MATHAYO 27
27
Jesu kughenjwa kwa Pilato
(Mk. 15.1; Lk. 23.1-2; Joh. 18.28-32)
1Nao iji ndoe yaela, wakohani wabaa wose na waghosi wa wandu, wikabonya njama aighu ya Jesu wipate kum'bwagha; 2wikamfunga na kumghenja kwa Pilato, m'baa wa isanga.
Kifwa cha Juda
(Mab. 1.18-19)
3Niko aho Juda, uo oremfunyireghe, iji wawona angu Jesu wameria kutanywa, ukahea na kuwiwunjira wakohani wabaa na waghosi vija vibelele mirongo idadu va feza;#Mab. 1.18-19 4ukighamba, “Nabonya kaung'a kwa kumfunya mundu wa hachi ubwagho.” Ela awo wikaghamba, “Ijo si ilagho jingi jedu, jizighane kumoni.” 5Nao Juda ukavikumba vija vibelele va feza andoenyi andenyi ya Hekalu; ukafuma ukaghenda na kukukumba lugha. 6Nao wakohani wabaa wikavishoa vija vibelele va feza wikaghamba, “Sharia yadalegha disekumbe pesa ra bagha andenyi ya isanduku ja mali ya Hekalu.” 7Wikabonya njama, nawo wikaghua naro mbuwa ya mvimbi, ikaie andu korikia waghenyi. 8Niko huwo mbuwa iyo yawangwa “Mbuwa ya bagha” hata linu.
9Niko ghikakatia agho malagho ghereghoreloghe ni mlodi Jeremia ghighambagha,
“Werewadieghe vibelele mirongo idadu va feza,
ighuri ja uo mundu wana wamu wa Israeli werejiboisirege,#Zek. 11.12-13
10wikaghua naro mbuwa ya mvimbi
sa iji Bwana moni orenilaghirieghe.”
Pilato kumkotia Jesu makoto
(Mk. 15.2-5; Lk. 23.3-5; Joh. 18.33-38)
11Nao Jesu ukakaia kimusi imbiri ya m'baa wa isanga; na m'baa wa isanga ukamkotia, “Welee, oho ko Mzuri wa Wayahudi?” Jesu ukaghamba, “Ohokwaghamba.” 12Ela iji orekoghe ukishitakilwa ni wakohani wabaa na waghosi, uo nderetumbulieghe ilagho jingi anduangi. 13Niko Pilato ukamkotia, “Welee, ndekusikiragha seji wikushitakiagha na maza nyingi?” 14Ela Jesu nderetumbulieghe ilagho jingi anduangi, hata uo m'baa wa isanga ukashinika.
Jesu kutanywa ubwagho
(Mk. 15.6-15; Lk. 23.13-25; Joh. 18.39–19.16)
15Idana kwa ngelo ya Pasaka, m'baa wa isanga orekoghe na mzango ghowifunguya wandu mfungwa uo ose wichaamkunda. 16Ngelo iyo korekoghe na mfungwa umweri umanyikie uwangwagha Baraba. 17Nao iji wandu wakwanyika, Pilato ukawikotia, “Mwakunde nimfunguye ani, Baraba angu Jesu uwangwagha Kristo?” 18Angu oremanyireghe waamfunya tu kwa wundu ghwa iriso jawo. 19Hata iji oreserieghe kidombo kwa kifumbi cha kutanya, mkake ukamdumia momu ukighamba, “Kusekaie na ilagho jingi na uo mundu wa hachi, angu ikwau nasumbukie kwa mengi ndodonyi kwa wundu ghwake.” 20Wakohani wabaa na waghosi werewishingirieghe wandu wimlombe Baraba, na Jesu utotesho. 21Nao M'baa wa isanga ukawikotia sena, “Nani aghadi ya awa wawi mkunde nimfunguye?” wikaghamba, “Baraba.” 22Pilato ukawikotia, “Na Jesu uo uwangwagha Kristo nim'bonye wada?” Nao wose wikaghamba, “Ndesulubisho!” 23Nao ukawizera, “Kwaki? Wabonya wada?” Ela wikachuria kuwusira chwaka rawo na kughamba, “Ndesulubisho!” 24Nao iji Pilato wawona angu ndedimagha kubonya ilagho jingi, na seji nganyi yadima kuzoya, ukawusa machi na kuoghosha vala vake imbiri ya izungu jose ukighamba, “Ini naela kufumanya na bagha ya mundu uhu, agho mughizighane mmbeni.”#Wuk. 21.6-9 25Wandu wose wikaghamba, “Bagha yake ndeikaie aighu yedu na aighu ya wana wedu!” 26Niko ukawifunguya Baraba; ela Jesu nyuma ya kumkaba na viboko, ukamfunya kwawo usulubisho.
Masikari kumsholia Jesu
(Mk. 15.16-20; Joh. 19.2-3)
27Nao masikari gha m'baa wa isanga wikammbwada Jesu na kumngira andenyi ya ngome iwangwagha Praetoriumu, na masikari ghose ghikamkwanyikia. 28Wikamrua nguwo rake na kumrusha ijoho ja mkundu; 29sena wikaluka kirumbu cha minjwa, wikammbikiria chongonyi kwake, wikamneka mrangi uwadie kwa mkonu ghwake ghwa kiwomi; wikamdungia ngokoro na kumseka wikighamba, “Dua moyo Mzuri wa Wayahudi!” 30Wikamchuya mada, wikamsoka ghuja mrangi na kumkaba nagho chongonyi. 31Hata iji wameria kumseka, wikamrua jija ijoho na kumrusha nguwo rake reni. Niko wikamghenja noko upate kusulubishwa.
Jesu kusulubishwa
(Mk. 15.21-32; Lk. 23.26-43; Joh. 19.17-27)
32Nao iji werekoghe wikifuma, wikammbona mundu umu wa Kurene uwangwagha Simoni, na waja masikari wikamlazimisha ughuduke msalaba ghwa Jesu. 33Hata iji werevikieghe andu kuwangwagha Golgotha, kutambua kwaro ni “Andu kwa Ngoma ya Chongo,” 34wikamneka divei iranganyiro na nyongo upate kunywa; ela iji waitoa, ukalegha kuinywa.#Zab. 69.22 35Hata iji wameria kumsulubisha, wikawaghiana nguwo rake kwa kukaba kura;#Zab. 22.19 36niko wikasea kidombo aho wikimlindia. 37Chongonyi kwake naighu wereandikieghe mashitaki agha, “UHU NI JESU MZURI WA WAYAHUDI.” 38Na vitoi viwi veresulubishiroghe andwamweri na Jesu, chimu chia ya mkonu ghwake ghwa kiwomi, na chimu chia ya mkonu ghwake ghwa kiwaka.
39Na wandu werekoghe wikiida wikamsholia Jesu wikisughusa vongo vawo,#Zab. 22.8; 109.25 40wikighamba, “Haya, oho kuinonagha Hekalu na kuiagha kwa matuku adadu, kukukire kumoni! Ngera loli ko Mwana wa Mlungu, oke sea msalabenyi.”#Mat. 26.61; Joh. 2.19 41Huwo koni wakohani wabaa, walimu wa Sharia, na waghosi wikamsholia, 42wikighamba, “Orewikirieghe wazima ela ndedimagha kukukira uo moni, nechi wei uo ni Mzuri wa Israeli; oke ndesee msalabenyi idakoni, nesi dicharumiria kwake. 43Wamrumirie Mlungu, na kukuwanga ‘Mwana wa Mlungu.’ Oke Mlungu ndemkire idana ngera loli wamkunde.”#Zab. 22.9 44Na vija vitoi veresulubishiroghe andwamweri nao vikamsholia wokoni.
Kufwa kwa Jesu
(Mk. 15.33-41; Lk. 23.44-49; Joh. 9.28-30)
45Nao kufuma saa irandadu, kira chikasea isanga jose, hata saa ikenda. 46Iendavika saa ikenda, Jesu ukakema kwa lwaka lubaa, “Eli, Eli, lama sabakithani?” Kutambua kwaro, “Mlungu wapo, Mlungu wapo, kwaki kwanisigha?”#Zab. 22.2 47Niko wandu wamu werekoghe kimusi aho, iji wasikira agho wikaghamba, “Mundu uhu waawuyammbanga Elija.” 48Nao shwa wori mndumu ukaghenda na iseghe ukashoa sponji na kuingira andenyi ya siki, ukaifunga mdonyi ghwa mrangi, ukamjosera upate kunywa.#Zab. 69.22 49Ela wazima wikaghamba, “Lekenyi dilangarie ngera Elija ucha kumkira.” 50Nao Jesu ukakema sena na lwaka lubaa ukaifunya roho yake. 51Niko aho pazia ya Hekalu ikarashuka vibelele viwi kufuma aighu hata andoenyi; ndoe ikasughusika, na magho ghikabarika;#Kuf. 26.31-33 52makaburi ghikarughuka, na mimbi mingi ya waeli werelalieghe ikarukishwa, 53wikafuma makaburinyi kwawo nyuma ya Jesu kuruka kufuma kwa wafu, wikaghungia ugho Muzi ghwa Wueli wikawifutukia wengi.
54Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.” 55Wokoni korekoghe na waka walazi aho werekoghe wikizighanira kwa kula, awo weremnughieghe Jesu kufuma Galilaya wikimdumikia.#Lk. 8.2-3 56Wamu wawo ni Maria Magdaleni, na Maria mae Jakobo na Josefu, na mae wana wa Zebedayo.
Kurikwa kwa Jesu
(Mk. 15.42-47; Lk. 23.50-56; Joh. 19.38-42)
57Nao luma lwa kenyi, mundu umu uko na mali uwangwagha Josefu ukacha kufuma Arimatea; nao wori orekoghe mnughi wa Jesu. 58Ukaghenda kwa Pilato kulomba mumbi ghwa Jesu. Nao Pilato ukafunya rusa uneko. 59Niko Josefu ukaghuwusa ugho mumbi, ukaghurighiria nguwo ielie ya kitani, 60ukaghungira andenyi ya kaburi yake mbishi, oreikotereghe ighonyi; ukabingilisha igho ibaa mnyangonyi ghwa kaburi, ukaghenda chia yake. 61Maria Magdaleni na uja Maria mzima werekoghe kidombo ahoeni kulangaya kaburi.
Walindiri kaburi
62Ituku jinughie jija ja Kuwika Nicha, wakohani wabaa na Mafarisayo wikakwanyika imbiri ya Pilato, 63wikamzera, “Bwana, isi dakumbuka angu iji uja mkalii orekoghe moyo oreghambieghe, ‘Nicharukishwa nyuma ya matuku adadu.’#Mat. 16.21; 17.23; 20.19; Mk. 8.31; 9.31; 10.33-34; Lk. 9.22; 18.31-33 64Kwa huwu funya momu angu ija kaburi ilindilo hata ituku ja kadadu, eri wanughi wake wisechemwiwa na kukalia wandu wei, ‘Waruka kufuma kwa wafu;’ na makalio gha kutua ghichakaia ghizamie kuchumba agho gha imbiri.” 65Pilato ukawizera, “Moko na masikari ghelindia, ghendenyi muwiwike wiilindie kaburi seji widimagha.” 66Nao wikaghenda na kuilindia kaburi kwa kujikaba jija igho muhuri, na kwa kuwika walindiri.
ទើបបានជ្រើសរើសហើយ៖
MATHAYO 27: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MATHAYO 27
27
Jesu kughenjwa kwa Pilato
(Mk. 15.1; Lk. 23.1-2; Joh. 18.28-32)
1Nao iji ndoe yaela, wakohani wabaa wose na waghosi wa wandu, wikabonya njama aighu ya Jesu wipate kum'bwagha; 2wikamfunga na kumghenja kwa Pilato, m'baa wa isanga.
Kifwa cha Juda
(Mab. 1.18-19)
3Niko aho Juda, uo oremfunyireghe, iji wawona angu Jesu wameria kutanywa, ukahea na kuwiwunjira wakohani wabaa na waghosi vija vibelele mirongo idadu va feza;#Mab. 1.18-19 4ukighamba, “Nabonya kaung'a kwa kumfunya mundu wa hachi ubwagho.” Ela awo wikaghamba, “Ijo si ilagho jingi jedu, jizighane kumoni.” 5Nao Juda ukavikumba vija vibelele va feza andoenyi andenyi ya Hekalu; ukafuma ukaghenda na kukukumba lugha. 6Nao wakohani wabaa wikavishoa vija vibelele va feza wikaghamba, “Sharia yadalegha disekumbe pesa ra bagha andenyi ya isanduku ja mali ya Hekalu.” 7Wikabonya njama, nawo wikaghua naro mbuwa ya mvimbi, ikaie andu korikia waghenyi. 8Niko huwo mbuwa iyo yawangwa “Mbuwa ya bagha” hata linu.
9Niko ghikakatia agho malagho ghereghoreloghe ni mlodi Jeremia ghighambagha,
“Werewadieghe vibelele mirongo idadu va feza,
ighuri ja uo mundu wana wamu wa Israeli werejiboisirege,#Zek. 11.12-13
10wikaghua naro mbuwa ya mvimbi
sa iji Bwana moni orenilaghirieghe.”
Pilato kumkotia Jesu makoto
(Mk. 15.2-5; Lk. 23.3-5; Joh. 18.33-38)
11Nao Jesu ukakaia kimusi imbiri ya m'baa wa isanga; na m'baa wa isanga ukamkotia, “Welee, oho ko Mzuri wa Wayahudi?” Jesu ukaghamba, “Ohokwaghamba.” 12Ela iji orekoghe ukishitakilwa ni wakohani wabaa na waghosi, uo nderetumbulieghe ilagho jingi anduangi. 13Niko Pilato ukamkotia, “Welee, ndekusikiragha seji wikushitakiagha na maza nyingi?” 14Ela Jesu nderetumbulieghe ilagho jingi anduangi, hata uo m'baa wa isanga ukashinika.
Jesu kutanywa ubwagho
(Mk. 15.6-15; Lk. 23.13-25; Joh. 18.39–19.16)
15Idana kwa ngelo ya Pasaka, m'baa wa isanga orekoghe na mzango ghowifunguya wandu mfungwa uo ose wichaamkunda. 16Ngelo iyo korekoghe na mfungwa umweri umanyikie uwangwagha Baraba. 17Nao iji wandu wakwanyika, Pilato ukawikotia, “Mwakunde nimfunguye ani, Baraba angu Jesu uwangwagha Kristo?” 18Angu oremanyireghe waamfunya tu kwa wundu ghwa iriso jawo. 19Hata iji oreserieghe kidombo kwa kifumbi cha kutanya, mkake ukamdumia momu ukighamba, “Kusekaie na ilagho jingi na uo mundu wa hachi, angu ikwau nasumbukie kwa mengi ndodonyi kwa wundu ghwake.” 20Wakohani wabaa na waghosi werewishingirieghe wandu wimlombe Baraba, na Jesu utotesho. 21Nao M'baa wa isanga ukawikotia sena, “Nani aghadi ya awa wawi mkunde nimfunguye?” wikaghamba, “Baraba.” 22Pilato ukawikotia, “Na Jesu uo uwangwagha Kristo nim'bonye wada?” Nao wose wikaghamba, “Ndesulubisho!” 23Nao ukawizera, “Kwaki? Wabonya wada?” Ela wikachuria kuwusira chwaka rawo na kughamba, “Ndesulubisho!” 24Nao iji Pilato wawona angu ndedimagha kubonya ilagho jingi, na seji nganyi yadima kuzoya, ukawusa machi na kuoghosha vala vake imbiri ya izungu jose ukighamba, “Ini naela kufumanya na bagha ya mundu uhu, agho mughizighane mmbeni.”#Wuk. 21.6-9 25Wandu wose wikaghamba, “Bagha yake ndeikaie aighu yedu na aighu ya wana wedu!” 26Niko ukawifunguya Baraba; ela Jesu nyuma ya kumkaba na viboko, ukamfunya kwawo usulubisho.
Masikari kumsholia Jesu
(Mk. 15.16-20; Joh. 19.2-3)
27Nao masikari gha m'baa wa isanga wikammbwada Jesu na kumngira andenyi ya ngome iwangwagha Praetoriumu, na masikari ghose ghikamkwanyikia. 28Wikamrua nguwo rake na kumrusha ijoho ja mkundu; 29sena wikaluka kirumbu cha minjwa, wikammbikiria chongonyi kwake, wikamneka mrangi uwadie kwa mkonu ghwake ghwa kiwomi; wikamdungia ngokoro na kumseka wikighamba, “Dua moyo Mzuri wa Wayahudi!” 30Wikamchuya mada, wikamsoka ghuja mrangi na kumkaba nagho chongonyi. 31Hata iji wameria kumseka, wikamrua jija ijoho na kumrusha nguwo rake reni. Niko wikamghenja noko upate kusulubishwa.
Jesu kusulubishwa
(Mk. 15.21-32; Lk. 23.26-43; Joh. 19.17-27)
32Nao iji werekoghe wikifuma, wikammbona mundu umu wa Kurene uwangwagha Simoni, na waja masikari wikamlazimisha ughuduke msalaba ghwa Jesu. 33Hata iji werevikieghe andu kuwangwagha Golgotha, kutambua kwaro ni “Andu kwa Ngoma ya Chongo,” 34wikamneka divei iranganyiro na nyongo upate kunywa; ela iji waitoa, ukalegha kuinywa.#Zab. 69.22 35Hata iji wameria kumsulubisha, wikawaghiana nguwo rake kwa kukaba kura;#Zab. 22.19 36niko wikasea kidombo aho wikimlindia. 37Chongonyi kwake naighu wereandikieghe mashitaki agha, “UHU NI JESU MZURI WA WAYAHUDI.” 38Na vitoi viwi veresulubishiroghe andwamweri na Jesu, chimu chia ya mkonu ghwake ghwa kiwomi, na chimu chia ya mkonu ghwake ghwa kiwaka.
39Na wandu werekoghe wikiida wikamsholia Jesu wikisughusa vongo vawo,#Zab. 22.8; 109.25 40wikighamba, “Haya, oho kuinonagha Hekalu na kuiagha kwa matuku adadu, kukukire kumoni! Ngera loli ko Mwana wa Mlungu, oke sea msalabenyi.”#Mat. 26.61; Joh. 2.19 41Huwo koni wakohani wabaa, walimu wa Sharia, na waghosi wikamsholia, 42wikighamba, “Orewikirieghe wazima ela ndedimagha kukukira uo moni, nechi wei uo ni Mzuri wa Israeli; oke ndesee msalabenyi idakoni, nesi dicharumiria kwake. 43Wamrumirie Mlungu, na kukuwanga ‘Mwana wa Mlungu.’ Oke Mlungu ndemkire idana ngera loli wamkunde.”#Zab. 22.9 44Na vija vitoi veresulubishiroghe andwamweri nao vikamsholia wokoni.
Kufwa kwa Jesu
(Mk. 15.33-41; Lk. 23.44-49; Joh. 9.28-30)
45Nao kufuma saa irandadu, kira chikasea isanga jose, hata saa ikenda. 46Iendavika saa ikenda, Jesu ukakema kwa lwaka lubaa, “Eli, Eli, lama sabakithani?” Kutambua kwaro, “Mlungu wapo, Mlungu wapo, kwaki kwanisigha?”#Zab. 22.2 47Niko wandu wamu werekoghe kimusi aho, iji wasikira agho wikaghamba, “Mundu uhu waawuyammbanga Elija.” 48Nao shwa wori mndumu ukaghenda na iseghe ukashoa sponji na kuingira andenyi ya siki, ukaifunga mdonyi ghwa mrangi, ukamjosera upate kunywa.#Zab. 69.22 49Ela wazima wikaghamba, “Lekenyi dilangarie ngera Elija ucha kumkira.” 50Nao Jesu ukakema sena na lwaka lubaa ukaifunya roho yake. 51Niko aho pazia ya Hekalu ikarashuka vibelele viwi kufuma aighu hata andoenyi; ndoe ikasughusika, na magho ghikabarika;#Kuf. 26.31-33 52makaburi ghikarughuka, na mimbi mingi ya waeli werelalieghe ikarukishwa, 53wikafuma makaburinyi kwawo nyuma ya Jesu kuruka kufuma kwa wafu, wikaghungia ugho Muzi ghwa Wueli wikawifutukia wengi.
54Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.” 55Wokoni korekoghe na waka walazi aho werekoghe wikizighanira kwa kula, awo weremnughieghe Jesu kufuma Galilaya wikimdumikia.#Lk. 8.2-3 56Wamu wawo ni Maria Magdaleni, na Maria mae Jakobo na Josefu, na mae wana wa Zebedayo.
Kurikwa kwa Jesu
(Mk. 15.42-47; Lk. 23.50-56; Joh. 19.38-42)
57Nao luma lwa kenyi, mundu umu uko na mali uwangwagha Josefu ukacha kufuma Arimatea; nao wori orekoghe mnughi wa Jesu. 58Ukaghenda kwa Pilato kulomba mumbi ghwa Jesu. Nao Pilato ukafunya rusa uneko. 59Niko Josefu ukaghuwusa ugho mumbi, ukaghurighiria nguwo ielie ya kitani, 60ukaghungira andenyi ya kaburi yake mbishi, oreikotereghe ighonyi; ukabingilisha igho ibaa mnyangonyi ghwa kaburi, ukaghenda chia yake. 61Maria Magdaleni na uja Maria mzima werekoghe kidombo ahoeni kulangaya kaburi.
Walindiri kaburi
62Ituku jinughie jija ja Kuwika Nicha, wakohani wabaa na Mafarisayo wikakwanyika imbiri ya Pilato, 63wikamzera, “Bwana, isi dakumbuka angu iji uja mkalii orekoghe moyo oreghambieghe, ‘Nicharukishwa nyuma ya matuku adadu.’#Mat. 16.21; 17.23; 20.19; Mk. 8.31; 9.31; 10.33-34; Lk. 9.22; 18.31-33 64Kwa huwu funya momu angu ija kaburi ilindilo hata ituku ja kadadu, eri wanughi wake wisechemwiwa na kukalia wandu wei, ‘Waruka kufuma kwa wafu;’ na makalio gha kutua ghichakaia ghizamie kuchumba agho gha imbiri.” 65Pilato ukawizera, “Moko na masikari ghelindia, ghendenyi muwiwike wiilindie kaburi seji widimagha.” 66Nao wikaghenda na kuilindia kaburi kwa kujikaba jija igho muhuri, na kwa kuwika walindiri.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.