ÉXODO 40
40
Dioswan tinkukuna toldota Moisés sayachin
1-2Chaymanta Moisesman Señor parlarqa, kay jinata: Ñaupaj kaj diapi ñaupaj kaj killapi Dioswan tinkukuna toldota sayarichinki. 3Chay ukhuman churaykunki Diospa leyninwan kaj cajonta, chaytataj velowan qhataykunki. 4Mesata apaykunki, k'anchachinatawan. Chay pataman sumajta maychus kananman churaykunki. 5Chanta apaykullankitaj qori altarta, chaypi inciensota q'osñichinapaj Diospa leyninwan kashaj cajompa ñaupaqenman, jinaspataj Diospa tiyakunan yaykuyman velowan jark'aykuchiy. 6Chaymanta churaykullaytaj sumaj imasta ruwana altarta Diospa tiyakunanman yaykuyman. 7Chaymantaqa ch'illamita yakuyojta churallankitaj Dioswan tinkukuna toldowan altarwan kashan chay chaupiman. 8Chaymantataj pationta muyuykuchinki, punkumantaj uj cortina jark'achinata churaykunki.
9Chaymantataj sumajnin kaj aceitewan Diospa tiyakunan wasita jawiykunki, jinallataj chay ukhupi imaschus kajkunatapis. Ajinata chaytaqa tukuy imasninwan Diospaj t'aqanki, t'aqasqa cheqa kanampaj. 10Sumajta q'apashaj altarta aceitetawan ch'ajchuykullankitaj, tukuy imasnintawan. Ajinata chay altartaqa Diospaj t'aqachinki, may t'aqasqa kanampaj. 11Ch'illamitapis sayanasninta aceitewan jawillankitaj, ajinamanta t'aqasqallataj kanampaj.
12Chaymantataj Aaronta wawasnintawan Dioswan tinkukuna toldo punkuman pusay, chaypitaj paykuna yakuwan mayllakuchunku. 13Jinaspataj Aaronta sumaj ruwasqa p'achaswan p'achallichinki, aceitewantaj jawiy sacerdotey t'aqasqa kanampaj. 14Chaymantaqa wawasnintañataj qayllachimuspa wakin p'achaswan p'achallichiy. 15Jinaytawantaj aceitewan jawiy, imaynatachus tatankuta jawerqanki ajina, paykunapis sacerdotesniy kanankupaj. Ajinata aceitewan jawisqaykeqa wiñaypaj wawasninkupis qhepaman sacerdotesllapuni kanankupaj. 16Moisesqa chaykunata kikinta ruwarqa imaynatachus Señor kamachisqanman jina. 17Ajinata Egiptomanta llojsimusqankumanta iskay watanman qallarikuy killapi, ñaupaj kaj diapitaj Dioswan tinkukuna waseqa sayarerqa. 18Moisesqa Dioswan tinkukuna wasita sayaricherqa, sayanasnin chukustapis sumajta sayaracherqa, chaymantaj tablasninta sayaykucherqa, jinaspataj k'aspisninta jusk'uracherqa, chaymantataj postesninta sayaracherqa. 19Chaymantataj Moisés Dioswan tantakuna toldota sayaricherqa, jinaspataj patanta toldowan qhataykorqa, imaynatachus payman Señor kamachisqanman jina.
20Chaymantataj Moisesqa rumispi Diospa leynin escribisqa karqa chayta cajonman churaykorqa, kajaj ningrisninmantaj k'aspista jusk'uracherqa, jinaspataj kirpananwan kirpaykorqa. 21Jinata ruwaytawantaj chay cajonta Diospa tiyakunan toldo ukhuman apaykorqa; velota warkhuykuspataj, chaywan chay cajonta qhataykorqa, imaynatachus Moisesman Señor kamachisqanman jina. 22Dioswan tinkukuna wasiman apaykorqa mesata, Diospa tiyakunan wasi patanejman, velomanta jawanejpi. 23Chay mesa patamantaj t'antasta churaykorqa sumaj k'achanchasqasta Señorpa ñaupaqenman, imaynatachus Señor payman kamachisqanman jina. 24Jinallataj Dioswan tinkukuna wasiman apaykullarqataj k'anchachinata mesaj chimpanman Diospa tiyakunan ura uyanejman. 25Chaymantataj k'anchachinaj puntasninman k'anchaykunata jap'iracherqa Diospa ñaupaqempi imaynatachus Señor payman kamachisqanman jina.
26Qori altartapis apaykullarqataj Dioswan tinkukuna wasiman veloj ñaupajninman. 27Chay altar patapitaj inciensota ruphacherqa, imaynatachus Moisesman Señor kamachisqanman jina.
28Chaymantaqa Diospa tiyakunan wasi punku yaykuyman Moisesqa uj cortinata churaykorqa. 29Chay punkunejllamantaj sumajta ruphachej altarta churaykorqa, Dioswan tinkukuna wasi punkuman, chay altar patapi ofrenda astawan uywastawan jaywaj kanku Señorman, imaynatachus Moisesman Señor kamachisqanman jina.
30Chaymantaqa ch'illamitañataj Diospa tiyakunan wasiwan altarwan kashan chay chaupiman churaykorqa, chaymantaj mayllakunapaj yakuta churarqa. 31Chaypi mayllakoj kanku makisninkuta, chanta chakisninkuta ima Moiseswan Aaronwan, chantá wawasnin ima. 32Chaypi mayllakoj kanku Dioswan tinkukuna wasiman yaykunankupaj, jinallataj altarman qayllaykunankupajpis, imaynatachus Moisesman Señor kamachisqanman jina.
33Chay imasta ruwayta tukuytawantaj Dioswan tinkukuna wasej muyuyninta, patiompa muyuynintawan, altarpa muyuynintawan uj perqata jina muyuykucherqa. Chaymantataj patio punkuman uj cortinata churaykorqa. Ajinata Moisesqa chay tukuy imasta ruwayta tukucherqa.
Dioswan tinkukuna toldota phuyuykun
34Chaymantataj chay Dioswan tinkukuna toldota phuyuykamorqa, Señorpa jatun kaynintaj chay wasiman junt'aykorqa. 35Jinamanta Moisesqa manaña chayman yaykuyta aterqachu, imaraykuchus tukuyninta phuyuykorqa, Señorpa jatun kaynintaj chay Dioswan tinkukuna toldoman junt'aykorqa. 36Chay phuyu oqharikojtintaj, israelitasqa tukuy imasninkuta oqharikuytawan purirej kanku maymampis rinankupaj. 37Mana chay phuyu oqharikojtintaj israelitasqa mana oqharikojchu kanku, ima p'unchaychus chay phuyu oqharikunankama. 38Israelitaspaj chay tukuy puriyninkupi, Señorpa phuyun sapa p'unchay Diospa tiyakunan toldomanta manapuni oqharikojchu, tutantaj nina k'anchayllapuni sut'iyaj chay Diospa tiyakunan toldopeqa.
ទើបបានជ្រើសរើសហើយ៖
ÉXODO 40: QCHSB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.
ÉXODO 40
40
Dioswan tinkukuna toldota Moisés sayachin
1-2Chaymanta Moisesman Señor parlarqa, kay jinata: Ñaupaj kaj diapi ñaupaj kaj killapi Dioswan tinkukuna toldota sayarichinki. 3Chay ukhuman churaykunki Diospa leyninwan kaj cajonta, chaytataj velowan qhataykunki. 4Mesata apaykunki, k'anchachinatawan. Chay pataman sumajta maychus kananman churaykunki. 5Chanta apaykullankitaj qori altarta, chaypi inciensota q'osñichinapaj Diospa leyninwan kashaj cajompa ñaupaqenman, jinaspataj Diospa tiyakunan yaykuyman velowan jark'aykuchiy. 6Chaymanta churaykullaytaj sumaj imasta ruwana altarta Diospa tiyakunanman yaykuyman. 7Chaymantaqa ch'illamita yakuyojta churallankitaj Dioswan tinkukuna toldowan altarwan kashan chay chaupiman. 8Chaymantataj pationta muyuykuchinki, punkumantaj uj cortina jark'achinata churaykunki.
9Chaymantataj sumajnin kaj aceitewan Diospa tiyakunan wasita jawiykunki, jinallataj chay ukhupi imaschus kajkunatapis. Ajinata chaytaqa tukuy imasninwan Diospaj t'aqanki, t'aqasqa cheqa kanampaj. 10Sumajta q'apashaj altarta aceitetawan ch'ajchuykullankitaj, tukuy imasnintawan. Ajinata chay altartaqa Diospaj t'aqachinki, may t'aqasqa kanampaj. 11Ch'illamitapis sayanasninta aceitewan jawillankitaj, ajinamanta t'aqasqallataj kanampaj.
12Chaymantataj Aaronta wawasnintawan Dioswan tinkukuna toldo punkuman pusay, chaypitaj paykuna yakuwan mayllakuchunku. 13Jinaspataj Aaronta sumaj ruwasqa p'achaswan p'achallichinki, aceitewantaj jawiy sacerdotey t'aqasqa kanampaj. 14Chaymantaqa wawasnintañataj qayllachimuspa wakin p'achaswan p'achallichiy. 15Jinaytawantaj aceitewan jawiy, imaynatachus tatankuta jawerqanki ajina, paykunapis sacerdotesniy kanankupaj. Ajinata aceitewan jawisqaykeqa wiñaypaj wawasninkupis qhepaman sacerdotesllapuni kanankupaj. 16Moisesqa chaykunata kikinta ruwarqa imaynatachus Señor kamachisqanman jina. 17Ajinata Egiptomanta llojsimusqankumanta iskay watanman qallarikuy killapi, ñaupaj kaj diapitaj Dioswan tinkukuna waseqa sayarerqa. 18Moisesqa Dioswan tinkukuna wasita sayaricherqa, sayanasnin chukustapis sumajta sayaracherqa, chaymantaj tablasninta sayaykucherqa, jinaspataj k'aspisninta jusk'uracherqa, chaymantataj postesninta sayaracherqa. 19Chaymantataj Moisés Dioswan tantakuna toldota sayaricherqa, jinaspataj patanta toldowan qhataykorqa, imaynatachus payman Señor kamachisqanman jina.
20Chaymantataj Moisesqa rumispi Diospa leynin escribisqa karqa chayta cajonman churaykorqa, kajaj ningrisninmantaj k'aspista jusk'uracherqa, jinaspataj kirpananwan kirpaykorqa. 21Jinata ruwaytawantaj chay cajonta Diospa tiyakunan toldo ukhuman apaykorqa; velota warkhuykuspataj, chaywan chay cajonta qhataykorqa, imaynatachus Moisesman Señor kamachisqanman jina. 22Dioswan tinkukuna wasiman apaykorqa mesata, Diospa tiyakunan wasi patanejman, velomanta jawanejpi. 23Chay mesa patamantaj t'antasta churaykorqa sumaj k'achanchasqasta Señorpa ñaupaqenman, imaynatachus Señor payman kamachisqanman jina. 24Jinallataj Dioswan tinkukuna wasiman apaykullarqataj k'anchachinata mesaj chimpanman Diospa tiyakunan ura uyanejman. 25Chaymantataj k'anchachinaj puntasninman k'anchaykunata jap'iracherqa Diospa ñaupaqempi imaynatachus Señor payman kamachisqanman jina.
26Qori altartapis apaykullarqataj Dioswan tinkukuna wasiman veloj ñaupajninman. 27Chay altar patapitaj inciensota ruphacherqa, imaynatachus Moisesman Señor kamachisqanman jina.
28Chaymantaqa Diospa tiyakunan wasi punku yaykuyman Moisesqa uj cortinata churaykorqa. 29Chay punkunejllamantaj sumajta ruphachej altarta churaykorqa, Dioswan tinkukuna wasi punkuman, chay altar patapi ofrenda astawan uywastawan jaywaj kanku Señorman, imaynatachus Moisesman Señor kamachisqanman jina.
30Chaymantaqa ch'illamitañataj Diospa tiyakunan wasiwan altarwan kashan chay chaupiman churaykorqa, chaymantaj mayllakunapaj yakuta churarqa. 31Chaypi mayllakoj kanku makisninkuta, chanta chakisninkuta ima Moiseswan Aaronwan, chantá wawasnin ima. 32Chaypi mayllakoj kanku Dioswan tinkukuna wasiman yaykunankupaj, jinallataj altarman qayllaykunankupajpis, imaynatachus Moisesman Señor kamachisqanman jina.
33Chay imasta ruwayta tukuytawantaj Dioswan tinkukuna wasej muyuyninta, patiompa muyuynintawan, altarpa muyuynintawan uj perqata jina muyuykucherqa. Chaymantataj patio punkuman uj cortinata churaykorqa. Ajinata Moisesqa chay tukuy imasta ruwayta tukucherqa.
Dioswan tinkukuna toldota phuyuykun
34Chaymantataj chay Dioswan tinkukuna toldota phuyuykamorqa, Señorpa jatun kaynintaj chay wasiman junt'aykorqa. 35Jinamanta Moisesqa manaña chayman yaykuyta aterqachu, imaraykuchus tukuyninta phuyuykorqa, Señorpa jatun kaynintaj chay Dioswan tinkukuna toldoman junt'aykorqa. 36Chay phuyu oqharikojtintaj, israelitasqa tukuy imasninkuta oqharikuytawan purirej kanku maymampis rinankupaj. 37Mana chay phuyu oqharikojtintaj israelitasqa mana oqharikojchu kanku, ima p'unchaychus chay phuyu oqharikunankama. 38Israelitaspaj chay tukuy puriyninkupi, Señorpa phuyun sapa p'unchay Diospa tiyakunan toldomanta manapuni oqharikojchu, tutantaj nina k'anchayllapuni sut'iyaj chay Diospa tiyakunan toldopeqa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.