HABAKUKI 3
3
Ilombi ja Habakuki
1Iji ni ilombi ja mlodi Habakuki:
2Ee BWANA, nasikire malagho ghako kubonyere,
nani naawuyaobua.
Idana wuria kuribonya iro kazi matuku ghedu,
iro kazi koreribonyereghe matuku gha kala.
Ngelo kwakaia na machu, kukumbuke angu koko wa wughoma.
3Mlungu waawuyacha kufuma Edomu#3.3 Edomu: irina ja kala kwa Kiebrania ni Temani.
uo Mweli waawuyacha kufuma Mghondi ghwa Parani.
Mlungunyi kwafinikirwa ni wubaa ghwake,
na ndoenyi kwachulwa ni makaso ghake.
4Waawuyacha na kung'ala-ng'ala kwa luhehia;
miengere yaawuyafuma mkonunyi kwake,
andu ndighi rake rivisiro.
5Saka izamie yawuyaera imbiri kwake,
walaghira kifwa chimnughe nanyuma.
6Ukakaia kimusi ndoe yadasughusika;
ukazighana tu, mbari ra wandu radasughisika.
Mighondi mibaa ya kokala ikasaghasika,
na mighondi mitini ya kokala ikaneng'ena,
iyo mighondi oreiselieghe kokala.
7Nawonie wandu wa Kushani wikiobua nandighi,
na wandu wa Midiani wikisughusika.
8Wele BWANA, ni meda ikuwusirie machu?
Ni bahari ikubonyere kubie?
Korejokieghe aighu ya mawingu;
iwingu ja kiremba ni igare jako;
kukawiredia wandu wako wusimi.
9Oho koreifungieghe ndana yako,
kukawikiria mawanu ghako lughenyi;
kukaiwaghanya ndoe kwa luhehia lwako.
10Iji mighondi erekuwonieghe ikaobua;
vua ikanya kufuma mawingunyi;
machi mengi ghikaghona ndoenyi nandonyi,
na mivo-mivo yaro ikawuka nokoighu.
11Iruwa na mori vikamanga andu kwaro,
kwa kuwona kung'ala-ng'ala kwa mawanu ghako ghakumbwa,
na uko kung'ala-ng'ala kwa ifumu jako.
12Koreidieghe aghadi ya ndoenyi kwa machu;
kukarifasha-fasha iro mbari ra wandu kwa lubio lubaa.
13Oho korefumieghe kuwikire wandu wako,
kupate kumkira mzuri uo mshingwa mavuda wako.
Oho korem'barieghe chongo uo kilongozi wa wawiwi,
kukawitotesha wanughi wake putu.
14Kukamlasa kilongozi wa ijeshi jake na iwanu jako,
ijo jeredichieghe sa kikulughulu kudisaghisa,
jikiboilwa sa wandu wimkorongagha mkiwa kivisonyi.
15Koreiwadirieghe bahari na farasi rako,
agho machi mengi ghikafunya ifuo.
16Nasikire agho malagho, ngasughusika;
na memu yapo ikasughusika kwa wowa.
Maindi ghapo ghikateweleka,
ngawoka kutighina.
Nichaweseria mboaeri ituku jivike,
ingelo Mlungu uchaawikaba wandu wawuyadikaba.
17Hata ngera mtini ghwakaia ghusewadie matunda,
na zabibu kusoweka aighu ya mizabibu;
hata ngera matunda gha mizeituni ghasoweka
na mbuwa kusowa vindo,
hata ngera ng'ondi rasia chaghenyi
na ng'ombe kusoweka putu boronyi;
18nichaboilwa andenyi ya BWANA,
nichaboilwa andenyi ya Mlungu Mkiri wapo.
19Mlungu, uo BWANA Uwadie-Ndighi uchanineka ndighi,
uchabonya maghu ghapo ghikaie ghiangue sa gha shaa
wadanibonya nighende aighu mighondinyi banana.#2 Sam. 22.34; Zab. 18.33
ទើបបានជ្រើសរើសហើយ៖
HABAKUKI 3: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
HABAKUKI 3
3
Ilombi ja Habakuki
1Iji ni ilombi ja mlodi Habakuki:
2Ee BWANA, nasikire malagho ghako kubonyere,
nani naawuyaobua.
Idana wuria kuribonya iro kazi matuku ghedu,
iro kazi koreribonyereghe matuku gha kala.
Ngelo kwakaia na machu, kukumbuke angu koko wa wughoma.
3Mlungu waawuyacha kufuma Edomu#3.3 Edomu: irina ja kala kwa Kiebrania ni Temani.
uo Mweli waawuyacha kufuma Mghondi ghwa Parani.
Mlungunyi kwafinikirwa ni wubaa ghwake,
na ndoenyi kwachulwa ni makaso ghake.
4Waawuyacha na kung'ala-ng'ala kwa luhehia;
miengere yaawuyafuma mkonunyi kwake,
andu ndighi rake rivisiro.
5Saka izamie yawuyaera imbiri kwake,
walaghira kifwa chimnughe nanyuma.
6Ukakaia kimusi ndoe yadasughusika;
ukazighana tu, mbari ra wandu radasughisika.
Mighondi mibaa ya kokala ikasaghasika,
na mighondi mitini ya kokala ikaneng'ena,
iyo mighondi oreiselieghe kokala.
7Nawonie wandu wa Kushani wikiobua nandighi,
na wandu wa Midiani wikisughusika.
8Wele BWANA, ni meda ikuwusirie machu?
Ni bahari ikubonyere kubie?
Korejokieghe aighu ya mawingu;
iwingu ja kiremba ni igare jako;
kukawiredia wandu wako wusimi.
9Oho koreifungieghe ndana yako,
kukawikiria mawanu ghako lughenyi;
kukaiwaghanya ndoe kwa luhehia lwako.
10Iji mighondi erekuwonieghe ikaobua;
vua ikanya kufuma mawingunyi;
machi mengi ghikaghona ndoenyi nandonyi,
na mivo-mivo yaro ikawuka nokoighu.
11Iruwa na mori vikamanga andu kwaro,
kwa kuwona kung'ala-ng'ala kwa mawanu ghako ghakumbwa,
na uko kung'ala-ng'ala kwa ifumu jako.
12Koreidieghe aghadi ya ndoenyi kwa machu;
kukarifasha-fasha iro mbari ra wandu kwa lubio lubaa.
13Oho korefumieghe kuwikire wandu wako,
kupate kumkira mzuri uo mshingwa mavuda wako.
Oho korem'barieghe chongo uo kilongozi wa wawiwi,
kukawitotesha wanughi wake putu.
14Kukamlasa kilongozi wa ijeshi jake na iwanu jako,
ijo jeredichieghe sa kikulughulu kudisaghisa,
jikiboilwa sa wandu wimkorongagha mkiwa kivisonyi.
15Koreiwadirieghe bahari na farasi rako,
agho machi mengi ghikafunya ifuo.
16Nasikire agho malagho, ngasughusika;
na memu yapo ikasughusika kwa wowa.
Maindi ghapo ghikateweleka,
ngawoka kutighina.
Nichaweseria mboaeri ituku jivike,
ingelo Mlungu uchaawikaba wandu wawuyadikaba.
17Hata ngera mtini ghwakaia ghusewadie matunda,
na zabibu kusoweka aighu ya mizabibu;
hata ngera matunda gha mizeituni ghasoweka
na mbuwa kusowa vindo,
hata ngera ng'ondi rasia chaghenyi
na ng'ombe kusoweka putu boronyi;
18nichaboilwa andenyi ya BWANA,
nichaboilwa andenyi ya Mlungu Mkiri wapo.
19Mlungu, uo BWANA Uwadie-Ndighi uchanineka ndighi,
uchabonya maghu ghapo ghikaie ghiangue sa gha shaa
wadanibonya nighende aighu mighondinyi banana.#2 Sam. 22.34; Zab. 18.33
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.