1 Koriinto 16
16
Urur Kiriistoki Koriinto chilimme baayicha
1Toolla woriiyye an atin kaleeyyeedo a chilimmeti labaayicho, ꞌdooꞌdi Waakhe ili Yaꞌhuudiya kajiro lasiicho miinsan. Atin laka wihi an ururre Kiriistoti boroofenhi Galaatiya kajirto yeela iidah on, atin laka yeela. 2Teeba tuumman ibeenki oraat etiimba chilimme geeddi Waakh siiche, gaasoo meel a gesso, ꞌdee maanti an amiit chilimme addane labaayicho ba mele. 3ꞌDeerka maanti an imiy ꞌdooꞌdi atin soobihisseen khadaabbeti eti icho yayyahiin tusso a siicha, siinti chilimmeti atin baayisseen khabaani ilkerengeetti weene Yeerusaleem ierga. 4Chirri iche mujjum tahe, a geeddi an laka irdi icho la iraahaan.
Mali Baawulo khabo
5Boroofenhi Makedooniya amiite, ꞌdee atin sooꞌdaara. Iꞌdi tahe boroofenhi Makedooniya goya leeamiit. 6Anna kolossoo a atin leefiddiya. A geeddi an yeerti il roffo yahe tuumman an atin leefiddiyo, ꞌdee atin la meelbaaw an irdi ka sulhaasseey ka igargaartaan. 7Anihi iꞌdaaru on atin leeamiite, atin kakuto ma ꞌdoono. Afi Kamur ka, anihi geeddoo deer atin leefiddiyo khajjeela. 8Iꞌdaasenyi ilkerengeetti Efeesso fiddiya, ichoowka daawti Beentekos#16:8 Hilassi Ergaano 19:8-10. tateeh. 9Iꞌdi tahe aritti ballaaddane ꞌdee an hili khumman kahaaggicho a liifure chirri ꞌdooꞌdi buure itirrimo laka.
10Chirri Timooti goytiin yimiy, taba uus roorrotoo rucchul laka goytiin ka khabin. Iꞌdi tahe ullaka iꞌdeey u hili Kamure haaggicha. 11Uus etoo kalday laka goytiin ka usu ꞌdarraawin. Chuꞌus irti, nebey on a kiirti, ꞌdee ani a isoonokhti. Iꞌdi tahe an usuhi mejeloo addane Kiriisto rummeeste khabaayi soonokhti, iche suga.
12Wori eteenki Aboollo layadeeh miinsan la, an weyti usu a hawwaasde ꞌdooꞌdoo addane koo Kiriistee khabaayi atin iirda iidah. Usuhi toolla irti ma ꞌdoono, iꞌdaasenyi ibeenki us ꞌhelo on irta.
13Taba istoorriba, kakhuufnaanki atin Waakh kakhuuftaan ka mujjum tolola. Aburꞌdowina, miig la khaba. 14Wihi atin haaggissaan tuumman ka, ꞌdoonin kahaaggicha.
15Woriiyye goob Isteefana miinsan a garattaan. Icho a ꞌdooꞌdi kolooraate boroofenhi Akhaaya ka Kiriisto rummeeste, hili ꞌdooꞌdi Waakh liihilo ka issoobahche. ꞌDooꞌd Kiriistokaaw, a atin hawwaasde, 16ꞌdooꞌdi iꞌdaase ichoow ki addane hil leehaaggicho aficho akutina. 17Emeetti Isteefana ichoow Fortunaata ichoow Akaayikas ba inta yimaateen, weyti kahamaade. Iꞌdi tahe wihi ankiin ka ankhaneete buuhicheen. 18Iꞌdi tahe saggi icho uur atin imiigoocheen, iche ani laka uur imiigoocheen. ꞌDooꞌdi iꞌdee wihi us essi weyti nabah isuda.
Bariitoti ꞌdaꞌddaboot
19ꞌDooꞌdi ururre Kiriisto boroofenhi Aassiya kajiro tuumman, a atin soobariitiche. Akiila ichoow Birisiila ichoow ꞌdooꞌdi Waakhe minkicho ka kulmo, magahi Kamur ka weyti atin soobariiticheen. 20ꞌDooꞌdi Kiriisto rummeeste inta kajiro tuumman laka a atin soobariitiche. Taba ꞌdoonin Kiriisto iskabariiticha.
21Waha la ani rubeytaaya dahanteey kachiira. Ani Baawulo weyti atin soobariitiche.
22Eti tuummane Kamur iꞌdoonin, a falanyahe! Kamuroow dowwa soonokho!#16:22 Kamuroow dowwa soonokho. Yeeda afi Ibaraaniya ka, “Maranaaꞌda” yadeeh.
23Yeessohi Kamure ba atin imaala.
24ꞌDooninteey ba a atin leejirto, a mehe Yeesso Kiriisto ka inno tuumman a wohoo kalday.
ទើបបានជ្រើសរើសហើយ៖
1 Koriinto 16: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
1 Koriinto 16
16
Urur Kiriistoki Koriinto chilimme baayicha
1Toolla woriiyye an atin kaleeyyeedo a chilimmeti labaayicho, ꞌdooꞌdi Waakhe ili Yaꞌhuudiya kajiro lasiicho miinsan. Atin laka wihi an ururre Kiriistoti boroofenhi Galaatiya kajirto yeela iidah on, atin laka yeela. 2Teeba tuumman ibeenki oraat etiimba chilimme geeddi Waakh siiche, gaasoo meel a gesso, ꞌdee maanti an amiit chilimme addane labaayicho ba mele. 3ꞌDeerka maanti an imiy ꞌdooꞌdi atin soobihisseen khadaabbeti eti icho yayyahiin tusso a siicha, siinti chilimmeti atin baayisseen khabaani ilkerengeetti weene Yeerusaleem ierga. 4Chirri iche mujjum tahe, a geeddi an laka irdi icho la iraahaan.
Mali Baawulo khabo
5Boroofenhi Makedooniya amiite, ꞌdee atin sooꞌdaara. Iꞌdi tahe boroofenhi Makedooniya goya leeamiit. 6Anna kolossoo a atin leefiddiya. A geeddi an yeerti il roffo yahe tuumman an atin leefiddiyo, ꞌdee atin la meelbaaw an irdi ka sulhaasseey ka igargaartaan. 7Anihi iꞌdaaru on atin leeamiite, atin kakuto ma ꞌdoono. Afi Kamur ka, anihi geeddoo deer atin leefiddiyo khajjeela. 8Iꞌdaasenyi ilkerengeetti Efeesso fiddiya, ichoowka daawti Beentekos#16:8 Hilassi Ergaano 19:8-10. tateeh. 9Iꞌdi tahe aritti ballaaddane ꞌdee an hili khumman kahaaggicho a liifure chirri ꞌdooꞌdi buure itirrimo laka.
10Chirri Timooti goytiin yimiy, taba uus roorrotoo rucchul laka goytiin ka khabin. Iꞌdi tahe ullaka iꞌdeey u hili Kamure haaggicha. 11Uus etoo kalday laka goytiin ka usu ꞌdarraawin. Chuꞌus irti, nebey on a kiirti, ꞌdee ani a isoonokhti. Iꞌdi tahe an usuhi mejeloo addane Kiriisto rummeeste khabaayi soonokhti, iche suga.
12Wori eteenki Aboollo layadeeh miinsan la, an weyti usu a hawwaasde ꞌdooꞌdoo addane koo Kiriistee khabaayi atin iirda iidah. Usuhi toolla irti ma ꞌdoono, iꞌdaasenyi ibeenki us ꞌhelo on irta.
13Taba istoorriba, kakhuufnaanki atin Waakh kakhuuftaan ka mujjum tolola. Aburꞌdowina, miig la khaba. 14Wihi atin haaggissaan tuumman ka, ꞌdoonin kahaaggicha.
15Woriiyye goob Isteefana miinsan a garattaan. Icho a ꞌdooꞌdi kolooraate boroofenhi Akhaaya ka Kiriisto rummeeste, hili ꞌdooꞌdi Waakh liihilo ka issoobahche. ꞌDooꞌd Kiriistokaaw, a atin hawwaasde, 16ꞌdooꞌdi iꞌdaase ichoow ki addane hil leehaaggicho aficho akutina. 17Emeetti Isteefana ichoow Fortunaata ichoow Akaayikas ba inta yimaateen, weyti kahamaade. Iꞌdi tahe wihi ankiin ka ankhaneete buuhicheen. 18Iꞌdi tahe saggi icho uur atin imiigoocheen, iche ani laka uur imiigoocheen. ꞌDooꞌdi iꞌdee wihi us essi weyti nabah isuda.
Bariitoti ꞌdaꞌddaboot
19ꞌDooꞌdi ururre Kiriisto boroofenhi Aassiya kajiro tuumman, a atin soobariitiche. Akiila ichoow Birisiila ichoow ꞌdooꞌdi Waakhe minkicho ka kulmo, magahi Kamur ka weyti atin soobariiticheen. 20ꞌDooꞌdi Kiriisto rummeeste inta kajiro tuumman laka a atin soobariitiche. Taba ꞌdoonin Kiriisto iskabariiticha.
21Waha la ani rubeytaaya dahanteey kachiira. Ani Baawulo weyti atin soobariitiche.
22Eti tuummane Kamur iꞌdoonin, a falanyahe! Kamuroow dowwa soonokho!#16:22 Kamuroow dowwa soonokho. Yeeda afi Ibaraaniya ka, “Maranaaꞌda” yadeeh.
23Yeessohi Kamure ba atin imaala.
24ꞌDooninteey ba a atin leejirto, a mehe Yeesso Kiriisto ka inno tuumman a wohoo kalday.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.