HABAKUKI 1
1
1Agha ni mawono gha Mlungu gherefunukuloghe mlodi Habakuki.
Malalamiko gha Habakuki aighu ya kusowa hachi
2Ee BWANA, nilila ngilola wutesia kufuma kwako hata lii? Dilila hata lii ima kuchedikira na makorongo? 3Kwaki kunibonyagha niwoneghe makosa, na wasi? Naamarwa ni kunoneka na makorongo. Wuda na marashano ghachua kula andu. 4Kwa huwo sharia ndeiwuetalwa, na wandu ndewiwuetanya hachi. Wawiwi wawimara wandu wa hachi chia rose, na kwa wundu ugho hachi yalaghashwa.
Kutumbulia kwa BWANA
5BWANA ukawizera wandu wake, “Zighanenyi aghadi ya iro mbari ra wandu mmbone, nao mshinike nandighi. Nichabonya ilagho andenyi ya matuku ghenyu; ijo hata mkaghorelwa malagho gharo msedimagha kujirumiria.#Mab. 13.41 6Nichareda Wababuloni, ija mbari ibirie, iangue kubonya malagho. Wadaghenda wurumwengunyi kose, kuwusa malalo ghiseko ghawo.#2 Waz. 24.2 7Ni wandu wa ndengwa, wioboshagha; wandu wikukasire wisena sharia.
8“Farasi rawo raangue kuchumba inge;
rabirie kuchumba vikwau vasinda njala.
Wajoki farasi wawo wacha wikirama-rama wikukasire wafuma kula;
waghenda na iseghe sa indu rikunde kufondia madiwo ghawo.
9“Majeshi ghawo wadapata wusimi kwa kutumia ndighi;
wikakacha wadaobosha kula mundu.
Wafungwa wawidwa wunyika ni wengi sa msangagha.
10“Wadawimenya wazuri na kuwiseka wabaa; ndekuwadie ngome ingi idimagha kuwitangala; wadaitumbanyira ndoe kitungu na kuiwada. 11Nawo wadaida sa mbeo, na kughenda chia rawo; wandu awa ni wawiwi, na wudimi ghwawo ni mlungu wawo.”
Habakuki kumlalamikia BWANA sena
12Ee BWANA Mlungu wapo, kuko Mweli wapo, si oho kumoni kuko wa kala na kala? Ndedifwagha kungi. Ee BWANA, ni oho kumoni kuredie Wababuloni wipate kutanya, na oho ee Mlindiri, koowimangisha wipate kudikaba. 13Kudima wada kurumaghianya na awa wandu wawiwi wikalie ee BWANA? Kwa kukaia meso ghako ni gha wueli ghisekundagha kuzighana mawiwi na makosa. Kwaki kunyamagha kima ingelo awo wandu wawiwi wiwitoteshagha wandu wa hachi kuwichumba awo?
14Kwadimie wada kuwibonya wadamu wikaie sa samaki riko baharinyi, na sa shimandu riavuagha andoenyi risewadie mzuri ungi? 15Wababuloni wadawiwada wandu kwa ndoana sa samaki, na kuwiruda cha shighadi kwa nyavu yawo; wawikwanya andenyi ya nyavu yawo mbaa, nawo waboilwa na kuseka. 16Kwa wundu ugho, wadafunyira nyavu yawo kizongona, na kuifukiria marumba, angu nyavu rawo niro riwitesiagha kupata maseko, na vindo vinorie.
17Welee, wiadua wikiwada na nyavu rawo, angu wiadua wikibwagha wandu wa iro mbari matuku ghose kuseko na wughoma ghungi?
ទើបបានជ្រើសរើសហើយ៖
HABAKUKI 1: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
HABAKUKI 1
1
1Agha ni mawono gha Mlungu gherefunukuloghe mlodi Habakuki.
Malalamiko gha Habakuki aighu ya kusowa hachi
2Ee BWANA, nilila ngilola wutesia kufuma kwako hata lii? Dilila hata lii ima kuchedikira na makorongo? 3Kwaki kunibonyagha niwoneghe makosa, na wasi? Naamarwa ni kunoneka na makorongo. Wuda na marashano ghachua kula andu. 4Kwa huwo sharia ndeiwuetalwa, na wandu ndewiwuetanya hachi. Wawiwi wawimara wandu wa hachi chia rose, na kwa wundu ugho hachi yalaghashwa.
Kutumbulia kwa BWANA
5BWANA ukawizera wandu wake, “Zighanenyi aghadi ya iro mbari ra wandu mmbone, nao mshinike nandighi. Nichabonya ilagho andenyi ya matuku ghenyu; ijo hata mkaghorelwa malagho gharo msedimagha kujirumiria.#Mab. 13.41 6Nichareda Wababuloni, ija mbari ibirie, iangue kubonya malagho. Wadaghenda wurumwengunyi kose, kuwusa malalo ghiseko ghawo.#2 Waz. 24.2 7Ni wandu wa ndengwa, wioboshagha; wandu wikukasire wisena sharia.
8“Farasi rawo raangue kuchumba inge;
rabirie kuchumba vikwau vasinda njala.
Wajoki farasi wawo wacha wikirama-rama wikukasire wafuma kula;
waghenda na iseghe sa indu rikunde kufondia madiwo ghawo.
9“Majeshi ghawo wadapata wusimi kwa kutumia ndighi;
wikakacha wadaobosha kula mundu.
Wafungwa wawidwa wunyika ni wengi sa msangagha.
10“Wadawimenya wazuri na kuwiseka wabaa; ndekuwadie ngome ingi idimagha kuwitangala; wadaitumbanyira ndoe kitungu na kuiwada. 11Nawo wadaida sa mbeo, na kughenda chia rawo; wandu awa ni wawiwi, na wudimi ghwawo ni mlungu wawo.”
Habakuki kumlalamikia BWANA sena
12Ee BWANA Mlungu wapo, kuko Mweli wapo, si oho kumoni kuko wa kala na kala? Ndedifwagha kungi. Ee BWANA, ni oho kumoni kuredie Wababuloni wipate kutanya, na oho ee Mlindiri, koowimangisha wipate kudikaba. 13Kudima wada kurumaghianya na awa wandu wawiwi wikalie ee BWANA? Kwa kukaia meso ghako ni gha wueli ghisekundagha kuzighana mawiwi na makosa. Kwaki kunyamagha kima ingelo awo wandu wawiwi wiwitoteshagha wandu wa hachi kuwichumba awo?
14Kwadimie wada kuwibonya wadamu wikaie sa samaki riko baharinyi, na sa shimandu riavuagha andoenyi risewadie mzuri ungi? 15Wababuloni wadawiwada wandu kwa ndoana sa samaki, na kuwiruda cha shighadi kwa nyavu yawo; wawikwanya andenyi ya nyavu yawo mbaa, nawo waboilwa na kuseka. 16Kwa wundu ugho, wadafunyira nyavu yawo kizongona, na kuifukiria marumba, angu nyavu rawo niro riwitesiagha kupata maseko, na vindo vinorie.
17Welee, wiadua wikiwada na nyavu rawo, angu wiadua wikibwagha wandu wa iro mbari matuku ghose kuseko na wughoma ghungi?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.