1 Koriinto 11
11
1Saggi an dabat Kiriisto iraahuu, atin laka dabateey sooraaha.
Wihi chirri urur Kiriisto Waakh wahti imale
2An weyti atin koolicha iꞌdi tahe walah tuumman ka a ikasooꞌhessaane toro la hugunki goorat an ꞌhele toro an atin isookucche, mujjume khucchissaan.
3Iꞌdaasenyi wohoo an atin abin ꞌdoono a jiraan. Kiriisto usu matakki makhaaballe tuummane. Makhaabal la usu matakki makhaabassiisenye, Waakh la usu matah Kiriistee. 4Eti mejelenye urur Kiriisto goyaka weesti ommos wori Waakh kaayyeedo matakkiis la ogooganyahe, matakkiissa lakhaanyo kadowa.#11:4 Matakkiissa lakhaanyo kadowa. Waha a geeddi icho, “Kiriisto lakhaanyo kadowa,” yadeehiin. 5Toro la, deyyeho chiꞌiche urur Kiriisto goyaka weysatti ommos wori Waakh kaayyeeddo matah la iogoogan, matakkicheeda lakhaanyo kadowta. Iche ichoow aranti matah lahaaꞌde lakhaanyo iskadowte iꞌda ka yeerar mee.#11:5 Goorat weyꞌdaas deyyeho chiꞌ matah lahaaꞌde, saggi iche idisneynane ommos sohoꞌddarri ikaassohatti tussa. 6Deyyeho chiꞌiche matah iogoogan a geeddi iche matah haaꞌdatti on gon. Iꞌdaasenyi deyyeho chiꞌ matakki lahaatti lakhaanyo leeyahe la, matakkiche wohoo a korsatti giꞌde. 7Aram walah us matah korsati mele. Iꞌdi tahe usu iyookkoti Waakhe lakasoouume, toro la weynaanti Waakhe tusa. Iꞌdaasenyi arame weynaanti arankicheeda tussa. 8Iꞌdi tahe áram mee arám kayimiy, iꞌdaasenyi arámé áram katimiy. 9Toro la Waakh áram jeenteti arameet mee isoouume, us arámé jeenteti aram isoouume. 10Jeentetaas ichoow jeenteti herti Waakh u, a haaggantahe chirri arame wohoo antohi makhaabaliche tuso matakkiche kakhabto.
11Iꞌdaasenyi innohi ꞌdooꞌdi Kamure ka la, deyyeho mejel laan walah iche yeesso mele, mejel la deyyeho laan walah us yeelo mele. 12Iꞌdi tahe saggi deyyeho mejel ikasooummantuu, saggaase mejel laka deyyeho idessa. Iꞌdaasenyi walah tuumman Waakh on kayamiitiin.
13Bal waha isigoocha, a haaggantahe chirri deyyeho urur Kiriisto goyaka Waakh soowahto, wohoo la matah ikorsan? 14Weeli enenyet tuumman goyaka, chirri eti mejele tinti derdeer khabo lakhaanyo ma iskadowo? 15Iꞌdaasenyi chiꞌ deyyeho tinti deddeer khabto, a inkaanyiticheeda. Iꞌdi tahe tinticheti deddeer a lasiiche, ꞌdee matakkiche koogoogta. 16Chirri etoo ayta iriir gelin ꞌdoono la, wihi an iadeeh a mehe ya, inno eheetteey ommos ururi Waakh eheetteey ka ba, et hugunkoo addane yeere weysiit khabo mele.
Waansihi gololi Kamur miinsan
(Mattaayo 26:26-29, Marko 14:22-25, Luuka 22:14-20)
17Waansiha toolla an atin isoocheeko ka, walah an atin kakoolicho mele. Iꞌdi tahe chirri atin kulantaan, haag menye, wihi suuje on soobaha. 18Wihi kolooraat, chirri atin iꞌdi urur Kiriistuu kulantaan, wihi an daage a mehe ya, atin seleye goggootaane an la yeedaas geeddoo ka a rummeesda. 19A mehe koobbinohaas goytiinna kijiraane, ꞌdee goytiin ka ꞌdooꞌdi rumanka koo Kiriistee laarga.
20Chirri atin kulantaan, gololi Kamur mee tamhiin. 21Iꞌdi tahe chirri atin golossattaan, etiimba gololiissa on yahame ma issugtaan. Gaasoo ankaa khabaayi nokhta, gaasoo la meleefu yateeh. 22Goobassi atin kagolossattaane toro atin biccheyyo katabhuubiine laatahiin? Ommos ururi Waakhe ꞌdarraawtaane toro ꞌdooꞌdi miskiinenye lakhaanyo kadowin ꞌdoontaan? Kamalda bal, mehe atin iidaahe? Wahaase atin kakoolicha? Koloo kalday ma atin kakoolicho!
23A mehe wihi an Kamur ka ꞌhele, toro la an atin isookuccho, a mehe ya gelebti Yeessohi Kamureene ladiibe, makaatetoo khaate, 24chirra us Waakh kalaꞌd ilaabe ka, jejjebche, toro wihi us yidah, “Waha a sarteeyti atin liisoobahche, amha ꞌdee ikasooꞌhela.” 25Saggaas on u, inkoo icho gololi gelebeet yumheen ka, kokkoob khaate, wihi us yidah, “Kooba a ayyinti husube Waakh enenyet diiggeey ka igoocho. Iꞌda yeela, maambaaw atin dantaan ka ikasooꞌhela.” 26Iꞌdi tahe maambaaw atin makaateta tamhiine, atin kooba tabhuubiin tuumman, atin toro enenyet saggi Kamureen iyumuyye icheektaane, ichoowka maanti us soonokhti.
27Maantaka eti tuummane jiti Waakh ortiis ikamalin ka makaateta yahame ommos kooba damo, etaas sar Kamureen ichoow diiggiissa uskeel igela. 28Ebba koloo geeddi us makaateta iumhane ommos kooba idamin, a isfiiricho. 29Iꞌdi tahe eti tuummane sarti Kamur ikasine makaateta yahame ommos kooba damo, etaas hukkunki Waakhe isikeena. 30Jeentetaase buurtiin iꞌdaꞌddarantahe, buurtiin la ikhakkhannantahe, gaasoo laka ituume. 31Iꞌdaasenyi chirri koloo inno isfiirinne, Waakh ma inno hukkumo gon. 32Chirra Kamur inno hukkumo a inno sookhuncha, uus ꞌdee iꞌdi ꞌdooꞌdi wahanyeyyohi harratane sussuuje raahuu uskeel inno liigoonne.
33Maantaka ꞌdooꞌd Kiriistokaaw, maanti atin kulantaane atin gololi Kamur tamhiin, issuga. 34Chirri etoo raarah khabo, goobiis ka a soogolossati. Iꞌda yeela uus ꞌdee maanti atin isleegolossattaan atin lahukkumine.
Wahanyeyyohi addan la maanti an amiite atin kawaanicha.
ទើបបានជ្រើសរើសហើយ៖
1 Koriinto 11: rel
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.
1 Koriinto 11
11
1Saggi an dabat Kiriisto iraahuu, atin laka dabateey sooraaha.
Wihi chirri urur Kiriisto Waakh wahti imale
2An weyti atin koolicha iꞌdi tahe walah tuumman ka a ikasooꞌhessaane toro la hugunki goorat an ꞌhele toro an atin isookucche, mujjume khucchissaan.
3Iꞌdaasenyi wohoo an atin abin ꞌdoono a jiraan. Kiriisto usu matakki makhaaballe tuummane. Makhaabal la usu matakki makhaabassiisenye, Waakh la usu matah Kiriistee. 4Eti mejelenye urur Kiriisto goyaka weesti ommos wori Waakh kaayyeedo matakkiis la ogooganyahe, matakkiissa lakhaanyo kadowa.#11:4 Matakkiissa lakhaanyo kadowa. Waha a geeddi icho, “Kiriisto lakhaanyo kadowa,” yadeehiin. 5Toro la, deyyeho chiꞌiche urur Kiriisto goyaka weysatti ommos wori Waakh kaayyeeddo matah la iogoogan, matakkicheeda lakhaanyo kadowta. Iche ichoow aranti matah lahaaꞌde lakhaanyo iskadowte iꞌda ka yeerar mee.#11:5 Goorat weyꞌdaas deyyeho chiꞌ matah lahaaꞌde, saggi iche idisneynane ommos sohoꞌddarri ikaassohatti tussa. 6Deyyeho chiꞌiche matah iogoogan a geeddi iche matah haaꞌdatti on gon. Iꞌdaasenyi deyyeho chiꞌ matakki lahaatti lakhaanyo leeyahe la, matakkiche wohoo a korsatti giꞌde. 7Aram walah us matah korsati mele. Iꞌdi tahe usu iyookkoti Waakhe lakasoouume, toro la weynaanti Waakhe tusa. Iꞌdaasenyi arame weynaanti arankicheeda tussa. 8Iꞌdi tahe áram mee arám kayimiy, iꞌdaasenyi arámé áram katimiy. 9Toro la Waakh áram jeenteti arameet mee isoouume, us arámé jeenteti aram isoouume. 10Jeentetaas ichoow jeenteti herti Waakh u, a haaggantahe chirri arame wohoo antohi makhaabaliche tuso matakkiche kakhabto.
11Iꞌdaasenyi innohi ꞌdooꞌdi Kamure ka la, deyyeho mejel laan walah iche yeesso mele, mejel la deyyeho laan walah us yeelo mele. 12Iꞌdi tahe saggi deyyeho mejel ikasooummantuu, saggaase mejel laka deyyeho idessa. Iꞌdaasenyi walah tuumman Waakh on kayamiitiin.
13Bal waha isigoocha, a haaggantahe chirri deyyeho urur Kiriisto goyaka Waakh soowahto, wohoo la matah ikorsan? 14Weeli enenyet tuumman goyaka, chirri eti mejele tinti derdeer khabo lakhaanyo ma iskadowo? 15Iꞌdaasenyi chiꞌ deyyeho tinti deddeer khabto, a inkaanyiticheeda. Iꞌdi tahe tinticheti deddeer a lasiiche, ꞌdee matakkiche koogoogta. 16Chirri etoo ayta iriir gelin ꞌdoono la, wihi an iadeeh a mehe ya, inno eheetteey ommos ururi Waakh eheetteey ka ba, et hugunkoo addane yeere weysiit khabo mele.
Waansihi gololi Kamur miinsan
(Mattaayo 26:26-29, Marko 14:22-25, Luuka 22:14-20)
17Waansiha toolla an atin isoocheeko ka, walah an atin kakoolicho mele. Iꞌdi tahe chirri atin kulantaan, haag menye, wihi suuje on soobaha. 18Wihi kolooraat, chirri atin iꞌdi urur Kiriistuu kulantaan, wihi an daage a mehe ya, atin seleye goggootaane an la yeedaas geeddoo ka a rummeesda. 19A mehe koobbinohaas goytiinna kijiraane, ꞌdee goytiin ka ꞌdooꞌdi rumanka koo Kiriistee laarga.
20Chirri atin kulantaan, gololi Kamur mee tamhiin. 21Iꞌdi tahe chirri atin golossattaan, etiimba gololiissa on yahame ma issugtaan. Gaasoo ankaa khabaayi nokhta, gaasoo la meleefu yateeh. 22Goobassi atin kagolossattaane toro atin biccheyyo katabhuubiine laatahiin? Ommos ururi Waakhe ꞌdarraawtaane toro ꞌdooꞌdi miskiinenye lakhaanyo kadowin ꞌdoontaan? Kamalda bal, mehe atin iidaahe? Wahaase atin kakoolicha? Koloo kalday ma atin kakoolicho!
23A mehe wihi an Kamur ka ꞌhele, toro la an atin isookuccho, a mehe ya gelebti Yeessohi Kamureene ladiibe, makaatetoo khaate, 24chirra us Waakh kalaꞌd ilaabe ka, jejjebche, toro wihi us yidah, “Waha a sarteeyti atin liisoobahche, amha ꞌdee ikasooꞌhela.” 25Saggaas on u, inkoo icho gololi gelebeet yumheen ka, kokkoob khaate, wihi us yidah, “Kooba a ayyinti husube Waakh enenyet diiggeey ka igoocho. Iꞌda yeela, maambaaw atin dantaan ka ikasooꞌhela.” 26Iꞌdi tahe maambaaw atin makaateta tamhiine, atin kooba tabhuubiin tuumman, atin toro enenyet saggi Kamureen iyumuyye icheektaane, ichoowka maanti us soonokhti.
27Maantaka eti tuummane jiti Waakh ortiis ikamalin ka makaateta yahame ommos kooba damo, etaas sar Kamureen ichoow diiggiissa uskeel igela. 28Ebba koloo geeddi us makaateta iumhane ommos kooba idamin, a isfiiricho. 29Iꞌdi tahe eti tuummane sarti Kamur ikasine makaateta yahame ommos kooba damo, etaas hukkunki Waakhe isikeena. 30Jeentetaase buurtiin iꞌdaꞌddarantahe, buurtiin la ikhakkhannantahe, gaasoo laka ituume. 31Iꞌdaasenyi chirri koloo inno isfiirinne, Waakh ma inno hukkumo gon. 32Chirra Kamur inno hukkumo a inno sookhuncha, uus ꞌdee iꞌdi ꞌdooꞌdi wahanyeyyohi harratane sussuuje raahuu uskeel inno liigoonne.
33Maantaka ꞌdooꞌd Kiriistokaaw, maanti atin kulantaane atin gololi Kamur tamhiin, issuga. 34Chirri etoo raarah khabo, goobiis ka a soogolossati. Iꞌda yeela uus ꞌdee maanti atin isleegolossattaan atin lahukkumine.
Wahanyeyyohi addan la maanti an amiite atin kawaanicha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018, Wycliffe Bible Translators, Inc. All rights reserved.