Забур 144
144
Аллагьдин чӀехивал ва хъсанвал
1 Давуда авур тариф.
Аллагьни Пачагь зи, Ви тарифда за,
шукурда Ви тӀварцӀиз эбеди яз!
2 Бегьем шукурда Ваз за гьар юкъуз,
Ви ТӀварцӀин тарифда эбеди яз!
3 Вири тарифдиз лайих я Ребби, чӀехи я Ам,
Адан чӀехивал и кьил а кьил авачирди я.
4 Гегьеншдиз Ви къудратдикай хабарар гуда,
несилди несилдиз Ви крарин тарифда.
5 Гъилин Ви ажайиб крарикай,
Ви баркалладин чӀехивиликай фикирарда за.
6 Гьар са кас жеда рахаз
Ви къудратдин къуватдикай,
зунни хабар гуз жеда
Ви зурбавиликай.
7 Даяхвал Ви чӀехи тир рикӀел хкида,
Ви гьахъвиликай лугьуда мани.
8 Еке муьгьуьббатни сабур Реббидихъ ацӀанва,
мергьеметни регьим ава Адаз,
9 Жумарт я Ребби вирибурухъ галаз Вичин хъсанвилералди,
Адан регьим ала Адан крарал вири.
10 Зи Ребби, Ви вири крари машгьурда Вун,
шукурда Ваз вафа авайбуру.
11 Ихтилатар ийида абуру
баркалладикай Ви пачагьлугъдин,
Ви къудратдикай рахаз жеда,
12 Крарин Ви къудратдикай,
вири инсанриз чириз тун патал
Ви пачагьлугъдин баркалладикай
гьайбат галай.
13 Къадим несилрилай несилралди
На ийидай гьакимвал агакьда,
Ви пачагьлугъ даимди я.
Ребби Вичи гайи гафунин иеси я,
Адахъ вири крара регьим ава.
14 Кьазва Реббиди ярх жезвай вирибур,
вири агъуз аватнавайбур Ада хкаж ийизва.
15 Мягькемдиз виридан вилер Ваз килигзава,
Вуна тӀуьн гузва абуруз чпин вахтунда.
16 На Жуван гъил ахъайзава,
чан алайбур вири
тухарзава Ви къастунив кьурвал Вуна.
17 Ребби гьахъ я Вичин вири рекьера,
регьим ава Адахъ Вичин вири крара.
18 Сад Аллагь мукьва я Вичиз эверзавай вирибуруз,
гьакъикъат гваз эверзавай виридаз.
19 ТӀалабунар Вичикай кичӀедайбурун
Ада кьилиз акъудзава,
абурун минетрин ван къведа Адаз,
абуруз куьмекда Ада.
20 Хуьзва Реббиди Вич кӀандай вирибур,
терг ийизва вири небгетар.
21 Ша, зи мецив тарифин Реббидин,
Ада халкь авур кьван вирида
эбеди яз машгьур авурай
пак ТӀвар Адан!
ទើបបានជ្រើសរើសហើយ៖
Забур 144: ЛезПК
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2010-2024
Забур 144
144
Аллагьдин чӀехивал ва хъсанвал
1 Давуда авур тариф.
Аллагьни Пачагь зи, Ви тарифда за,
шукурда Ви тӀварцӀиз эбеди яз!
2 Бегьем шукурда Ваз за гьар юкъуз,
Ви ТӀварцӀин тарифда эбеди яз!
3 Вири тарифдиз лайих я Ребби, чӀехи я Ам,
Адан чӀехивал и кьил а кьил авачирди я.
4 Гегьеншдиз Ви къудратдикай хабарар гуда,
несилди несилдиз Ви крарин тарифда.
5 Гъилин Ви ажайиб крарикай,
Ви баркалладин чӀехивиликай фикирарда за.
6 Гьар са кас жеда рахаз
Ви къудратдин къуватдикай,
зунни хабар гуз жеда
Ви зурбавиликай.
7 Даяхвал Ви чӀехи тир рикӀел хкида,
Ви гьахъвиликай лугьуда мани.
8 Еке муьгьуьббатни сабур Реббидихъ ацӀанва,
мергьеметни регьим ава Адаз,
9 Жумарт я Ребби вирибурухъ галаз Вичин хъсанвилералди,
Адан регьим ала Адан крарал вири.
10 Зи Ребби, Ви вири крари машгьурда Вун,
шукурда Ваз вафа авайбуру.
11 Ихтилатар ийида абуру
баркалладикай Ви пачагьлугъдин,
Ви къудратдикай рахаз жеда,
12 Крарин Ви къудратдикай,
вири инсанриз чириз тун патал
Ви пачагьлугъдин баркалладикай
гьайбат галай.
13 Къадим несилрилай несилралди
На ийидай гьакимвал агакьда,
Ви пачагьлугъ даимди я.
Ребби Вичи гайи гафунин иеси я,
Адахъ вири крара регьим ава.
14 Кьазва Реббиди ярх жезвай вирибур,
вири агъуз аватнавайбур Ада хкаж ийизва.
15 Мягькемдиз виридан вилер Ваз килигзава,
Вуна тӀуьн гузва абуруз чпин вахтунда.
16 На Жуван гъил ахъайзава,
чан алайбур вири
тухарзава Ви къастунив кьурвал Вуна.
17 Ребби гьахъ я Вичин вири рекьера,
регьим ава Адахъ Вичин вири крара.
18 Сад Аллагь мукьва я Вичиз эверзавай вирибуруз,
гьакъикъат гваз эверзавай виридаз.
19 ТӀалабунар Вичикай кичӀедайбурун
Ада кьилиз акъудзава,
абурун минетрин ван къведа Адаз,
абуруз куьмекда Ада.
20 Хуьзва Реббиди Вич кӀандай вирибур,
терг ийизва вири небгетар.
21 Ша, зи мецив тарифин Реббидин,
Ада халкь авур кьван вирида
эбеди яз машгьур авурай
пак ТӀвар Адан!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2010-2024