Lûm MèngàꞋa

MèngàꞋa

Letà Pɔ̂l abua bòt Luêm e li ngua shua bòt Yesò bu abàꞋ və la nê yea kɨꞋɨ eye awɔb. Tà li ngua tàŋka e faꞋa ayɔɔ Bèklɨtèn bu abàꞋ və la ane àfɨ̀Ꞌ àko, bɔɔ mě tɨŋe atò taa ghǎ a Spen. Tà li shɨŋ e ghaꞋte e shu ndɨ yèa ndzèa ànəa Ntu̧ Ntsɔ̧̀ yu Bèklɨtèn e zǐ èntɨ̧ɨ̧ wɔb adù̧ la nè ndɨ nàa me ghɨ̌ Bèklɨtèn aa me tseke la. Èntɨ̧ɨ̧ ànəa àgème Pɔ̂l nàa ndàꞋà la e wu a èbem letà waa.

Mbɨ̀Ꞌɨ̀ tà tsàꞋte bòt chɔsì wu a Luêm, è shu awɔb ndɨ yèa ntsàꞋta Mbɔ̧ɔ̧mà ane yɔb la, Pɔ̂l shu àtsəa èngǎ̧ wu a èbem àkata yaa la nê:

“Ntu̧ Ntsɔ̧̀ Mbɔ̧ɔ̧mà nàà nyɨ̀Ꞌta ndɨ Mbɔ̧ɔ̧mà nàa nɨa bòt mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la;

Nê wu màndzia èntɨ̧ɨ̧ ane Yesò a mèmbùꞋù eghǎ wu a mèndìa.” (1:17).

Pɔ̂l ghɨ̀ ale, ngàꞋte àtsəa èngà̧ waa nê bɔbȩ bàgème, Bèjuê nè bòt kà wu Bèjuê e bakà kùꞋ e mbì Mbɔ̧ɔ̧mà, nkàà nê bɔ̀ɔgème e wu a èten mètàŋ kàbɔ̀ŋ. Mbɔ̧ɔ̧mà nàa nɨa bòt mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la àfɨꞋa bɔ zi mèntɨ̧ɨ̧ mɔb ane Yesò Klistò la.

Pɔ̂l me lɔ̀Ꞌɔ ane ayaa ndàꞋà ànəa èshu̧ fi wu, nê Mbɔ̧ɔ̧mà naa ngɨ̀à wòt bɔ mèntsèke fi ndɨ̀ wu ta tsiꞋi àghɨ yeamɔꞋ nè Yesò Klistò la. Wòt tà zi èntɨ̧ɨ̧ vi ane Yesò la è bɔ àlàŋkè nè Mbɔ̧ɔ̧mà, Fo Mbɔ̧ɔ̧mà mè ntsì atò a èbem mètàŋ kàbɔ̀ŋ bɔ̂ èvə.

Pɔ̂l mè ndàꞋa ànəa lə mbɨ̧ yu Mbɔ̧ɔ̧mà li ŋa la, nè ànəa mètàŋ Fo Mbɔ̧ɔ̧mà ane mèntsèke wòt Yesò.

Tà ghɨ̀ ale, me tème ànəa adziꞋa mèmpème mu Bèjuê nè bòt kà wu Bèjuê e bɔ ane àghɨa Mbɔ̧ɔ̧mà taŋkè abua bɔbȩ la. Mbɔ̧ɔ̧mà li ntàŋke nê Bèjuê aa tu̧u̧ ebɨ̧ɨ̧ne ànəa Yesò mbɨ̀Ꞌɨ̀ enɨ ghaꞋa alu̧ abua bɔbȩ bàgème bɔ̀ɔ kɨꞋɨ ye a ntsɔ̧̀ vi mbɨ̀Ꞌɨ̀ bɔ zì mèntɨ̧ɨ̧ mɔb ane Yesò la. Tà bɔ̂ nko nê Bèjuê è ka li tu̧u̧ a Yesò wuê àfɨ̀Ꞌ àgème a. Pɔ̂l me lìa shu ndɨ mèntsèke Bèklɨtèn e bɔ ndɨ nàà wu la, nè ndɨ bɔ bɔ ndɨ bɔ̀ɔ me kɔ̀ŋkè bòt la. Tà làꞋ ane ètsə èngà̧ baa mbɨ̀Ꞌɨ̀ màfaꞋa abua Mbɔ̧ɔ̧mà, nè àghɨa Bèklɨtèn e bɔ ndɨ bɔ̀ɔ me ghɨ̌ abua bòt bu bɔ̀ɔ mbaãaã àlaꞋ la, nè abua bɔnyɨ bɔb la, nè ndɨ èntɨ̧ɨ̧ wòt àa me saꞋa atò ane mènəè la. Tà lìà àkata mbɔŋ nè mèntsàꞋte abua bòt ko, mè nè mèngǎ̧ mèngùꞋte abua Mbɔ̧ɔ̧mà.

Ndɨ bɔ ghàbtè letà waa la

Èngǎ̧ mbì nè àtsəa èngà̧ 1:1-17.

Ndɨ bòt è baka kùꞋ e mbì Mbɔ̧ɔ̧mà la 1:18-3:20.

Alu̧ Mbɔ̧ɔ̧mà a màmbɔ mèmpème 3:21-4:25.

Mèntsèke fi ane Yesò 5:1-8:39.

Bòt Izəèlȩê a èbem alu̧ wu Mbɔ̧ɔ̧mà li ntàŋke la 9:1-11:36.

Ndɨ Bèklɨtèn àa me ghɨ̀ mènəè mɔb la 12:1-15:13.

Mèndìa nè àtsàꞋtè 15:14-16:27.

ទើបបានជ្រើសរើសហើយ៖

Lûm MèngàꞋa: mnf

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី Mundani

Lûm MèngàꞋa

ខគម្ពីរពេញនិយមពី
Lûm MèngàꞋa

ព្រះគម្ពីរ:

Mundani

ជំនាន់បកប្រែ: Mundani - mnf

Lûm MèngàꞋa

Lûm MèngàꞋa

ខគម្ពីរពេញនិយមពី Lûm MèngàꞋa

ព្រះគម្ពីរ:

Mundani

ជំនាន់បកប្រែ: Mundani - mnf

Lûm MèngàꞋa

ខគម្ពីរពេញនិយមពី
Lûm MèngàꞋa