Забур 142

142

Гунагькар патал гьахъвал

1 Давудан мани.

Ребби, ван хьухь дуьадин зи,

яб це зи дад-бидадриз.

Жуван вафадив ва гьахъвилив

жаваб це заз.

2Жуван лукӀрахъ галаз

дуванрин гьуьжетра гьатмир –

чан алайбурун арада

гьахъ-михьиди авач вилик Ви.

3Душман геле къекъвезва зи,

зи уьмуьр гьалчнава чилел,

мажбурнава зун уьмуьр тухуз мичӀивиле,

фад кьейибур хьиз.

4Аватнава руьгьдай зун,

зи къене рикӀ хьанва лал.

5Фад алатай йикъар зи хквезва рикӀел,

Ви крарикай фикир ийизва,

Ви гъилери вучнатӀа,

фикирзава гьадакай.

6За Вахъди гъилер ийизва яргъи,

кьуру чил хьиз, рикӀ къаних хьанва Вахъ.

Макьамдин ара

7Я Ребби, фад жаваб це заз,

чан зайиф жезва зи.

Жуван чин чуьнуьхмир закай,

тахьайтӀа зун ухшар жеда

суруз аватзавайдаз.

8Ви регьимдикай

пакамахъ ван жез гице зав,

куьз лагьайтӀа за Вак умуд кутазва.

Зун фена кӀани рехъ

къалура заз,

зун рикӀелди Вахъди хкаж жезва.

9Я Ребби, зун хилас ая душманрикай,

гьерекатзава за Ви патав далда кӀанз.

10Чира заз Ви къаст кьилиз акъудиз,

вучиз лагьайтӀа Вун Аллагь я зи:

тухурай зун Ви хъсан Руьгьди

цӀалцӀам рекьяй.

11Я Ребби! Ви ТӀварцӀин хатурдай

хуьх зи уьмуьр.

Ви гьахъвилив кьадайвал

акъуда зун бедбахтвиляй.

12Ви регьимдив кьадайвал

зи душманар терг ая,

зун рекьиз кӀанибур терг ая вири,

куьз лагьайтӀа Ви лукӀ я зун.

ទើបបានជ្រើសរើសហើយ៖

Забур 142: ЛезПК

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី Пак Калам