МатӀай 18
18
Вуж артух я?
(Марк 9:33-37; ЛукӀа 9:46-48)
1Гьа вахтунда Исадин кьилив тилмизар атана, Адавай жузуна:
– Цаварин Пачагьлугъда виридалайни чӀехиди вуж я?
2Ада аялдиз Вичин кьилив эверна, ам абурун юкьвал акъвазарна, 3лагьана:
– За квез рикӀивай лугьузва: куьн, дегиш хьана, аялар хьиз тахьайтӀа, куьн Цаварин Пачагьлугъдиз гьахьдач. 4Гьавиляй, вуж и аял хьиз умун хьайитӀа, гьам Цаварин Пачагьлугъда виридалайни чӀехиди жеда. 5Ихьтин са аял Зи хатурдай жуванди яз ни кьабулайтӀа, гьада Зун кьабулзава.
Инсан рекьяй акъуддай затӀарикай
(Марк 9:42-48; ЛукӀа 17:1-3а)
6Захъ иман ийизвай ихьтин адетдин гъвечӀи ксарикай сад ни рекьяй акъудиз хьайитӀа, ам гарданда регъуьн къван туна гьуьлуьн деринриз ракъурайтӀа хъсан я. 7Инсанрив гунагьар ийиз тазвай и дуьньядиз гуж хьурай! Инсанри гунагьар мад ийида, амма масабурув гунагьар ийиз тазвай ксаризни гуж хьурай!
8Ви са гъили ва я са кӀвачи вун гунагь ийидай йикъаз гъизватӀа, вуна абур атӀана гадара; кьве гъил ва я кьве кӀвач кваз жегьеннемдин цӀуз аватдалди са гъил ва я са кӀвач кваз ваз эбеди уьмуьрдиз гьахьун хъсан я. 9Ви са вили вун гунагь ийидай йикъаз гъизватӀа, вуна ам акъудна гадара; кьве вил аваз цӀун гургур авай жегьеннемдиз аватдалди ваз са вил аваз уьмуьрдиз гьахьун хъсан я.
Квахьай хипекай кьиса
(ЛукӀа 15:4-7)
10-11Килиг гьа, ихьтин адетдин гъвечӀи ксарив рикӀивай эгечӀ, абурун малаикар датӀана цавараллай Зи Бубадин вилик ква. 12Виш хеб авай суьруьдикай са хеб хкатайла, адан иесиди вуч ийида лагьана фикирзава куьне? Гьелбетда, ам, кьудкъанни цӀекӀуьд хеб дагълара туна, рехъ алатай са хпехъ къекъвез фида. 13За квез рикӀивай лугьузва: ам жагъайла, адаз а рехъ алат тавуна амай кьудкъанни цӀекӀуьд хеб хьунилай гзаф шадвал гьа са хпе гуда. 14Гьа и саягъда цавараллай куь Бубадизни кӀанзавайди гьа ихьтин адетдин гъвечӀи ксарикай садни терг тахьун я.
Стхадин гунагьдиз вуч ийида?
(ЛукӀа 17:3)
15Ви стхади-ваха ваз гунагь кар кьуртӀа, фена адахъ галаз жуван бейкефвиликай кьилди-кьилихъ рахух. Ада яб гайитӀа, ваз стха жагъун хъувуна. 16Ада яб тагайтӀа, ви гафарал кьве ва я пуд касди шагьидвал авун патал, жувахъ галаз са ва я кьве кас твах. Вучиз лагьайтӀа кхьенва: «Вири гафар кьве ва я пуд шагьидди тестикьарна кӀанда»#Киххьей Къанун 19:15.. 17Стхади-вахари гьабурузни яб тагайтӀа, адакай иманийрин кӀватӀалдиз лагь, ада кӀватӀалдизни яб тагайтӀа, адаз мажусидиз, я тахьайтӀа харж кӀватӀзавайдаз хьиз килиг. 18За квез рикӀивай лугьузва: чилел куьне вуч къадагъа авуртӀа, Цавараллайда гьам къадагъа ийида; чилел куьне вуч ийидай ихтияр гайитӀа, Цавараллайдани гьам ийидай ихтияр гуда.
19Мад За квез рикӀивай лугьуда хьи, квекай кьве кас са кар тӀалабда лагьана меслят хьайитӀа, а кар патал абуру дуьани ийиз хьайила, ам гьихьтин кар хьайитӀани, цавараллай Бубади ам кьилиз акъудда. 20Гьинал Зи ТӀвар кьуна кьвед-пуд кас кӀватӀ хьайитӀа, абурухъ галаз Зунни жеда.
Инсаф авачир къуллугъдардикай кьиса
(ЛукӀа 17:4)
21Ахпа Петруди мукьув агатна, Исадивай хабар кьуна:
– Я Агъа! Зи стхади заз такӀан кар ийиз хьайитӀа, за адалай шумудра гъил къахчун лазим я? Иридра къахчудани?
22– Иридра ваъ, иридра пудкъанни цӀуд гъилера – лагьана Исади. – 23ГьакӀ хьайила Цаварин Пачагьлугъ вичин къуллугъдарривай гьахъ-гьисаб авун тӀалабзавай пачагьдив гекъигиз жеда. 24Эвелни-эвел адан патав цӀуд агъзур тӀалантӀ#18:24 И кьадар пул гьакъи яз къачун патал адетдин зегьметкешди 200000 йисуз кӀвалахун лазим жезвай. бурж алай къуллугъдар гъана. 25Адавай вичел алай бурж вахгуз тахьуниз килигна, пачагьди ам, адан паб, аялар, вичихъ авай гьар са шей гваз, лукӀвиле маса гун ва идалди вичин бурж алудун эмирна. 26Инал къуллугъдарди, метӀерал акъвазна, икрам авуна: «Са тӀимил эхи хъия, за вав вири бурж вахгуда». 27Пачагьдиз адан язух атана. Ада ам ахъайна, буржни гьалална.
28Гьа и къуллугъдар, вичин виш динар#18:28 Виш динар гьакъи яз къачун патал адетдин зегьметкешди виш юкъуз кӀвалахун лазим жезвай. бурж алай вич хьтин са къуллугъдардин патав фена, адан туьтуьникай кьуна, лугьуз хьана: «Вал алай бурж пул гахце». 29Адан бурж квайда метӀерал акъвазна, адаз минетиз хьана: «Са тӀимил эхи хъия, за вав бурж вахгуда». 30Адаз эхиз кӀан хьанач, фена ада вичин бурж квайди бурж вахгудалди къазаматда тваз туна.
31И кар акур адан юлдашар гзаф пашман хьана. Абуру фена хьайи-хьайивал чпин пачагьдиз ахъайна. 32Гьа чӀавуз пачагьди къуллугъдардиз эверна, лагьана: «Кьеркьеш лукӀ! Вуна заз минетнай лугьуз За ваз зи бурж вири гьалалнай. 33За ваз авур хьтин регьим вуна ви юлдашдизни авун лазим тир».
34Вири бурж вахгудалди хъел атай пачагьди ам жаллатӀрин гъиле туна. 35Лап рикӀин къеняй сада садалай куьне гъил къахчун тавуртӀа, цавараллай Зи Бубади квелайни гъил къахчудач.
ទើបបានជ្រើសរើសហើយ៖
МатӀай 18: ЛезПК
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2010-2024
МатӀай 18
18
Вуж артух я?
(Марк 9:33-37; ЛукӀа 9:46-48)
1Гьа вахтунда Исадин кьилив тилмизар атана, Адавай жузуна:
– Цаварин Пачагьлугъда виридалайни чӀехиди вуж я?
2Ада аялдиз Вичин кьилив эверна, ам абурун юкьвал акъвазарна, 3лагьана:
– За квез рикӀивай лугьузва: куьн, дегиш хьана, аялар хьиз тахьайтӀа, куьн Цаварин Пачагьлугъдиз гьахьдач. 4Гьавиляй, вуж и аял хьиз умун хьайитӀа, гьам Цаварин Пачагьлугъда виридалайни чӀехиди жеда. 5Ихьтин са аял Зи хатурдай жуванди яз ни кьабулайтӀа, гьада Зун кьабулзава.
Инсан рекьяй акъуддай затӀарикай
(Марк 9:42-48; ЛукӀа 17:1-3а)
6Захъ иман ийизвай ихьтин адетдин гъвечӀи ксарикай сад ни рекьяй акъудиз хьайитӀа, ам гарданда регъуьн къван туна гьуьлуьн деринриз ракъурайтӀа хъсан я. 7Инсанрив гунагьар ийиз тазвай и дуьньядиз гуж хьурай! Инсанри гунагьар мад ийида, амма масабурув гунагьар ийиз тазвай ксаризни гуж хьурай!
8Ви са гъили ва я са кӀвачи вун гунагь ийидай йикъаз гъизватӀа, вуна абур атӀана гадара; кьве гъил ва я кьве кӀвач кваз жегьеннемдин цӀуз аватдалди са гъил ва я са кӀвач кваз ваз эбеди уьмуьрдиз гьахьун хъсан я. 9Ви са вили вун гунагь ийидай йикъаз гъизватӀа, вуна ам акъудна гадара; кьве вил аваз цӀун гургур авай жегьеннемдиз аватдалди ваз са вил аваз уьмуьрдиз гьахьун хъсан я.
Квахьай хипекай кьиса
(ЛукӀа 15:4-7)
10-11Килиг гьа, ихьтин адетдин гъвечӀи ксарив рикӀивай эгечӀ, абурун малаикар датӀана цавараллай Зи Бубадин вилик ква. 12Виш хеб авай суьруьдикай са хеб хкатайла, адан иесиди вуч ийида лагьана фикирзава куьне? Гьелбетда, ам, кьудкъанни цӀекӀуьд хеб дагълара туна, рехъ алатай са хпехъ къекъвез фида. 13За квез рикӀивай лугьузва: ам жагъайла, адаз а рехъ алат тавуна амай кьудкъанни цӀекӀуьд хеб хьунилай гзаф шадвал гьа са хпе гуда. 14Гьа и саягъда цавараллай куь Бубадизни кӀанзавайди гьа ихьтин адетдин гъвечӀи ксарикай садни терг тахьун я.
Стхадин гунагьдиз вуч ийида?
(ЛукӀа 17:3)
15Ви стхади-ваха ваз гунагь кар кьуртӀа, фена адахъ галаз жуван бейкефвиликай кьилди-кьилихъ рахух. Ада яб гайитӀа, ваз стха жагъун хъувуна. 16Ада яб тагайтӀа, ви гафарал кьве ва я пуд касди шагьидвал авун патал, жувахъ галаз са ва я кьве кас твах. Вучиз лагьайтӀа кхьенва: «Вири гафар кьве ва я пуд шагьидди тестикьарна кӀанда»#Киххьей Къанун 19:15.. 17Стхади-вахари гьабурузни яб тагайтӀа, адакай иманийрин кӀватӀалдиз лагь, ада кӀватӀалдизни яб тагайтӀа, адаз мажусидиз, я тахьайтӀа харж кӀватӀзавайдаз хьиз килиг. 18За квез рикӀивай лугьузва: чилел куьне вуч къадагъа авуртӀа, Цавараллайда гьам къадагъа ийида; чилел куьне вуч ийидай ихтияр гайитӀа, Цавараллайдани гьам ийидай ихтияр гуда.
19Мад За квез рикӀивай лугьуда хьи, квекай кьве кас са кар тӀалабда лагьана меслят хьайитӀа, а кар патал абуру дуьани ийиз хьайила, ам гьихьтин кар хьайитӀани, цавараллай Бубади ам кьилиз акъудда. 20Гьинал Зи ТӀвар кьуна кьвед-пуд кас кӀватӀ хьайитӀа, абурухъ галаз Зунни жеда.
Инсаф авачир къуллугъдардикай кьиса
(ЛукӀа 17:4)
21Ахпа Петруди мукьув агатна, Исадивай хабар кьуна:
– Я Агъа! Зи стхади заз такӀан кар ийиз хьайитӀа, за адалай шумудра гъил къахчун лазим я? Иридра къахчудани?
22– Иридра ваъ, иридра пудкъанни цӀуд гъилера – лагьана Исади. – 23ГьакӀ хьайила Цаварин Пачагьлугъ вичин къуллугъдарривай гьахъ-гьисаб авун тӀалабзавай пачагьдив гекъигиз жеда. 24Эвелни-эвел адан патав цӀуд агъзур тӀалантӀ#18:24 И кьадар пул гьакъи яз къачун патал адетдин зегьметкешди 200000 йисуз кӀвалахун лазим жезвай. бурж алай къуллугъдар гъана. 25Адавай вичел алай бурж вахгуз тахьуниз килигна, пачагьди ам, адан паб, аялар, вичихъ авай гьар са шей гваз, лукӀвиле маса гун ва идалди вичин бурж алудун эмирна. 26Инал къуллугъдарди, метӀерал акъвазна, икрам авуна: «Са тӀимил эхи хъия, за вав вири бурж вахгуда». 27Пачагьдиз адан язух атана. Ада ам ахъайна, буржни гьалална.
28Гьа и къуллугъдар, вичин виш динар#18:28 Виш динар гьакъи яз къачун патал адетдин зегьметкешди виш юкъуз кӀвалахун лазим жезвай. бурж алай вич хьтин са къуллугъдардин патав фена, адан туьтуьникай кьуна, лугьуз хьана: «Вал алай бурж пул гахце». 29Адан бурж квайда метӀерал акъвазна, адаз минетиз хьана: «Са тӀимил эхи хъия, за вав бурж вахгуда». 30Адаз эхиз кӀан хьанач, фена ада вичин бурж квайди бурж вахгудалди къазаматда тваз туна.
31И кар акур адан юлдашар гзаф пашман хьана. Абуру фена хьайи-хьайивал чпин пачагьдиз ахъайна. 32Гьа чӀавуз пачагьди къуллугъдардиз эверна, лагьана: «Кьеркьеш лукӀ! Вуна заз минетнай лугьуз За ваз зи бурж вири гьалалнай. 33За ваз авур хьтин регьим вуна ви юлдашдизни авун лазим тир».
34Вири бурж вахгудалди хъел атай пачагьди ам жаллатӀрин гъиле туна. 35Лап рикӀин къеняй сада садалай куьне гъил къахчун тавуртӀа, цавараллай Зи Бубади квелайни гъил къахчудач.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2010-2024