1 Kɔlìn 10
10
Nkɨ̀atsə ane ànəa bènàmbəa
1Bɔnyɨ bɔ̧, maà nkɨà bɨa ku̧u̧te nê, è li ngu àfɨ̀Ꞌ yu bètǎt nyaꞋ ba àa nkuŋa Musì àbâ àlaꞋ àyuube la, mbàꞋ me nyɨꞋte awɔb alu̧, bɔ mè ntsè a èbem *Èdzî Mèmbaŋ wu kà àghɨ a ghɨ̀ àwɔb. 2Bɔ li ndzì àwɔb a èdzî nè a èbem mbàꞋ bɔ tsiꞋi bòt bɔ̀ɔ nkuŋa Musì la. 3Bɔ̀ɔgème e li njɨ̀ èghɨjɨ bu e chu a ègwet la, 4mè nù mèleb mu Mbɔ̧ɔ̧mà li ntsaa abua yɔb la. Bɔ li nù mèleb mu è dzəâ a èbem èwu lu Mbɔ̧ɔ̧mà li ntsaa abua yɔb la. Èwu lu li ngu Yesò Klistò zìambɔŋ nkùŋà wɔb la. 5Bɔ li mbàte nko èghɨ bu Mbɔ̧ɔ̧mà li ngɨ ane yɔb la, ka àbəèꞋ àyɔb nyaŋ a li ngɨ̀ Mbɔ̧ɔ̧mà me tsoo ane yɔb tè mbùŋè àwɔb, èpfəꞋte bɔb e saŋa àbâ àlaꞋ àyuube.
6Èghɨ baa ègème e li ngɨ ane bètǎt nyaꞋ ba la e wu mbɨ̀Ꞌɨ̀ baa nɨ nkɨà àfɨ̀Ꞌ yaa, mbɨ̀Ꞌɨ̀ e baka wua nkɨ me ghɨ̌ a kàbɔ̀ŋ mbɨ̀Ꞌɨ̀ bɔ li ngɨ̀ la. 7Bɨ̀ ka ngu bòt bɔ̀ɔ nkùkta bènàmbəa la, mbɨ̀Ꞌɨ̀ àbəèꞋ àyɔb ako a li nguê la. Àkata Mbɔ̧ɔ̧mà a làꞋa ànəa yɔb nê “Bòt ngaa e li ntsèke a si me jɨa nua, mè ndɔ̀Ꞌ a si mbèna nkùkta nàmbəa.” 8Bà ka me mpàꞋte àbɨ̧ mbɨ̀Ꞌɨ̀ àbəèꞋ àyɔb ako a li ngɨ̀, Mbɔ̧ɔ̧mà ghɨ̀ bòt bètɔsì èghem yebe ntsɔ̀b batat e pfəꞋte ane àli yeamɔꞋ la. 9Bà ka nkɨka a Mbɔ̧ɔ̧mà nê ba kɨ e ye àghɨa tàa ghɨ̌ ane ya la, mbɨ̀Ꞌɨ̀ àbəèꞋ àyɔb ako a li ngɨ̀ nyaãtekàbɔ̀ŋ te bùŋè àwɔb la. 10Bɨ̀ ka mè me lème a tèbèm tɨ̧ mbɨ̀Ꞌɨ̀ àbəèꞋ àyɔb ako a li ngɨ̀, wantu̧ Mbɔ̧ɔ̧mà wu tàa bùŋà bòt la, bùŋè àwɔb la.
11Èghɨ baa ègème e li ngɨ ane yɔb mbɨ̀Ꞌɨ̀ bòt ko aa ye, bɔ mè shɨ bùà a si mbɨ̀Ꞌɨ̀ baa nɨ nkɨ̀à, ndɨ̀ wu bà wu àfɨꞋa ngɔ̀ŋ tsìꞋa ndìà lìa la. 12È wu ale, wòt tà mɨɨtè nê ye tɨ̧ɨ̧ ntsɔ̧̀ la me ko avi mbɨ̀Ꞌɨ̀ ka tà kwen. 13Àghɨ a me kɨ ŋwèèlè àwê aa ghɨ̌ a kàbɔ̀ŋ, à ko nê wu àghɨa a li mè ye bòt ko la mɨ̧̂. Mbɔ̧ɔ̧mà wu wòt betsiꞋa bɨ lɨ̀Ꞌà wɨ̧ ane tò la. BetsiꞋa tà kà bɨ̧ɨ̧nè àghɨ a ŋwèèlè àwɨ̧ tè ngà ndzə àdziꞋa bɨ̀a ghɨ̀ àghɨa bɨ ghɨ̂ bɨ̀ ka wu ghɨ̀ la. Ka àghɨ a me kɨ ŋwèèlè àwɨ̧ bɨa ghɨ a kàbɔ̀ŋ ko Mbɔ̧ɔ̧mà naa ŋa wɨ̧ mètàŋ bɨa ko kìì tê dzə a èbèm kà ghɨ a kàbɔ̀ŋ.
14È wu ale, bèshu̧ bɔ̧, bɨ̀ ka mbê me kukte bènàmbəa. 15E ngua ndaꞋa abua yɨ̧ mbɨ̀Ꞌɨ̀ e ndaꞋa abua bòt èyì. Bɨ̀ kwàꞋtà àyɨ̧ ndze ànəa e shuà la. 16Tè ba me nu ndɔŋ èlɔ̂t yu bàa nkɔ̀ŋka Mbɔ̧ɔ̧mà adù̧ la, à ka wu nê baa nua àlo̧ a Waã Mbɔ̧ɔ̧mà à? Bàa mě bà me kwela bled wu bàa mbòꞋta la, à ka wu nê baa kwela mbɨ̧̀ ènyit waã Mbɔ̧ɔ̧mà à? 17Ndɨ̀ wu bled nàa wemɔ̀Ꞌ, bàagème e mè me jɨ a bled ngaa la, a wua nyɨ̀Ꞌta nê, baa mbàta ndzà̧aã ale ka mbɔ̂ ngu mbɨ̧̀ ènyit yemɔ̀Ꞌ.
18Bɨ̀ lȩ̀ Bèjuê ndze. Bòt bu bɔ̀ɔ njɨ̀a èghɨ bɔ ŋa abua Mbɔ̧ɔ̧mà la aa njɨ̀a ayɔb bɔ̂ bòt ko àdzìꞋ yu bɔ̀ɔ ŋǎ èghɨ abua Mbɔ̧ɔ̧mà la. 19È ngu anè shua nê ghà à? Tè e ngua shua nê bènàmbəa wu àghɨa nɨ̧ a ko, èghɨ bɔ nɨŋ njɨ̀a nàmbəa la mè ngu àghɨa ko? 20ChaꞋ! Ànəa e shua la wu nê bòt kà ko a Mbɔ̧ɔ̧mà àa me ŋa èghɨ abua bènàmbəa, bɔ wua ŋǎ abua fote kàbɔ̀ŋ, bɔ̀ ka ŋa abua Mbɔ̧ɔ̧mà. Maà kà kɨ bɨa bɔ àghɨa ko a màngɨa ne fote kàbɔ̀ŋ. 21BetsiꞋa à kà me nu a èbem ndɔŋ Tè Yesò, mè nua a èbem ndɔŋ fote kàbɔ̀ŋ. BetsiꞋa à kà me jɨ èghɨjɨ Tè Yesò mè njɨ̀a èghɨjɨ fote kàbɔ̀ŋ. 22Baa ghɨ̌ Tè Yesò naa me tsoo? Tè baa kweelè ntsè atò?
23Bòt aa shua nê “Mbɨ̧ kǒ nàa kele awa a màngɨa àghɨ la ntsě.” Ale, è ntsě àghɨ àgème àa ntɨ̀ŋa wòt la. Mbɨ̧ kǒ nàa kele awa a màngɨa àghɨ la ntsě, mbɔ̂ è kà wu àghɨ àgème àa ntɨ̀ŋa bòt la. 24Wòt me ghɨ̀ mènəè tà me mɨ̀ɨ̀tè bòt ko, tà ka me mɨ̀ɨ̀tè wuê avi zìambɔŋ.
25Bɨ yea nyà̧ a èwen bɔ̀ɔ fɨ̧̀ɨ̧̀nà la me yu̧u̧ bɨ̀ ka mbììte àdziꞋa è dzə la mbɨ̀Ꞌɨ̀ mèntɨ̧ɨ̧ mɨ̧ me fèèlè àwɨ̧. 26Àkata Mbɔ̧ɔ̧mà a laꞋnê, “SitsǎꞋ nè àghɨ àgème àa a èbèm la wu abua Tǎt wa Lefɨ̀Ꞌ.”
27Wòt kà ko a Mbɔ̧ɔ̧mà kàꞋà wê nê kɨꞋɨ a lob zi njɨ̀ èghɨjɨ, à gha, à jɨ̌ àghɨ àgème bɔ tsia a mbì lê la kà biite ànəê mbɨ̀Ꞌɨ̀ èntɨ̧ɨ̧ wê e me fèèlè àwê. 28(Ka wòt shu abua yê nê, “Eyaa wu èghɨjɨ bɔ nɨŋ njɨ̀a bènàmbəa la”, à ka njɨ ambo wòt wu tà shu awê la, nè ndɨ èntɨ̧ɨ̧ wê àa me fèèlè àwê la. 29E shu èntɨ̧ɨ̧ tò, è nka shu èwê.) Ndɨ wòt kǒ tsa nàa mɨ̀ɨ̀tà la, àa ghɨ̀ na e kele am nê è nka njɨ àghɨa màa nkɨ jɨ la à? 30E me jɨa nkɔ̀ŋkà Mbɔ̧ɔ̧mà adù̧, lə yu wòt nàa me tsǐ mpəè taã la wu ne ghàà?
31Ale, ghàa ghàa wòt nàa ngɨ̀à la, kò wu àghɨa tà jɨa la, kò àyea tà nua la leꞋ, tà me ghɨ̀ àghɨa bòt àa ye me kukta Mbɔ̧ɔ̧mà la. 32Bɨ̀ me tseke ntsɔ̧̀ ane ndɨ bɨ̀ ka ghɨ̌ ngoꞋ ane wòt Juê, kò wòt kà wu Juê, kò bòt chɔsì Mbɔ̧ɔ̧mà la leꞋ. 33Bɨ̀ ghɨ̀ anè wuê mbɨ̀Ꞌɨ̀ màa nyɔ̀Ꞌtà nkɨ ghɨ̌ èntɨ̧ɨ̧ waa waa aa me bɔ̌ ane àghɨ àgème màa ngɨ̀à la. È nka ghɨ ale nkɨà ntsɔ̧̀ kǒ abua am mmɔ̌ mbɔŋ. E nkɨà ntsɔ̧̀ bòt nyaŋ, mbɨ̀Ꞌɨ̀ bɔɔ peme.
ទើបបានជ្រើសរើសហើយ៖
1 Kɔlìn 10: mnf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2006, Cameroon Association for Bible Translation and Literacy
1 Kɔlìn 10
10
Nkɨ̀atsə ane ànəa bènàmbəa
1Bɔnyɨ bɔ̧, maà nkɨà bɨa ku̧u̧te nê, è li ngu àfɨ̀Ꞌ yu bètǎt nyaꞋ ba àa nkuŋa Musì àbâ àlaꞋ àyuube la, mbàꞋ me nyɨꞋte awɔb alu̧, bɔ mè ntsè a èbem *Èdzî Mèmbaŋ wu kà àghɨ a ghɨ̀ àwɔb. 2Bɔ li ndzì àwɔb a èdzî nè a èbem mbàꞋ bɔ tsiꞋi bòt bɔ̀ɔ nkuŋa Musì la. 3Bɔ̀ɔgème e li njɨ̀ èghɨjɨ bu e chu a ègwet la, 4mè nù mèleb mu Mbɔ̧ɔ̧mà li ntsaa abua yɔb la. Bɔ li nù mèleb mu è dzəâ a èbem èwu lu Mbɔ̧ɔ̧mà li ntsaa abua yɔb la. Èwu lu li ngu Yesò Klistò zìambɔŋ nkùŋà wɔb la. 5Bɔ li mbàte nko èghɨ bu Mbɔ̧ɔ̧mà li ngɨ ane yɔb la, ka àbəèꞋ àyɔb nyaŋ a li ngɨ̀ Mbɔ̧ɔ̧mà me tsoo ane yɔb tè mbùŋè àwɔb, èpfəꞋte bɔb e saŋa àbâ àlaꞋ àyuube.
6Èghɨ baa ègème e li ngɨ ane bètǎt nyaꞋ ba la e wu mbɨ̀Ꞌɨ̀ baa nɨ nkɨà àfɨ̀Ꞌ yaa, mbɨ̀Ꞌɨ̀ e baka wua nkɨ me ghɨ̌ a kàbɔ̀ŋ mbɨ̀Ꞌɨ̀ bɔ li ngɨ̀ la. 7Bɨ̀ ka ngu bòt bɔ̀ɔ nkùkta bènàmbəa la, mbɨ̀Ꞌɨ̀ àbəèꞋ àyɔb ako a li nguê la. Àkata Mbɔ̧ɔ̧mà a làꞋa ànəa yɔb nê “Bòt ngaa e li ntsèke a si me jɨa nua, mè ndɔ̀Ꞌ a si mbèna nkùkta nàmbəa.” 8Bà ka me mpàꞋte àbɨ̧ mbɨ̀Ꞌɨ̀ àbəèꞋ àyɔb ako a li ngɨ̀, Mbɔ̧ɔ̧mà ghɨ̀ bòt bètɔsì èghem yebe ntsɔ̀b batat e pfəꞋte ane àli yeamɔꞋ la. 9Bà ka nkɨka a Mbɔ̧ɔ̧mà nê ba kɨ e ye àghɨa tàa ghɨ̌ ane ya la, mbɨ̀Ꞌɨ̀ àbəèꞋ àyɔb ako a li ngɨ̀ nyaãtekàbɔ̀ŋ te bùŋè àwɔb la. 10Bɨ̀ ka mè me lème a tèbèm tɨ̧ mbɨ̀Ꞌɨ̀ àbəèꞋ àyɔb ako a li ngɨ̀, wantu̧ Mbɔ̧ɔ̧mà wu tàa bùŋà bòt la, bùŋè àwɔb la.
11Èghɨ baa ègème e li ngɨ ane yɔb mbɨ̀Ꞌɨ̀ bòt ko aa ye, bɔ mè shɨ bùà a si mbɨ̀Ꞌɨ̀ baa nɨ nkɨ̀à, ndɨ̀ wu bà wu àfɨꞋa ngɔ̀ŋ tsìꞋa ndìà lìa la. 12È wu ale, wòt tà mɨɨtè nê ye tɨ̧ɨ̧ ntsɔ̧̀ la me ko avi mbɨ̀Ꞌɨ̀ ka tà kwen. 13Àghɨ a me kɨ ŋwèèlè àwê aa ghɨ̌ a kàbɔ̀ŋ, à ko nê wu àghɨa a li mè ye bòt ko la mɨ̧̂. Mbɔ̧ɔ̧mà wu wòt betsiꞋa bɨ lɨ̀Ꞌà wɨ̧ ane tò la. BetsiꞋa tà kà bɨ̧ɨ̧nè àghɨ a ŋwèèlè àwɨ̧ tè ngà ndzə àdziꞋa bɨ̀a ghɨ̀ àghɨa bɨ ghɨ̂ bɨ̀ ka wu ghɨ̀ la. Ka àghɨ a me kɨ ŋwèèlè àwɨ̧ bɨa ghɨ a kàbɔ̀ŋ ko Mbɔ̧ɔ̧mà naa ŋa wɨ̧ mètàŋ bɨa ko kìì tê dzə a èbèm kà ghɨ a kàbɔ̀ŋ.
14È wu ale, bèshu̧ bɔ̧, bɨ̀ ka mbê me kukte bènàmbəa. 15E ngua ndaꞋa abua yɨ̧ mbɨ̀Ꞌɨ̀ e ndaꞋa abua bòt èyì. Bɨ̀ kwàꞋtà àyɨ̧ ndze ànəa e shuà la. 16Tè ba me nu ndɔŋ èlɔ̂t yu bàa nkɔ̀ŋka Mbɔ̧ɔ̧mà adù̧ la, à ka wu nê baa nua àlo̧ a Waã Mbɔ̧ɔ̧mà à? Bàa mě bà me kwela bled wu bàa mbòꞋta la, à ka wu nê baa kwela mbɨ̧̀ ènyit waã Mbɔ̧ɔ̧mà à? 17Ndɨ̀ wu bled nàa wemɔ̀Ꞌ, bàagème e mè me jɨ a bled ngaa la, a wua nyɨ̀Ꞌta nê, baa mbàta ndzà̧aã ale ka mbɔ̂ ngu mbɨ̧̀ ènyit yemɔ̀Ꞌ.
18Bɨ̀ lȩ̀ Bèjuê ndze. Bòt bu bɔ̀ɔ njɨ̀a èghɨ bɔ ŋa abua Mbɔ̧ɔ̧mà la aa njɨ̀a ayɔb bɔ̂ bòt ko àdzìꞋ yu bɔ̀ɔ ŋǎ èghɨ abua Mbɔ̧ɔ̧mà la. 19È ngu anè shua nê ghà à? Tè e ngua shua nê bènàmbəa wu àghɨa nɨ̧ a ko, èghɨ bɔ nɨŋ njɨ̀a nàmbəa la mè ngu àghɨa ko? 20ChaꞋ! Ànəa e shua la wu nê bòt kà ko a Mbɔ̧ɔ̧mà àa me ŋa èghɨ abua bènàmbəa, bɔ wua ŋǎ abua fote kàbɔ̀ŋ, bɔ̀ ka ŋa abua Mbɔ̧ɔ̧mà. Maà kà kɨ bɨa bɔ àghɨa ko a màngɨa ne fote kàbɔ̀ŋ. 21BetsiꞋa à kà me nu a èbem ndɔŋ Tè Yesò, mè nua a èbem ndɔŋ fote kàbɔ̀ŋ. BetsiꞋa à kà me jɨ èghɨjɨ Tè Yesò mè njɨ̀a èghɨjɨ fote kàbɔ̀ŋ. 22Baa ghɨ̌ Tè Yesò naa me tsoo? Tè baa kweelè ntsè atò?
23Bòt aa shua nê “Mbɨ̧ kǒ nàa kele awa a màngɨa àghɨ la ntsě.” Ale, è ntsě àghɨ àgème àa ntɨ̀ŋa wòt la. Mbɨ̧ kǒ nàa kele awa a màngɨa àghɨ la ntsě, mbɔ̂ è kà wu àghɨ àgème àa ntɨ̀ŋa bòt la. 24Wòt me ghɨ̀ mènəè tà me mɨ̀ɨ̀tè bòt ko, tà ka me mɨ̀ɨ̀tè wuê avi zìambɔŋ.
25Bɨ yea nyà̧ a èwen bɔ̀ɔ fɨ̧̀ɨ̧̀nà la me yu̧u̧ bɨ̀ ka mbììte àdziꞋa è dzə la mbɨ̀Ꞌɨ̀ mèntɨ̧ɨ̧ mɨ̧ me fèèlè àwɨ̧. 26Àkata Mbɔ̧ɔ̧mà a laꞋnê, “SitsǎꞋ nè àghɨ àgème àa a èbèm la wu abua Tǎt wa Lefɨ̀Ꞌ.”
27Wòt kà ko a Mbɔ̧ɔ̧mà kàꞋà wê nê kɨꞋɨ a lob zi njɨ̀ èghɨjɨ, à gha, à jɨ̌ àghɨ àgème bɔ tsia a mbì lê la kà biite ànəê mbɨ̀Ꞌɨ̀ èntɨ̧ɨ̧ wê e me fèèlè àwê. 28(Ka wòt shu abua yê nê, “Eyaa wu èghɨjɨ bɔ nɨŋ njɨ̀a bènàmbəa la”, à ka njɨ ambo wòt wu tà shu awê la, nè ndɨ èntɨ̧ɨ̧ wê àa me fèèlè àwê la. 29E shu èntɨ̧ɨ̧ tò, è nka shu èwê.) Ndɨ wòt kǒ tsa nàa mɨ̀ɨ̀tà la, àa ghɨ̀ na e kele am nê è nka njɨ àghɨa màa nkɨ jɨ la à? 30E me jɨa nkɔ̀ŋkà Mbɔ̧ɔ̧mà adù̧, lə yu wòt nàa me tsǐ mpəè taã la wu ne ghàà?
31Ale, ghàa ghàa wòt nàa ngɨ̀à la, kò wu àghɨa tà jɨa la, kò àyea tà nua la leꞋ, tà me ghɨ̀ àghɨa bòt àa ye me kukta Mbɔ̧ɔ̧mà la. 32Bɨ̀ me tseke ntsɔ̧̀ ane ndɨ bɨ̀ ka ghɨ̌ ngoꞋ ane wòt Juê, kò wòt kà wu Juê, kò bòt chɔsì Mbɔ̧ɔ̧mà la leꞋ. 33Bɨ̀ ghɨ̀ anè wuê mbɨ̀Ꞌɨ̀ màa nyɔ̀Ꞌtà nkɨ ghɨ̌ èntɨ̧ɨ̧ waa waa aa me bɔ̌ ane àghɨ àgème màa ngɨ̀à la. È nka ghɨ ale nkɨà ntsɔ̧̀ kǒ abua am mmɔ̌ mbɔŋ. E nkɨà ntsɔ̧̀ bòt nyaŋ, mbɨ̀Ꞌɨ̀ bɔɔ peme.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2006, Cameroon Association for Bible Translation and Literacy