MARKO 4
4
Mfwano ghwa muwi mbeu
(Mat. 13.1-9; Lk. 8.4-8)
1Nao Jesu ukazoya kufundisha sena mbai na mbai ya ndiwa. Izungu ibaa jikamkwanyikia, nao ukangia ishuonyi, ukakaia ndiwenyi, na jija izungu jose jikakaia mbai-mbai ya ndiwa, andu kuomie.#Lk. 5.1-3 2Ukawifundisha maza nyingi kwa mifwano, na kwa mafundisho ghake ukawizera, 3“Sikirienyi: Muwi mbeu orefumieghe kwenda kuwa mbeu, 4na iji orekoghe ukiwa, mbeu rimu rikapotoka chienyi, na nyonyi rikacha rikarija. 5Rimu rikapotoka maghonyi, andu ndoe riserekoghe nyingi; nao ahoeni rikabuka, na kwa kukaia ndoe raro riseremilieghe, 6iji iruwa jajoka, rikakoreka, na angu riserekoghe na miri ingi, rikaoma. 7Rimu rikapotoka midinyi ya minjwa, na ija midi ikazoghua na kuribwagha, risevae kindo chingi anduangi. 8Rimu rikapotoka ndoe iwurue, rikazoghua, rikiva na kuchurikia; rikava imu mirongo idadu, na imu mirongo irandadu, na imu ighana.” 9Niko ukawizera, “Uo uko na madu ghesikira, ndesikire.”
Makusudi gha mifwano
(Mat. 13.10-17; Lk. 8.9-10)
10Nao iji Jesu oresighiloghe uekeri, wamu wa awo wandu weremkwanyikieghe, andwamweri na wanughi wake ikumi na wawi, wikamkotia kutambua kwaro mifwano iyo. 11Nao ukawizera, “Inyo mwanekelo kuimanya ngasu ya Wuzuri ghwa Mlungu, ela awo wiko shighadi yaro, kwawo maza rose radaghorwa kwa mifwano; 12eri,
‘Kuzighana, loli wizighane,
ela wisakewona anduangi;
na kusikira, loli wisikire,
ela wisaketambukilwa anduangi.
Eri wisecheghaluka,
na kulekelwa kaung'a rawo.’”#Isa. 6.9-10
Jesu kuwitambushira mfwano ghwa muwi mbeu
(Mat. 13.18-23; Lk. 8.11-15)
13Niko Jesu ukawikotia, “Welee, na inyo ndemtambukilwagha ni mfwano ughu? Mchaitambua wada mifwano mizima? 14Uja muwi mbeu wadawa jija ilagho. 15Awa niwo sa mbeu rerepotokieghe chienyi, andu ilagho jiwalwagha, hata iji wajisikira, ahoeni wacha Shetani na kujifunya jija ilagho jiwalo andenyi kwawo. 16Wokoni wamu wafwanana na rija ra maghonyi; awo wijisikiragha ilagho, na nyuma ya kujisikira, ahoeni wajiwadia kwa kuboilwa, 17ela ndewina miri ingi andenyi kwawo, wakaia kwa ngelo ndini. Konyuma, kukacha kutirirwa angu kusumbulwa kwa wundu ghwa ilagho ijo, ahoeni wadajisigha. 18Na wamu wakaia sa iro riwalo minjonyi. Wajisikira jija ilagho, 19ela masumbuko gha wurumwengu, kuboilwanya na bea ra vilambo vizima, kwangia na kujibwagha jija ilagho; najo jalemwa ni kuva matunda. 20Ela wamu ni sa rija mbeu rerewaloghe ndoe iwurue. Awo wajisikira jija ilagho na kujirumiria; nawo wava umu mirongo idadu, na umu mirongo irandadu, na umu ighana.”
Taa ifinikiro
(Lk. 8.16-18)
21Nao Jesu ukawizera sena, “Welee, taa yadaredwa ifinikiro pishi angu kuwikwa wusolowenyi? Nechi yadawikwa kiwanikonyi kwaro.#Mat. 5.15; Lk. 11.33 22Angu ndekuwadie kindo chingi chiviswagha, chisechaawoneka; hata kindo chingi chifinikiro chisechaamanyika worinyi anduangi.#Mat. 10.26; Lk. 12.2 23Mndungi ukakaia na madu ghesikira ndesikire.”
24Nao ukawizera, “Sikirienyi nicha agha: chija kipimo mpimiagha nacho wambenyu, nicho cheni mchaapimilwa ni Mlungu, sena mchachurilwa.#Mat. 7.2; Lk. 6.38 25Angu uo uko na kilambo chimu, uchanekwa; ela uo usewadie, uchasokwa hata icho uko nacho.”#Mat. 13.12; 25.29; Lk. 19.26
Mfwano ghwa mbeu seji ibukagha
26Jesu ukaghamba, “Wuzuri ghwa Mlungu ni seji mundu uwagha mbeu andoenyi. 27Nakio wadalala na kuwuka nakesho, na ngelo iyo, mbeu radabuka na kuzoghua, hata usemanyagha seji ibonyekagha anduangi. 28Ndoe yadazoghora miwalwa cheni, imbiri radabuka mambo na kuzoghua, na kureda changa cha wunyinya, konyuma wunyinya ghwadawuya ndembe. 29Hata iji viro vaoma, ahoeni vadakuwidwa, angu mvono ghwavika.”#Joe. 3.13
Mfwano ghwa mbeu ya haradali
(Mat. 13.31-32, 34; Lk. 13.18-19)
30Nao Jesu ukaghamba, “Welee, dighufwananishe naki wuzuri ghwa Mlungu? Angu dighuwonyere kwa mfwano ghuao? 31Ni sa mbeu ya haradali, nayo iji iwalwagha ndoenyi, eko ndini kuchumba mbeu rose riko ndoenyi. 32Ela iji yabuka, yadazoghua na kuwuya mudi m'baa kuchumba yose, hata nyonyi ra mbeonyi radabonya vijungu mbashunyi rake.” 33Kwa mifwano mingi sa iyo, Jesu ukawighoria jija ilagho sa iji weredimieghe kujisikira; 34hata kuseko na mfwano ndereghorieghe nawo anduangi; ela iji werekoghe wiekeri, ukawitambuya wanughi wake maza rose.
Jesu kunyamirisha kiremba
(Mat. 8.23-27; Lk. 8.22-25)
35Ituku ijo jeni, iji ndoe yaswa, Jesu ukawizera wanughi wake, “Diruwuke noko kimonu.” 36Wikajisigha jija izungu, wikamdwa kwa jija ishua orekoghe, na mashua zima rikanughana nao. 37Nao kiremba kibaa chikazoya kuweta, na mivo-mivo ya machi ikawoka kusukiria jija ishua, hata jikakunda kuchua machi. 38Ela uo moni orekoghe chia ya nyuma ishuonyi ulale mtonyi; nao wikammbusira wikimzera, “Mwalimu, ndekutalagha iji isi datota?” 39Jesu ukawuka, ukaikemia mbeo, na kuizera ndiwa, “Nyama, kuhoo”. Nao mbeo ikasia, kukakaia kuhoa kubaa. 40Niko Jesu ukawizera wanughi wake, “Kwaki mwaobua? Mduagha msene irumirio?” 41Nao wikaobua loli-loli, wikazerana weni na weni, “Uhu nani sena, hata mbeo na ndiwa radamsikira?”
ទើបបានជ្រើសរើសហើយ៖
MARKO 4: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MARKO 4
4
Mfwano ghwa muwi mbeu
(Mat. 13.1-9; Lk. 8.4-8)
1Nao Jesu ukazoya kufundisha sena mbai na mbai ya ndiwa. Izungu ibaa jikamkwanyikia, nao ukangia ishuonyi, ukakaia ndiwenyi, na jija izungu jose jikakaia mbai-mbai ya ndiwa, andu kuomie.#Lk. 5.1-3 2Ukawifundisha maza nyingi kwa mifwano, na kwa mafundisho ghake ukawizera, 3“Sikirienyi: Muwi mbeu orefumieghe kwenda kuwa mbeu, 4na iji orekoghe ukiwa, mbeu rimu rikapotoka chienyi, na nyonyi rikacha rikarija. 5Rimu rikapotoka maghonyi, andu ndoe riserekoghe nyingi; nao ahoeni rikabuka, na kwa kukaia ndoe raro riseremilieghe, 6iji iruwa jajoka, rikakoreka, na angu riserekoghe na miri ingi, rikaoma. 7Rimu rikapotoka midinyi ya minjwa, na ija midi ikazoghua na kuribwagha, risevae kindo chingi anduangi. 8Rimu rikapotoka ndoe iwurue, rikazoghua, rikiva na kuchurikia; rikava imu mirongo idadu, na imu mirongo irandadu, na imu ighana.” 9Niko ukawizera, “Uo uko na madu ghesikira, ndesikire.”
Makusudi gha mifwano
(Mat. 13.10-17; Lk. 8.9-10)
10Nao iji Jesu oresighiloghe uekeri, wamu wa awo wandu weremkwanyikieghe, andwamweri na wanughi wake ikumi na wawi, wikamkotia kutambua kwaro mifwano iyo. 11Nao ukawizera, “Inyo mwanekelo kuimanya ngasu ya Wuzuri ghwa Mlungu, ela awo wiko shighadi yaro, kwawo maza rose radaghorwa kwa mifwano; 12eri,
‘Kuzighana, loli wizighane,
ela wisakewona anduangi;
na kusikira, loli wisikire,
ela wisaketambukilwa anduangi.
Eri wisecheghaluka,
na kulekelwa kaung'a rawo.’”#Isa. 6.9-10
Jesu kuwitambushira mfwano ghwa muwi mbeu
(Mat. 13.18-23; Lk. 8.11-15)
13Niko Jesu ukawikotia, “Welee, na inyo ndemtambukilwagha ni mfwano ughu? Mchaitambua wada mifwano mizima? 14Uja muwi mbeu wadawa jija ilagho. 15Awa niwo sa mbeu rerepotokieghe chienyi, andu ilagho jiwalwagha, hata iji wajisikira, ahoeni wacha Shetani na kujifunya jija ilagho jiwalo andenyi kwawo. 16Wokoni wamu wafwanana na rija ra maghonyi; awo wijisikiragha ilagho, na nyuma ya kujisikira, ahoeni wajiwadia kwa kuboilwa, 17ela ndewina miri ingi andenyi kwawo, wakaia kwa ngelo ndini. Konyuma, kukacha kutirirwa angu kusumbulwa kwa wundu ghwa ilagho ijo, ahoeni wadajisigha. 18Na wamu wakaia sa iro riwalo minjonyi. Wajisikira jija ilagho, 19ela masumbuko gha wurumwengu, kuboilwanya na bea ra vilambo vizima, kwangia na kujibwagha jija ilagho; najo jalemwa ni kuva matunda. 20Ela wamu ni sa rija mbeu rerewaloghe ndoe iwurue. Awo wajisikira jija ilagho na kujirumiria; nawo wava umu mirongo idadu, na umu mirongo irandadu, na umu ighana.”
Taa ifinikiro
(Lk. 8.16-18)
21Nao Jesu ukawizera sena, “Welee, taa yadaredwa ifinikiro pishi angu kuwikwa wusolowenyi? Nechi yadawikwa kiwanikonyi kwaro.#Mat. 5.15; Lk. 11.33 22Angu ndekuwadie kindo chingi chiviswagha, chisechaawoneka; hata kindo chingi chifinikiro chisechaamanyika worinyi anduangi.#Mat. 10.26; Lk. 12.2 23Mndungi ukakaia na madu ghesikira ndesikire.”
24Nao ukawizera, “Sikirienyi nicha agha: chija kipimo mpimiagha nacho wambenyu, nicho cheni mchaapimilwa ni Mlungu, sena mchachurilwa.#Mat. 7.2; Lk. 6.38 25Angu uo uko na kilambo chimu, uchanekwa; ela uo usewadie, uchasokwa hata icho uko nacho.”#Mat. 13.12; 25.29; Lk. 19.26
Mfwano ghwa mbeu seji ibukagha
26Jesu ukaghamba, “Wuzuri ghwa Mlungu ni seji mundu uwagha mbeu andoenyi. 27Nakio wadalala na kuwuka nakesho, na ngelo iyo, mbeu radabuka na kuzoghua, hata usemanyagha seji ibonyekagha anduangi. 28Ndoe yadazoghora miwalwa cheni, imbiri radabuka mambo na kuzoghua, na kureda changa cha wunyinya, konyuma wunyinya ghwadawuya ndembe. 29Hata iji viro vaoma, ahoeni vadakuwidwa, angu mvono ghwavika.”#Joe. 3.13
Mfwano ghwa mbeu ya haradali
(Mat. 13.31-32, 34; Lk. 13.18-19)
30Nao Jesu ukaghamba, “Welee, dighufwananishe naki wuzuri ghwa Mlungu? Angu dighuwonyere kwa mfwano ghuao? 31Ni sa mbeu ya haradali, nayo iji iwalwagha ndoenyi, eko ndini kuchumba mbeu rose riko ndoenyi. 32Ela iji yabuka, yadazoghua na kuwuya mudi m'baa kuchumba yose, hata nyonyi ra mbeonyi radabonya vijungu mbashunyi rake.” 33Kwa mifwano mingi sa iyo, Jesu ukawighoria jija ilagho sa iji weredimieghe kujisikira; 34hata kuseko na mfwano ndereghorieghe nawo anduangi; ela iji werekoghe wiekeri, ukawitambuya wanughi wake maza rose.
Jesu kunyamirisha kiremba
(Mat. 8.23-27; Lk. 8.22-25)
35Ituku ijo jeni, iji ndoe yaswa, Jesu ukawizera wanughi wake, “Diruwuke noko kimonu.” 36Wikajisigha jija izungu, wikamdwa kwa jija ishua orekoghe, na mashua zima rikanughana nao. 37Nao kiremba kibaa chikazoya kuweta, na mivo-mivo ya machi ikawoka kusukiria jija ishua, hata jikakunda kuchua machi. 38Ela uo moni orekoghe chia ya nyuma ishuonyi ulale mtonyi; nao wikammbusira wikimzera, “Mwalimu, ndekutalagha iji isi datota?” 39Jesu ukawuka, ukaikemia mbeo, na kuizera ndiwa, “Nyama, kuhoo”. Nao mbeo ikasia, kukakaia kuhoa kubaa. 40Niko Jesu ukawizera wanughi wake, “Kwaki mwaobua? Mduagha msene irumirio?” 41Nao wikaobua loli-loli, wikazerana weni na weni, “Uhu nani sena, hata mbeo na ndiwa radamsikira?”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.