JONA 3
3
Jona kumsikira BWANA
1Nao BWANA ukaghora na Jona indo ja kawi ukighamba, 2“Wuka kughughendie ghuja muzi m'baa ghwa Nineve kughuchilie malagho nichaakughoria.” 3Niko Jona ukawuka ukaghenda Nineve seji BWANA oreghambieghe. Nineve ghorekoghe muzi m'baa nandighi, wushapa ghwaro ghorekoghe ghwa charo cha matuku adadu. 4Jona ukazoya kungia mzinyi, ukabonya mwendo ghwa ituku jimweri. Ukachila ukighamba, “Ghaasighwa matuku mirongo ina, nao muzi ghwa Nineve ghuatoteshwa.”#Mat. 12.41; Lk. 11.32 5Wandu wa Nineve wikamrumiria Mlungu, wikaeresha malagho wandu wifunge tumu; wikarwa nguwo ra magunia kufuma m'baa wawo, hata mtini wawo.
6Mzuri wa Nineve uendasikira agho malagho ukainjika kifumbinyi chake cha nguma, ukarua nguwo yake, ukakurusha nguwo ya igunia na kusea kidombo aivunyi. 7Ukaeresha malagho muzi ghwa Nineve ghose ukighamba, “Mzuri na wandu wake wa ishima wafunya momu kughamba: Mndungi, angu nyamandu, ng'ombe angu ng'ondi isetoo kindo chingi; risakeja hata risakenywa machi. 8Ela mdamu na nyamandu rirusho nguwo ra magunia, na kumlilia Mlungu nandighi; ee, kula mundu ndeghaluke na kutana na wuwiwi ghwake, na lung'eto uko nalo. 9Nani umanyagha kewada Mlungu wadima kughalua maghesho uhoreshe machu ghake ghibirie eri disechetota?”
10Mlungu ukawona seji wabonya, na seji waghaluka na kuchisigha kiwiwi chawo; niko ukaghalusa maghesho na kusigha icho kiwiwi orekundieghe kuwibonyera, ukakaia usechibonyere.
ទើបបានជ្រើសរើសហើយ៖
JONA 3: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
JONA 3
3
Jona kumsikira BWANA
1Nao BWANA ukaghora na Jona indo ja kawi ukighamba, 2“Wuka kughughendie ghuja muzi m'baa ghwa Nineve kughuchilie malagho nichaakughoria.” 3Niko Jona ukawuka ukaghenda Nineve seji BWANA oreghambieghe. Nineve ghorekoghe muzi m'baa nandighi, wushapa ghwaro ghorekoghe ghwa charo cha matuku adadu. 4Jona ukazoya kungia mzinyi, ukabonya mwendo ghwa ituku jimweri. Ukachila ukighamba, “Ghaasighwa matuku mirongo ina, nao muzi ghwa Nineve ghuatoteshwa.”#Mat. 12.41; Lk. 11.32 5Wandu wa Nineve wikamrumiria Mlungu, wikaeresha malagho wandu wifunge tumu; wikarwa nguwo ra magunia kufuma m'baa wawo, hata mtini wawo.
6Mzuri wa Nineve uendasikira agho malagho ukainjika kifumbinyi chake cha nguma, ukarua nguwo yake, ukakurusha nguwo ya igunia na kusea kidombo aivunyi. 7Ukaeresha malagho muzi ghwa Nineve ghose ukighamba, “Mzuri na wandu wake wa ishima wafunya momu kughamba: Mndungi, angu nyamandu, ng'ombe angu ng'ondi isetoo kindo chingi; risakeja hata risakenywa machi. 8Ela mdamu na nyamandu rirusho nguwo ra magunia, na kumlilia Mlungu nandighi; ee, kula mundu ndeghaluke na kutana na wuwiwi ghwake, na lung'eto uko nalo. 9Nani umanyagha kewada Mlungu wadima kughalua maghesho uhoreshe machu ghake ghibirie eri disechetota?”
10Mlungu ukawona seji wabonya, na seji waghaluka na kuchisigha kiwiwi chawo; niko ukaghalusa maghesho na kusigha icho kiwiwi orekundieghe kuwibonyera, ukakaia usechibonyere.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.