Lûk 3

Jɔ̌n ndzìà èdzî tàŋke èlu̧ abua Yesò

(Mat 3:1-12; Mk 1:1-8; Jn 1:19-28)

1-2È li ngu àfɨꞋa Tìbeliùs Sisà wu empelɔ̀ ane èngùꞋ èghem ntsɔ̀b yetà̧â̧ la, Pontìùs Pȩlèt wu gɔvanɔ̀ bòt Jùdià, Elɔ̀d wu àtsəa bòt Galìlî, Filìb wanyɨ Elɔ̀d wu àtsəa bòt Ituleà bɔ̂ Tìlàkonitìs, Lìsanìà wu àtsəa bòt Àbilenè, mbɔ̂ Anàs bɔ̂ Kefàs è wu ètsə bèntsìà mèpɨ̧̀ a èbem lob nɨ̧ Mbɔ̧ɔ̧mà. AfɨꞋa ngaa yu, Jɔ̌n waã Zàkàleyà zə èngǎ̧ Mbɔ̧ɔ̧mà àbâ àlaꞋ àyuube. 3Ale, tà bùꞋ me ghȩ̀ȩ̀ne tèpfəte èlaꞋ tu a ngèt èdzî Jodàn la ntsɔ̀tà nê, “Bɨ̀ waꞋa mènəè kàbɔ̀ŋ mɨ̧, nkɨ̀Ꞌɨ̂ bɔ̀ zì àwɨ̧ a èdzî, mbɨ̀Ꞌɨ̀ taa waꞋa mènəè kàbɔ̀ŋ mu bɨ̀à ngɨ̀à la.” 4Mbɨ̀Ꞌɨ̀ bɔ shɨ a èbem àkatè ndàꞋàtɔŋ Mbɔ̧ɔ̧mà, Àsayà la,

“Wòt kǒ nàa ŋȩ̀a àbâ àlaꞋ àyuube shua nê,

‘Bɨ̀ nèètè èlu̧ abua Lefɨ̀Ꞌ,

ndɔ̀ktè alu̧ tò è tɨ̧ɨ̧ ndɨŋndɨ̀ŋ.’

5Bɔ̀ lu̧u̧ne èfuꞋ ègème,

Sàŋkè tèku̧u̧nè bɔ̂ tèbȩtsə tègème a si.

Ngɨ̀ èŋɔꞋte balu̧ bè tɨ̧ɨ̧ ndɨŋndɨ̀ŋ,

Àtia balu̧ àgème à tsɔꞋte.

6Bɨ̀ ghɨ̀ ale, mbɨ̀Ꞌɨ̀ bòt bàgème

aa ye ndɨ Mbɔ̧ɔ̧mà nàa ghɨ̌ bòt bi aa peme la.”

7Banɔ̧̀ e ghɨ ale me kùŋe a Jɔ̌n wu nê, tà zì àwɔb a èdzî. Tà shu abua yɔb nê “KwàꞋ bɨ̀a àndǎ̧ nyaãtekàbɔ̀ŋ, waa kɨɨte awɨ̧ nê bɨ̀ lùùla ntsǒ Mbɔ̧ɔ̧mà yu tàa ngà ètsàà la à? 8Bɨ̀ ghɨ èghɨ bu àa nyɨ̀Ꞌta nê, bɨ waꞋa mènəè kàbɔ̀ŋ mɨ̧ la. Bɨ̀ ka mbùꞋ me ŋeꞋe awɨ̧ a ègwet è shua nê, bɨ̀ ka ghɨ̀à èlɨ waa nkàà ndɨ Abàlàghâm wu tǎt nyaꞋ wɨ̧ la a. TsiꞋ e shua wɨ̧, Mbɔ̧ɔ̧mà è bɔ ètɨ̧̂ egheble àti yàa e ghɨ̌ aa tsiꞋi bòt àndǎ̧ Abàlàghâm. 9Bɨ wu mbɨ̀Ꞌɨ̀ èyɨt bu adzà̧ wu a tèghàŋtsə ekòꞋo dèbe a si la. Àyɨt yu àa ka kɔ̀ɔ̀le tètaãaãte ntsɔ̧̀ la, bɔ̀ɔ kòꞋo ayùà emàꞋa a èbem èwet.”

10Tà shu ale, bòt bu e biite atò nê, “Bà ghɨ̀ naà?”

11Tà bɨ̀ɨ̀lè nê, “Wòt bɔ ndǐtemàꞋa tebe, tà ŋa yemɔ̀Ꞌ abua wòt kà bɔ ka yemɔ̀Ꞌ. Wòt bɔ èghɨjɨ, tà ghàbtè abua bòt ndzìtsə.”

12Tà shu ale, bèfetà èkab taksì èko bɔ kɨꞋɨ̀ bɔɔ zì àwɔb a èdzî la, e biite a Jɔ̌n wu nê, “Tê, bàa ghɨ̀ naà?”

13Tà shu abua yɔb nê, “Ko mbɨ̀Ꞌɨ̀ bɨ̀ nɨ èkab e tsè ndɨ bɔ shu awɨ̧ la.”

14Bèshujà ko e biite atò nê, “È me wu awa lu̧à? Bàa ghɨ̀ naà?”

Tà shu abua yɔb nê, “Ko mbɨ̀Ꞌɨ̀ bɨ̀ ŋwèèlè wòt ndzì mèfà̧ àtsə atò, mbɨ̀Ꞌɨ̀ efàa èkab abua tò. Bɨ̀ yele èkab àfàꞋ yɨ̧.”

15Bɔ zə èngǎ̧ Jɔ̌n waa ale mbùꞋ me mɨ̀ɨ̀te nê, kò tà wu Fɔ̧̀ wu Mbɔ̧ɔ̧mà li ndzɔꞋ etsàà la leꞋ, nkàà nê bɔ li ndzaŋe wua nchɨꞋa ŋut. 16Jɔ̌n shu abua yɔb bàgème nê, “Maà ndzìà wɨ̧ a èdzî, ka wòt wu nkɨ̀Ꞌa la taꞋa tsě am nyaŋ. E mbakà lem nkùꞋ wòt tàa ŋɔꞋne a si eyààte mèliꞋ gubte tò la. Taa tsiꞋi me zǐ Fo Kèfə ane yɨ̧ nè èwet. 17Ankì tò wu abua tò, tàa nɨ foa ntsəè ti la. Taa foa ntsəè tu, efete nɔ̀ŋe a ète li, ka è me wu èfaa, tà maꞋa a èbem èwet kà wu li elema.” 18Ale, Jɔ̌n tsɔ̀tè Ntu̧ Ntsɔ̧̀ yu ane tèkɔttsə nyaŋ abua bɔbȩ, ŋwètè àwɔb nê bɔ̀ kubte mènəè kàbɔ̀ŋ mɔb.

19Ka Jɔ̌n ŋȩ̀te a Elɔ̀d wu tà wu gɔvanɔ̀ la, nkàà ndɨ tà fǎ Èlɔdìà vi wanyɨ vi, mè ngɨ̀ mènəè kàbɔ̀ŋ kǒ nyaŋ la. 20Ale, Elɔ̀d paa ngɨ̀ ànəa a bɨɨ te ntsè èbeko la, ndzì a Jɔ̌n a tèfȩ.

Bɔ zì a Yesò a èdzî

(Mat 3:13-17; Mk 1:9-11)

21Èli ngu ane àli ako Jɔ̌n me zǐ bòt a èdzî bàgème tè tà paa, Yesò kɨ̀Ꞌɨ̂ taa zǐ atò a èdzî mɨ̧̂. Mbɨ̀Ꞌɨ̀ bɔ zia Yesò a èdzî tà me tsàꞋtà Mbɔ̧ɔ̧mà la, ègwet e ghaꞋà, 22Fo Kèfə chu a ègwet tò mbɨ̀Ꞌɨ̀ baba. Bɔ zə àtɔŋ Mbɔ̧ɔ̧mà a ègwet a nê, “À wu waã èkɔŋ am; èntɨ̧ɨ̧ e taꞋa wua mbɔ̀ ane yê.”

Bètǎt nyaꞋ Yesò

(Mat 1:1-17)

23Yesò lè wu mbɔ̀ŋè èngùꞋ èghem yetat àfɨꞋa tà bùꞋ me nyɨꞋte banɔ̧̀ mènəè Mbɔ̧ɔ̧mà la. Yesò li ngu waã Jòsêb mbɨ̀Ꞌɨ̀ bòt e li nko la.

Jòsêb wu li ngu waã Eli.

24Eli wu waã Matat, Matat wu waã Levì,

Levì wu waã Melkì, Melkì wu waã Janȩ,

Janȩ wu waã Jòsêb, 25Jòsêb wu waã Màtatìà,

Màtatìà wu waã Amɔ̀s, Amɔ̀s wu waã Nàum,

Nàum wu waã Eslì, Eslì wu waã Nagȩ,

26Nagȩ wu waã Maat, Maat wu waã Màtatìà,

Màtatìà wu waã Semèn, Semèn wu waã Josek,

Josek wu waã Jodà, 27Jodà wu waã Joanà,

Joanà wu waã Lesà, Lesà wu waã Zèlubàbèl,

Zèlubàbèl wu waã Shealtiel, Shealtiel wu waã Nelì,

28Nelì wu waã Melkì, Melkì wu waã Adì,

Adì wu waã Kosam, Kosam wu waã Èlmadàm,

Èlmadàm wu waã El, 29El wu waã Joshùà,

Joshùà wu waã Eliezà, Eliezà wu waã Jolìm,

Jolìm wu waã Matat, Matat wu waã Levì,

30Levì wu waã Simiòn, Simiòn wu waã Judà,

Judà wu waã Jòsêb, Jòsêb wu waã Jonam,

Jonam wu waã Èliakìm, 31Èliakìm wu waã Mèleà,

Mèleà wu waã Mèna, Mèna wu waã Màtata,

Màtata wu waã Natàn, Natàn wu waã Dàbid,

32Dàbid wu waã Jesì, Jesì wu waã Obèd,

Obèd wu waã Boà, Boà wu waã Sàlemun,

Sàlemun wu waã Nashòn, 33Nashòn wu waã Àminadàb, Àminadàb wu waã Amìn,

Amìn wu waã Ànì, Ànì wu waã Eslɔ̀n,

Eselɔ̀n wu waã Pelèz, Pelèz waã Judà, 34Judà wu waã Jàkɔ̂b,

Jàkɔ̂b wu waã Asàk, Asàk wu waã Abàlàghâm,

Abàlàghâm wu waã Tela, Tela wu waã Naɔ,

35Naɔ wu waã SeluꞋ, SeluꞋ wu waã Leo,

Leo wu waã PeleꞋ, PeleꞋ wu waã Ebà,

Ebà wu waã Shelà, 36Shelà wu waã Kenàn,

Kenàn wu waã Alfazà, Alfazà wu waã Shêm,

Shêm wu waã Noà, Noà wu waã Lamèk,

37Lamèk wu waã Mètuselà, Mètuselà wu waã Enɔ̀k,

Enɔ̀k wu waã Jalè, Jalè wu waã Màghalalè,

Màghalalè wu waã Kenàn, 38Kenàn wu waã Enò,

Enò wu waã Sêt, Sêt wu waã Adàm,

Adàm wu tà lè wu Waã Mbɔ̧ɔ̧mà la.

ទើបបានជ្រើសរើសហើយ៖

Lûk 3: mnf

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី Mundani

ខគម្ពីរពេញនិយមពី
Lûk 3

វីដេអូសម្រាប់ Lûk 3

ទិដ្ឋភាពទូទៅ៖ កណ្ឌគម្ពីរលូកា ១-៩

BibleProject

Lûk 3

ខគម្ពីរពេញនិយមពី
Lûk 3

វីដេអូសម្រាប់ Lûk 3

ទិដ្ឋភាពទូទៅ៖ កណ្ឌគម្ពីរលូកា ១-៩

ព្រះគម្ពីរ:

Mundani

ជំនាន់បកប្រែ: Mundani - mnf

Lûk 3

Lûk 3

ខគម្ពីរពេញនិយមពី Lûk 3

វីដេអូសម្រាប់ Lûk 3

ទិដ្ឋភាពទូទៅ៖ កណ្ឌគម្ពីរលូកា ១-៩

ព្រះគម្ពីរ:

Mundani

ជំនាន់បកប្រែ: Mundani - mnf

Lûk 3

ខគម្ពីរពេញនិយមពី
Lûk 3