OBADIA 1
1
1Ughu ni wulodi ghwa Obadia seji BWANA Mlungu ughorie aighu ya wandu wa Edomu.
Ikabo ja BWANA kwa Edomu
BWANA wamdumie mdumwa wake kwa iro mbari zima;
damsikire ukighora malagho agha:
“Wukenyi dilo na Edomu!”
2BWANA waizera Edomu, “Nichakubonya mnyonge aghadi ya mbari zima,
na oho kuchamenyeka nandighi.
3Lukaso lwako lookukalia,
Muzi ghwako m'baa ghooka na ngome riaghilo na magho ghikurie;
nyumba yako eeka aighu mghondinyi;
niko kwawuyaghamba, ‘Nani udimagha kunighusha andonyi?’
4Hata ngera kwabonyere muzi ghwako ghukakaia ighu sa kijungi cha indu,
hata ghuwonekeghe seji ghooka nyerinyerinyi,
ela nichakupotua andonyi.
5“Vitoi vikacha nakio, vadawusa vilambo wikunde.
Wandu wikakawaya zabibu, wasigharagha rimu ndinieri.
Ela wamaiza wako weekumeria putu.
6Inyo kivalwa cha Esau, mali yako yawusiro kwa ndighi.
7Waghenyi wako weekukalia; wakuwingie kufuma isangenyi jako.
Wandu werekoghe na sere na oho, wakusima.
Waghenyi wako morejanyagha wakudeghia shaghala;
waghora aighu yako, ‘Ugho wuing'oni orekoghe nagho ghuao?’
8“Ngelo niikabagha Edomu, nichawitotesha wandu waro wiko na suku,
na kuinja putu hikima yawo.
9Wandu wako wa wuda ee Temani,
wichangirwa kiture,
na kula asikari wa isanga ja Edomu,
uchabwaghwa.
Sababu ra Edomu kukabwa
10“Kwa kukaia kwawisokie na kuwibwagha wanyinyu, awo wana wa Jakobo,
kuchatoteshwa na kusowelwa ishima kwa kala na kala.
11Ituku wamaiza werechikanyireghe mbenge rawo, korekoghe kimusi aeni.
Korekoghe mmbiwi karakara na waja waghenyi weredukagha mali ra Jerusalemu
na kuwaghiana weni na weni.
12Ndekoredimagha kuboilwa ni kusokwa
kwa wanyinyu werekoghe Juda. Ndekoredimagha kuboilwa ituku werenonwagha.
Ndekoredimagha kuwiseka ngelo wiko andenyi ya wasi ghwawo.
13Ndekoredimagha kungia muzi ghwa wandu wapo,
na kuboilwa ni matiriro ghawo, na kuwada vilambo vawo,
wikikaia andenyi ya wasi ghwawo.#Isa. 34.5-17; 63.1-6; Jer. 49.7-22; Eze. 25.12-14; 35.1-15; Amo. 1.11-12; Mlk. 1.2-5
14Ndekoredimagha kukaia kimusi chia ra matano,
na kuwada awo werekoghe wikikimbia;
ndekoredimagha kuwinekeria wamaiza
ngelo ya wasi ghwawo.
Mlungu kuritanya iro mbari zima
15“Ituku jalighisa ja ini BWANA kutanya mbari rose.
Oho Edomu, kuchabonyerwa agho korebonyereghe.
Kuchalipwa agheni kubonyere.
16Wandu wapo wanyue kikombe chibirie cha makabo aighu
ya mghondi ghwapo ghwa wueli.
Ela mbari rose riko mbai-mbai richanywa kikombe chekabwa chibirie kuchumba;
wichachinywa chose hata wisie.
Wusimi ghwa Israeli
17“Ela kuchakaia na wandu wifufunukagha aighu ya Mghondi ghwa Sioni,
na aho kuchakaia andu kwa wueli.
Wandu wa Jakobo wichawusa isanga jiko mali yawo cheni.
18Wandu wa Jakobo
na nyumba ya Josefu, wichakaia sa modo;
wichawitotesha wandu wa Esau,
seji modo ghukoragha matasa.
Ndekuwadie mndungi wa kivalwa cha Esau uchaasigharika;
ini BWANA naghamba.
19“Wandu wa Juda ya kusinyi wichawusa Edomu;
wandu wifumie kirimba cha mighondi ya magharibi,
wichawusa isanga ja Wafilisti;
Waisraeli wichawusa masanga gha Efraimu na Samaria;
na wandu wa Benjamini wichawusa Gileadi.
20Ijeshi ja wubarishonyi jerefumieghe Israeli ya kaskazinyi,
wichawuya na kusima Foinike hata cha kaskazinyi kuvikia Zarefathi.
Na wandu wa wubarishonyi Jerusalemu, werefumieghe na kukaia Saridi,
wichaiwada mizi ya Juda ya kusinyi.
21Wasimi wa Jerusalemu wichaikaba Edomu na kuibonyera nguma
na BWANA moni uchakaia mzuri.”
ទើបបានជ្រើសរើសហើយ៖
OBADIA 1: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
OBADIA 1
1
1Ughu ni wulodi ghwa Obadia seji BWANA Mlungu ughorie aighu ya wandu wa Edomu.
Ikabo ja BWANA kwa Edomu
BWANA wamdumie mdumwa wake kwa iro mbari zima;
damsikire ukighora malagho agha:
“Wukenyi dilo na Edomu!”
2BWANA waizera Edomu, “Nichakubonya mnyonge aghadi ya mbari zima,
na oho kuchamenyeka nandighi.
3Lukaso lwako lookukalia,
Muzi ghwako m'baa ghooka na ngome riaghilo na magho ghikurie;
nyumba yako eeka aighu mghondinyi;
niko kwawuyaghamba, ‘Nani udimagha kunighusha andonyi?’
4Hata ngera kwabonyere muzi ghwako ghukakaia ighu sa kijungi cha indu,
hata ghuwonekeghe seji ghooka nyerinyerinyi,
ela nichakupotua andonyi.
5“Vitoi vikacha nakio, vadawusa vilambo wikunde.
Wandu wikakawaya zabibu, wasigharagha rimu ndinieri.
Ela wamaiza wako weekumeria putu.
6Inyo kivalwa cha Esau, mali yako yawusiro kwa ndighi.
7Waghenyi wako weekukalia; wakuwingie kufuma isangenyi jako.
Wandu werekoghe na sere na oho, wakusima.
Waghenyi wako morejanyagha wakudeghia shaghala;
waghora aighu yako, ‘Ugho wuing'oni orekoghe nagho ghuao?’
8“Ngelo niikabagha Edomu, nichawitotesha wandu waro wiko na suku,
na kuinja putu hikima yawo.
9Wandu wako wa wuda ee Temani,
wichangirwa kiture,
na kula asikari wa isanga ja Edomu,
uchabwaghwa.
Sababu ra Edomu kukabwa
10“Kwa kukaia kwawisokie na kuwibwagha wanyinyu, awo wana wa Jakobo,
kuchatoteshwa na kusowelwa ishima kwa kala na kala.
11Ituku wamaiza werechikanyireghe mbenge rawo, korekoghe kimusi aeni.
Korekoghe mmbiwi karakara na waja waghenyi weredukagha mali ra Jerusalemu
na kuwaghiana weni na weni.
12Ndekoredimagha kuboilwa ni kusokwa
kwa wanyinyu werekoghe Juda. Ndekoredimagha kuboilwa ituku werenonwagha.
Ndekoredimagha kuwiseka ngelo wiko andenyi ya wasi ghwawo.
13Ndekoredimagha kungia muzi ghwa wandu wapo,
na kuboilwa ni matiriro ghawo, na kuwada vilambo vawo,
wikikaia andenyi ya wasi ghwawo.#Isa. 34.5-17; 63.1-6; Jer. 49.7-22; Eze. 25.12-14; 35.1-15; Amo. 1.11-12; Mlk. 1.2-5
14Ndekoredimagha kukaia kimusi chia ra matano,
na kuwada awo werekoghe wikikimbia;
ndekoredimagha kuwinekeria wamaiza
ngelo ya wasi ghwawo.
Mlungu kuritanya iro mbari zima
15“Ituku jalighisa ja ini BWANA kutanya mbari rose.
Oho Edomu, kuchabonyerwa agho korebonyereghe.
Kuchalipwa agheni kubonyere.
16Wandu wapo wanyue kikombe chibirie cha makabo aighu
ya mghondi ghwapo ghwa wueli.
Ela mbari rose riko mbai-mbai richanywa kikombe chekabwa chibirie kuchumba;
wichachinywa chose hata wisie.
Wusimi ghwa Israeli
17“Ela kuchakaia na wandu wifufunukagha aighu ya Mghondi ghwa Sioni,
na aho kuchakaia andu kwa wueli.
Wandu wa Jakobo wichawusa isanga jiko mali yawo cheni.
18Wandu wa Jakobo
na nyumba ya Josefu, wichakaia sa modo;
wichawitotesha wandu wa Esau,
seji modo ghukoragha matasa.
Ndekuwadie mndungi wa kivalwa cha Esau uchaasigharika;
ini BWANA naghamba.
19“Wandu wa Juda ya kusinyi wichawusa Edomu;
wandu wifumie kirimba cha mighondi ya magharibi,
wichawusa isanga ja Wafilisti;
Waisraeli wichawusa masanga gha Efraimu na Samaria;
na wandu wa Benjamini wichawusa Gileadi.
20Ijeshi ja wubarishonyi jerefumieghe Israeli ya kaskazinyi,
wichawuya na kusima Foinike hata cha kaskazinyi kuvikia Zarefathi.
Na wandu wa wubarishonyi Jerusalemu, werefumieghe na kukaia Saridi,
wichaiwada mizi ya Juda ya kusinyi.
21Wasimi wa Jerusalemu wichaikaba Edomu na kuibonyera nguma
na BWANA moni uchakaia mzuri.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.