МатӀай 13
13
НикӀе тум цазвайдакай кьиса
(Марк 4:1-9; ЛукӀа 8:4-8)
1Гьа юкъуз кӀваляй экъечӀна, фена, Иса вирин къерехда ацукьна. 2Адан патав атана гзаф халкь кӀватӀ хьана, гьаниз килигна Ам фена луьткведа акьахна, халкь вирин къерехдал кӀватӀ хьана акъвазна. 3Ада халкьдиз, кьисаяр мисал гъиз, гзаф крарикай ихтилатар ийизвай. Ада лагьана:
– Лежбер никӀиз тум цаз фена. 4Ада тум вегьидайла, са бязи тварар рекьин къерехрал аватна, алтӀушай къушари абур кӀуфар ягъиз тӀуьна. 5Са бязи тварар къван квай чкадиз аватна. И тварар фад экъечӀна, вучиз лагьайтӀа абур накьв тӀимил квай чкадиз аватна. 6Рагъ экъечӀайла, цӀирер шуьткьвена, дувулар галачирбур хьиз, кьурана. 7Са бязи тварар къалгъанриз аватна. Къалгъанар чӀехи хьана, абуру акьалтзавай къацар пӀуьрчӀуькьарна. 8Амай тварар мублагь чилел аватна ва абуру майваярни гъана – сада виш твар, муькуьда пудкъад, амайбуруни – къанницӀуд. 9Нихъ япар аватӀа, гьадаз ван атурай!
Кьисадин мана ачухарун
(Марк 4:10-20; ЛукӀа 8:9-15; 10:23-24)
10Исадин тилмизри Адан патав атана хабар кьуна:
– Вун инсанрихъ галаз кьисайралди вучиз рахазва?
11Абуруз жаваб яз Ада лагьана:
– Квез Цаварин Пачагьлугъдин сирер кьатӀудай чирвилер ганва, амма абуруз ганвач. 12Авайдаз авайдалайни гзаф гуда, авайди адахъ мадни артух жеда. Авачирди вичихъ авай гьа тӀимилдакайни магьрум жеда. 13Абур килигзаватӀани, абуруз затӀни аквазвач, абуру яб гузватӀани, абуруз ван къвезвач, я абур гъавурда гьатзавач. ГьакӀ хьайила Зун абурухъ галаз кьисайралди рахазва. 14Гьа икӀ, Яшай пайгъамбарди лагьай ихьтин гафар абурун кьилел къвезва:
«Япариз ван хьайитӀани, куьн гъавурда гьатдач,
вилералди килигайтӀани – аквадач.
15 А инсанрин рикӀер къван хьанва,
ва япаризни заландиз къвезва ван, вилерни мичӀнава;
абурун вилеризни аквадач, я япаризни ван къведач,
рикӀерини кьатӀудач,
чеб сагъар хъувун патални
Захъ элкъведач» #
Яшай 6:9-10. .
16Аквазвай куь вилерни, ван къвезвай куь япар бахтавар я. 17За квез рикӀивай лугьузва хьи, гзаф пайгъамбарризни гьахъ-михьи инсанриз квез аквазвай крар чпизни акуна кӀанзавай, амма акунач; квез ван къвезвайбурукай чпизни ван атана кӀанзавай, амма атанач.
18Тум вегьизвайдакай кьисадин метлебдиз фикир це: 19Цаварин Пачагьлугъдилай гаф ван жез гъавурда такьазвайди рекьин къерехдиз аватай тум хьиз я: шийирди атана адан рикӀе цанвай гаф чуьнуьхда. 20Гьа и жуьреда къван квай чкадиз аватнавай тумни – ван хьанмазни гьасятда гаф шадвилелди кьабулдай инсанар я лагьай чӀал я. 21Амма чпихъ мягькем дувулар тахьуниз килигна, абур яргъалди амукьдач. Чеб а гаф кьуна лугьуз хурук кутурла, чпин кьил баладик акатайла, абур гьасятда рекьелай алатда. 22Къалгъанриз вегьенвай тум – гафунин ван къвезвайбур я лагьай чӀал я. Амма гьар йикъан къайгъуйри, девлетдихъ вил ичӀи хьуни ахьтинбурун рикӀера гьатнавай гаф пӀуьрчӀуькьарда, ам бегьер тагуз жеда. 23Миян чилиз аватнавай тварар – гафуниз яб гана адан гъавурда акьазвайбур я. Гьа ксари вичин бегьерни гъида – сада вишра, пудкъадра, са бязибуру къанницӀудра артух бегьер гъида.
Цаварин Пачагьлугъдикай кьисаяр
(Марк 4:30-34; ЛукӀа 13:18-21)
24Исади абуруз мад са кьиса ахъайна:
– Цаварин Пачагьлугъ никӀиз хъсан тум вегьей инсандив гекъигиз жеда. 25Йифиз вири ксанвайла, душман атана, къуьл цанвай чкадиз чӀуру хъчарин тум вегьена хъфена. 26Къаз акьалтна къуьлуьн кьилерихъ галаз чӀуру хъчарни экъечӀна. 27ЛукӀари атана чилин иесидиз лагьана: «Агъа! Вуна ви никӀиз хъсан тум вегьейди туширни кьван? Ана экъечӀнавай чӀуру хъчар гьинай атайбур я?» 28«Ам душмандин кар я», – лагьана ада. «Ваз чна фена а хъчар хкяна кӀаняй акъудна кӀанзавани?» – жузуна лукӀари. 29«Ваъ, – жаваб гана ада, – фимир, куьне абурухъ галаз къазни кӀаняй акъудда. 30Къуй гьабурни, муькуьбурни санал экъечӀрай. Гуьдай вахт хьайила, гвен гуьзвайбуруз за лугьуда: сифте чӀуру хъчар кӀватӀна цуьлер авуна, куг, ахпа къуьл зи хармандал кӀватӀа».
31ГьакӀ лугьуз, Исади абуруз маса кьиса теклифна:
– Цаварин Пачагьлугъ – инсанди къачуна вичин никӀиз вегьей финдин тварциз ухшар я. 32Тумарикай ам виридалайни куьлуь ятӀани, амма экъечӀайла, салан набататрикай виридалайни чӀехи хьана, адакай тар жеда. Къушар къвез гьахьтин таран хилерал мукар ийиз жеда.
33Исади абуруз мад са кьиса ахъайна:
– Цаварин Пачагьлугъ – папа лап гзаф кьадар гъуьруьк кутур гъварциз ухшар я, ам кутунмазни тини атана.
34Гьа ибур вири Исади халкьдиз кьисайралди лагьана, кьиса квачиз Ада халкьдиз ихтилат ийидачир. 35Гьа икӀ, Пайгъамбардин мецелди лагьай ихьтин гафар кьилиз акъатна:
«Зун абурухъ галаз кьисайралди рахада. За абуруз дуьнья халкь хьайидалай инихъ сир яз амай кардикай ихтилатда»#Забур 77:2..
36Ахпа халкь ахъайна, Ам кӀвализ гьахьна. Адан патав атай тилмизри Адаз лагьана:
– Чун никӀяй экъечӀай чӀуру хъчарикай кьисадин гъавурда тур.
37Исади жаваб яз лагьана:
– Хъсан тум вегьизвайди Инсандин Хва я; 38ник дуьнья я; хъсан тварар – Пачагьлугъдин веледар я, чӀуру хъчар – шийирдин веледар. 39Абур вегьей душман иблис я. Гвен эхирзаман я, гвен гуьзвайбур – малаикар. 40ЧӀуру хъчар кӀватӀна цӀал гьикӀ кудатӀа, эхирзаман атайлани гьакӀ жеда. 41-42Инсандин Хци Вичин малаикар ракъурда. Абуру Аллагьдин Пачагьлугъда инсанрив гунагьар ийиз тазвайбур ва чӀуру крар ийизвайбур кӀватӀна, абур цӀуз вегьида; ана жедайди шел-хвал ва сарар регъуьнар я. 43Гьахъ-михьибуру чпин Бубадин Пачагьлугъда ракъини хьиз нурар чукӀурда. Нихъ япар аватӀа, гьадаз ван атурай!
44Цаварин Пачагьлугъ чилик кутунвай хазинадиз ухшар я. Инсандиз ам жагъана, ада ам мад чинеба чилик кухтун хъувуна. Ам акьван бахтлу тир хьи, вичихъ авай-авачир вири маса гана, фена ада гьа ник къачуна.
45Цаварин Пачагьлугъ мадни хъсан гевгьеррихъ къекъвезвай савдагардизни ухшар я. 46Адаз багьа са гевгьер жагъайла, фена вичихъ авай-авачирди маса гана, ада ам вичиз къачуна.
47-48Мадни Цаварин Пачагьлугъ – гьуьлуьз вегьей чилиниз ухшар я. Чил гьуьлуьн гьар жуьредин гъетерай ацӀайла, гъетягъри ам къерехдиз чӀугуна. Ацукьна абуру хъсан гъетер къапариз вегьена, писбур гадарна. 49-50Эхирзаман атайлани гьакӀ жеда: малаикри атана гьахъ-михьи туширбурни гьахъ-михьибур чара авуна, писбур цӀуз вегьида. Ана жедайди шел-хвал ва сарар регъуьнар я.
51Исади Вичин тилмизривай хабар кьуна:
– Ибурун виридан гъавурда куьн гьатзавани?
Абуру «Эхь» лагьана жаваб гана.
52– ГьакӀ хьайила, Цаварин Пачагьлугъдихъ иман авур гьар са тавратдар вичин хазинадай цӀуру ва цӀийи затӀар винел акъудзавай сагьибдиз ухшар я, – лагьана Ада.
Хайи шегьерда Иса кьабул тавун
(Марк 6:1-6; ЛукӀа 4:16-30)
53Исади Вичин кьисаяр ахъайна куьтягьайдалай кьулухъ, Ам хъфена. 54Ам Вичин ватандиз хтана. Ана Ада синагугда чирвилер гуз хьана. Адан ван хьайи вири мягьтел жезвай:
– Адаз ихьтин камал ва аламатар къалурдай къуват гьинай атана? – хабар кьазвай абуру. 55– Ам харат устӀардин хва тушни? Адан дидедин тӀвар Майрам тушни? Адан стхаяр Якьуб, Юсуф, Симун ва Ягьуд тушни? 56Адан вахарни ина, чи арада, авачни мегер? А алакьунар Адаз гьинай атана?
57Абуруз Ам квазни кьаз кӀан хьанач. Исади абуруз лагьана:
– Пайгъамбар виринра гъилерал жеда, анжах вичин ватанда, вичин хизандин арада адаз гьуьрмет жедач.
58Адаз шегьерда авай инсанри Вичихъ иман тийидайди чизвай. Гьавиляй Ада Вичивай жедай гзаф аламатар къалурнач.
ទើបបានជ្រើសរើសហើយ៖
МатӀай 13: ЛезПК
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2010-2024
МатӀай 13
13
НикӀе тум цазвайдакай кьиса
(Марк 4:1-9; ЛукӀа 8:4-8)
1Гьа юкъуз кӀваляй экъечӀна, фена, Иса вирин къерехда ацукьна. 2Адан патав атана гзаф халкь кӀватӀ хьана, гьаниз килигна Ам фена луьткведа акьахна, халкь вирин къерехдал кӀватӀ хьана акъвазна. 3Ада халкьдиз, кьисаяр мисал гъиз, гзаф крарикай ихтилатар ийизвай. Ада лагьана:
– Лежбер никӀиз тум цаз фена. 4Ада тум вегьидайла, са бязи тварар рекьин къерехрал аватна, алтӀушай къушари абур кӀуфар ягъиз тӀуьна. 5Са бязи тварар къван квай чкадиз аватна. И тварар фад экъечӀна, вучиз лагьайтӀа абур накьв тӀимил квай чкадиз аватна. 6Рагъ экъечӀайла, цӀирер шуьткьвена, дувулар галачирбур хьиз, кьурана. 7Са бязи тварар къалгъанриз аватна. Къалгъанар чӀехи хьана, абуру акьалтзавай къацар пӀуьрчӀуькьарна. 8Амай тварар мублагь чилел аватна ва абуру майваярни гъана – сада виш твар, муькуьда пудкъад, амайбуруни – къанницӀуд. 9Нихъ япар аватӀа, гьадаз ван атурай!
Кьисадин мана ачухарун
(Марк 4:10-20; ЛукӀа 8:9-15; 10:23-24)
10Исадин тилмизри Адан патав атана хабар кьуна:
– Вун инсанрихъ галаз кьисайралди вучиз рахазва?
11Абуруз жаваб яз Ада лагьана:
– Квез Цаварин Пачагьлугъдин сирер кьатӀудай чирвилер ганва, амма абуруз ганвач. 12Авайдаз авайдалайни гзаф гуда, авайди адахъ мадни артух жеда. Авачирди вичихъ авай гьа тӀимилдакайни магьрум жеда. 13Абур килигзаватӀани, абуруз затӀни аквазвач, абуру яб гузватӀани, абуруз ван къвезвач, я абур гъавурда гьатзавач. ГьакӀ хьайила Зун абурухъ галаз кьисайралди рахазва. 14Гьа икӀ, Яшай пайгъамбарди лагьай ихьтин гафар абурун кьилел къвезва:
«Япариз ван хьайитӀани, куьн гъавурда гьатдач,
вилералди килигайтӀани – аквадач.
15 А инсанрин рикӀер къван хьанва,
ва япаризни заландиз къвезва ван, вилерни мичӀнава;
абурун вилеризни аквадач, я япаризни ван къведач,
рикӀерини кьатӀудач,
чеб сагъар хъувун патални
Захъ элкъведач» #
Яшай 6:9-10. .
16Аквазвай куь вилерни, ван къвезвай куь япар бахтавар я. 17За квез рикӀивай лугьузва хьи, гзаф пайгъамбарризни гьахъ-михьи инсанриз квез аквазвай крар чпизни акуна кӀанзавай, амма акунач; квез ван къвезвайбурукай чпизни ван атана кӀанзавай, амма атанач.
18Тум вегьизвайдакай кьисадин метлебдиз фикир це: 19Цаварин Пачагьлугъдилай гаф ван жез гъавурда такьазвайди рекьин къерехдиз аватай тум хьиз я: шийирди атана адан рикӀе цанвай гаф чуьнуьхда. 20Гьа и жуьреда къван квай чкадиз аватнавай тумни – ван хьанмазни гьасятда гаф шадвилелди кьабулдай инсанар я лагьай чӀал я. 21Амма чпихъ мягькем дувулар тахьуниз килигна, абур яргъалди амукьдач. Чеб а гаф кьуна лугьуз хурук кутурла, чпин кьил баладик акатайла, абур гьасятда рекьелай алатда. 22Къалгъанриз вегьенвай тум – гафунин ван къвезвайбур я лагьай чӀал я. Амма гьар йикъан къайгъуйри, девлетдихъ вил ичӀи хьуни ахьтинбурун рикӀера гьатнавай гаф пӀуьрчӀуькьарда, ам бегьер тагуз жеда. 23Миян чилиз аватнавай тварар – гафуниз яб гана адан гъавурда акьазвайбур я. Гьа ксари вичин бегьерни гъида – сада вишра, пудкъадра, са бязибуру къанницӀудра артух бегьер гъида.
Цаварин Пачагьлугъдикай кьисаяр
(Марк 4:30-34; ЛукӀа 13:18-21)
24Исади абуруз мад са кьиса ахъайна:
– Цаварин Пачагьлугъ никӀиз хъсан тум вегьей инсандив гекъигиз жеда. 25Йифиз вири ксанвайла, душман атана, къуьл цанвай чкадиз чӀуру хъчарин тум вегьена хъфена. 26Къаз акьалтна къуьлуьн кьилерихъ галаз чӀуру хъчарни экъечӀна. 27ЛукӀари атана чилин иесидиз лагьана: «Агъа! Вуна ви никӀиз хъсан тум вегьейди туширни кьван? Ана экъечӀнавай чӀуру хъчар гьинай атайбур я?» 28«Ам душмандин кар я», – лагьана ада. «Ваз чна фена а хъчар хкяна кӀаняй акъудна кӀанзавани?» – жузуна лукӀари. 29«Ваъ, – жаваб гана ада, – фимир, куьне абурухъ галаз къазни кӀаняй акъудда. 30Къуй гьабурни, муькуьбурни санал экъечӀрай. Гуьдай вахт хьайила, гвен гуьзвайбуруз за лугьуда: сифте чӀуру хъчар кӀватӀна цуьлер авуна, куг, ахпа къуьл зи хармандал кӀватӀа».
31ГьакӀ лугьуз, Исади абуруз маса кьиса теклифна:
– Цаварин Пачагьлугъ – инсанди къачуна вичин никӀиз вегьей финдин тварциз ухшар я. 32Тумарикай ам виридалайни куьлуь ятӀани, амма экъечӀайла, салан набататрикай виридалайни чӀехи хьана, адакай тар жеда. Къушар къвез гьахьтин таран хилерал мукар ийиз жеда.
33Исади абуруз мад са кьиса ахъайна:
– Цаварин Пачагьлугъ – папа лап гзаф кьадар гъуьруьк кутур гъварциз ухшар я, ам кутунмазни тини атана.
34Гьа ибур вири Исади халкьдиз кьисайралди лагьана, кьиса квачиз Ада халкьдиз ихтилат ийидачир. 35Гьа икӀ, Пайгъамбардин мецелди лагьай ихьтин гафар кьилиз акъатна:
«Зун абурухъ галаз кьисайралди рахада. За абуруз дуьнья халкь хьайидалай инихъ сир яз амай кардикай ихтилатда»#Забур 77:2..
36Ахпа халкь ахъайна, Ам кӀвализ гьахьна. Адан патав атай тилмизри Адаз лагьана:
– Чун никӀяй экъечӀай чӀуру хъчарикай кьисадин гъавурда тур.
37Исади жаваб яз лагьана:
– Хъсан тум вегьизвайди Инсандин Хва я; 38ник дуьнья я; хъсан тварар – Пачагьлугъдин веледар я, чӀуру хъчар – шийирдин веледар. 39Абур вегьей душман иблис я. Гвен эхирзаман я, гвен гуьзвайбур – малаикар. 40ЧӀуру хъчар кӀватӀна цӀал гьикӀ кудатӀа, эхирзаман атайлани гьакӀ жеда. 41-42Инсандин Хци Вичин малаикар ракъурда. Абуру Аллагьдин Пачагьлугъда инсанрив гунагьар ийиз тазвайбур ва чӀуру крар ийизвайбур кӀватӀна, абур цӀуз вегьида; ана жедайди шел-хвал ва сарар регъуьнар я. 43Гьахъ-михьибуру чпин Бубадин Пачагьлугъда ракъини хьиз нурар чукӀурда. Нихъ япар аватӀа, гьадаз ван атурай!
44Цаварин Пачагьлугъ чилик кутунвай хазинадиз ухшар я. Инсандиз ам жагъана, ада ам мад чинеба чилик кухтун хъувуна. Ам акьван бахтлу тир хьи, вичихъ авай-авачир вири маса гана, фена ада гьа ник къачуна.
45Цаварин Пачагьлугъ мадни хъсан гевгьеррихъ къекъвезвай савдагардизни ухшар я. 46Адаз багьа са гевгьер жагъайла, фена вичихъ авай-авачирди маса гана, ада ам вичиз къачуна.
47-48Мадни Цаварин Пачагьлугъ – гьуьлуьз вегьей чилиниз ухшар я. Чил гьуьлуьн гьар жуьредин гъетерай ацӀайла, гъетягъри ам къерехдиз чӀугуна. Ацукьна абуру хъсан гъетер къапариз вегьена, писбур гадарна. 49-50Эхирзаман атайлани гьакӀ жеда: малаикри атана гьахъ-михьи туширбурни гьахъ-михьибур чара авуна, писбур цӀуз вегьида. Ана жедайди шел-хвал ва сарар регъуьнар я.
51Исади Вичин тилмизривай хабар кьуна:
– Ибурун виридан гъавурда куьн гьатзавани?
Абуру «Эхь» лагьана жаваб гана.
52– ГьакӀ хьайила, Цаварин Пачагьлугъдихъ иман авур гьар са тавратдар вичин хазинадай цӀуру ва цӀийи затӀар винел акъудзавай сагьибдиз ухшар я, – лагьана Ада.
Хайи шегьерда Иса кьабул тавун
(Марк 6:1-6; ЛукӀа 4:16-30)
53Исади Вичин кьисаяр ахъайна куьтягьайдалай кьулухъ, Ам хъфена. 54Ам Вичин ватандиз хтана. Ана Ада синагугда чирвилер гуз хьана. Адан ван хьайи вири мягьтел жезвай:
– Адаз ихьтин камал ва аламатар къалурдай къуват гьинай атана? – хабар кьазвай абуру. 55– Ам харат устӀардин хва тушни? Адан дидедин тӀвар Майрам тушни? Адан стхаяр Якьуб, Юсуф, Симун ва Ягьуд тушни? 56Адан вахарни ина, чи арада, авачни мегер? А алакьунар Адаз гьинай атана?
57Абуруз Ам квазни кьаз кӀан хьанач. Исади абуруз лагьана:
– Пайгъамбар виринра гъилерал жеда, анжах вичин ватанда, вичин хизандин арада адаз гьуьрмет жедач.
58Адаз шегьерда авай инсанри Вичихъ иман тийидайди чизвай. Гьавиляй Ада Вичивай жедай гзаф аламатар къалурнач.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Институт перевода Библии, 2010-2024