1 Kɔlìn 13
13
Èkɔŋ
1E ndàꞋà ndɨ̧te bɔbȩ, mè ndàꞋà fɔɔle ndɨ̧te bɔntu̧ Mbɔ̧ɔ̧mà àa ndàꞋà la, ka mbakà wua nkɔ̀ŋkà bòt, ko e mbê ngu mbɨ̀Ꞌɨ̀ lèsɔŋ nè mbɨ̧̌ bɔ̀ɔ ndèbà e làꞋà la. 2E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ. 3E màà ŋǎ wuê èghɨ mâ bɔ la abua bòt, tè ŋa fɔ̀ɔ̀le mbɨ̧̀ ènyit yaã nê bɔ̀ to̧a, ka mbakà wua nkɔ̀ŋkà bòt, ko àbȩ̀ ko màa bɔ la a ntsě.
4Èkɔŋ wu mànkuula èntɨ̧ɨ̧ nè màngɨa ntsɔ̧̀. Èkɔŋ e bakà bɔ a ghɔ̀Ꞌnà, è ka wua ngù̧a nkùꞋ zi, è ka wua ŋèꞋa tèkwȩ a ègwet. 5Èkɔŋ àa kà wuꞋne bòt, è ka wua nkɨà wuê àzi ne àbȩ̀, è ka wua ndzàŋà ntsòa, è ka wua mpàŋa mènəè kàbɔ̀ŋ bòt e ghɨ̀ la. 6Èkɔŋ aa kà wuꞋta vi ane kàbɔ̀ŋ, aà ngùꞋtà vi ane nkûŋ. 7Èkɔŋ aa nkìà èghɨ ègème, è ka wua ntsia èntɨ̧ɨ̧ ane àghɨ, mbɔ̌ ntɨ̀ ane èghɨ ègème, mè nkùùla èntɨ̧ɨ̧ ane èghɨ ègème.
8Èkɔŋ aa kà lìà, è me wu màndaꞋa ane àtɔŋ Mbɔ̧ɔ̧mà ko aa li tsě. È me wu nè màndaꞋa ndɨ̧tsə tsa tsa ko tea li mǐ. È me wua mànkoa e ghaꞋte mènəè Mbɔ̧ɔ̧mà, kǒ nàa li tsě. 9Eghɨ baa aa li mǐ nkàà nê baà nkoa mènəè àfɨ̀Ꞌ yaa wuê àtem, mènəè bàa ndàꞋâ ane àtɔŋ Mbɔ̧ɔ̧mà la mè ngu àtem. 10À yu à wu nènkèm la aa me ghɨ̀ tê nkɨ̀Ꞌɨ̂, à yu è wù àtem la, à ka tsi nguê. 11È li ngu àfɨꞋa è ngu watèchɨɨle la, e me làꞋa, nkwàꞋtà mè ndzea mènəè wuê mbɨ̀Ꞌɨ̀ watèchɨɨle, è wu àfɨꞋa mâ tsə tê ntsìꞋi mbâ̧ la, è nka tsi ngua ngɨ̀à mènəè mbɨ̀Ꞌɨ̀ watèchɨɨle. 12Àghɨa bàa ndzea àfɨ̀Ꞌ yaa la, a wu mbɨ̀Ꞌɨ̀ ba lɨ̀ŋke a èbem àlùgɨ̀lâ, me ye mbàꞋtsə, ka àfɨ̀Ꞌ aa li kɨꞋɨ bàa me ye èghɨ ntsɔ̧̀ la. Mâ ko wuê àdzìꞋ àfɨ̀Ꞌ yaa, mbɔ̂ ngu li ko nènkèm, wuê mbɨ̀Ꞌɨ̀ Mbɔ̧ɔ̧mà ko am nènkèm la.
13Ale, màndzia èntɨ̧ɨ̧ nè màmbɔ ntɨ̀ ane Mbɔ̧ɔ̧mà nè èkɔŋ, èghɨ bàa betat la aa li tèꞋa, mbɔ̂ àyea a tsè èbeko la wu èkɔŋ.
ទើបបានជ្រើសរើសហើយ៖
1 Kɔlìn 13: mnf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2006, Cameroon Association for Bible Translation and Literacy
1 Kɔlìn 13
13
Èkɔŋ
1E ndàꞋà ndɨ̧te bɔbȩ, mè ndàꞋà fɔɔle ndɨ̧te bɔntu̧ Mbɔ̧ɔ̧mà àa ndàꞋà la, ka mbakà wua nkɔ̀ŋkà bòt, ko e mbê ngu mbɨ̀Ꞌɨ̀ lèsɔŋ nè mbɨ̧̌ bɔ̀ɔ ndèbà e làꞋà la. 2E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ. 3E màà ŋǎ wuê èghɨ mâ bɔ la abua bòt, tè ŋa fɔ̀ɔ̀le mbɨ̧̀ ènyit yaã nê bɔ̀ to̧a, ka mbakà wua nkɔ̀ŋkà bòt, ko àbȩ̀ ko màa bɔ la a ntsě.
4Èkɔŋ wu mànkuula èntɨ̧ɨ̧ nè màngɨa ntsɔ̧̀. Èkɔŋ e bakà bɔ a ghɔ̀Ꞌnà, è ka wua ngù̧a nkùꞋ zi, è ka wua ŋèꞋa tèkwȩ a ègwet. 5Èkɔŋ àa kà wuꞋne bòt, è ka wua nkɨà wuê àzi ne àbȩ̀, è ka wua ndzàŋà ntsòa, è ka wua mpàŋa mènəè kàbɔ̀ŋ bòt e ghɨ̀ la. 6Èkɔŋ aa kà wuꞋta vi ane kàbɔ̀ŋ, aà ngùꞋtà vi ane nkûŋ. 7Èkɔŋ aa nkìà èghɨ ègème, è ka wua ntsia èntɨ̧ɨ̧ ane àghɨ, mbɔ̌ ntɨ̀ ane èghɨ ègème, mè nkùùla èntɨ̧ɨ̧ ane èghɨ ègème.
8Èkɔŋ aa kà lìà, è me wu màndaꞋa ane àtɔŋ Mbɔ̧ɔ̧mà ko aa li tsě. È me wu nè màndaꞋa ndɨ̧tsə tsa tsa ko tea li mǐ. È me wua mànkoa e ghaꞋte mènəè Mbɔ̧ɔ̧mà, kǒ nàa li tsě. 9Eghɨ baa aa li mǐ nkàà nê baà nkoa mènəè àfɨ̀Ꞌ yaa wuê àtem, mènəè bàa ndàꞋâ ane àtɔŋ Mbɔ̧ɔ̧mà la mè ngu àtem. 10À yu à wu nènkèm la aa me ghɨ̀ tê nkɨ̀Ꞌɨ̂, à yu è wù àtem la, à ka tsi nguê. 11È li ngu àfɨꞋa è ngu watèchɨɨle la, e me làꞋa, nkwàꞋtà mè ndzea mènəè wuê mbɨ̀Ꞌɨ̀ watèchɨɨle, è wu àfɨꞋa mâ tsə tê ntsìꞋi mbâ̧ la, è nka tsi ngua ngɨ̀à mènəè mbɨ̀Ꞌɨ̀ watèchɨɨle. 12Àghɨa bàa ndzea àfɨ̀Ꞌ yaa la, a wu mbɨ̀Ꞌɨ̀ ba lɨ̀ŋke a èbem àlùgɨ̀lâ, me ye mbàꞋtsə, ka àfɨ̀Ꞌ aa li kɨꞋɨ bàa me ye èghɨ ntsɔ̧̀ la. Mâ ko wuê àdzìꞋ àfɨ̀Ꞌ yaa, mbɔ̂ ngu li ko nènkèm, wuê mbɨ̀Ꞌɨ̀ Mbɔ̧ɔ̧mà ko am nènkèm la.
13Ale, màndzia èntɨ̧ɨ̧ nè màmbɔ ntɨ̀ ane Mbɔ̧ɔ̧mà nè èkɔŋ, èghɨ bàa betat la aa li tèꞋa, mbɔ̂ àyea a tsè èbeko la wu èkɔŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2006, Cameroon Association for Bible Translation and Literacy