ÉXODO 12
12
Dios munarqa Pascuata ruwanankuta
1Señorqa Egiptopi parlarqa Moiseswan Aaronwan, jinata nispa: 2Qankunapajqa kay killa kanqa killaspa qallarikuynin; qankunapajqa chay kanqa wataspa qallarikuynin killa. 3Qankuna parlaychej israelitasman, ajinata: Kay killapi chunka día kashajtin, sapa ujniykichej ñak'aychej uj allinnin kaj corderota sapa ayllupi, chaytaj kachun sapa wasipi. 4Sichus wakin wasispi pisislla kanku, mana chay corderota tukunankupaj jina chayqa, piwanchá qayllapura kanku chaywan, mashkhachá kasqankuman jina uj corderota ñak'achunku; mashkhatachus sapa uj runa mikhuyta yachasqanman jina. 5Chay uywaqa kanan tiyan mana imanasqa, chantá kanan tiyan orqo, uj watayojllataj. Chaytaj kanan tiyan uj corderitopis, chayri cabritopis. 6Chaykunataqa waqaychallankichej kay killapi chunka tawayoj p'unchaykama. Chayllapi ñak'ankichej sapa ujniykichej chay uywasta ña ch'isiyaykushajtinña. 7Yawarninta jap'ispataj chaywan wasi quejusta ch'ajchunkichej, may wasipichus mikhunkichej chaykunapi. 8Chay ch'isipi mikhunkichej chay aychasta ninapi kankaspa, mana levadurayoj t'antatawan, chantapis jaya qhorastawan. 9Amataj chaykunamanta imasnintapis chawata mikhunkichejchu, nitaj yakupi chayasqatapis, manachayqa ninapi kankasqallatapuni, umanta, ch'unchulisnintapis. 10Chay ch'isi mikhuspaqa amapuni puchuchinkichejchu q'ayantimpaj, manapuni tukuyta atinkichejchu chayri, ninapi ruphachinkichej. 11Chaytataj mikhunkichej ajinata: P'achasniykichej p'achallisqas, chakisniykichejman ujut'asniykichej churasqas, tojnuykichej jap'irisqas; chantapis apurata mikhunkichej, imaraykuchus chayqa Señorpa Pascuan. 12Chay ch'isi noqa Egiptoman jamusaj, wasimanta wasi purispataj tukuy egipciospa kuraj kaj qhari wawasninta, jinallataj tukuy uywasninkoj phiwi uñasnintapis wañurachisaj. Chaypimin noqa Señorqa, atiyniyta rikuchisaj Egiptopi kaj chhika lantispa contranta, 13Maypichá yawar ch'ajchusqa kanqa, chaymin señalqa kanqa, chaypitaj qankuna kashankichej. Yawarta qhawariytawan qankunata pasallasqaykichej. Ajinamanta qankuna ukhupi mana wañoyqa kanqachu, Egiptopi wañushajtinku. 14Chay diaqa qankunapaj kanqa yuyarikunaykichejpaj. Chayta ruwankichej qankunaj mitaykichejpi sumaj qhochukuta Señorpaj. Chay qhochukuta churanoqankichej wiñaypaj. 15Qanchis diata mikhunkichej mana levadurayoj t'antata. Ajinaqa qallariy diamantapacha amapuni wasiykichejpi levadura kachunchu. Pillapis chay qanchis diata levadurayoj t'antata mikhojqa, israelita runas ukhumanta orqhospa wañuchisqa kanqa. 16Ñaupaj diata Señorman qonkichej, jinallataj qanchis kaj diatapis paytapuni yupaychaspa. Chay diapeqa ama imatapis ruwankichejchu, imatachus sapa uj mikhunkichej chayllata wayk'ukuychej. 17Mana levadurayoj t'anta mikhuna p'unchayta waqaychankichej, imarayuchus chay p'unchaypi ñaupa tatasniykichejta Egipto jallp'amanta orqhomorqani. Chayrayku kay p'unchaytaqa sumajta yuyarikuspa waqaychankichej uj leypis churasqa kanman jina sapa kuti kayta ruwanapaj; ajinata wiñaypaj mirayniykichejmanta miraynintinkama. 18Qallarikuy kaj killapi mikhunkichej mana levadurayoj kaj t'antata, chunka tawayoj diamanta qallarispa, chay killapi iskay chunka ujniyoj día ch'isiyaykuykama. 19Chay qanchis diapi levaduraqa mana wasiykichejpi kanqachu. Sichus mayqen levadurayojta mikhonqa chayqa, israelita ukhumanta wijch'usqa kanqa, kikin llajtayoj kajpis, chayri karu llajtayoj kajpis. 20Chayrayku amapuni mikhunkichejchu levadurayojtaqa. Maynejpichá tiyakunkichej chaypipis mana levadurayojllatapuni mikhunkichej.
21Chaymantaqa Moisés tantacherqa tukuy kurajkuna israelitasta, nerqataj: Rispa ajllamuychej watayoj corderota chayri watayoj cabritota sapa uj familiasniykichejpaj, chaytataj ñak'ankichej Pascuata ruwaspa mikhunaykichejpaj. 22Oqharimuychej uj q'apiy hisopota, chaywantaj ch'illamipi kashan chay yawarta chhapunkichej, jinaspataj wasi wisq'aña quejosta ch'ajchunkichej chay yawarwan. Chantaqa ni pipis llojsenqachu wasinmanta sut'iyamunankama. 23Imaraykuchus Señor jamuspa egipciosta wañurachenqa; may wasi wisq'aña quejuspichá yawarta tarenqa chaytaqa pasallanqa. Chay wañuchejtataj mana saqenqachu wasisniykichejman yaykuspa wañuchinanta. 24Kay kamachiytaqa sumajta kasunkichej, kayqa churasqa kanqa wiñaypaj, wawasniykichejpis waqaychanakupaj. 25Maypachachus sumaj jallp'aman chayankichej, Señor qosqaykichej nerqa chayman chaypachapis, kaytaqa Señormanta yuyarikuspa ruwallankichejpuni. 26-27Sichus mayk'aj wawasniykichej tapusonqachej: Qankunapajqa imatataj kay ruwasqaykichej niyta munanri?, nispa; chaypachaqa ninkichej: Kay uywaqa, uj rikuchiku jaywasqa Pascuapi Señormanta yuyarikuspa. Mayk'ajchus israelitas Egiptopi kashajtinku, egipciosta Señor wañurachisharqa chaypacha, Señorqa pasallarqa israelitaspa wasisninta, ajinamanta ayllusninchejta salvarqa. Chaypacha israelitasqa qonqoriykukuspa Señorta yupaycharqanku. 28Israelistastaj rispa tukuy imata ruwarqanku Señorpa kamachisqanman jina Moisesman Aaronmanwan.
Kuraj wawaspa wañuynin
29Khuskan tutata Señorqa Egiptopi wañuracherqa sapa wasipi egipciospa kuraj wawasninkuta, tronopi tiyasharqa chay faraompa kuraj wawanta, presochasqa runa carcelpi kasharqa chaynintimpata, jinallataj tukuy uywasninkoj phiwi uñasnintapis. 30Khuskan tutata faraonqa jatarerqa, jinallataj kamachisnin, chanta tukuy egipcio runas ima; imaraykuchus qhapariytaj manchay waqaytaj karqa tukuynin Egiptopi. Imaraykuchus ni uj wasipis karqachu mana wañusqayojqa. 31Chay tutapacha faraonqa Moisesta Aarontawan wajyachimuspa nerqa: Llojsiychej kaymanta, t'aqakuychej runasniymanta qankuna, israelita masisniykichejwan khuska. Rispa Señorta yupaychamuychej, qankuna nisqaykichejman jina. 32Ovejasniykichejta, wakasniykichejtapis apakapuychej, nisqaykichejman jina. Riychej kaymanta, chantaqa noqapajpis Diosmanta mañapuwaychej.
33Egipto runasqa usqhay usqhayta israelitasta yanaparqanku chay jallp'ankumanta usqhayta ripunankupaj; imaraykuchus nerqanku mana riponqanku chayqa, tukuyninchej wañurasunchej, nispa. 34Israelitasqa t'anta masasninkuta orqhokaporqanku, amaraj levadurata churashaspa, llijllasninkuman k'iruraspataj lijrasninkuman wishqhataykukuspa apakaporqanku. 35Chantapis Moisespa willasqanman jina egipciosmanta mañararqanku imaschá qolqemanta, qorimanta ruwasqa karqa chaykunata, p'achasta ima. 36Señortaj egipciosta may k'achasman tukucherqa, tukuy sonqo imatapis israelitasman qonankupaj imastachá mañakusqankuta. Ajinamanta israelitasqa egipiospa imasninkuta atisqankuta apakaporqanku.
Israelitas Egiptomanta llojsinku
37Israelitasqa Ramsesmanta llojsispa Sucotman rerqanku. Karqankutaj chakipi riyta atejkuna sojta pachaj waranqa qharis mana wawastawan yupaspa. 38Paykunawan imaymana rijch'aj ashkha runas rerqanku, jinallataj ovejasninkuwan wakasninkuwan. 39Chaypitaj ruwakorqanku Egiptomanta mana levadurayoj masasta orqhosqankumanta tortillasta. Ajinata Egiptomanta apurasqata llojsishajtinku egipciospata mana tiemponku karqachu israelitaspaj qoqawitapis wakichipunankupaj.
40Egiptopi israelitas tiyasqankoqa karqa tawa pachaj kinsa chunkayoj watas. 41Mayk'ajchus tawa pachaj kinsa chunkayoj watas junt'akorqa, chay kikin p'unchayllataj Señorpa soldadosnin Egiptomanta llojsiporqanku. 42Chay ch'isi Señorqa qhawarqa israelitasta Egiptomanta orqhonampaj. Chay ch'isita israelitaspis Señorpaj waqaychanku jinallataj wawasninku, mirayninkupis wiñaypaj.
Pascuamanta kamachiykuna
43Chaypacha Señorqa Moisesman Aaronmanwan nerqa: Kaykuna kanku Pascuamanta kamachiykunaqa: Ni pipis waj llajtayojqa mikhunanchu tiyan chay rikuchiku uywata jaywasqamanta. 44Manachayqa pi kamachischus qolqewan rantisqas kanku chaykunalla mikhuysikunanku tiyan, sichus ñaupajtaña circuncidasqas karqanku chayqa. 45Chaypachallaraj chayamoj waj llajtayoj runas, chanta unaytaña chaypi peoneyakojkuna karu llajtayoj runaspis manapuni chay aychasmantaqa mikhunankuchu tiyan. 46Chaytaqa uj wasillapi mikhunkichej. Chay aychamantaqa ni uj chhikallantapis jawaman orqhonankuchu tiyan, nitaj tullullantapis p'akinaykichejchu tiyan. 47Kaytaqa ruwanqanku tukuy israelitas. 48Sichus qankunawan waj llajtayoj tiyakunman, munanmantaj jinata Señorman ruwayta chayqa, circuncidachikunankuraj tiyan tukuynin qharis. Chaymantaraj chaytaqa ruwanan tiyan, chaymantaqa qankunaj nacionniykichejmantapis kanman jina kanqa. Mana circuncidachikojri manapuni chaymantaqa mikhunanchu tiyan. 49Chay kikin leyllapuni kanqa chay kikin llajtayojkunapaj, jinallataj waj llajtayojkunapajpis qankuna ukhupi tiyakojkunapaj.
50Ajinata ruwarqanku tukuynin israelitas; imaynatachus Señorqa kamacherqa Moisesman Aaronmanwan chayman jina. 51Chay kikin diallataj Señorqa orqhorqa Egiptomanta israelitaspa soldadosninta.
ទើបបានជ្រើសរើសហើយ៖
ÉXODO 12: QCHSB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.
ÉXODO 12
12
Dios munarqa Pascuata ruwanankuta
1Señorqa Egiptopi parlarqa Moiseswan Aaronwan, jinata nispa: 2Qankunapajqa kay killa kanqa killaspa qallarikuynin; qankunapajqa chay kanqa wataspa qallarikuynin killa. 3Qankuna parlaychej israelitasman, ajinata: Kay killapi chunka día kashajtin, sapa ujniykichej ñak'aychej uj allinnin kaj corderota sapa ayllupi, chaytaj kachun sapa wasipi. 4Sichus wakin wasispi pisislla kanku, mana chay corderota tukunankupaj jina chayqa, piwanchá qayllapura kanku chaywan, mashkhachá kasqankuman jina uj corderota ñak'achunku; mashkhatachus sapa uj runa mikhuyta yachasqanman jina. 5Chay uywaqa kanan tiyan mana imanasqa, chantá kanan tiyan orqo, uj watayojllataj. Chaytaj kanan tiyan uj corderitopis, chayri cabritopis. 6Chaykunataqa waqaychallankichej kay killapi chunka tawayoj p'unchaykama. Chayllapi ñak'ankichej sapa ujniykichej chay uywasta ña ch'isiyaykushajtinña. 7Yawarninta jap'ispataj chaywan wasi quejusta ch'ajchunkichej, may wasipichus mikhunkichej chaykunapi. 8Chay ch'isipi mikhunkichej chay aychasta ninapi kankaspa, mana levadurayoj t'antatawan, chantapis jaya qhorastawan. 9Amataj chaykunamanta imasnintapis chawata mikhunkichejchu, nitaj yakupi chayasqatapis, manachayqa ninapi kankasqallatapuni, umanta, ch'unchulisnintapis. 10Chay ch'isi mikhuspaqa amapuni puchuchinkichejchu q'ayantimpaj, manapuni tukuyta atinkichejchu chayri, ninapi ruphachinkichej. 11Chaytataj mikhunkichej ajinata: P'achasniykichej p'achallisqas, chakisniykichejman ujut'asniykichej churasqas, tojnuykichej jap'irisqas; chantapis apurata mikhunkichej, imaraykuchus chayqa Señorpa Pascuan. 12Chay ch'isi noqa Egiptoman jamusaj, wasimanta wasi purispataj tukuy egipciospa kuraj kaj qhari wawasninta, jinallataj tukuy uywasninkoj phiwi uñasnintapis wañurachisaj. Chaypimin noqa Señorqa, atiyniyta rikuchisaj Egiptopi kaj chhika lantispa contranta, 13Maypichá yawar ch'ajchusqa kanqa, chaymin señalqa kanqa, chaypitaj qankuna kashankichej. Yawarta qhawariytawan qankunata pasallasqaykichej. Ajinamanta qankuna ukhupi mana wañoyqa kanqachu, Egiptopi wañushajtinku. 14Chay diaqa qankunapaj kanqa yuyarikunaykichejpaj. Chayta ruwankichej qankunaj mitaykichejpi sumaj qhochukuta Señorpaj. Chay qhochukuta churanoqankichej wiñaypaj. 15Qanchis diata mikhunkichej mana levadurayoj t'antata. Ajinaqa qallariy diamantapacha amapuni wasiykichejpi levadura kachunchu. Pillapis chay qanchis diata levadurayoj t'antata mikhojqa, israelita runas ukhumanta orqhospa wañuchisqa kanqa. 16Ñaupaj diata Señorman qonkichej, jinallataj qanchis kaj diatapis paytapuni yupaychaspa. Chay diapeqa ama imatapis ruwankichejchu, imatachus sapa uj mikhunkichej chayllata wayk'ukuychej. 17Mana levadurayoj t'anta mikhuna p'unchayta waqaychankichej, imarayuchus chay p'unchaypi ñaupa tatasniykichejta Egipto jallp'amanta orqhomorqani. Chayrayku kay p'unchaytaqa sumajta yuyarikuspa waqaychankichej uj leypis churasqa kanman jina sapa kuti kayta ruwanapaj; ajinata wiñaypaj mirayniykichejmanta miraynintinkama. 18Qallarikuy kaj killapi mikhunkichej mana levadurayoj kaj t'antata, chunka tawayoj diamanta qallarispa, chay killapi iskay chunka ujniyoj día ch'isiyaykuykama. 19Chay qanchis diapi levaduraqa mana wasiykichejpi kanqachu. Sichus mayqen levadurayojta mikhonqa chayqa, israelita ukhumanta wijch'usqa kanqa, kikin llajtayoj kajpis, chayri karu llajtayoj kajpis. 20Chayrayku amapuni mikhunkichejchu levadurayojtaqa. Maynejpichá tiyakunkichej chaypipis mana levadurayojllatapuni mikhunkichej.
21Chaymantaqa Moisés tantacherqa tukuy kurajkuna israelitasta, nerqataj: Rispa ajllamuychej watayoj corderota chayri watayoj cabritota sapa uj familiasniykichejpaj, chaytataj ñak'ankichej Pascuata ruwaspa mikhunaykichejpaj. 22Oqharimuychej uj q'apiy hisopota, chaywantaj ch'illamipi kashan chay yawarta chhapunkichej, jinaspataj wasi wisq'aña quejosta ch'ajchunkichej chay yawarwan. Chantaqa ni pipis llojsenqachu wasinmanta sut'iyamunankama. 23Imaraykuchus Señor jamuspa egipciosta wañurachenqa; may wasi wisq'aña quejuspichá yawarta tarenqa chaytaqa pasallanqa. Chay wañuchejtataj mana saqenqachu wasisniykichejman yaykuspa wañuchinanta. 24Kay kamachiytaqa sumajta kasunkichej, kayqa churasqa kanqa wiñaypaj, wawasniykichejpis waqaychanakupaj. 25Maypachachus sumaj jallp'aman chayankichej, Señor qosqaykichej nerqa chayman chaypachapis, kaytaqa Señormanta yuyarikuspa ruwallankichejpuni. 26-27Sichus mayk'aj wawasniykichej tapusonqachej: Qankunapajqa imatataj kay ruwasqaykichej niyta munanri?, nispa; chaypachaqa ninkichej: Kay uywaqa, uj rikuchiku jaywasqa Pascuapi Señormanta yuyarikuspa. Mayk'ajchus israelitas Egiptopi kashajtinku, egipciosta Señor wañurachisharqa chaypacha, Señorqa pasallarqa israelitaspa wasisninta, ajinamanta ayllusninchejta salvarqa. Chaypacha israelitasqa qonqoriykukuspa Señorta yupaycharqanku. 28Israelistastaj rispa tukuy imata ruwarqanku Señorpa kamachisqanman jina Moisesman Aaronmanwan.
Kuraj wawaspa wañuynin
29Khuskan tutata Señorqa Egiptopi wañuracherqa sapa wasipi egipciospa kuraj wawasninkuta, tronopi tiyasharqa chay faraompa kuraj wawanta, presochasqa runa carcelpi kasharqa chaynintimpata, jinallataj tukuy uywasninkoj phiwi uñasnintapis. 30Khuskan tutata faraonqa jatarerqa, jinallataj kamachisnin, chanta tukuy egipcio runas ima; imaraykuchus qhapariytaj manchay waqaytaj karqa tukuynin Egiptopi. Imaraykuchus ni uj wasipis karqachu mana wañusqayojqa. 31Chay tutapacha faraonqa Moisesta Aarontawan wajyachimuspa nerqa: Llojsiychej kaymanta, t'aqakuychej runasniymanta qankuna, israelita masisniykichejwan khuska. Rispa Señorta yupaychamuychej, qankuna nisqaykichejman jina. 32Ovejasniykichejta, wakasniykichejtapis apakapuychej, nisqaykichejman jina. Riychej kaymanta, chantaqa noqapajpis Diosmanta mañapuwaychej.
33Egipto runasqa usqhay usqhayta israelitasta yanaparqanku chay jallp'ankumanta usqhayta ripunankupaj; imaraykuchus nerqanku mana riponqanku chayqa, tukuyninchej wañurasunchej, nispa. 34Israelitasqa t'anta masasninkuta orqhokaporqanku, amaraj levadurata churashaspa, llijllasninkuman k'iruraspataj lijrasninkuman wishqhataykukuspa apakaporqanku. 35Chantapis Moisespa willasqanman jina egipciosmanta mañararqanku imaschá qolqemanta, qorimanta ruwasqa karqa chaykunata, p'achasta ima. 36Señortaj egipciosta may k'achasman tukucherqa, tukuy sonqo imatapis israelitasman qonankupaj imastachá mañakusqankuta. Ajinamanta israelitasqa egipiospa imasninkuta atisqankuta apakaporqanku.
Israelitas Egiptomanta llojsinku
37Israelitasqa Ramsesmanta llojsispa Sucotman rerqanku. Karqankutaj chakipi riyta atejkuna sojta pachaj waranqa qharis mana wawastawan yupaspa. 38Paykunawan imaymana rijch'aj ashkha runas rerqanku, jinallataj ovejasninkuwan wakasninkuwan. 39Chaypitaj ruwakorqanku Egiptomanta mana levadurayoj masasta orqhosqankumanta tortillasta. Ajinata Egiptomanta apurasqata llojsishajtinku egipciospata mana tiemponku karqachu israelitaspaj qoqawitapis wakichipunankupaj.
40Egiptopi israelitas tiyasqankoqa karqa tawa pachaj kinsa chunkayoj watas. 41Mayk'ajchus tawa pachaj kinsa chunkayoj watas junt'akorqa, chay kikin p'unchayllataj Señorpa soldadosnin Egiptomanta llojsiporqanku. 42Chay ch'isi Señorqa qhawarqa israelitasta Egiptomanta orqhonampaj. Chay ch'isita israelitaspis Señorpaj waqaychanku jinallataj wawasninku, mirayninkupis wiñaypaj.
Pascuamanta kamachiykuna
43Chaypacha Señorqa Moisesman Aaronmanwan nerqa: Kaykuna kanku Pascuamanta kamachiykunaqa: Ni pipis waj llajtayojqa mikhunanchu tiyan chay rikuchiku uywata jaywasqamanta. 44Manachayqa pi kamachischus qolqewan rantisqas kanku chaykunalla mikhuysikunanku tiyan, sichus ñaupajtaña circuncidasqas karqanku chayqa. 45Chaypachallaraj chayamoj waj llajtayoj runas, chanta unaytaña chaypi peoneyakojkuna karu llajtayoj runaspis manapuni chay aychasmantaqa mikhunankuchu tiyan. 46Chaytaqa uj wasillapi mikhunkichej. Chay aychamantaqa ni uj chhikallantapis jawaman orqhonankuchu tiyan, nitaj tullullantapis p'akinaykichejchu tiyan. 47Kaytaqa ruwanqanku tukuy israelitas. 48Sichus qankunawan waj llajtayoj tiyakunman, munanmantaj jinata Señorman ruwayta chayqa, circuncidachikunankuraj tiyan tukuynin qharis. Chaymantaraj chaytaqa ruwanan tiyan, chaymantaqa qankunaj nacionniykichejmantapis kanman jina kanqa. Mana circuncidachikojri manapuni chaymantaqa mikhunanchu tiyan. 49Chay kikin leyllapuni kanqa chay kikin llajtayojkunapaj, jinallataj waj llajtayojkunapajpis qankuna ukhupi tiyakojkunapaj.
50Ajinata ruwarqanku tukuynin israelitas; imaynatachus Señorqa kamacherqa Moisesman Aaronmanwan chayman jina. 51Chay kikin diallataj Señorqa orqhorqa Egiptomanta israelitaspa soldadosninta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.