MATHAYO 7
7
Kuwitanya wazima
(Lk. 6.37-38, 41-42)
1“Msaketanya wazima, msechetanywa inyo wori; 2angu sa iji koni muwitanyagha wazima, nikokoni na inyo mchaatanywa ni Mlungu; na icho kipimo mpimiagha nacho wambenyu, nicho cheni chichaatumilwa kumpimia inyo.#Mk. 4.24 3Kwaki kuchiwonagha kijaghulu chiko andenyi ya iriso ja mwanyinyu, na icho kilingo chiko irisonyi kwako kumoni kusechiwonagha? 4Angu, kuchadima wada kumzera mwanyinyu, ‘Leka nikufunye icho kijaghulu chiko irisonyi kwako;’ iji oho kumoni kuko na kilingo irisonyi kwako? 5Muji-kuwi oho! Inja icho kilingo chiko irisonyi kwako kande, ima niko kuchaawona nicha kudime kuchifunya icho kijaghulu chiko irisonyi kwa mwanyinyu.
6“Mserineke koshi vilambo va wueli, risechemghalukia na kumrashua inyo; hata lulu renyu msakerikumbia nguwe, risecheriwadia na maghu ghawo.
Lomba, kulole, kukongode
(Lk. 11.9-13)
7“Lombenyi, nenyo mchanekwa; lolenyi, nenyo mchawona; kongodenyi, nenyo mcharughuilwa. 8Angu uo ulombagha uchanekwa, uo ulolagha uchawona, na uo ukongodagha ucharughuilwa. 9Oko mndungi konyu kasikira mwana wake wamlomba mkate, uchaamneka igho? 10Angu ukalomba samaki, uchaamneka choka? 11Ikakaia inyo muko wawiwi mwaichi kuwineka wana wenyu vilambo viboie, Ndeyo onyu uko mlungunyi ndechaachumba kuwineka mecha ghose awo wamlombagha anguwada? 12Wibonyerenyi wandu wazima agho gheni mkundagha m'bonyero ni awo, angu uku niko kutambua kwaro Sharia na mafundisho gha walodi.#Lk. 6.31
Mnyango msuse
(Lk. 13.24)
13“Ngienyi mkiidiria mnyango msuse. Angu mnyango ni mshapa, na chia eghenda kutotenyi yaangue; wandu nawo wiidiriagha aho ni wengi. 14Ela mnyango ni msuse, na chia eghenda iranginyi ni ya wasi; nayo ni wandu watini wiiwonagha iyo chia.
Mudi ghwadamanyika kwa matunda gharo
(Lk. 6.43-44)
15“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie. 16Mchawimanya kwa mabonyo ghawo. Welee, idimika kuwaya zabibu minjonyi angu tini kwa mndandangoma? 17Kwa huwu mudi mucha ghwadava matunda ghiboie, na mudi ghuzamie ghwadava matunda ghizamie. 18Mudi ghuboie ndeghudimagha kuva matunda ghizamie, hata mudi ghuzamie kuva matunda ghiboie anduangi. 19Kula mudi ghusevagha matunda ghiboie, ghwadademwa na kukumbwa modonyi.#Mat. 3.10; Lk. 3.9 20Kwa wundu ughu, mchawimanya kwa matunda ghawo.#Mat. 12.33
Jingi seremmanyireghe inyo
(Lk. 13.25-27)
21“Si kula mundu uniwangagha ‘Bwana, Bwana’ uchaangia kwa wuzuri ghwa Mlungu anduangi; ela ni uo ulubonyagha lukundo lwa Aba uko mlungunyi. 22Wengi wichanizera Ituku Jija, ‘Bwana, Bwana, ndederechilieghe kwa irina jako, na kwa irina jako dikawinga pepo na kubonya weke mwakilimbiti wengi?’ 23Nani nichawizera, ‘Simwichi inyo putu; injikenyi noko inyo wabonyi mawiwi.’#Zab. 6.9
Waaghi nyumba wa mbari iwi
(Lk. 6.47-49)
24“Niko huwu kula mundu ughisikiragha malagho ghapo na kughiwadia, uchafwananishwa na mundu uko na akili, oreaghieghe nyumba yake aighu ya igho. 25Vua ikanya, meda ikachua machi, sena mbeo ikaweta aighu ya iyo nyumba, ela ndeereghueghe anduangi; angu ereaghiloghe aighu ya igho. 26Ela uo usikiragha malagho ghapo nao ndeghiwadagha anduangi, uchafwananishwa na mundu mkelu, oreaghieghe nyumba yake msangaghenyi. 27Vua ikanya, meda ikachua machi, na mbeo ya kiremba ikaweta aighu ya iyo nyumba, nayo ikaghwa. Na kughwa kwaro kukakaia kubaa.”
Nguma ya Jesu
28Nao iji Jesu waghimeria malagho agho, jija izungu ja wandu wikashinika kwa wundu ghwa agho mafundisho ghake;#Mk. 1.22; Lk. 4.32 29angu userefundishireghe sa walimu wa Sharia, ela orefundishireghe kwa nguma.
ទើបបានជ្រើសរើសហើយ៖
MATHAYO 7: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MATHAYO 7
7
Kuwitanya wazima
(Lk. 6.37-38, 41-42)
1“Msaketanya wazima, msechetanywa inyo wori; 2angu sa iji koni muwitanyagha wazima, nikokoni na inyo mchaatanywa ni Mlungu; na icho kipimo mpimiagha nacho wambenyu, nicho cheni chichaatumilwa kumpimia inyo.#Mk. 4.24 3Kwaki kuchiwonagha kijaghulu chiko andenyi ya iriso ja mwanyinyu, na icho kilingo chiko irisonyi kwako kumoni kusechiwonagha? 4Angu, kuchadima wada kumzera mwanyinyu, ‘Leka nikufunye icho kijaghulu chiko irisonyi kwako;’ iji oho kumoni kuko na kilingo irisonyi kwako? 5Muji-kuwi oho! Inja icho kilingo chiko irisonyi kwako kande, ima niko kuchaawona nicha kudime kuchifunya icho kijaghulu chiko irisonyi kwa mwanyinyu.
6“Mserineke koshi vilambo va wueli, risechemghalukia na kumrashua inyo; hata lulu renyu msakerikumbia nguwe, risecheriwadia na maghu ghawo.
Lomba, kulole, kukongode
(Lk. 11.9-13)
7“Lombenyi, nenyo mchanekwa; lolenyi, nenyo mchawona; kongodenyi, nenyo mcharughuilwa. 8Angu uo ulombagha uchanekwa, uo ulolagha uchawona, na uo ukongodagha ucharughuilwa. 9Oko mndungi konyu kasikira mwana wake wamlomba mkate, uchaamneka igho? 10Angu ukalomba samaki, uchaamneka choka? 11Ikakaia inyo muko wawiwi mwaichi kuwineka wana wenyu vilambo viboie, Ndeyo onyu uko mlungunyi ndechaachumba kuwineka mecha ghose awo wamlombagha anguwada? 12Wibonyerenyi wandu wazima agho gheni mkundagha m'bonyero ni awo, angu uku niko kutambua kwaro Sharia na mafundisho gha walodi.#Lk. 6.31
Mnyango msuse
(Lk. 13.24)
13“Ngienyi mkiidiria mnyango msuse. Angu mnyango ni mshapa, na chia eghenda kutotenyi yaangue; wandu nawo wiidiriagha aho ni wengi. 14Ela mnyango ni msuse, na chia eghenda iranginyi ni ya wasi; nayo ni wandu watini wiiwonagha iyo chia.
Mudi ghwadamanyika kwa matunda gharo
(Lk. 6.43-44)
15“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie. 16Mchawimanya kwa mabonyo ghawo. Welee, idimika kuwaya zabibu minjonyi angu tini kwa mndandangoma? 17Kwa huwu mudi mucha ghwadava matunda ghiboie, na mudi ghuzamie ghwadava matunda ghizamie. 18Mudi ghuboie ndeghudimagha kuva matunda ghizamie, hata mudi ghuzamie kuva matunda ghiboie anduangi. 19Kula mudi ghusevagha matunda ghiboie, ghwadademwa na kukumbwa modonyi.#Mat. 3.10; Lk. 3.9 20Kwa wundu ughu, mchawimanya kwa matunda ghawo.#Mat. 12.33
Jingi seremmanyireghe inyo
(Lk. 13.25-27)
21“Si kula mundu uniwangagha ‘Bwana, Bwana’ uchaangia kwa wuzuri ghwa Mlungu anduangi; ela ni uo ulubonyagha lukundo lwa Aba uko mlungunyi. 22Wengi wichanizera Ituku Jija, ‘Bwana, Bwana, ndederechilieghe kwa irina jako, na kwa irina jako dikawinga pepo na kubonya weke mwakilimbiti wengi?’ 23Nani nichawizera, ‘Simwichi inyo putu; injikenyi noko inyo wabonyi mawiwi.’#Zab. 6.9
Waaghi nyumba wa mbari iwi
(Lk. 6.47-49)
24“Niko huwu kula mundu ughisikiragha malagho ghapo na kughiwadia, uchafwananishwa na mundu uko na akili, oreaghieghe nyumba yake aighu ya igho. 25Vua ikanya, meda ikachua machi, sena mbeo ikaweta aighu ya iyo nyumba, ela ndeereghueghe anduangi; angu ereaghiloghe aighu ya igho. 26Ela uo usikiragha malagho ghapo nao ndeghiwadagha anduangi, uchafwananishwa na mundu mkelu, oreaghieghe nyumba yake msangaghenyi. 27Vua ikanya, meda ikachua machi, na mbeo ya kiremba ikaweta aighu ya iyo nyumba, nayo ikaghwa. Na kughwa kwaro kukakaia kubaa.”
Nguma ya Jesu
28Nao iji Jesu waghimeria malagho agho, jija izungu ja wandu wikashinika kwa wundu ghwa agho mafundisho ghake;#Mk. 1.22; Lk. 4.32 29angu userefundishireghe sa walimu wa Sharia, ela orefundishireghe kwa nguma.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.