JOELI 2
2
Zighe kucha sa maonyo ghewonyera Ituku ja kucha kwa Bwana
1Kabenyi tarumbeta; kabenyi nguli Sioni, ugho mghondi ghwa wueli ghwa Mlungu.
Wandu wa Juda ndewisughusike,
kwa kukaia ituku ja BWANA jeko kaavui kucha.
2Ni ituku ja kira na wasi,
ituku ja mawingu na kira kibaa.
Izungu ja zighe jangia na kufinikira mighondi.
Jareda kukamba kwa kira jingi chisewonekie,
hata ndechichaawoneka huwu sena anduangi.
3Riameria miwalwa yose sa modo;
imbiri risechee isanga jedeeka sa Mbuwa ya Edeni;
nyuma yawo isanga jikaawuya ikara.
Ndekuwadie kindo chingi chisighilo chisejilo.
4Riawoneka sa farasi;
riakimbia na iseghe sa farasi ra wuda.#Wuf. 9.7-9
5Riarama-rama aighu mighondinyi rikiruma sa magare,
sa vikuli va nyasi viboboswagha ni modo.
Radunga longo sa ijeshi jiwadie ndighi jawikwa tayari kwa wuda.
6Kucha kwawo kuaobosha wandu;
mawushu ghose ghaawuya gha mshashu-mshashu.
7Rangiria vilambo sa mang'oni; rajoka wurigha sa masikari;
raghenda kiimbiri chiaimweri kuseko kughaluka.
8Nderiadadanagha; kula imu yadanugha chia yake.
Radaghenda kiimbiri kuseko kutangalwa ni mndungi.
9Raramia muzi na kukimbia aighu ya mawurigha;
rajoka aighu na kungia nyumbenyi,
rangia na madirisha sa vitoi.
10Ndoe yaawuyasughusika imbiri kwawo;
mawingunyi kwaawuyazingizika.
Iruwa na mori vawuya kira,
na nyerinyeri raleka kung'ala-ng'ala.#Wuf. 8.12
11BWANA wajifunyira momu ijeshi jake,
najo ijeshi ja wandu wake wengi wiwadie ndighi jakatisha malaghiro ghake.
Ituku ja BWANA ni ibaa jeobosha;
nani udimagha kujirumaghia?#Wuf. 6.17
Wandu kuwangwa wihee
12BWANA waghamba, “Hata idana heenyi mmbuye kwapo kwa ngolo renyu rose;
mkifunga na kulila kwa kudikwa ni mbori.
13Rashuonyi ngolo renyu nguwo mbai.”
Wuyenyi kwa BWANA, Mlungu onyu.
Uo wachua mvono na wughoma,
wachua irumaghio, nao wadamaziria malaghiro ghake;
wadafuya wughoma na kuleka kukaba.
14Kewada BWANA Mlungu onyu wadima kughalusa maghesho,
umrasimie na kumneka mavalo mengi,
mpate kumfunyira viro na divei.
15Kabenyi tarumbeta aighu ya Mghondi ghwa Sioni;
funyenyi momu wandu wifunge tumu mmbange ikwanyiko.
16Wangenyi wandu chiaimweri muwieleshe;
wangenyi waghosi na wanake,
hata awo wiongagha.
Wandu wibonyere arusi kafwani nawo weni wifume chumbenyi kwawo wiche.
17Wakohani wimdumikiagha BWANA ghadi na ghadi ya madhabahu
na mnyango ghongia Hekalunyi ndewilile na kughamba,
“Kuwifuye wughoma wandu wako ee BWANA;
kusakesigha wandu wa mbari zima widiseke na kudimenya
wikighamba, ‘Oke Mlungu onyu oko hao?’”
Mlungu kujiwunjira isanga kunoa kwake
18Niko BWANA ukajizighana isanga jake,
ukawifuya wughoma wandu wake.
19BWANA ukawitumbulia wandu wake ukighamba,
“Olenyi nimredia viro, na divei na mavuda ghimkate;
wandu wa iro mbari zima ndewichaammenya sena anduangi.
20Nichajiinja ijeshi ja zighe rifumie kaskazinyi,
nani nichawinga rimu cha kireti.
Ifungu ja imbiri jichangia Bahari ya Chumbi,
na ifungu ja nyuma jichangia Bahari ya Mediterania.
Gharia raro richanuka.
Nichawitotesha kwa wundu ghwa agho ghose wim'bonyere.
21“Kusakeobua ee isanga, boilwa na kuzuma,
angu BWANA wakubonyera maza mbaa.
22Inyo nyamandu ra isakenyi msakeobua,
Milamba yabusa nyasi mbishi,
na midi iava matunda.
Tini na zabibu rachua na ndighi.
23“Boilonyi inyo wandu wa Sioni, mumzumie BWANA, Mlungu onyu kwa agho um'bonyere.
Wamnekie vua ya kwari na ya sumesu,
wanyeshere vua sa iji koni orekoghe ukibonya imbiri.
24Andu kochania kuchachua viro,
vighombo viko kaavui na andu kokamia vichadika-dika divei na mavuda.
25Nichammbunjira vindo va miaka yose vijilo ni izungu ja zighe;
ni ini nerejidumieghe ijo izungu ja zighe konyu.
26Idana mchaja na kughuda, nenyo mchamkasa
BWANA Mlungu onyu um'bonyere maza ra mashiniko.
Na jingi inyo wandu wapo ndemchaafushwa waya sena anduangi.
27Niko inyo Israeli mchamanya kukaia neko aghadi konyu,
na kukaia ini BWANA ne Mlungu onyu
hata mzima ungi ndeuko.
Na jingi inyo wandu ndemchaafushwa waya sena anduangi.
Ituku ja BWANA
28“Konyuma nichawidiria wandu wose roho wapo;
wana wenyu wa womi na wa waka wichafunya ilagho japo.
WAGHOSI wenyu wichaloda ndodo,
na wandu wenyu wa irika wichawona mawono.#Mab. 2.17-21
29Ngelo iyo, nichadia roho wapo kwa wadumiki wa womi na wa waka;
30“Nichawonyera alama na mashiniko gha jija ituku mawingunyi na ndoenyi,
bagha na modo na makungughu gha mosi.
31Iruwa jichasera kira, na mori ghuchawuya ghwa ngundu sa bagha,
imbiri ijo ituku ibaa ja BWANA jeobosha jisechee.#Mat. 24.29; Mk. 13.24-25; Lk. 21.25; Wuf. 6.12-13
32Ela uo uchaalomba wutesia ghwa BWANA uchakia.
Na seji BWANA ughambie,
‘Weko wamu andenyi ya Jerusalemu wichaafufufunuka,
awo niwisaghue wichakaia moyo.’”#War. 10.13
ទើបបានជ្រើសរើសហើយ៖
JOELI 2: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
JOELI 2
2
Zighe kucha sa maonyo ghewonyera Ituku ja kucha kwa Bwana
1Kabenyi tarumbeta; kabenyi nguli Sioni, ugho mghondi ghwa wueli ghwa Mlungu.
Wandu wa Juda ndewisughusike,
kwa kukaia ituku ja BWANA jeko kaavui kucha.
2Ni ituku ja kira na wasi,
ituku ja mawingu na kira kibaa.
Izungu ja zighe jangia na kufinikira mighondi.
Jareda kukamba kwa kira jingi chisewonekie,
hata ndechichaawoneka huwu sena anduangi.
3Riameria miwalwa yose sa modo;
imbiri risechee isanga jedeeka sa Mbuwa ya Edeni;
nyuma yawo isanga jikaawuya ikara.
Ndekuwadie kindo chingi chisighilo chisejilo.
4Riawoneka sa farasi;
riakimbia na iseghe sa farasi ra wuda.#Wuf. 9.7-9
5Riarama-rama aighu mighondinyi rikiruma sa magare,
sa vikuli va nyasi viboboswagha ni modo.
Radunga longo sa ijeshi jiwadie ndighi jawikwa tayari kwa wuda.
6Kucha kwawo kuaobosha wandu;
mawushu ghose ghaawuya gha mshashu-mshashu.
7Rangiria vilambo sa mang'oni; rajoka wurigha sa masikari;
raghenda kiimbiri chiaimweri kuseko kughaluka.
8Nderiadadanagha; kula imu yadanugha chia yake.
Radaghenda kiimbiri kuseko kutangalwa ni mndungi.
9Raramia muzi na kukimbia aighu ya mawurigha;
rajoka aighu na kungia nyumbenyi,
rangia na madirisha sa vitoi.
10Ndoe yaawuyasughusika imbiri kwawo;
mawingunyi kwaawuyazingizika.
Iruwa na mori vawuya kira,
na nyerinyeri raleka kung'ala-ng'ala.#Wuf. 8.12
11BWANA wajifunyira momu ijeshi jake,
najo ijeshi ja wandu wake wengi wiwadie ndighi jakatisha malaghiro ghake.
Ituku ja BWANA ni ibaa jeobosha;
nani udimagha kujirumaghia?#Wuf. 6.17
Wandu kuwangwa wihee
12BWANA waghamba, “Hata idana heenyi mmbuye kwapo kwa ngolo renyu rose;
mkifunga na kulila kwa kudikwa ni mbori.
13Rashuonyi ngolo renyu nguwo mbai.”
Wuyenyi kwa BWANA, Mlungu onyu.
Uo wachua mvono na wughoma,
wachua irumaghio, nao wadamaziria malaghiro ghake;
wadafuya wughoma na kuleka kukaba.
14Kewada BWANA Mlungu onyu wadima kughalusa maghesho,
umrasimie na kumneka mavalo mengi,
mpate kumfunyira viro na divei.
15Kabenyi tarumbeta aighu ya Mghondi ghwa Sioni;
funyenyi momu wandu wifunge tumu mmbange ikwanyiko.
16Wangenyi wandu chiaimweri muwieleshe;
wangenyi waghosi na wanake,
hata awo wiongagha.
Wandu wibonyere arusi kafwani nawo weni wifume chumbenyi kwawo wiche.
17Wakohani wimdumikiagha BWANA ghadi na ghadi ya madhabahu
na mnyango ghongia Hekalunyi ndewilile na kughamba,
“Kuwifuye wughoma wandu wako ee BWANA;
kusakesigha wandu wa mbari zima widiseke na kudimenya
wikighamba, ‘Oke Mlungu onyu oko hao?’”
Mlungu kujiwunjira isanga kunoa kwake
18Niko BWANA ukajizighana isanga jake,
ukawifuya wughoma wandu wake.
19BWANA ukawitumbulia wandu wake ukighamba,
“Olenyi nimredia viro, na divei na mavuda ghimkate;
wandu wa iro mbari zima ndewichaammenya sena anduangi.
20Nichajiinja ijeshi ja zighe rifumie kaskazinyi,
nani nichawinga rimu cha kireti.
Ifungu ja imbiri jichangia Bahari ya Chumbi,
na ifungu ja nyuma jichangia Bahari ya Mediterania.
Gharia raro richanuka.
Nichawitotesha kwa wundu ghwa agho ghose wim'bonyere.
21“Kusakeobua ee isanga, boilwa na kuzuma,
angu BWANA wakubonyera maza mbaa.
22Inyo nyamandu ra isakenyi msakeobua,
Milamba yabusa nyasi mbishi,
na midi iava matunda.
Tini na zabibu rachua na ndighi.
23“Boilonyi inyo wandu wa Sioni, mumzumie BWANA, Mlungu onyu kwa agho um'bonyere.
Wamnekie vua ya kwari na ya sumesu,
wanyeshere vua sa iji koni orekoghe ukibonya imbiri.
24Andu kochania kuchachua viro,
vighombo viko kaavui na andu kokamia vichadika-dika divei na mavuda.
25Nichammbunjira vindo va miaka yose vijilo ni izungu ja zighe;
ni ini nerejidumieghe ijo izungu ja zighe konyu.
26Idana mchaja na kughuda, nenyo mchamkasa
BWANA Mlungu onyu um'bonyere maza ra mashiniko.
Na jingi inyo wandu wapo ndemchaafushwa waya sena anduangi.
27Niko inyo Israeli mchamanya kukaia neko aghadi konyu,
na kukaia ini BWANA ne Mlungu onyu
hata mzima ungi ndeuko.
Na jingi inyo wandu ndemchaafushwa waya sena anduangi.
Ituku ja BWANA
28“Konyuma nichawidiria wandu wose roho wapo;
wana wenyu wa womi na wa waka wichafunya ilagho japo.
WAGHOSI wenyu wichaloda ndodo,
na wandu wenyu wa irika wichawona mawono.#Mab. 2.17-21
29Ngelo iyo, nichadia roho wapo kwa wadumiki wa womi na wa waka;
30“Nichawonyera alama na mashiniko gha jija ituku mawingunyi na ndoenyi,
bagha na modo na makungughu gha mosi.
31Iruwa jichasera kira, na mori ghuchawuya ghwa ngundu sa bagha,
imbiri ijo ituku ibaa ja BWANA jeobosha jisechee.#Mat. 24.29; Mk. 13.24-25; Lk. 21.25; Wuf. 6.12-13
32Ela uo uchaalomba wutesia ghwa BWANA uchakia.
Na seji BWANA ughambie,
‘Weko wamu andenyi ya Jerusalemu wichaafufufunuka,
awo niwisaghue wichakaia moyo.’”#War. 10.13
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.