ZEKARIA 14
14
Jerusalemu na iro mbari zima
1Ituku ja BWANA jetanya jakaia kaavui. Vilambo vichawadwa Jerusalemu na kuwaghwa mkiwona. 2BWANA uchareda mbari zima rose chiaimweri riwade Jerusalemu. Muzi ghuchawadwa, nyumba richabarwa, na waka wichadidikwa. Nusu ya wandu wichabarishwa, ela awa wichaasigharika ndewichaainjwa mzinyi anduangi. 3Niko BWANA uchaghenda kulwa na iro mbari ra wandu seji orelwagha ngelo riidie. 4Ituku ijo, BWANA uchakaia kimusi aighu ya Mghondi ghwa Mizeituni kulangaya cha mashariki ya Jerusalemu. Niko Mghondi ghwa Mizeituni ghuchawaghika vibelele viwi kufuma mashariki hata magharibi na vololo mbaa aghadi. Nusu imu ya mghondi ichakaia cha kaskazinyi, na nusu imu ichakaia cha kusinyi. 5Mchafufunuka kwa kuidiria ghadi na ghadi ya ihi vololo ya mghondi ghwapo kwa kukaia ghuchashabuka hata Azeli. Mchakimbia seji weke ndeyo werekimbiagha msughusiko ghwa ndoe matuku gha Uzia mzuri wa Juda. Niko BWANA Mlungu wapo uchacha chiaimweri na weke malaika wake.
6Ituku ijo ndekuchaakaia mbeo hata barafu, 7hata kira. Kuchakaia na mwengere hata nakio. BWANA uekeri nuo uchaamanya maza iri.
8Ituku ijo jikavika, machi ghielie ghenywa ghichadika kufuma Jerusalemu; nusu imu ghichaida na kungia Bahari ya Chumbi na nusu imu Bahari ya Mediterania; gichakaia ghikiida ngelo rose ya kwari na ngelo ya sumesu wori.#Eze. 47.1; Joh. 7.38; Wuf. 22.1 9Niko BWANA uchawuya mzuri wa ndoenyi kose; kula mundu uchamtasa uo Mlungu, na kummanya kwa ijo irina jimweri.
10Isanga jose jichawuya wurindi kufuma Geba noko cha kaskazinyi hata Rimoni cha kusinyi ya Jerusalemu. Ela Jerusalemu ghuchasigharika ighu wulalonyi kwake; kufuma Mbenge ya Benjamini, hata mbenge ya kala ya mbengenyi na kufuma Mnara ghwa Hananeli hata vidu vekamia divei va mzuri. 11Wandu wichakaia aho banana angu ndekuchaakaia na njowe ingi sena.#Wuf. 22.3
12BWANA uchareda saka izamie kwa mbari rose ra wandu wichaabonya wuda na Jerusalemu. Mimbi yawo ichawoa wimoo, meso ghawo na chumi rawo richawoa wimoo. 13Ngelo iyo, BWANA uchawibonya wilaghalo ni akili; wichangilwa ni kiture hata wiwoke kulwa weni na weni. 14Wandu wa Juda wichailuya Jerusalemu. Mali ya wandu wa mbari rose wiko mbai mbai ichakwanywa; dhahabu, feza, na marwao mengi nandighi. 15Na saka ija cheni ichariwada farasi, nyumbu, ngamila, punda, na nyamandu iyo yose iko andenyi ya iro kambi ra wamaiza.
16Niko kula mundu usigharikagha wa iro mbari rose ra wandu wichee kulwa na Jerusalemu, uchajoka aho kula mwaka kumtasa uo BWANA Uwadie-Ndighi-Rose ukikaia mzuri, na kubonya Ndima ya Viwanda.#Wal. 23.39-43 17Mbari ya wandu wangi ikalegha kujokamtasa BWANA Uwadie-Ndighi-Rose sa mzuri, ichasowekelwa ni vua isangenyi kwake. 18Wandu wa Misri wikalegha kujokabonya Ndima ya Viwanda, wichakabwa na saka ija cheni BWANA uwikabagha nayo wandu wa mbari risejokie kubonya Ndima ya Viwanda. 19Ijo nijo jichaakaia ikabo ja Misri na ja wandu wa mbari risejokagha kubonya Ndima ya Viwanda.
20Ngelo iyo, vengele va farasi vichaandikwa, “MWELI KWA BWANA.” Na nyungu riko nyumbenyi kwa BWANA richakaia sa bakuli ra madhabahunyi; 21na kula nyungu iko Jerusalemu na Juda ichawikwa kula kwa wundu ghwa wutasi kwa BWANA Uwadie-Ndighi-Rose, eri awo wose wifunyagha vizongona widime kuritumia kwa kudoghosa naro nyama ra vizongona. Ngelo iyo ikavika, ndekuchaakaia na m'bonyi biashara ungi Hekalunyi kwa BWANA Uwadie-Ndighi-Rose.
ទើបបានជ្រើសរើសហើយ៖
ZEKARIA 14: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
ZEKARIA 14
14
Jerusalemu na iro mbari zima
1Ituku ja BWANA jetanya jakaia kaavui. Vilambo vichawadwa Jerusalemu na kuwaghwa mkiwona. 2BWANA uchareda mbari zima rose chiaimweri riwade Jerusalemu. Muzi ghuchawadwa, nyumba richabarwa, na waka wichadidikwa. Nusu ya wandu wichabarishwa, ela awa wichaasigharika ndewichaainjwa mzinyi anduangi. 3Niko BWANA uchaghenda kulwa na iro mbari ra wandu seji orelwagha ngelo riidie. 4Ituku ijo, BWANA uchakaia kimusi aighu ya Mghondi ghwa Mizeituni kulangaya cha mashariki ya Jerusalemu. Niko Mghondi ghwa Mizeituni ghuchawaghika vibelele viwi kufuma mashariki hata magharibi na vololo mbaa aghadi. Nusu imu ya mghondi ichakaia cha kaskazinyi, na nusu imu ichakaia cha kusinyi. 5Mchafufunuka kwa kuidiria ghadi na ghadi ya ihi vololo ya mghondi ghwapo kwa kukaia ghuchashabuka hata Azeli. Mchakimbia seji weke ndeyo werekimbiagha msughusiko ghwa ndoe matuku gha Uzia mzuri wa Juda. Niko BWANA Mlungu wapo uchacha chiaimweri na weke malaika wake.
6Ituku ijo ndekuchaakaia mbeo hata barafu, 7hata kira. Kuchakaia na mwengere hata nakio. BWANA uekeri nuo uchaamanya maza iri.
8Ituku ijo jikavika, machi ghielie ghenywa ghichadika kufuma Jerusalemu; nusu imu ghichaida na kungia Bahari ya Chumbi na nusu imu Bahari ya Mediterania; gichakaia ghikiida ngelo rose ya kwari na ngelo ya sumesu wori.#Eze. 47.1; Joh. 7.38; Wuf. 22.1 9Niko BWANA uchawuya mzuri wa ndoenyi kose; kula mundu uchamtasa uo Mlungu, na kummanya kwa ijo irina jimweri.
10Isanga jose jichawuya wurindi kufuma Geba noko cha kaskazinyi hata Rimoni cha kusinyi ya Jerusalemu. Ela Jerusalemu ghuchasigharika ighu wulalonyi kwake; kufuma Mbenge ya Benjamini, hata mbenge ya kala ya mbengenyi na kufuma Mnara ghwa Hananeli hata vidu vekamia divei va mzuri. 11Wandu wichakaia aho banana angu ndekuchaakaia na njowe ingi sena.#Wuf. 22.3
12BWANA uchareda saka izamie kwa mbari rose ra wandu wichaabonya wuda na Jerusalemu. Mimbi yawo ichawoa wimoo, meso ghawo na chumi rawo richawoa wimoo. 13Ngelo iyo, BWANA uchawibonya wilaghalo ni akili; wichangilwa ni kiture hata wiwoke kulwa weni na weni. 14Wandu wa Juda wichailuya Jerusalemu. Mali ya wandu wa mbari rose wiko mbai mbai ichakwanywa; dhahabu, feza, na marwao mengi nandighi. 15Na saka ija cheni ichariwada farasi, nyumbu, ngamila, punda, na nyamandu iyo yose iko andenyi ya iro kambi ra wamaiza.
16Niko kula mundu usigharikagha wa iro mbari rose ra wandu wichee kulwa na Jerusalemu, uchajoka aho kula mwaka kumtasa uo BWANA Uwadie-Ndighi-Rose ukikaia mzuri, na kubonya Ndima ya Viwanda.#Wal. 23.39-43 17Mbari ya wandu wangi ikalegha kujokamtasa BWANA Uwadie-Ndighi-Rose sa mzuri, ichasowekelwa ni vua isangenyi kwake. 18Wandu wa Misri wikalegha kujokabonya Ndima ya Viwanda, wichakabwa na saka ija cheni BWANA uwikabagha nayo wandu wa mbari risejokie kubonya Ndima ya Viwanda. 19Ijo nijo jichaakaia ikabo ja Misri na ja wandu wa mbari risejokagha kubonya Ndima ya Viwanda.
20Ngelo iyo, vengele va farasi vichaandikwa, “MWELI KWA BWANA.” Na nyungu riko nyumbenyi kwa BWANA richakaia sa bakuli ra madhabahunyi; 21na kula nyungu iko Jerusalemu na Juda ichawikwa kula kwa wundu ghwa wutasi kwa BWANA Uwadie-Ndighi-Rose, eri awo wose wifunyagha vizongona widime kuritumia kwa kudoghosa naro nyama ra vizongona. Ngelo iyo ikavika, ndekuchaakaia na m'bonyi biashara ungi Hekalunyi kwa BWANA Uwadie-Ndighi-Rose.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.