HAGAI 1
1
Bwana kufunya momu Hekalu iagho sena
1Mwaka ghwa kawi ghwa kubonya nguma kwa Mzuri Dario wa Pashia, ituku ja imbiri ja mori ghwa karandadu, BWANA oreghorieghe ukimtumia mlodi Hagai. Malagho ghedeeka aighu ya Zerubabeli mwana wa Shealtieli, m'baa wa Juda, na Mkohani m'baa Joshua mwana wa Jehosadaki.#Ezr. 4.24–5.2; 6.14
2BWANA Uwadie-Ndighi-Rose ukamzera Hagai, “Awandu waawuyaghamba wei ngelo ndeivikie eiagha Hekalu ya BWANA sena.” 3Niko BWANA ukaghora na wandu kwa kumtumia mlodi Hagai ukighamba; 4“Wele wandu wapo, kwaki mlalagha andenyi ya nyumba riboie ingelo Hekalu yapo iduagha inonekie? 5Ndemmbonagha seji mwawuyapatwa ni malagho? 6Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa. 7Huwo ndemuwuewona shekeria yaro seji ifwanagha? 8Jokenyi mighondinyi mrede mbau, muiaghe Hekalu; nani nichaboilwa na kutaswa andenyi yaro.
9“Morekoghe mkisuwiria kupata vindo vingi, ela mkaapata vitinieri; hata iji mwavireda mzinyi, ngaviduka na mbeo noko. Mwamanyire ni kwaki nibonyere huwo? Ni angu Hekalu yapo iduagha ighacho, ingelo kula umu onyu waawuyabonya malagho gha nyumbenyi kwake. 10Iyo niyo sababu vua ndeiwuyenya, hata ndoe ndeiwuefunya mavalo ghangi. 11Naomera isanga aighu mighondinyi, na mbuwenyi rewa viro, na mbuwa ra mizabibu na matunda gha mizeituni, na kula andu kobusa viro. Ngareda wasi kwa wandu na nyamandu, na kula kilambo mdimagha kuzoghora.”
Wandu kughusikira momu ghwa BWANA
12Niko Zerubabeli na Joshua na wandu wose wiwurie kufuma wubarishonyi Babuloni, wikabonya seji BWANA Mlungu wawo oreghorieghe. Wereobueghe BWANA Mlungu na kumsikira mlodi Hagai mdumwa wa BWANA. 13Niko Hagai ukawighoria wandu malagho gha BWANA: “Nalaghira kukaia nichakanya andwamweri nenyo.” 14Nao BWANA ukawinyavura ngolo wandu wose wipate kubonya kazi ya Hekalu: Zerubabeli na Joshua na masighariko gha wandu wose wiwurie kufuma wubarishonyi. Wikawoka kazi eagha Hekalu ya BWANA Uwadie-Ndighi-Rose uo Mlungu wawo, 15ituku ja mirongo iwi na inya mori ghwa karandadu, mwaka ghwa kawi ghwa kubonya nguma kwa Mzuri Dario.
ទើបបានជ្រើសរើសហើយ៖
HAGAI 1: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
HAGAI 1
1
Bwana kufunya momu Hekalu iagho sena
1Mwaka ghwa kawi ghwa kubonya nguma kwa Mzuri Dario wa Pashia, ituku ja imbiri ja mori ghwa karandadu, BWANA oreghorieghe ukimtumia mlodi Hagai. Malagho ghedeeka aighu ya Zerubabeli mwana wa Shealtieli, m'baa wa Juda, na Mkohani m'baa Joshua mwana wa Jehosadaki.#Ezr. 4.24–5.2; 6.14
2BWANA Uwadie-Ndighi-Rose ukamzera Hagai, “Awandu waawuyaghamba wei ngelo ndeivikie eiagha Hekalu ya BWANA sena.” 3Niko BWANA ukaghora na wandu kwa kumtumia mlodi Hagai ukighamba; 4“Wele wandu wapo, kwaki mlalagha andenyi ya nyumba riboie ingelo Hekalu yapo iduagha inonekie? 5Ndemmbonagha seji mwawuyapatwa ni malagho? 6Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa. 7Huwo ndemuwuewona shekeria yaro seji ifwanagha? 8Jokenyi mighondinyi mrede mbau, muiaghe Hekalu; nani nichaboilwa na kutaswa andenyi yaro.
9“Morekoghe mkisuwiria kupata vindo vingi, ela mkaapata vitinieri; hata iji mwavireda mzinyi, ngaviduka na mbeo noko. Mwamanyire ni kwaki nibonyere huwo? Ni angu Hekalu yapo iduagha ighacho, ingelo kula umu onyu waawuyabonya malagho gha nyumbenyi kwake. 10Iyo niyo sababu vua ndeiwuyenya, hata ndoe ndeiwuefunya mavalo ghangi. 11Naomera isanga aighu mighondinyi, na mbuwenyi rewa viro, na mbuwa ra mizabibu na matunda gha mizeituni, na kula andu kobusa viro. Ngareda wasi kwa wandu na nyamandu, na kula kilambo mdimagha kuzoghora.”
Wandu kughusikira momu ghwa BWANA
12Niko Zerubabeli na Joshua na wandu wose wiwurie kufuma wubarishonyi Babuloni, wikabonya seji BWANA Mlungu wawo oreghorieghe. Wereobueghe BWANA Mlungu na kumsikira mlodi Hagai mdumwa wa BWANA. 13Niko Hagai ukawighoria wandu malagho gha BWANA: “Nalaghira kukaia nichakanya andwamweri nenyo.” 14Nao BWANA ukawinyavura ngolo wandu wose wipate kubonya kazi ya Hekalu: Zerubabeli na Joshua na masighariko gha wandu wose wiwurie kufuma wubarishonyi. Wikawoka kazi eagha Hekalu ya BWANA Uwadie-Ndighi-Rose uo Mlungu wawo, 15ituku ja mirongo iwi na inya mori ghwa karandadu, mwaka ghwa kawi ghwa kubonya nguma kwa Mzuri Dario.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.