ÉXODO 19
19
Israelitas Sinaiman chayanku
1Israelitasqa ch'in pampa Sinaí orqoman chayarqanku, kinsa killapi Egiptomanta llojsisqankumantapacha. 2Refidimmanta llojsiytawan israelitasqa ch'in Sinaí orqoman chayarqanku. Chaypi Sinaí orqo k'uchupi jarakorqanku. 3Chaymanta Moisesqa orqoman wicharerqa Dioswan parlamoj, imaraykuchus Señor wajyamorqa chay orqomantapacha, kayta nispa: Ajinata niy Jacobpa miraynin israelitasman: 4Qankuna rikunkichej imastachus egipciosta ruwasqayta, imaynatatajchus apamorqaykichej maypichus tiyakushani chayman chayta, ankaspa lijrasnimpipis jamuwajchej karqa ajinata. 5Kunanqa sichus tratoymanta palabrasniyta uyarikunkichej, waqaychankichejtaj chayqa, noqapaj kankichej uj sumaj ayllu, tukuy ayllusmanta aswan sumaj; imaraykuchus noqajtamin tukuy jallp'asqa. 6Tukuy qankunaqa kapuwankichej uj sumaj llimphuchasqa sacerdote aylluy. Kaykunata qan israelitasman willamuy.
7Chaymanta uraykuspa Moisesqa tantacherqa tukuy kurajkunata, paykunamantaj willarqa imastachus Señor nerqa chaykunata. 8Chayta uyarispataj tukuynin israelitas nerqanku: Señorpa nisqasnintaqa ruwasqayku, nispa. Moisestaj chay jinata runas nisqankuta Señorman willamorqa kutirispa. 9Señortaj payman nerqa: Qhawariy, noqa jamusaj uj yanayarishaj phuyupi, qanwan parlasqayta israelitas uyarinankupaj, ajinamanta wiñaypaj parlasqaykita creenankupaj. Moisestaj ujtawan Señorman willarqa israelitas imastachus nerqanku chayta. 10Moisesman ujtawan Señorqa nerqa: Rispa israelitasman nimuy, kunan q'ayatawan llimphuchakunankuta, p'achasninkutapis t'ajsarakuchunku. 11Ajinata tukuyninku wakichisqas kachunku minchhapaj; imaraykuchus minchha Señorqa uraykamonqa Sinaí orqoman tukuy israelitaspa rikunankuta. 12Orqoj muyuyninman señalesta churaramuy; ninkitaj ama ni pi chay señalesta orqoman wicharinankuta, nitaj chay señalesllatapis saruykunankuta. Pichá chay orqoman chakinta churaykojqa wañonqa. 13Chay orqomanqa ni makillankutapis churaykonqankuchu, pichus ajinata ruwajqa rumiwan ch'anqaspa wañuchisqa kanqa, chayri flechawan, uywaspis kachun, chayri runaspis kachun. Chay orqomanqa wicharenqanku maypachachus pututu unayta waqamojtillan.
14Moisestaj orqomanta uraykamorqa runasta wakichimoj. Paykunataj mayllakorqanku, p'achasninkutapis tukuyninku t'ajsakorqanku. 15Runasman nerqa: Minchhapaj sumaj wakichisqas kanaykichej tiyan, chaykamaqa ni warmisniykichejwampis kanaykichejchu tiyan.
16Minchhantin sut'iyamuyta rikhurimorqa lliuj lliujkuna, qhon qhonkuna, uj yanayarishaj phuyutaj orqoman tiyaykamorqa. Uj pututoj waqayninta sinch'ita waqaspa tukuypa jarasninman uyaricherqa mancharikunata jina. 17Moisestaj tukuyninkuta jarasninkumanta llojsicherqa Dioswan tinkumunankupaj. Jinamanta tukuynin israelitas orqo k'uchukamalla chimparqanku. 18Tukuynin Sinaí orqo q'osñirerqa, imaraykuchus Señor uraykamorqa chay orqoman ninapi. Q'osñisqa wicharisharqa hornomantapis wicharishanman jina; chay puntastaj tukuynin kharkatirerqanku manchayta. 19Pututoj waqaynintaj astawan astawan sinch'ita waqamorqa. Chaypi Moisesqa Dioswan parlarqa, Diostaj payman kuticherqa qhon qhompis sonashanman jina.
20Señorqa Sinaí orqoman uraykamorqa, kikin orqo puntaman. Moisestataj wajyarqa chayman wicharinanta, paytaj wicharerqa. 21Chaypi Señorqa Moisesman nerqa: Uraykuspa nimuy runasman, churasqayki señalesta ama pasaramuchunkuchu noqata rikuwayta munaspa, pajtataj chayta ruwaspa ashkhas wañurankuman. 22Jinallataj tukuy sacerdotespis llimphuchakuchunku noqawan tinkuyta munaspaqa. Mana jinata ruwaspalla jamuwanqanku chayqa, phirita ruwachikuwanqanku.
23Chaymanta Moisesqa Señorman nerqa: Israelitasqa mana kay Sinaí orqoman wicharimunkumanchu, qanllataj chayta kamachiwarqayku, niwarqankitaj, señalesta jina churaray kay orqoj muyuyninman, runastataj llimphuchachimuy, nispa.
24Chaymanta Señorqa Moisesman nerqa: Qan rispa uraykuy, qanlla Aaronwan wicharimunki. Sacerdoteswan runaswanqa ama wicharimuchunkuchu señalesta pasaspa, manachayqa Señor paykunataqa phirita ruwarparenqa.
25Chaymanta Moisesqa uraykorqa, runasmantaj kikillantataj willamorqa.
ទើបបានជ្រើសរើសហើយ៖
ÉXODO 19: QCHSB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.
ÉXODO 19
19
Israelitas Sinaiman chayanku
1Israelitasqa ch'in pampa Sinaí orqoman chayarqanku, kinsa killapi Egiptomanta llojsisqankumantapacha. 2Refidimmanta llojsiytawan israelitasqa ch'in Sinaí orqoman chayarqanku. Chaypi Sinaí orqo k'uchupi jarakorqanku. 3Chaymanta Moisesqa orqoman wicharerqa Dioswan parlamoj, imaraykuchus Señor wajyamorqa chay orqomantapacha, kayta nispa: Ajinata niy Jacobpa miraynin israelitasman: 4Qankuna rikunkichej imastachus egipciosta ruwasqayta, imaynatatajchus apamorqaykichej maypichus tiyakushani chayman chayta, ankaspa lijrasnimpipis jamuwajchej karqa ajinata. 5Kunanqa sichus tratoymanta palabrasniyta uyarikunkichej, waqaychankichejtaj chayqa, noqapaj kankichej uj sumaj ayllu, tukuy ayllusmanta aswan sumaj; imaraykuchus noqajtamin tukuy jallp'asqa. 6Tukuy qankunaqa kapuwankichej uj sumaj llimphuchasqa sacerdote aylluy. Kaykunata qan israelitasman willamuy.
7Chaymanta uraykuspa Moisesqa tantacherqa tukuy kurajkunata, paykunamantaj willarqa imastachus Señor nerqa chaykunata. 8Chayta uyarispataj tukuynin israelitas nerqanku: Señorpa nisqasnintaqa ruwasqayku, nispa. Moisestaj chay jinata runas nisqankuta Señorman willamorqa kutirispa. 9Señortaj payman nerqa: Qhawariy, noqa jamusaj uj yanayarishaj phuyupi, qanwan parlasqayta israelitas uyarinankupaj, ajinamanta wiñaypaj parlasqaykita creenankupaj. Moisestaj ujtawan Señorman willarqa israelitas imastachus nerqanku chayta. 10Moisesman ujtawan Señorqa nerqa: Rispa israelitasman nimuy, kunan q'ayatawan llimphuchakunankuta, p'achasninkutapis t'ajsarakuchunku. 11Ajinata tukuyninku wakichisqas kachunku minchhapaj; imaraykuchus minchha Señorqa uraykamonqa Sinaí orqoman tukuy israelitaspa rikunankuta. 12Orqoj muyuyninman señalesta churaramuy; ninkitaj ama ni pi chay señalesta orqoman wicharinankuta, nitaj chay señalesllatapis saruykunankuta. Pichá chay orqoman chakinta churaykojqa wañonqa. 13Chay orqomanqa ni makillankutapis churaykonqankuchu, pichus ajinata ruwajqa rumiwan ch'anqaspa wañuchisqa kanqa, chayri flechawan, uywaspis kachun, chayri runaspis kachun. Chay orqomanqa wicharenqanku maypachachus pututu unayta waqamojtillan.
14Moisestaj orqomanta uraykamorqa runasta wakichimoj. Paykunataj mayllakorqanku, p'achasninkutapis tukuyninku t'ajsakorqanku. 15Runasman nerqa: Minchhapaj sumaj wakichisqas kanaykichej tiyan, chaykamaqa ni warmisniykichejwampis kanaykichejchu tiyan.
16Minchhantin sut'iyamuyta rikhurimorqa lliuj lliujkuna, qhon qhonkuna, uj yanayarishaj phuyutaj orqoman tiyaykamorqa. Uj pututoj waqayninta sinch'ita waqaspa tukuypa jarasninman uyaricherqa mancharikunata jina. 17Moisestaj tukuyninkuta jarasninkumanta llojsicherqa Dioswan tinkumunankupaj. Jinamanta tukuynin israelitas orqo k'uchukamalla chimparqanku. 18Tukuynin Sinaí orqo q'osñirerqa, imaraykuchus Señor uraykamorqa chay orqoman ninapi. Q'osñisqa wicharisharqa hornomantapis wicharishanman jina; chay puntastaj tukuynin kharkatirerqanku manchayta. 19Pututoj waqaynintaj astawan astawan sinch'ita waqamorqa. Chaypi Moisesqa Dioswan parlarqa, Diostaj payman kuticherqa qhon qhompis sonashanman jina.
20Señorqa Sinaí orqoman uraykamorqa, kikin orqo puntaman. Moisestataj wajyarqa chayman wicharinanta, paytaj wicharerqa. 21Chaypi Señorqa Moisesman nerqa: Uraykuspa nimuy runasman, churasqayki señalesta ama pasaramuchunkuchu noqata rikuwayta munaspa, pajtataj chayta ruwaspa ashkhas wañurankuman. 22Jinallataj tukuy sacerdotespis llimphuchakuchunku noqawan tinkuyta munaspaqa. Mana jinata ruwaspalla jamuwanqanku chayqa, phirita ruwachikuwanqanku.
23Chaymanta Moisesqa Señorman nerqa: Israelitasqa mana kay Sinaí orqoman wicharimunkumanchu, qanllataj chayta kamachiwarqayku, niwarqankitaj, señalesta jina churaray kay orqoj muyuyninman, runastataj llimphuchachimuy, nispa.
24Chaymanta Señorqa Moisesman nerqa: Qan rispa uraykuy, qanlla Aaronwan wicharimunki. Sacerdoteswan runaswanqa ama wicharimuchunkuchu señalesta pasaspa, manachayqa Señor paykunataqa phirita ruwarparenqa.
25Chaymanta Moisesqa uraykorqa, runasmantaj kikillantataj willamorqa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.