MALAKI 1
1
1Iji ni ilagho ja BWANA oremnekieghe Malaki uwighorie wandu wa Israeli.
Lukundo lwa Mlungu kwa Israeli
2BWANA wawizerie wandu wake, “Ini namkunde matuku ghose.” Ela wandu wake wawuyaghamba, “Oho kwadikunde wada?” BWANA ukawitumbulia, “Welee, Esau nderekoghe mruna Jakobo? Ela sena ini neemkunda Jakobo,#War. 9.13#Isa. 34.5-17; 63.1-6; Jer. 49.7-22; Eze. 25.12-14; 35.1-15; Amo. 1.11-12; Oba. 1-14 3na kummenya Esau. Nabonyere isanga jake ja mighondinyi jisigho iduu, na kukailwa ni mizozo ya kireti.”
4Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’” 5Wandu wa Israeli wichawona agho na meso ghawo, nawo wichaghamba, “BWANA wawadie ndighi hata shighadi ya isanga ja Israeli.”
BWANA kuwikemia Wakohani
6BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’ 7Mwanimenyere kwa kufunya vindo vizamie aighu ya madhabahu yapo. Nenyo mwaawuyaghamba, ‘Ivi vindo vazamie wada?’ Kwa kuimenya madhabahu yapo. 8Welee, iji munifunyiragha nyamandu rifue meso, angu mkongo, angu wakelemeri, rikaie kizongona, ugho si wuwiwi? Oke funya iyo nyamandu kwa m'baa wako wa isanga ngera uirumiria na kuboilwa ni oho?”#Wuk. 15.21
9Na idana wakohani, mvoyenyi Mlungu upate kudifuya wughoma. Kukakoni umfuya wughoma iji mumfunyiragha vizongona sa ivo? 10BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha. 11Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala. 12Ela inyo mwaawuyanisowia ishima iji mghoragha wei madhabahu yapo ndeifwane na iji mfunyagha vizongona vilue aighu yaro. 13Mwawuyaghamba, ‘Dasirishwa ndighi ni agho malagho.’ Nenyo mwanimenya, na kureda nyamandu riiwilo, na iro rikelemere, na iro riko wakongo, rikaie vizongona kwapo! Welee, muaghesha nadima kuvirumiria vizongona vifwane huwo kufuma konyu? 14Wawasirwa njowe uo mundu unifunyira kizongona chizamie ingelo uko na nyamandu iboie oreilaghirieghe kwa kukaia ini ne Mzuri m'baa, na wandu wa mbari rose wadaniobua ini.”
ទើបបានជ្រើសរើសហើយ៖
MALAKI 1: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
MALAKI 1
1
1Iji ni ilagho ja BWANA oremnekieghe Malaki uwighorie wandu wa Israeli.
Lukundo lwa Mlungu kwa Israeli
2BWANA wawizerie wandu wake, “Ini namkunde matuku ghose.” Ela wandu wake wawuyaghamba, “Oho kwadikunde wada?” BWANA ukawitumbulia, “Welee, Esau nderekoghe mruna Jakobo? Ela sena ini neemkunda Jakobo,#War. 9.13#Isa. 34.5-17; 63.1-6; Jer. 49.7-22; Eze. 25.12-14; 35.1-15; Amo. 1.11-12; Oba. 1-14 3na kummenya Esau. Nabonyere isanga jake ja mighondinyi jisigho iduu, na kukailwa ni mizozo ya kireti.”
4Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’” 5Wandu wa Israeli wichawona agho na meso ghawo, nawo wichaghamba, “BWANA wawadie ndighi hata shighadi ya isanga ja Israeli.”
BWANA kuwikemia Wakohani
6BWANA Uwadie-Ndighi-Rose wawizera wakohani, “Mwana wamnekagha ndee ishima na mdumiki wamnekagha bwana wake ishima. Ikakaia ini ne ndeyo, kwaki mseninekagha ishima? Na ikakaia ne bwana, kwaki mseninekagha ishima? Mwanimenyere; nenyo mwaawuyakotia, ‘Dakumenyere wada?’ 7Mwanimenyere kwa kufunya vindo vizamie aighu ya madhabahu yapo. Nenyo mwaawuyaghamba, ‘Ivi vindo vazamie wada?’ Kwa kuimenya madhabahu yapo. 8Welee, iji munifunyiragha nyamandu rifue meso, angu mkongo, angu wakelemeri, rikaie kizongona, ugho si wuwiwi? Oke funya iyo nyamandu kwa m'baa wako wa isanga ngera uirumiria na kuboilwa ni oho?”#Wuk. 15.21
9Na idana wakohani, mvoyenyi Mlungu upate kudifuya wughoma. Kukakoni umfuya wughoma iji mumfunyiragha vizongona sa ivo? 10BWANA Uwadie-Ndighi-Rose waghamba, “Naawuyakunda umu onyu urughe minyango ya Hekalu eri mndungi usechengia na kukora medo ya kisha-kisha aighu ya madhabahu yapo. Siwueboilwa ni inyo, na vizongona mredagha. 11Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala. 12Ela inyo mwaawuyanisowia ishima iji mghoragha wei madhabahu yapo ndeifwane na iji mfunyagha vizongona vilue aighu yaro. 13Mwawuyaghamba, ‘Dasirishwa ndighi ni agho malagho.’ Nenyo mwanimenya, na kureda nyamandu riiwilo, na iro rikelemere, na iro riko wakongo, rikaie vizongona kwapo! Welee, muaghesha nadima kuvirumiria vizongona vifwane huwo kufuma konyu? 14Wawasirwa njowe uo mundu unifunyira kizongona chizamie ingelo uko na nyamandu iboie oreilaghirieghe kwa kukaia ini ne Mzuri m'baa, na wandu wa mbari rose wadaniobua ini.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.