МатӀай 8
8
Жузам азар квайди сагъар хъувун
(Марк 1:40; ЛукӀа 5:12-14)
1 Иса пелелай агъуз эвичӀдайла, Адан гуьгъуьна гзаф халкь гьатна. 2Адан патав жузам азарди кьунвай са касди, атана, икрам авуна:
– Я Агъа! – лагьана ада. – Ваз кӀан хьайитӀа, Вавай Зун сагъар хъийиз жеда!
3Исади гъилер яргъи авуна, адак гъил кяна, лагьана:
– КӀанзава Заз, сагъ хъхьухь!
Гьа гафунилай кьулухъ, садлагьана, жузам хкатна, ам сагъ хъхьана.
4– Килиг гьа, гьич садазни чуькьмир, амма, хахамдин патав фена, жув гьадаз къалура, – лагьана Исади. – Вун азар хкатунин сагълугъдай Мусадин Къанундив кьадайвал къурбандни це. Гьа идалди вун дири хъхьанвайди чир хьурай.
Вач-хъша сагъар хъувун
(ЛукӀа 7:1-10; 13:28-29; Ягья 4:46-53)
5-6Иса Кефернагьум шегьердиз гьахьайла, Адан патав Римдин аскеррин кьиле авайди атана:
– Я Агъа! – минетдалди лагьана ада. – Зи вач-хъша фалужди яна кӀвале къатканва, адаз тади гузва.
7– За атана ам сагъар хъийида, – лагьана Исади.
8– Я Агъа! – лагьана аскеррин кьиле авайда. – Вун зи кӀвачел зи кӀвализ атуниз зун лайих туш. ЯтӀани, зи вач-хъша сагъ хъийидай са гаф лагь. 9Зун масадан гъилик квай инсан ятӀани, захъ жуваз табий аскерарни ава. Абурукай садаз за «Алад» лагьайтӀа, ам фида. Муькуьдаз «Инал ша» лагьайтӀа, ам къведа. Зи вач-хъшадиз «и кар ая» лагьайтӀа, ада ам гьасятда ийида.
10И гафарин ван хьайи Иса мягьтел хьана, Ада Вичихъ галаз къвезвай инсанриз лагьана:
– За квез рикӀивай лугьузва: Исраилдани заз икьван Захъ иман ийизвай са касни акунач.
11За квез лугьузва хьи, гзафбуру, рагъэкъечӀдай ва рагъакӀидай патарай атана, Цаварин Пачагьлугъда жедай межлисда Ибрагьиман, Исакьан ва Якьубан патарив чпин чкаяр кьада. 12Амма чеб гьа Пачагьлугъдин векилар яз гьисабзавайбур а межлисдиз ахъайдач, абур мичӀи къецел гадарда. Ана абуру сасни регъведа, шел-хвални ийида.
13Исади аскеррин кьиле авайдаз лагьана:
– Алад, вуна Захъ икьван иман ийизватӀа, ви рикӀе авай гьар са кар За кьилиз акъудда.
Адан вач-хъша гьасятда сагъ хъхьана.
Гзафбур сагъар хъувун
(Марк 1:29-34; ЛукӀа 4:38-41)
14Петрудин кӀвализ атайла, Исадиз адан яран диде ифин алаз къатканваз акуна. 15Исади адак кянамазни, ифин алатна. Ам къарагъна абурун кьилел-кӀвачел элкъвез эгечӀна.
16Няни хьайила, Исадин патав жинерар квай гзафбур гъана. Ада Вичин гафуналди абурукай жинерар хкудна, азарар квайбур сагъар хъувуна. 17Гьа икӀ Яшай пайгъамбарди лагьай ихьтин гафар кьилиз акъатна: «Ам, чи азарар Вичел къачуна, гваз хъфена»#Яшай 53:4..
Исадин гуьгъуьнаваз физ кӀанзавайбур
(ЛукӀа 9:57-60)
18Исадиз Вичин патав гзаф халкь гваз акурла, Ада Вичин тилмизриз вирин муькуь патаз экъечӀун эмир авуна. 19Гьа чӀавуз са тавратдарди атана Адаз лагьана:
– Муаллим! Вун гьиниз фейитӀани, зунни Ви гуьгъуьна аваз къведа.
20– СикӀерихъ магъараяр жеда, цавун къушарихъни – мукар, амма Инсандин Хцихъ кьил эцигдай са чка авач, – жаваб гана Исади.
21Ахпа масада, Адан тилмизрикай сада, Адаз лагьана:
– Я Агъа! Вуна заз фена эвел зи буба кучукдай ихтияр це.
22Амма Исади лагьана:
– Вун Зи гуьгъуьна аваз ша, кьейибур къуй чан алай мейитри кучукрай.
ТӀурфан секинарун
(Марк 4:36-41; ЛукӀа 8:22-25)
23Иса луьткведа акьахайла, Адан гуьгъуьна аваз Адан тилмизарни акьахна. 24Вирел ахьтин тӀурфан акьалтна хьи, луьткве лепейрик акатиз хьана; амма Иса ксанвай. 25Гьа чӀавуз тилмизар Адан патав атана, Ам ахварай авудна, лагьана:
– Я Агъа! Чун цин кӀаниз язава, чун хилас ая.
26– Квез вучиз икьван кичӀе я, иманда зайифбур? – лагьана абуруз Исади.
Ам къарагъна, гарузни вириз «Кис хьухь» лагьана эмир гана, вирин кьуд пата лал кьена.
27Тилмизар мягьтел хьана:
– И Вичиз гарарни вир муьтӀуьгъарзавайди вуж хьуй? – лагьана абуру.
Гадарейда жинерар хкудун
(Марк 5:1-17; ЛукӀа 8:26-37)
28Иса муькуь къерехда авай Гадарей уьлкведиз фейила, Адал жинерар квай кьве кас гьалтнай. Абур кьейибур твадай кьветӀерай-сурарай экъечӀнавайбур тир. Абур акьван хата квайбур тир хьи, кьветӀерин патав гвай гьа рекьяй гьич садавайни физ жедачир. 29Абуру гьарайна лагьана:
– Ваз чавай вуч кӀанзава, Аллагьдин Хва? Вун иниз чун азабрик кутадай вахтунилай вилик атанва.
30Абурукай яргъал хьиз вакӀарин са чӀехи суьруьди векь незвай. 31Жинерри Исадиз минетиз хьана:
– Вуна чун и инсанрикай хкудиз хьайитӀа, чун Вуна атӀа вакӀарик кухтур.
32– ХкечӀ, – лагьана Исади.
Абурни инсанрикай хкечӀна, фена а вакӀарик акахьна. ВакӀарни, гьасятда са чархалай хкадарна, вирин кӀаниз яна. 33ВакӀарбанарни чукурна шегьердиз хтана. Ана абуру жинерар квайбурун кьилел атайдакай ва вакӀариз хьайидакай ахъайна. 34Инлай шегьерда авай кьван вири инсанар Исадиз килигиз Адан вилик экъечӀна. Ам акурла, халкьди Адавай чпин чилерилай хъфин тӀалабнай.
ទើបបានជ្រើសរើសហើយ៖
МатӀай 8: ЛезПК
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2010-2024
МатӀай 8
8
Жузам азар квайди сагъар хъувун
(Марк 1:40; ЛукӀа 5:12-14)
1 Иса пелелай агъуз эвичӀдайла, Адан гуьгъуьна гзаф халкь гьатна. 2Адан патав жузам азарди кьунвай са касди, атана, икрам авуна:
– Я Агъа! – лагьана ада. – Ваз кӀан хьайитӀа, Вавай Зун сагъар хъийиз жеда!
3Исади гъилер яргъи авуна, адак гъил кяна, лагьана:
– КӀанзава Заз, сагъ хъхьухь!
Гьа гафунилай кьулухъ, садлагьана, жузам хкатна, ам сагъ хъхьана.
4– Килиг гьа, гьич садазни чуькьмир, амма, хахамдин патав фена, жув гьадаз къалура, – лагьана Исади. – Вун азар хкатунин сагълугъдай Мусадин Къанундив кьадайвал къурбандни це. Гьа идалди вун дири хъхьанвайди чир хьурай.
Вач-хъша сагъар хъувун
(ЛукӀа 7:1-10; 13:28-29; Ягья 4:46-53)
5-6Иса Кефернагьум шегьердиз гьахьайла, Адан патав Римдин аскеррин кьиле авайди атана:
– Я Агъа! – минетдалди лагьана ада. – Зи вач-хъша фалужди яна кӀвале къатканва, адаз тади гузва.
7– За атана ам сагъар хъийида, – лагьана Исади.
8– Я Агъа! – лагьана аскеррин кьиле авайда. – Вун зи кӀвачел зи кӀвализ атуниз зун лайих туш. ЯтӀани, зи вач-хъша сагъ хъийидай са гаф лагь. 9Зун масадан гъилик квай инсан ятӀани, захъ жуваз табий аскерарни ава. Абурукай садаз за «Алад» лагьайтӀа, ам фида. Муькуьдаз «Инал ша» лагьайтӀа, ам къведа. Зи вач-хъшадиз «и кар ая» лагьайтӀа, ада ам гьасятда ийида.
10И гафарин ван хьайи Иса мягьтел хьана, Ада Вичихъ галаз къвезвай инсанриз лагьана:
– За квез рикӀивай лугьузва: Исраилдани заз икьван Захъ иман ийизвай са касни акунач.
11За квез лугьузва хьи, гзафбуру, рагъэкъечӀдай ва рагъакӀидай патарай атана, Цаварин Пачагьлугъда жедай межлисда Ибрагьиман, Исакьан ва Якьубан патарив чпин чкаяр кьада. 12Амма чеб гьа Пачагьлугъдин векилар яз гьисабзавайбур а межлисдиз ахъайдач, абур мичӀи къецел гадарда. Ана абуру сасни регъведа, шел-хвални ийида.
13Исади аскеррин кьиле авайдаз лагьана:
– Алад, вуна Захъ икьван иман ийизватӀа, ви рикӀе авай гьар са кар За кьилиз акъудда.
Адан вач-хъша гьасятда сагъ хъхьана.
Гзафбур сагъар хъувун
(Марк 1:29-34; ЛукӀа 4:38-41)
14Петрудин кӀвализ атайла, Исадиз адан яран диде ифин алаз къатканваз акуна. 15Исади адак кянамазни, ифин алатна. Ам къарагъна абурун кьилел-кӀвачел элкъвез эгечӀна.
16Няни хьайила, Исадин патав жинерар квай гзафбур гъана. Ада Вичин гафуналди абурукай жинерар хкудна, азарар квайбур сагъар хъувуна. 17Гьа икӀ Яшай пайгъамбарди лагьай ихьтин гафар кьилиз акъатна: «Ам, чи азарар Вичел къачуна, гваз хъфена»#Яшай 53:4..
Исадин гуьгъуьнаваз физ кӀанзавайбур
(ЛукӀа 9:57-60)
18Исадиз Вичин патав гзаф халкь гваз акурла, Ада Вичин тилмизриз вирин муькуь патаз экъечӀун эмир авуна. 19Гьа чӀавуз са тавратдарди атана Адаз лагьана:
– Муаллим! Вун гьиниз фейитӀани, зунни Ви гуьгъуьна аваз къведа.
20– СикӀерихъ магъараяр жеда, цавун къушарихъни – мукар, амма Инсандин Хцихъ кьил эцигдай са чка авач, – жаваб гана Исади.
21Ахпа масада, Адан тилмизрикай сада, Адаз лагьана:
– Я Агъа! Вуна заз фена эвел зи буба кучукдай ихтияр це.
22Амма Исади лагьана:
– Вун Зи гуьгъуьна аваз ша, кьейибур къуй чан алай мейитри кучукрай.
ТӀурфан секинарун
(Марк 4:36-41; ЛукӀа 8:22-25)
23Иса луьткведа акьахайла, Адан гуьгъуьна аваз Адан тилмизарни акьахна. 24Вирел ахьтин тӀурфан акьалтна хьи, луьткве лепейрик акатиз хьана; амма Иса ксанвай. 25Гьа чӀавуз тилмизар Адан патав атана, Ам ахварай авудна, лагьана:
– Я Агъа! Чун цин кӀаниз язава, чун хилас ая.
26– Квез вучиз икьван кичӀе я, иманда зайифбур? – лагьана абуруз Исади.
Ам къарагъна, гарузни вириз «Кис хьухь» лагьана эмир гана, вирин кьуд пата лал кьена.
27Тилмизар мягьтел хьана:
– И Вичиз гарарни вир муьтӀуьгъарзавайди вуж хьуй? – лагьана абуру.
Гадарейда жинерар хкудун
(Марк 5:1-17; ЛукӀа 8:26-37)
28Иса муькуь къерехда авай Гадарей уьлкведиз фейила, Адал жинерар квай кьве кас гьалтнай. Абур кьейибур твадай кьветӀерай-сурарай экъечӀнавайбур тир. Абур акьван хата квайбур тир хьи, кьветӀерин патав гвай гьа рекьяй гьич садавайни физ жедачир. 29Абуру гьарайна лагьана:
– Ваз чавай вуч кӀанзава, Аллагьдин Хва? Вун иниз чун азабрик кутадай вахтунилай вилик атанва.
30Абурукай яргъал хьиз вакӀарин са чӀехи суьруьди векь незвай. 31Жинерри Исадиз минетиз хьана:
– Вуна чун и инсанрикай хкудиз хьайитӀа, чун Вуна атӀа вакӀарик кухтур.
32– ХкечӀ, – лагьана Исади.
Абурни инсанрикай хкечӀна, фена а вакӀарик акахьна. ВакӀарни, гьасятда са чархалай хкадарна, вирин кӀаниз яна. 33ВакӀарбанарни чукурна шегьердиз хтана. Ана абуру жинерар квайбурун кьилел атайдакай ва вакӀариз хьайидакай ахъайна. 34Инлай шегьерда авай кьван вири инсанар Исадиз килигиз Адан вилик экъечӀна. Ам акурла, халкьди Адавай чпин чилерилай хъфин тӀалабнай.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2010-2024