ÀfaꞋa 25
25
Pɔ̂l shɨ̀ɨ̀bè nê yea ghǎ a mbì empelɔ̀
1Èli e li ntsè betat mbɨ̀Ꞌɨ̀ Festɔ̀s è nyi àbâ àlaꞋ və tè nɨ atɨ̧ vi la, tà lɔꞋ a Sìsalìà nga a Jèlusalèm. 2Bètǎt bèntsìà mèpɨ̧̀ Mbɔ̧ɔ̧mà nè bɔɔjuŋ Bèjuê e lɔ̀ktè mènəè nàa sàa awɔb ane Pɔ̂l la, shù̧ù̧te a Festɔ̀s nê, 3tà tɨŋe awɔb ntsaa a Pɔ̂l tà kɨꞋɨ a Jèlusalèm. Bɔɔ̀ ngɨ̀à ale, mbɔ̂ ntàŋkê ndɨ bɔ̀ɔ taãaã atò alu̧ ebùŋè la. 4Festɔ̀s è bɨ̀ɨ̀lè nê, “Pɔ̂l wu a Sìsalìà bɔ zi atò a tèfȩ la. Mmɔ̌ mbɔŋ e mbele yàŋe eghǎ abàꞋ və. 5Bɔɔjuŋ bɨ̧ e koà mènəè kàbɔ̀ŋ kǒ tà ghɨ̂ bɔ me kɨ ebiite atò la, bɔ kɨꞋɨ ba tò ba è gha a Sìsalìà və.”
6Festɔ̀s mè ntsèke èli ko mbɔ̀ŋè befà̧aã kò wuê èghem leꞋ bɔ̂ tò ba, mbɔ̂ ngà àvi a Sìsalìà. ÈtsəꞋ e tsi, tà tseke a èbem lob èsaꞋa mbɔ̂ nê, bɔ̀ nɨ a Pɔ̂l nɨŋ nkɨ̀Ꞌɨ̂. 7ÀfɨꞋa tà kɨꞋɨ la, Bèjuê bu bɔ lɔ̀Ꞌɔ a Jèlusalèm la, e ghaale atò mbùꞋ me shu taꞋà mènəè kàbɔ̀ŋ tà ghɨ̀ la, kà lem ndze àlȩê bɔ ŋa ane ayea ko la.
8Ka Pɔ̂l è fàà àvi abua yɔb nê, “E mbakà ghɨ ànəa kàbɔ̀ŋ ako ane mbɨ̧te Bèjuê. È nka ghɨ̀ ànəa kàbɔ̀ŋ ako ane lob nɨ̧ Mbɔ̧ɔ̧mà a Jèlusalèm. È nka fà̧ ànəê abua empelɔ̀ wu a Luêm la.”
9Festɔ̀s me kɨ àghɨa Bèjuê àa me kɔ̀ŋkè àvi la, mbììte a Pɔ̂l nê, “BetsiꞋa à bɨ̧̀ɨ̧̀nê nkùŋè am ba gha a Jèlusalèm bɔ tsɔꞋtè ànəa ngaa a mbì laã à?”
10Pɔ̂l bɨ̀ɨ̀lè nê, “E ngu anè a mbì bòt èsaꞋa Empelɔ̀ Luêm. Eyaa wu àdziꞋa bɔ̀ɔ saꞋa am la. Mbɨ̀Ꞌɨ̀ àwɔ̀ mbɔŋ à ko la, e mbakà ghɨ̀ ànəa kàbɔ̀ŋ ako abua Bèjuê. 11È wu laꞋ nê mâ pààte mbɨ̧tsə tè a nyɨꞋtè nê bɔ̀ bùŋè am, ko è nka shu nê bɔ̀ ka mbùŋè am a. Mbə è wu nê nkûŋ kǒ ndem ntsě ane mènəè maa bɔ zi àtsə am la, ko wòt kǒ ntsě tàa ŋa am abua yɔb la. Mâ shɨɨbè nê, empelɔ̀ wu ka tàa saꞋa ànəê am yàa la.”
12Mbɨ̀Ꞌɨ̀ Pɔ̂l è làꞋ ale la, Festɔ̀s è tɔ bòt bɔ̀ɔ nkɨ̀ɨ̀ta avi la, bɔ̂ tò ba e mù. Tà bɔ̂ nê, “Ndɨ̀ wu à shɨɨbè nê, empelɔ̀ ka tàa saꞋa ànəê ayê yaa la, maà tsàà awê abua tò.”
Pɔ̂l e mbi Aglipà bɔ̂ Bènisì
13È me wu àfɨ̀Ꞌ àko, Fɔ̧̀ Aglipà bɔ̂ Bènisì e kɨꞋɨ a Sìsalìà etsàꞋte a Festɔ̀s e mě esèe atò. 14Bɔ̀ tseke abàꞋ və ane èli ko, Festɔ̀s è tsɔ̀Ꞌte ànəa Pɔ̂l èshu abua fɔ̧̀ wu nê, “Wòt kǒ naa a si ŋàa Felìk li me dzəâ atɨ̧ ale tà wu a tèfȩ la. 15È li ngu àfɨꞋa mâ gha a Jèlusalèm la, bètǎt bèntsìà mèpɨ̧̀ Mbɔ̧ɔ̧mà bɔ̂ bɔɔjuŋ Bèjuê e lɔ̀ktè mènəè àtsə atò, nê è ngɨa àyea tò à bɨ.
16“Ka e shu abua yɔb nê, aa abua ya bàa bòt Luêm, bɔ̀ɔ ngɨ̀ bɔ̀ laꞋnê wòt è ghɨ ànəa kàbɔ̀ŋ, bà me laꞋ nê baa ngɨ̀à taa tsə àtsɔb, ba ye nê, bɔ̂ bòt bu bɔ shu ànəê yu àtsəa ŋut la e bù̧ù̧te a lob èsaꞋa, tè tà làꞋ èngà̧ enɨ fàà àtsə azi. 17È li ngu àfɨꞋa bɔ kɨꞋɨ a si ŋàa la, è nka tsokè àfɨ̀Ꞌ. ÈtsəꞋ e bê ntsi, ba nyi a lob èsaꞋa, e ntɔ̂ nê bɔ̀ nɨ atò nɨŋ nkɨ̀Ꞌɨ̂. 18Tà kɨ̀Ꞌɨ̂, bɔmbù̧ tò bu e lɔ̀Ꞌɔ a si, ka e me zə, bɔ̀ ka lem shu ànəê àko ane mènəè kàbɔ̀ŋ mu mâ ghɨ̂ ntanda nê bɔɔ shu àtsə atò la. 19Bɔ̂ tò ba e me kàànè wuê mènəè ko ndɨ bɔ̀ɔmbɔŋ àa ntsàꞋta a Mbɔ̧ɔ̧mà la, mè nkàànà ànəa èlen wòt kǒ bɔ̀ɔ ntɔ nê Yesò la, tà li mpfə, ka Pɔ̂l me shu nê tà wu yû̧ la. 20Àtsə am a bɨɨ ndɨ màa chɨɨme ghɨ̌ ka ko mènəè mu bɔ shua ane Pɔ̂l la. E mbììte atò nê, taa ghǎ a Jèlusalèm bɔɔ tsɔꞋte ànəa ngaa abàꞋ və leꞋ? 21Ka Pɔ̂l shɨ̀ɨ̀bè wuê nê, bɔ̀ nɔ̀ŋè avi a si və tè empelɔ̀ li sàꞋa ànəê àzi, ale, e nê bɔ̀ nɔ̀ŋe atò a si ŋaa me baabe tê e ndi ntsaa atò abua tǎt wa wu.”
22Aglipà me zə tê è shu abua Festɔ̀s nê, “Wòt ngaa me wu ale ndàꞋ abua am zìambɔŋ, ko a bɔ̌ am.”
Festɔ̀s bɨ̀ɨ̀lè nê, “Maa sàꞋa atetsɔꞋ e ghɨ̌ taa làꞋa, aa zə.”
Pɔ̂l tsì ànəê àtsə azi a mbì Aglipà
23ÈtsəꞋ e sàꞋ ntsi, Aglipà bɔ̂ Bènisì e me kɨꞋɨ, bòt e sèè àwɔb kwàꞋ ànyaꞋne mbɨ̀Ꞌɨ̀ bɔ̀ɔ sèà wòt nɨ̧ ègème la. Bɔ nyi a èbem lob màmbu̧u̧ta bɔ̂ bòt bɔ̀ wu àtsəa banyà̧ la nè bɔɔjuŋ bu àpfəèà nɨ̧ və la. Festɔ̀s ghɨ̀ bɔ nɨ a Pɔ̂l nɨŋ nkɨ̀Ꞌɨ̂ a lob. 24Festɔ̀s bɔ̂ nê, “Fɔ̧̀ Aglipà nè waa waa tàa a si ŋàa ba tò ba la, mbê waa bɨ ye atò la wu wòt Bèjuê bàgème, èbe bèa a si ŋàa la nè èbu a Jèlusalèm la e taꞋa shu am mènəè tà ghɨ̀ la. Bɔɔ̀ shua nê, à ye atò à bê mì a sitsǎꞋ ŋàa. 25È wu am mmɔ̌ mbɔŋ, ko e mbakà ye nê tà ghɨ ànəa kàbɔ̀ŋ ako tè ngu àyea màa laꞋnê bɔ̀ bùŋe atò la. Ndɨ̀ wu tòà zìambɔŋ è sɨɨbè nê wu empelɔ̀ ka tàa saꞋa avi la, e ngu etsàa atò abua tǎt wa wuê mbɨ̀Ꞌɨ̀ tà shu la. 26Ka e mbakà lem ndzè ngule ànəê ane tò waa màa shɨ abua empelɔ̀ wu la. È wu ale, mâ nɨ atò nɨŋ nkɨ̀Ꞌɨ̂ a si ŋàa a mbì lɨ̧ bɨ fɔ̧̀ Aglipà ba, nê tà làꞋa èngǎ̧ vi zìambɔŋ, fɔ̧̀ Aglipà zə. Ba me wu ale mbàŋè ànəa ngaa tè ndze, ko mâ ko ànəa màa shɨ abua empelɔ̀ wu la. 27E nkɨà ale, nkàà nê a bakà chɨɨme nyɨ̀Ꞌte nê, è ntsàa wɔ̀tèfȩ abua empelɔ̀ wu kà neete eyààtè mènəè mu bɔ zi àtsəa ŋut la eshua atò.”
ទើបបានជ្រើសរើសហើយ៖
ÀfaꞋa 25: mnf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2006, Cameroon Association for Bible Translation and Literacy
ÀfaꞋa 25
25
Pɔ̂l shɨ̀ɨ̀bè nê yea ghǎ a mbì empelɔ̀
1Èli e li ntsè betat mbɨ̀Ꞌɨ̀ Festɔ̀s è nyi àbâ àlaꞋ və tè nɨ atɨ̧ vi la, tà lɔꞋ a Sìsalìà nga a Jèlusalèm. 2Bètǎt bèntsìà mèpɨ̧̀ Mbɔ̧ɔ̧mà nè bɔɔjuŋ Bèjuê e lɔ̀ktè mènəè nàa sàa awɔb ane Pɔ̂l la, shù̧ù̧te a Festɔ̀s nê, 3tà tɨŋe awɔb ntsaa a Pɔ̂l tà kɨꞋɨ a Jèlusalèm. Bɔɔ̀ ngɨ̀à ale, mbɔ̂ ntàŋkê ndɨ bɔ̀ɔ taãaã atò alu̧ ebùŋè la. 4Festɔ̀s è bɨ̀ɨ̀lè nê, “Pɔ̂l wu a Sìsalìà bɔ zi atò a tèfȩ la. Mmɔ̌ mbɔŋ e mbele yàŋe eghǎ abàꞋ və. 5Bɔɔjuŋ bɨ̧ e koà mènəè kàbɔ̀ŋ kǒ tà ghɨ̂ bɔ me kɨ ebiite atò la, bɔ kɨꞋɨ ba tò ba è gha a Sìsalìà və.”
6Festɔ̀s mè ntsèke èli ko mbɔ̀ŋè befà̧aã kò wuê èghem leꞋ bɔ̂ tò ba, mbɔ̂ ngà àvi a Sìsalìà. ÈtsəꞋ e tsi, tà tseke a èbem lob èsaꞋa mbɔ̂ nê, bɔ̀ nɨ a Pɔ̂l nɨŋ nkɨ̀Ꞌɨ̂. 7ÀfɨꞋa tà kɨꞋɨ la, Bèjuê bu bɔ lɔ̀Ꞌɔ a Jèlusalèm la, e ghaale atò mbùꞋ me shu taꞋà mènəè kàbɔ̀ŋ tà ghɨ̀ la, kà lem ndze àlȩê bɔ ŋa ane ayea ko la.
8Ka Pɔ̂l è fàà àvi abua yɔb nê, “E mbakà ghɨ ànəa kàbɔ̀ŋ ako ane mbɨ̧te Bèjuê. È nka ghɨ̀ ànəa kàbɔ̀ŋ ako ane lob nɨ̧ Mbɔ̧ɔ̧mà a Jèlusalèm. È nka fà̧ ànəê abua empelɔ̀ wu a Luêm la.”
9Festɔ̀s me kɨ àghɨa Bèjuê àa me kɔ̀ŋkè àvi la, mbììte a Pɔ̂l nê, “BetsiꞋa à bɨ̧̀ɨ̧̀nê nkùŋè am ba gha a Jèlusalèm bɔ tsɔꞋtè ànəa ngaa a mbì laã à?”
10Pɔ̂l bɨ̀ɨ̀lè nê, “E ngu anè a mbì bòt èsaꞋa Empelɔ̀ Luêm. Eyaa wu àdziꞋa bɔ̀ɔ saꞋa am la. Mbɨ̀Ꞌɨ̀ àwɔ̀ mbɔŋ à ko la, e mbakà ghɨ̀ ànəa kàbɔ̀ŋ ako abua Bèjuê. 11È wu laꞋ nê mâ pààte mbɨ̧tsə tè a nyɨꞋtè nê bɔ̀ bùŋè am, ko è nka shu nê bɔ̀ ka mbùŋè am a. Mbə è wu nê nkûŋ kǒ ndem ntsě ane mènəè maa bɔ zi àtsə am la, ko wòt kǒ ntsě tàa ŋa am abua yɔb la. Mâ shɨɨbè nê, empelɔ̀ wu ka tàa saꞋa ànəê am yàa la.”
12Mbɨ̀Ꞌɨ̀ Pɔ̂l è làꞋ ale la, Festɔ̀s è tɔ bòt bɔ̀ɔ nkɨ̀ɨ̀ta avi la, bɔ̂ tò ba e mù. Tà bɔ̂ nê, “Ndɨ̀ wu à shɨɨbè nê, empelɔ̀ ka tàa saꞋa ànəê ayê yaa la, maà tsàà awê abua tò.”
Pɔ̂l e mbi Aglipà bɔ̂ Bènisì
13È me wu àfɨ̀Ꞌ àko, Fɔ̧̀ Aglipà bɔ̂ Bènisì e kɨꞋɨ a Sìsalìà etsàꞋte a Festɔ̀s e mě esèe atò. 14Bɔ̀ tseke abàꞋ və ane èli ko, Festɔ̀s è tsɔ̀Ꞌte ànəa Pɔ̂l èshu abua fɔ̧̀ wu nê, “Wòt kǒ naa a si ŋàa Felìk li me dzəâ atɨ̧ ale tà wu a tèfȩ la. 15È li ngu àfɨꞋa mâ gha a Jèlusalèm la, bètǎt bèntsìà mèpɨ̧̀ Mbɔ̧ɔ̧mà bɔ̂ bɔɔjuŋ Bèjuê e lɔ̀ktè mènəè àtsə atò, nê è ngɨa àyea tò à bɨ.
16“Ka e shu abua yɔb nê, aa abua ya bàa bòt Luêm, bɔ̀ɔ ngɨ̀ bɔ̀ laꞋnê wòt è ghɨ ànəa kàbɔ̀ŋ, bà me laꞋ nê baa ngɨ̀à taa tsə àtsɔb, ba ye nê, bɔ̂ bòt bu bɔ shu ànəê yu àtsəa ŋut la e bù̧ù̧te a lob èsaꞋa, tè tà làꞋ èngà̧ enɨ fàà àtsə azi. 17È li ngu àfɨꞋa bɔ kɨꞋɨ a si ŋàa la, è nka tsokè àfɨ̀Ꞌ. ÈtsəꞋ e bê ntsi, ba nyi a lob èsaꞋa, e ntɔ̂ nê bɔ̀ nɨ atò nɨŋ nkɨ̀Ꞌɨ̂. 18Tà kɨ̀Ꞌɨ̂, bɔmbù̧ tò bu e lɔ̀Ꞌɔ a si, ka e me zə, bɔ̀ ka lem shu ànəê àko ane mènəè kàbɔ̀ŋ mu mâ ghɨ̂ ntanda nê bɔɔ shu àtsə atò la. 19Bɔ̂ tò ba e me kàànè wuê mènəè ko ndɨ bɔ̀ɔmbɔŋ àa ntsàꞋta a Mbɔ̧ɔ̧mà la, mè nkàànà ànəa èlen wòt kǒ bɔ̀ɔ ntɔ nê Yesò la, tà li mpfə, ka Pɔ̂l me shu nê tà wu yû̧ la. 20Àtsə am a bɨɨ ndɨ màa chɨɨme ghɨ̌ ka ko mènəè mu bɔ shua ane Pɔ̂l la. E mbììte atò nê, taa ghǎ a Jèlusalèm bɔɔ tsɔꞋte ànəa ngaa abàꞋ və leꞋ? 21Ka Pɔ̂l shɨ̀ɨ̀bè wuê nê, bɔ̀ nɔ̀ŋè avi a si və tè empelɔ̀ li sàꞋa ànəê àzi, ale, e nê bɔ̀ nɔ̀ŋe atò a si ŋaa me baabe tê e ndi ntsaa atò abua tǎt wa wu.”
22Aglipà me zə tê è shu abua Festɔ̀s nê, “Wòt ngaa me wu ale ndàꞋ abua am zìambɔŋ, ko a bɔ̌ am.”
Festɔ̀s bɨ̀ɨ̀lè nê, “Maa sàꞋa atetsɔꞋ e ghɨ̌ taa làꞋa, aa zə.”
Pɔ̂l tsì ànəê àtsə azi a mbì Aglipà
23ÈtsəꞋ e sàꞋ ntsi, Aglipà bɔ̂ Bènisì e me kɨꞋɨ, bòt e sèè àwɔb kwàꞋ ànyaꞋne mbɨ̀Ꞌɨ̀ bɔ̀ɔ sèà wòt nɨ̧ ègème la. Bɔ nyi a èbem lob màmbu̧u̧ta bɔ̂ bòt bɔ̀ wu àtsəa banyà̧ la nè bɔɔjuŋ bu àpfəèà nɨ̧ və la. Festɔ̀s ghɨ̀ bɔ nɨ a Pɔ̂l nɨŋ nkɨ̀Ꞌɨ̂ a lob. 24Festɔ̀s bɔ̂ nê, “Fɔ̧̀ Aglipà nè waa waa tàa a si ŋàa ba tò ba la, mbê waa bɨ ye atò la wu wòt Bèjuê bàgème, èbe bèa a si ŋàa la nè èbu a Jèlusalèm la e taꞋa shu am mènəè tà ghɨ̀ la. Bɔɔ̀ shua nê, à ye atò à bê mì a sitsǎꞋ ŋàa. 25È wu am mmɔ̌ mbɔŋ, ko e mbakà ye nê tà ghɨ ànəa kàbɔ̀ŋ ako tè ngu àyea màa laꞋnê bɔ̀ bùŋe atò la. Ndɨ̀ wu tòà zìambɔŋ è sɨɨbè nê wu empelɔ̀ ka tàa saꞋa avi la, e ngu etsàa atò abua tǎt wa wuê mbɨ̀Ꞌɨ̀ tà shu la. 26Ka e mbakà lem ndzè ngule ànəê ane tò waa màa shɨ abua empelɔ̀ wu la. È wu ale, mâ nɨ atò nɨŋ nkɨ̀Ꞌɨ̂ a si ŋàa a mbì lɨ̧ bɨ fɔ̧̀ Aglipà ba, nê tà làꞋa èngǎ̧ vi zìambɔŋ, fɔ̧̀ Aglipà zə. Ba me wu ale mbàŋè ànəa ngaa tè ndze, ko mâ ko ànəa màa shɨ abua empelɔ̀ wu la. 27E nkɨà ale, nkàà nê a bakà chɨɨme nyɨ̀Ꞌte nê, è ntsàa wɔ̀tèfȩ abua empelɔ̀ wu kà neete eyààtè mènəè mu bɔ zi àtsəa ŋut la eshua atò.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2006, Cameroon Association for Bible Translation and Literacy