Lûm 11
11
Mbɔ̧ɔ̧mà bakà waꞋa bòt bi bòt Izəèlȩê
1Ale, tsiꞋ è mbììte nê: Tè Mbɔ̧ɔ̧mà waꞋa bòt bi? ChaꞋ, ta bakà waꞋa awɔb. Mmɔ̌ mbɔŋ e ngu wòt Izəèlȩê, wòt àndǎ̧ Abàlàghâm, mâ dzəa a ləlob Benjamèn la. 2Mbɔ̧ɔ̧mà bakà waꞋa bòt bi bu tà li mbèle àfɨꞋa tsa ndà la. Bɨ bakà ko ànəa Àkata Mbɔ̧ɔ̧mà a shu ane ànəa Èlȩjà li ndàꞋ ane ànəa kàbɔ̀ŋ bòt Izəèlȩê abua Mbɔ̧ɔ̧mà la à? 3Tà li nê, “Tê, bɔ bùŋè bèndàꞋàtɔŋ bê, ntsòkè èdziꞋi bu bɔ̀ɔ ntò̧à èghɨ ŋa abua yê la, tè è tsìꞋi wuê ndàꞋà mmɔ̌, bɔ bɔ̂ me kɨa am e bùŋe.” 4Mbɔ̧ɔ̧mà li ŋa àbɨ̀t nê ghàà? Tà li nê, “Mâ nɔ̀ŋe bòt abua am bètɔsì basà̧à̧mbe bɔ̀ baka wùꞋte a Baàl la.” #11:4 Baàl wu nàmbəa Jezebèl vi fɔ̧̀ Aghàb li nɨŋ nkɨ̀Ꞌɨ̂ a Izəèlȩê, Aghàb nê bòt bàgème è me wùꞋte wùà la. 5Wu wuê ndɨ bòt ko àa àfɨ̀Ꞌ yaa Mbɔ̧ɔ̧mà nɨa ntsɔ̧̀ vi ndà àwɔb nɔ̀ŋè abua zi la. 6È wû ntsɔ̧̀ tò ka tà nɨŋ ndà àwɔb la, ko è te ntsě ànəa àfaꞋa ntsɔ̧̀. Tà li ngɨ̀ ale ngua ndàà àwɔb nkàà àfaꞋa ntsɔ̧̀ àyɔb, ko ntsɔ̧̀ tò wu te ntsě ntsɔ̧̀.
7Ale, bòt Izəèlȩê è le kaꞋa bɔ àghɨa bɔ li ngua nkɨà la. Wu bòt bu tà li ndà la ka bɔ li mbɔŋ la, ka èbeko nè bòt bàgème e me kweele àtsə. 8A li ngu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê,
“Mbɔ̧ɔ̧mà li ngɨ̀ bɔ tsiꞋi mbɨ̀Ꞌɨ̀ bòt kà ko èdziꞋ,
Mbɔ̀ àghɨ a àa ka ye èdziꞋ la,
nè ètû̧ àa ka zə èdziꞋ la, e kɨꞋɨ dzəè laane.”
9Fɔ̧̀ Dàbid mè ndàꞋ àzi nê,
“Màa ntsàꞋta Mbɔ̧ɔ̧mà nê, tà ghɨa mèpà̧ mɔb
è wu mbɨ̀Ꞌɨ̀ àtaã bɔ̀ɔ kwene a èbèm la.
Nê tà ghɨa bɔ̀ kwen, mè ndze ngoꞋ,
10Nê tà ghɨa àghɨ ayɔb à lem
tè bɔ̀ ka te ndze èdziꞋ,
mè ngɨ̀ kwèn tɔb tè ŋɔꞋte
tê tè ka tsi ndi ndɔ̀Ꞌtè.”
11Ale, mâ biite nê bɔ sèmnè ale mbɨ̀Ꞌɨ̀ kwene te li tseke ka tsi ndɔ̀Ꞌ? A ntsě a èlɨ mbɔŋ. Bɔ li ngɨ̀a kàbɔ̀ŋ ale, è ghaꞋa èlu̧ abua bòt kà wu Bèjuê bɔ̀ɔ bɔ mèmpème, mbɨ̀Ꞌɨ̀ e ghɨ̌ bòt Izəèlȩê aa me ghòꞋnè àwɔb. 12Bòt Izəèlȩê e li ngɨ̀ a kàbɔ̀ŋ è ghɨ̌ bòt ngɔ̀ŋ e bɔ èghɨ ntsɔ̧̀ nyaŋ. Ndɨ̀ wu bɔ li bɔ̀ ka ghɨ̂ mbɨ̀Ꞌɨ̀ Mbɔ̧ɔ̧mà kɨa la, a mè ngɨ̀ bòt kà wu Bèjuê e bɔ èghɨ ntsɔ̧̀ nyaŋ. A wu wu anè ko èghɨ ntsɔ̧̀ bu aa paa ghe, àfɨꞋa bòt Izəèlȩê bu bàgème àa paa me zə a Mbɔ̧ɔ̧mà la.
Mèmpème bòt kà wu bòt Izəèlȩê
13E ntsiꞋa ndàꞋa abua yɨ̧ bɨ̀a bòt kà wu bòt Izəèlȩê àfɨ̀Ꞌ yaa. Maa me ghàꞋtè am ane àfàꞋa am mbɨ̀Ꞌɨ̀ è ngu wantu̧ Yesò abua bòt kà wu bòt Izəèlȩê la, 14mbɨ̀Ꞌɨ̀ à wu zìa ghòꞋnà a mèntɨ̧ɨ̧ Bèjuê, e ghɨ̌ àbəèꞋ àyɔb aa peme. 15Mbɔ̧ɔ̧mà wu tu̧u̧ bòt Izəèlȩê aa ghɨ̌ bòt èlaꞋ ko tsa ègème aa bɔ àlàŋkè nè tò, ko àfɨꞋa Mbɔ̧ɔ̧mà nɨ awɔb la, à ka wu mbɨꞋɨ̀ bèmpfəà be yu̧u̧me la a? 16Kèpȩ bled mbì è wu èfe Mbɔ̧ɔ̧mà, ko bled mbɔŋ nènkèm wu we tò mɨ̧̂. Bɔ mè ngu ŋa tèghaŋke àyɨt abua Mbɔ̧ɔ̧mà, ko mèntaãaã wu abua tò mɨ̧̂.
17Bɔ loote mèntaãaã kǒ ane àyɨt olìf yu bɔ liꞋi la, nɨ mèntaãaã àyɨt olìf èbemebàꞋ nkɨ̀Ꞌɨ̀ ndzì abot. Bɨ̀a bòt kà wu bòt Izəèlȩê aa mbɨ̀Ꞌɨ̀ mèntaãaã àyɨt olìf èbemebàꞋ yu, njɨ̀a àbȩ̀ èghɨ ntsɔ̧̀ bòt Izəèlȩê. 18È wu ale, bɨ̀ ka me ŋeꞋe tèkwȩ tɨ̧ a ègwet shua nê bɨ tsě bòt Izəèlȩê bu bɔ li ndòòte àwɔb mbɨ̀Ꞌɨ̀ mèntaãaã la. Bɨ me shu nê bɨ tsè àwɔb, bɨ ko nê ntsě bɨ̀a mèntaãaã ka ntɔ̀kà tèghaŋtsə la, wu tèghaŋtsə ka ntɔ̀kà àwɨ̧ la. 19Wòt kǒ nàa laꞋ nê, “Bɔ li ndòòte mèntaãaã mbɨ̀Ꞌɨ̀ nɨ am e zì abot.” 20Àyea mbɔŋ wu nkûŋ. Bɔ li ndòòte àwɔb ndɨ̀ wu bɔ li bɔ̀ ka zǐ èntɨ̧ɨ̧ wɔb ane Yesò la, ka bɔ zì àwɨ̧ a mbɨ̧̀ àyɨt yu nkàà mèntɨ̧ɨ̧ mɨ̧ mu bɨ zi ane Yesò la. Ale, bɨ̀ ka me ŋeꞋe tèkwȩ tɨ̧ a ègwet, bɨ̀ me ko awɨ̧ mbɨ̀Ꞌɨ̀ bɔ tsì àwɨ̧. 21È wu nê Mbɔ̧ɔ̧mà lè kaꞋa sâ Bèjuê bu bɔ̀ wu mbɨ̀Ꞌɨ̀ mèntaãaã àyɨt lèkɔꞋasi la, ko tà ka bê sà àwɨ̧ a.
22Baa ye àdziꞋ yaa ndɨ Mbɔ̧ɔ̧mà nàa ngɨ̀a ntsɔ̧̀ la, mè nè ndɨ tàa ngòꞋtà ane èsaꞋa vi la. Tàa ngòꞋtà adù̧ bòt bu bɔ ghɨa kàbɔ̀ŋ la, mbɔ̂ me ghɨa ntsɔ̧̀ abua yɨ̧ na bɨ wu mbɨ̀Ꞌɨ̀ tà kɨa la. Bɨ bakà ghɨ ale, ko taa loo awɨ̧ ewaꞋa mɨ̧̂. 23Mbɔ̂ bòt Izəèlȩê e wu kubte e zì mèntɨ̧ɨ̧ mɔb ane Yesò, ko taa nɨ awɔb e zǐ adzìꞋa bɔ li ndzaã nguê la, nkàà nê tà bɔ mètàŋ e mě zì àwɔb abot. 24Bɨ̀a bòt kà wu Bèjuê aa mbɨ̀Ꞌɨ̀ èntaãaã olìf èbemebàꞋ bɔ loo ngà ndzì adù̧ àyɨt olìf bɔ liꞋ la, è wu àghɨa a ghɨ̂ à ka wuê wu ale la. Bèjuê beà mbɨ̀Ꞌɨ̀ mèntaãaã àyɨt yaa bɔ liꞋi la, ale a wu me yu abua Mbɔ̧ɔ̧mà e nɨ mèntaãaã àyɨt a mbɔŋ bɔ yaã ndòòte la e kɨꞋɨ zǐ adzìꞋ azi.
Mèmpème abua wòt ègème
25Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la. 26Ale, bòt Izəèlȩê bàgème aa li peme. A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê,
“Wòt tàa ghɨ̌ bòt aa peme la naa dzə a Zayɔ̀n,
tàa tsi èbɨꞋte èghɨ ègème àndǎ̧ Jàkɔ̂b.
27Eyaa wu mènkàꞋa kèkweelè màa ghɨ̀ baà tò ba
àfɨꞋa màa waꞋa bèkàbɔ̀ŋ bɔb la.”
28Ndɨ̀ wu bɔ tu̧u̧ Ntu̧ Ntsɔ̧̀ Yesò Klistò la, bɔ tsiꞋi bɔmbù̧ Mbɔ̧ɔ̧mà ambo yɨ̧. Ka è me wu mbɨ̀Ꞌɨ̀ Mbɔ̧ɔ̧mà li ndàà awɔb la, ko tà bèla kɔ̀ŋkà àwɔb nkàà àghɨa tà li nkàꞋ bètǎt nyaꞋ bɔb la. 29Aa ale nkàà nê Mbɔ̧ɔ̧mà nàa ngɨ̀ tà ŋa àghɨ abua wòt, kò ntɔ a ŋut leꞋ, tà ka tsi nkùbte èntɨ̧ɨ̧ vi. 30Bɨ̀a bòt kà wu Bèjuê è le kaꞋa wua ndzəa Mbɔ̧ɔ̧mà, ka àfɨ̀Ꞌ yaa tà ku tèsȩ tɨ̧, ndɨ̀ wu Bèjuê àa ka zə atò la. 31Ale, bɔ tsiꞋa nkwèèla àtsə abua Mbɔ̧ɔ̧mà àfɨ̀Ꞌ yaa mɨ̧̂, mbɨ̀Ꞌɨ̀ taa ku tèsȩ tɔb wuê mbɨ̀Ꞌɨ̀ tà li nkù tɨ̧ la. 32Mbɔ̧ɔ̧mà sa bòt bàgème nê bɔ̀ me kweele àtsə, mbɨ̀Ꞌɨ̀ taa ku tèsȩ tɔb.
Bàà wùꞋte a Mbɔ̧ɔ̧mà
33Bɨ̀ ye ndɨ ènɨ̧ Mbɔ̧ɔ̧mà e ghe la!
Tà taꞋa bɔ èyì, mè nko mènəè ègème!
Wòt wu betsiꞋa tà ko ndɨ tàa
ngɨ̀à mènəè mi la wu wàà?
BetsiꞋa wàa ko balu̧ tò à?
34Àyaa aa mbɨ̀Ꞌɨ̀ bɔ shɨ
a èbem Àkata Mbɔ̧ɔ̧mà la nê,
“Wàa ko àghɨa àa èntɨ̧ɨ̧ Mbɔ̧ɔ̧mà la à?
Wòt wu betsiꞋa tà kɨ̀ɨ̀te atò la wu wàà?
35Wòt wu tà li mè ŋa àghɨ abua tò,
mbɨꞋɨ̀ Mbɔ̧ɔ̧mà wu naa ŋa àghɨa ko abua tò la wu wàà?”
36Èghɨ ègème e li ngu nkàà mètàŋ tò,
èghɨ ègème e mè ngu nkàà atò,
mè ngu abua tò.
TsiꞋ mèngùꞋte wu abua Mbɔ̧ɔ̧mà
ane àlia nè àlia. Àmèn.
ទើបបានជ្រើសរើសហើយ៖
Lûm 11: mnf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2006, Cameroon Association for Bible Translation and Literacy
Lûm 11
11
Mbɔ̧ɔ̧mà bakà waꞋa bòt bi bòt Izəèlȩê
1Ale, tsiꞋ è mbììte nê: Tè Mbɔ̧ɔ̧mà waꞋa bòt bi? ChaꞋ, ta bakà waꞋa awɔb. Mmɔ̌ mbɔŋ e ngu wòt Izəèlȩê, wòt àndǎ̧ Abàlàghâm, mâ dzəa a ləlob Benjamèn la. 2Mbɔ̧ɔ̧mà bakà waꞋa bòt bi bu tà li mbèle àfɨꞋa tsa ndà la. Bɨ bakà ko ànəa Àkata Mbɔ̧ɔ̧mà a shu ane ànəa Èlȩjà li ndàꞋ ane ànəa kàbɔ̀ŋ bòt Izəèlȩê abua Mbɔ̧ɔ̧mà la à? 3Tà li nê, “Tê, bɔ bùŋè bèndàꞋàtɔŋ bê, ntsòkè èdziꞋi bu bɔ̀ɔ ntò̧à èghɨ ŋa abua yê la, tè è tsìꞋi wuê ndàꞋà mmɔ̌, bɔ bɔ̂ me kɨa am e bùŋe.” 4Mbɔ̧ɔ̧mà li ŋa àbɨ̀t nê ghàà? Tà li nê, “Mâ nɔ̀ŋe bòt abua am bètɔsì basà̧à̧mbe bɔ̀ baka wùꞋte a Baàl la.” #11:4 Baàl wu nàmbəa Jezebèl vi fɔ̧̀ Aghàb li nɨŋ nkɨ̀Ꞌɨ̂ a Izəèlȩê, Aghàb nê bòt bàgème è me wùꞋte wùà la. 5Wu wuê ndɨ bòt ko àa àfɨ̀Ꞌ yaa Mbɔ̧ɔ̧mà nɨa ntsɔ̧̀ vi ndà àwɔb nɔ̀ŋè abua zi la. 6È wû ntsɔ̧̀ tò ka tà nɨŋ ndà àwɔb la, ko è te ntsě ànəa àfaꞋa ntsɔ̧̀. Tà li ngɨ̀ ale ngua ndàà àwɔb nkàà àfaꞋa ntsɔ̧̀ àyɔb, ko ntsɔ̧̀ tò wu te ntsě ntsɔ̧̀.
7Ale, bòt Izəèlȩê è le kaꞋa bɔ àghɨa bɔ li ngua nkɨà la. Wu bòt bu tà li ndà la ka bɔ li mbɔŋ la, ka èbeko nè bòt bàgème e me kweele àtsə. 8A li ngu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê,
“Mbɔ̧ɔ̧mà li ngɨ̀ bɔ tsiꞋi mbɨ̀Ꞌɨ̀ bòt kà ko èdziꞋ,
Mbɔ̀ àghɨ a àa ka ye èdziꞋ la,
nè ètû̧ àa ka zə èdziꞋ la, e kɨꞋɨ dzəè laane.”
9Fɔ̧̀ Dàbid mè ndàꞋ àzi nê,
“Màa ntsàꞋta Mbɔ̧ɔ̧mà nê, tà ghɨa mèpà̧ mɔb
è wu mbɨ̀Ꞌɨ̀ àtaã bɔ̀ɔ kwene a èbèm la.
Nê tà ghɨa bɔ̀ kwen, mè ndze ngoꞋ,
10Nê tà ghɨa àghɨ ayɔb à lem
tè bɔ̀ ka te ndze èdziꞋ,
mè ngɨ̀ kwèn tɔb tè ŋɔꞋte
tê tè ka tsi ndi ndɔ̀Ꞌtè.”
11Ale, mâ biite nê bɔ sèmnè ale mbɨ̀Ꞌɨ̀ kwene te li tseke ka tsi ndɔ̀Ꞌ? A ntsě a èlɨ mbɔŋ. Bɔ li ngɨ̀a kàbɔ̀ŋ ale, è ghaꞋa èlu̧ abua bòt kà wu Bèjuê bɔ̀ɔ bɔ mèmpème, mbɨ̀Ꞌɨ̀ e ghɨ̌ bòt Izəèlȩê aa me ghòꞋnè àwɔb. 12Bòt Izəèlȩê e li ngɨ̀ a kàbɔ̀ŋ è ghɨ̌ bòt ngɔ̀ŋ e bɔ èghɨ ntsɔ̧̀ nyaŋ. Ndɨ̀ wu bɔ li bɔ̀ ka ghɨ̂ mbɨ̀Ꞌɨ̀ Mbɔ̧ɔ̧mà kɨa la, a mè ngɨ̀ bòt kà wu Bèjuê e bɔ èghɨ ntsɔ̧̀ nyaŋ. A wu wu anè ko èghɨ ntsɔ̧̀ bu aa paa ghe, àfɨꞋa bòt Izəèlȩê bu bàgème àa paa me zə a Mbɔ̧ɔ̧mà la.
Mèmpème bòt kà wu bòt Izəèlȩê
13E ntsiꞋa ndàꞋa abua yɨ̧ bɨ̀a bòt kà wu bòt Izəèlȩê àfɨ̀Ꞌ yaa. Maa me ghàꞋtè am ane àfàꞋa am mbɨ̀Ꞌɨ̀ è ngu wantu̧ Yesò abua bòt kà wu bòt Izəèlȩê la, 14mbɨ̀Ꞌɨ̀ à wu zìa ghòꞋnà a mèntɨ̧ɨ̧ Bèjuê, e ghɨ̌ àbəèꞋ àyɔb aa peme. 15Mbɔ̧ɔ̧mà wu tu̧u̧ bòt Izəèlȩê aa ghɨ̌ bòt èlaꞋ ko tsa ègème aa bɔ àlàŋkè nè tò, ko àfɨꞋa Mbɔ̧ɔ̧mà nɨ awɔb la, à ka wu mbɨꞋɨ̀ bèmpfəà be yu̧u̧me la a? 16Kèpȩ bled mbì è wu èfe Mbɔ̧ɔ̧mà, ko bled mbɔŋ nènkèm wu we tò mɨ̧̂. Bɔ mè ngu ŋa tèghaŋke àyɨt abua Mbɔ̧ɔ̧mà, ko mèntaãaã wu abua tò mɨ̧̂.
17Bɔ loote mèntaãaã kǒ ane àyɨt olìf yu bɔ liꞋi la, nɨ mèntaãaã àyɨt olìf èbemebàꞋ nkɨ̀Ꞌɨ̀ ndzì abot. Bɨ̀a bòt kà wu bòt Izəèlȩê aa mbɨ̀Ꞌɨ̀ mèntaãaã àyɨt olìf èbemebàꞋ yu, njɨ̀a àbȩ̀ èghɨ ntsɔ̧̀ bòt Izəèlȩê. 18È wu ale, bɨ̀ ka me ŋeꞋe tèkwȩ tɨ̧ a ègwet shua nê bɨ tsě bòt Izəèlȩê bu bɔ li ndòòte àwɔb mbɨ̀Ꞌɨ̀ mèntaãaã la. Bɨ me shu nê bɨ tsè àwɔb, bɨ ko nê ntsě bɨ̀a mèntaãaã ka ntɔ̀kà tèghaŋtsə la, wu tèghaŋtsə ka ntɔ̀kà àwɨ̧ la. 19Wòt kǒ nàa laꞋ nê, “Bɔ li ndòòte mèntaãaã mbɨ̀Ꞌɨ̀ nɨ am e zì abot.” 20Àyea mbɔŋ wu nkûŋ. Bɔ li ndòòte àwɔb ndɨ̀ wu bɔ li bɔ̀ ka zǐ èntɨ̧ɨ̧ wɔb ane Yesò la, ka bɔ zì àwɨ̧ a mbɨ̧̀ àyɨt yu nkàà mèntɨ̧ɨ̧ mɨ̧ mu bɨ zi ane Yesò la. Ale, bɨ̀ ka me ŋeꞋe tèkwȩ tɨ̧ a ègwet, bɨ̀ me ko awɨ̧ mbɨ̀Ꞌɨ̀ bɔ tsì àwɨ̧. 21È wu nê Mbɔ̧ɔ̧mà lè kaꞋa sâ Bèjuê bu bɔ̀ wu mbɨ̀Ꞌɨ̀ mèntaãaã àyɨt lèkɔꞋasi la, ko tà ka bê sà àwɨ̧ a.
22Baa ye àdziꞋ yaa ndɨ Mbɔ̧ɔ̧mà nàa ngɨ̀a ntsɔ̧̀ la, mè nè ndɨ tàa ngòꞋtà ane èsaꞋa vi la. Tàa ngòꞋtà adù̧ bòt bu bɔ ghɨa kàbɔ̀ŋ la, mbɔ̂ me ghɨa ntsɔ̧̀ abua yɨ̧ na bɨ wu mbɨ̀Ꞌɨ̀ tà kɨa la. Bɨ bakà ghɨ ale, ko taa loo awɨ̧ ewaꞋa mɨ̧̂. 23Mbɔ̂ bòt Izəèlȩê e wu kubte e zì mèntɨ̧ɨ̧ mɔb ane Yesò, ko taa nɨ awɔb e zǐ adzìꞋa bɔ li ndzaã nguê la, nkàà nê tà bɔ mètàŋ e mě zì àwɔb abot. 24Bɨ̀a bòt kà wu Bèjuê aa mbɨ̀Ꞌɨ̀ èntaãaã olìf èbemebàꞋ bɔ loo ngà ndzì adù̧ àyɨt olìf bɔ liꞋ la, è wu àghɨa a ghɨ̂ à ka wuê wu ale la. Bèjuê beà mbɨ̀Ꞌɨ̀ mèntaãaã àyɨt yaa bɔ liꞋi la, ale a wu me yu abua Mbɔ̧ɔ̧mà e nɨ mèntaãaã àyɨt a mbɔŋ bɔ yaã ndòòte la e kɨꞋɨ zǐ adzìꞋ azi.
Mèmpème abua wòt ègème
25Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la. 26Ale, bòt Izəèlȩê bàgème aa li peme. A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê,
“Wòt tàa ghɨ̌ bòt aa peme la naa dzə a Zayɔ̀n,
tàa tsi èbɨꞋte èghɨ ègème àndǎ̧ Jàkɔ̂b.
27Eyaa wu mènkàꞋa kèkweelè màa ghɨ̀ baà tò ba
àfɨꞋa màa waꞋa bèkàbɔ̀ŋ bɔb la.”
28Ndɨ̀ wu bɔ tu̧u̧ Ntu̧ Ntsɔ̧̀ Yesò Klistò la, bɔ tsiꞋi bɔmbù̧ Mbɔ̧ɔ̧mà ambo yɨ̧. Ka è me wu mbɨ̀Ꞌɨ̀ Mbɔ̧ɔ̧mà li ndàà awɔb la, ko tà bèla kɔ̀ŋkà àwɔb nkàà àghɨa tà li nkàꞋ bètǎt nyaꞋ bɔb la. 29Aa ale nkàà nê Mbɔ̧ɔ̧mà nàa ngɨ̀ tà ŋa àghɨ abua wòt, kò ntɔ a ŋut leꞋ, tà ka tsi nkùbte èntɨ̧ɨ̧ vi. 30Bɨ̀a bòt kà wu Bèjuê è le kaꞋa wua ndzəa Mbɔ̧ɔ̧mà, ka àfɨ̀Ꞌ yaa tà ku tèsȩ tɨ̧, ndɨ̀ wu Bèjuê àa ka zə atò la. 31Ale, bɔ tsiꞋa nkwèèla àtsə abua Mbɔ̧ɔ̧mà àfɨ̀Ꞌ yaa mɨ̧̂, mbɨ̀Ꞌɨ̀ taa ku tèsȩ tɔb wuê mbɨ̀Ꞌɨ̀ tà li nkù tɨ̧ la. 32Mbɔ̧ɔ̧mà sa bòt bàgème nê bɔ̀ me kweele àtsə, mbɨ̀Ꞌɨ̀ taa ku tèsȩ tɔb.
Bàà wùꞋte a Mbɔ̧ɔ̧mà
33Bɨ̀ ye ndɨ ènɨ̧ Mbɔ̧ɔ̧mà e ghe la!
Tà taꞋa bɔ èyì, mè nko mènəè ègème!
Wòt wu betsiꞋa tà ko ndɨ tàa
ngɨ̀à mènəè mi la wu wàà?
BetsiꞋa wàa ko balu̧ tò à?
34Àyaa aa mbɨ̀Ꞌɨ̀ bɔ shɨ
a èbem Àkata Mbɔ̧ɔ̧mà la nê,
“Wàa ko àghɨa àa èntɨ̧ɨ̧ Mbɔ̧ɔ̧mà la à?
Wòt wu betsiꞋa tà kɨ̀ɨ̀te atò la wu wàà?
35Wòt wu tà li mè ŋa àghɨ abua tò,
mbɨꞋɨ̀ Mbɔ̧ɔ̧mà wu naa ŋa àghɨa ko abua tò la wu wàà?”
36Èghɨ ègème e li ngu nkàà mètàŋ tò,
èghɨ ègème e mè ngu nkàà atò,
mè ngu abua tò.
TsiꞋ mèngùꞋte wu abua Mbɔ̧ɔ̧mà
ane àlia nè àlia. Àmèn.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2006, Cameroon Association for Bible Translation and Literacy