NAHUMU 1
1
1Agha ni mawono aighu ya Nineve ghiwonelo ni Nahumu ufumie Elkoshi.#Isa. 10.5-34; 14.24-27; Zef. 2.13-15
Machu gha BWANA aighu ya Nineve
2BWANA ni Mlungu wa iriso ulipiagha kisasi.
Wadawikaba awo wimtangalagha,
na kuwibonyera machu wamaiza wake.
3BWANA ndekaiagha wa shwa-shwa kubonya machu,
ela wawadie kudima.
Ndemsighagha mkosi usemkabie;
wadasela andenyi ya kikulughulu na kiremba;
mawingu ni teri yawusirwa ni maghu ghake.
4Wadaidokia bahari na kuiomera,
wadaomera meda yose.
Mbuwa ra Bashani ranyaya,
na Mghondi ghwa Karmeli ghwaoma.
Maua gha Lebanoni ghasia.
5Mighondi yasughusika imbiri ya BWANA.
Mighondi mitini yasagha imbiri yake.
Ndoenyi kwasughusika imbiri yake;
wurumwengu na vose viko andenyi yaro wori vasughusika.
6Nani udimagha kukaia moyo ukajokwa ni machu?
Nani udimagha kughirumaghia machu ghake ghibirie?
Machu ghake ghadilwa sa modo,
na magho ghabarika imbiri yake.
7BWANA waboie;
wadawilindia wandu wake ngelo ya wasi.
Wadawilindia awo wimrumiriagha.
8Ela uchawimeria wamaiza wake putu sa kudwalwa ni machi mengi;
uchawighenja wamaiza wake cha kifonyi.
9Ni njamaki mbiwi mwawuyam'bonyera BWANA?
Uchamtotesha putu.
Ndekabagha wandu kawi.
10Inyo wawongeri, mkeduaranganywa sa minjwa na matasa,
mchakorwa na modo mmerelo.
11Mundu ubonyere njama mbiwi aighu ya BWANA oofuma kwako ee Nineve,
uo ubonyere mipango ya wuwiwi.
12BWANA wawizera wandu wake Israeli huwu,
“Hata ngera Waashuru weko wengi, wiwadie ndighi,
wichatoteshwa na kusoweka.
Nerekubonyereghe kukakorongeka,
ela sichaakubonya huwo sena.
13Nichawimeria Wasiria, na kuiinja minyororo erekufungieghe.”
14BWANA wafunya itangazo huwu aighu yako ee Ashuru,
“Ndekuchaakaia na kivalwa chewika irina jako.
Nichainona milimu iko andenyi ya hekalu yako.
Nichakubonyera kaburi angu isefwane kukaie moyo.”
15Wona mdumwa waawuyacha aighu mghondinyi na
malagho mecha;
waawuyachaghora malagho gha wusimi!
Bonyenyi karamu ee wandu wa Juda,
mumneke Mlungu ivo moremlaghirieghe;
mmbiwi ndechaakaba isanga jako sena,
oosimwa putu.#Isa. 52.7
ទើបបានជ្រើសរើសហើយ៖
NAHUMU 1: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
NAHUMU 1
1
1Agha ni mawono aighu ya Nineve ghiwonelo ni Nahumu ufumie Elkoshi.#Isa. 10.5-34; 14.24-27; Zef. 2.13-15
Machu gha BWANA aighu ya Nineve
2BWANA ni Mlungu wa iriso ulipiagha kisasi.
Wadawikaba awo wimtangalagha,
na kuwibonyera machu wamaiza wake.
3BWANA ndekaiagha wa shwa-shwa kubonya machu,
ela wawadie kudima.
Ndemsighagha mkosi usemkabie;
wadasela andenyi ya kikulughulu na kiremba;
mawingu ni teri yawusirwa ni maghu ghake.
4Wadaidokia bahari na kuiomera,
wadaomera meda yose.
Mbuwa ra Bashani ranyaya,
na Mghondi ghwa Karmeli ghwaoma.
Maua gha Lebanoni ghasia.
5Mighondi yasughusika imbiri ya BWANA.
Mighondi mitini yasagha imbiri yake.
Ndoenyi kwasughusika imbiri yake;
wurumwengu na vose viko andenyi yaro wori vasughusika.
6Nani udimagha kukaia moyo ukajokwa ni machu?
Nani udimagha kughirumaghia machu ghake ghibirie?
Machu ghake ghadilwa sa modo,
na magho ghabarika imbiri yake.
7BWANA waboie;
wadawilindia wandu wake ngelo ya wasi.
Wadawilindia awo wimrumiriagha.
8Ela uchawimeria wamaiza wake putu sa kudwalwa ni machi mengi;
uchawighenja wamaiza wake cha kifonyi.
9Ni njamaki mbiwi mwawuyam'bonyera BWANA?
Uchamtotesha putu.
Ndekabagha wandu kawi.
10Inyo wawongeri, mkeduaranganywa sa minjwa na matasa,
mchakorwa na modo mmerelo.
11Mundu ubonyere njama mbiwi aighu ya BWANA oofuma kwako ee Nineve,
uo ubonyere mipango ya wuwiwi.
12BWANA wawizera wandu wake Israeli huwu,
“Hata ngera Waashuru weko wengi, wiwadie ndighi,
wichatoteshwa na kusoweka.
Nerekubonyereghe kukakorongeka,
ela sichaakubonya huwo sena.
13Nichawimeria Wasiria, na kuiinja minyororo erekufungieghe.”
14BWANA wafunya itangazo huwu aighu yako ee Ashuru,
“Ndekuchaakaia na kivalwa chewika irina jako.
Nichainona milimu iko andenyi ya hekalu yako.
Nichakubonyera kaburi angu isefwane kukaie moyo.”
15Wona mdumwa waawuyacha aighu mghondinyi na
malagho mecha;
waawuyachaghora malagho gha wusimi!
Bonyenyi karamu ee wandu wa Juda,
mumneke Mlungu ivo moremlaghirieghe;
mmbiwi ndechaakaba isanga jako sena,
oosimwa putu.#Isa. 52.7
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.