MATHAYO 25
25
Mfwano ghwa wai ikumi
1“Niko wuzuri ghwa Mlungu ghuchaafwanana na wai ikumi, werewusireghe taa rawo, wikafuma kwendammara bwana arusi.#Lk. 12.35 2Wai wasanu werekoghe wakelu, na wasanu werekoghe na akili. 3Angu awo wakelu iji wereridwaeghe taa rawo, ndeweredwaeghe mavuda anduangi; 4ela waja wa akili weredwaeghe mavuda vombonyi kwawo andwamweri na taa rawo. 5Nao iji bwana arusi wamuka, wose wikadungumia, wikalala. 6Kio ghadi wandu wikawusira chwaka rawo na kughamba, ‘Okenyi bwana arusi wacha! Fumenyi mummare!’ 7Niko waja wai wose wikawuka na kuboisa taa rawo. 8Waja wakelu wikawizera waja wa akili, ‘Dinekenyi mavuda ghamu, angu taa redu raawuyarima.’ 9Ela waja wa akili wikawitumbulia, ‘Ngera ndeghidikatagha diwose, ni nicha mwende mkughuye mmbeni kwa awo wiuzagha.’ 10Ela iji werefumieghe kwendaghua, uja bwana arusi ukacha, na waja werekoghe tayari wikangianya nao cha karamunyi ya arusi, mnyango ghukarughwa. 11Konyuma waja wai wamu wikacha wikighamba, ‘Bwana, bwana dirughuye.’#Lk. 13.25 12Ela ukawitumbulia, ‘Namghoria loli simwichi inyo anduangi.’ 13Kwa huwu chereshenyi, angu ndemjimanyire ituku hata saa anduangi.
Mfwano ghwa wadumiki wadadu
(Lk. 19.11-27)
14“Angu ichakaia karakara na mundu umu orekundieghe kudamba, ukawiwanga wadumiki wake ukawineka mali rake;#Lk. 19.11-27 15kula umu kunughana na wudumiki ghwake; umu ukamneka pesa riwangwagha talanto isanu, umu ukamneka iwi na mzima ukamneka imweri. Ukafuma ukadamba charo chake. 16Nao uja mdumiki orewusireghe talanto isanu ukafuma shwa wori ukashama naro, ukapata talanto zima isanu. 17Na uja orewusireghe iwi, ukafuma wokoni ukashama talanto zima iwi. 18Ela uja orewusireghe imweri, ukafuma ukakota andoenyi, ukarivisa pesa ra bwana wake. 19Nao nyuma ya matuku malazi kuida, bwana wa waja wadumiki ukacha kubonya mtalo nawo. 20Uja orewusireghe talanto isanu ukacha na talanto zima isanu ukighamba, ‘Bwana, koreninekieghe talanto isanu, ola nashamie ngapata zima talanto isanu.’ 21Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’ 22Nao ukacha uja orenekeloghe talanto iwi, ukareda talanto zima iwi ukighamba, ‘Ola bwana rija talanto iwi koreninekieghe nashamie ngapata talanto zima iwi.’ 23Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’ 24Ela uja orenekeloghe imweri ukacha ukighamba, ‘Bwana, nerekumanyireghe angu oho koko mundu ukurie, kwadakuwida andu kuserekuwaeghe, kwadakwanya andu kuseredirieghe mbeu. 25Niko ngaobua ngaghenda na kuivisa talanto yako andoenyi. Ola hei iwade ni icheni yako.’ 26Bwana wake ukamtumbulia, ‘Mdumiki mmbiwi oho, sena mghadi! Kwaniichi angu nadakuwida iro nisereriwaeghe, na kukwanya andu niseredirieghe mbeu. 27Kumangu korewikieghe pesa rapo bengi eri rive fwaida, nani niendacha nadariwusanya chiaimweri na fwaida yaro. 28Idana msokenyi iyo talanto, mumneke uo uko na ikumi. 29Angu uo uko nacho uchanekwa kuchumba, nao uchakaia na vingi; ela uo usewadie, uchasokwa hata icho uko nacho.#Mat. 13.12; Mk. 4.25; Lk. 8.18 30Na idana uhu mdumiki usene fwaida, mkumbenyi kwa kira chiko shighadi. Aho kuchakaia na kulila na kuja maghegho.’#Mat. 8.12; 22.13; Lk. 13.28
Kutanywa kwa kutua
31“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.#Mat. 16.27; 19.28 32Na imbiri kwake wichakwanyika wandu wa mbari rose, nao uchawitanya awa na awa seji mlisha utanyagha ng'ondi rifume kwa mburi; 33uchawika ng'ondi kwa mkonu ghwake ghwa kiwomi, na mburi kwa mkonu ghwake ghwa kiwaka. 34Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa. 35Angu nerekoghe na njala mkanineka vindo, nereomieghe mkaninyosha machi, nerekoghe mghenyi mkanikaribisha; 36nerekoghe duu mkanirusha nguwo, nerekoghe mkongo mkacha kunizighana, nerekoghe kifungonyi mkanichea.’ 37Niko wahachi wichamtumbulia, ‘Bwana, ni lii derekuwonieghe kuko na njala dikakuneka vindo, angu kuomie dikakunyosha machi? 38Ni lii derekuwonieghe kuko mghenyi dikakukaribisha, angu kuko duu dikakurusha nguwo? 39Ni lii derekuwonieghe mkongo angu kifungonyi dikacha kukuzighana?’ 40Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’
41“Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake; 42angu nerekoghe na njala mkaniima vindo, nereomieghe mkaniima machi. 43Nerekoghe mghenyi nenyo ndemorenikaribishireghe, nerekoghe duu mkalegha kunirusha nguwo, nerekoghe mkongo na kifungonyi, nenyo ndemorenizighanireghe anduangi.’ 44Nawo wichamtumbulia, ‘Ni lii dikuwonie na njala angu na kau, kuko mghenyi angu kuko duu, kuko mkongo angu kifungonyi, dikalegha kukutesia?’ 45Nao moni uchawitumbulia, ‘Namghoria loli, iji moreleghieghe kum'bonyera nicha umu wa awa watini, huwo ni ini moni mserenibonyereghe.’ 46Awo wichaghenda kwa makabo gha kala na kala, ela wahachi wichaghenda kwa irangi ja kala na kala.”#Dan. 12.2
ទើបបានជ្រើសរើសហើយ៖
MATHAYO 25: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MATHAYO 25
25
Mfwano ghwa wai ikumi
1“Niko wuzuri ghwa Mlungu ghuchaafwanana na wai ikumi, werewusireghe taa rawo, wikafuma kwendammara bwana arusi.#Lk. 12.35 2Wai wasanu werekoghe wakelu, na wasanu werekoghe na akili. 3Angu awo wakelu iji wereridwaeghe taa rawo, ndeweredwaeghe mavuda anduangi; 4ela waja wa akili weredwaeghe mavuda vombonyi kwawo andwamweri na taa rawo. 5Nao iji bwana arusi wamuka, wose wikadungumia, wikalala. 6Kio ghadi wandu wikawusira chwaka rawo na kughamba, ‘Okenyi bwana arusi wacha! Fumenyi mummare!’ 7Niko waja wai wose wikawuka na kuboisa taa rawo. 8Waja wakelu wikawizera waja wa akili, ‘Dinekenyi mavuda ghamu, angu taa redu raawuyarima.’ 9Ela waja wa akili wikawitumbulia, ‘Ngera ndeghidikatagha diwose, ni nicha mwende mkughuye mmbeni kwa awo wiuzagha.’ 10Ela iji werefumieghe kwendaghua, uja bwana arusi ukacha, na waja werekoghe tayari wikangianya nao cha karamunyi ya arusi, mnyango ghukarughwa. 11Konyuma waja wai wamu wikacha wikighamba, ‘Bwana, bwana dirughuye.’#Lk. 13.25 12Ela ukawitumbulia, ‘Namghoria loli simwichi inyo anduangi.’ 13Kwa huwu chereshenyi, angu ndemjimanyire ituku hata saa anduangi.
Mfwano ghwa wadumiki wadadu
(Lk. 19.11-27)
14“Angu ichakaia karakara na mundu umu orekundieghe kudamba, ukawiwanga wadumiki wake ukawineka mali rake;#Lk. 19.11-27 15kula umu kunughana na wudumiki ghwake; umu ukamneka pesa riwangwagha talanto isanu, umu ukamneka iwi na mzima ukamneka imweri. Ukafuma ukadamba charo chake. 16Nao uja mdumiki orewusireghe talanto isanu ukafuma shwa wori ukashama naro, ukapata talanto zima isanu. 17Na uja orewusireghe iwi, ukafuma wokoni ukashama talanto zima iwi. 18Ela uja orewusireghe imweri, ukafuma ukakota andoenyi, ukarivisa pesa ra bwana wake. 19Nao nyuma ya matuku malazi kuida, bwana wa waja wadumiki ukacha kubonya mtalo nawo. 20Uja orewusireghe talanto isanu ukacha na talanto zima isanu ukighamba, ‘Bwana, koreninekieghe talanto isanu, ola nashamie ngapata zima talanto isanu.’ 21Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’ 22Nao ukacha uja orenekeloghe talanto iwi, ukareda talanto zima iwi ukighamba, ‘Ola bwana rija talanto iwi koreninekieghe nashamie ngapata talanto zima iwi.’ 23Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’ 24Ela uja orenekeloghe imweri ukacha ukighamba, ‘Bwana, nerekumanyireghe angu oho koko mundu ukurie, kwadakuwida andu kuserekuwaeghe, kwadakwanya andu kuseredirieghe mbeu. 25Niko ngaobua ngaghenda na kuivisa talanto yako andoenyi. Ola hei iwade ni icheni yako.’ 26Bwana wake ukamtumbulia, ‘Mdumiki mmbiwi oho, sena mghadi! Kwaniichi angu nadakuwida iro nisereriwaeghe, na kukwanya andu niseredirieghe mbeu. 27Kumangu korewikieghe pesa rapo bengi eri rive fwaida, nani niendacha nadariwusanya chiaimweri na fwaida yaro. 28Idana msokenyi iyo talanto, mumneke uo uko na ikumi. 29Angu uo uko nacho uchanekwa kuchumba, nao uchakaia na vingi; ela uo usewadie, uchasokwa hata icho uko nacho.#Mat. 13.12; Mk. 4.25; Lk. 8.18 30Na idana uhu mdumiki usene fwaida, mkumbenyi kwa kira chiko shighadi. Aho kuchakaia na kulila na kuja maghegho.’#Mat. 8.12; 22.13; Lk. 13.28
Kutanywa kwa kutua
31“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.#Mat. 16.27; 19.28 32Na imbiri kwake wichakwanyika wandu wa mbari rose, nao uchawitanya awa na awa seji mlisha utanyagha ng'ondi rifume kwa mburi; 33uchawika ng'ondi kwa mkonu ghwake ghwa kiwomi, na mburi kwa mkonu ghwake ghwa kiwaka. 34Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa. 35Angu nerekoghe na njala mkanineka vindo, nereomieghe mkaninyosha machi, nerekoghe mghenyi mkanikaribisha; 36nerekoghe duu mkanirusha nguwo, nerekoghe mkongo mkacha kunizighana, nerekoghe kifungonyi mkanichea.’ 37Niko wahachi wichamtumbulia, ‘Bwana, ni lii derekuwonieghe kuko na njala dikakuneka vindo, angu kuomie dikakunyosha machi? 38Ni lii derekuwonieghe kuko mghenyi dikakukaribisha, angu kuko duu dikakurusha nguwo? 39Ni lii derekuwonieghe mkongo angu kifungonyi dikacha kukuzighana?’ 40Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’
41“Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake; 42angu nerekoghe na njala mkaniima vindo, nereomieghe mkaniima machi. 43Nerekoghe mghenyi nenyo ndemorenikaribishireghe, nerekoghe duu mkalegha kunirusha nguwo, nerekoghe mkongo na kifungonyi, nenyo ndemorenizighanireghe anduangi.’ 44Nawo wichamtumbulia, ‘Ni lii dikuwonie na njala angu na kau, kuko mghenyi angu kuko duu, kuko mkongo angu kifungonyi, dikalegha kukutesia?’ 45Nao moni uchawitumbulia, ‘Namghoria loli, iji moreleghieghe kum'bonyera nicha umu wa awa watini, huwo ni ini moni mserenibonyereghe.’ 46Awo wichaghenda kwa makabo gha kala na kala, ela wahachi wichaghenda kwa irangi ja kala na kala.”#Dan. 12.2
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.