan khabo a mali an ururre Kiriisto tuumman ikhabo. 29Maanti etoo ꞌdaranyahe ani laka a ꞌdaranahe. Maanti etoo uskeel lakalugꞌde an hol ka weyti bolkha.
30Chiꞌ anihi eylajo rumanka laꞌdoono, wihi an keeylajo a wihi ꞌdarriteey tuso. 31Waakkhi Waakh ichoow Aabba Yeessohi Kamure jirtuu tuumman a lakoolicho. Ulla saggi waha tuummane an eldi been ieheynan a garta. 32Maanti an ilkerengeetti weene Damaasko kijire, gaafanahi karnati Areeta layadeeh soobahsate ilkerengeete yaakhiche, ꞌdee ani ikhabtaa. 33Iꞌdaasenyi enjeloo goya liikalugꞌde, daddaabohi ilkerengeettaas kamarsan ka ꞌdohtoo liileekeene liisooyagche, dahantiis kabahsade.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.