AMOSI 8
8
Mawono gha kikapu cha matunda
1Bwana MLUNGU ukaniwonyera mawono ghamu: ngawona andenyi yaro kikapu cha matunda ghiwurue. 2Nao ukaghamba, “Kwawuyawona kii Amosi?” Nani ngatumbulia, “Naawuyawona kikapu cha matunda ghiwurue.” Niko BWANA ukanizera, “Kutua kwa wandu wapo Israeli kwameria kuvika; sichaawilekia sena anduangi. 3Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”
Mashaka gha Israeli
4Sikirenyi agha inyo muwifashagha wandu wisena kindo chingi, na kukunda kuwitotesha wakiwa wa isangenyi. 5Mwaghamba, “Ituku ibaa ja Mori lukombe jisiali, diwoneuza viro? Sabato isiali, diwonefunya ngano diuze; dighaluse vipimo na kukalia wandu kwa kutumia vipimo va tee. 6Dichamghua mkiwa kwa feza, na uo usena kindo chingi kwa vadu va sapata, na kuuza masemu gha ngano.”
7BWANA, uo Mlungu wa Israeli waghemie, “Kwa loli jingi nidua niseliwie mabonyo ghawo ghizamie. 8Kwa huwo ndoe ichasughusika, na kula mundu isangenyi uchakaia na wasi. Isanga jose jichasughusika; jikichua na kumichwa-michwa sa ugho moda ghwa Naili ghuko Misri. 9Ngelo ichacha, nani nichabonya iruwa jineng'ene dime ghadi, na kubonya ndoe isere kira nadime. 10Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.
11“Olenyi matuku ghichacha, nichaareda njala isangenyi; si njala esowa vindo, angu kau esowa machi, ela ichakaia njala esowa kughisikira malagho gha BWANA. Ini BWANA naghamba. 12Wandu wichamara-mara kufuma kutua uku kwa bahari, hata kutua kuja kwa bahari na kufuma kaskazinyi hata mashariki; wichakimbia ii chia na i chia wikilola ilagho ja BWANA, na ndewichaajiwona anduangi. 13Ngelo iyo, wai wighokie na wadawana wichadumbuka kwa wundu ghwa kau. 14Awo wandu wighemagha kwa milimu ya Samaria, wikighamba, ‘Kwa mlungu ghwa Dani’ angu ‘Kwa mlungu ghwa Beer-sheba’ wandu awo wichaghwa hata ndewiichaawuka sena.”
ទើបបានជ្រើសរើសហើយ៖
AMOSI 8: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
AMOSI 8
8
Mawono gha kikapu cha matunda
1Bwana MLUNGU ukaniwonyera mawono ghamu: ngawona andenyi yaro kikapu cha matunda ghiwurue. 2Nao ukaghamba, “Kwawuyawona kii Amosi?” Nani ngatumbulia, “Naawuyawona kikapu cha matunda ghiwurue.” Niko BWANA ukanizera, “Kutua kwa wandu wapo Israeli kwameria kuvika; sichaawilekia sena anduangi. 3Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”
Mashaka gha Israeli
4Sikirenyi agha inyo muwifashagha wandu wisena kindo chingi, na kukunda kuwitotesha wakiwa wa isangenyi. 5Mwaghamba, “Ituku ibaa ja Mori lukombe jisiali, diwoneuza viro? Sabato isiali, diwonefunya ngano diuze; dighaluse vipimo na kukalia wandu kwa kutumia vipimo va tee. 6Dichamghua mkiwa kwa feza, na uo usena kindo chingi kwa vadu va sapata, na kuuza masemu gha ngano.”
7BWANA, uo Mlungu wa Israeli waghemie, “Kwa loli jingi nidua niseliwie mabonyo ghawo ghizamie. 8Kwa huwo ndoe ichasughusika, na kula mundu isangenyi uchakaia na wasi. Isanga jose jichasughusika; jikichua na kumichwa-michwa sa ugho moda ghwa Naili ghuko Misri. 9Ngelo ichacha, nani nichabonya iruwa jineng'ene dime ghadi, na kubonya ndoe isere kira nadime. 10Nicharighalua ndima renyu riwue kililo chefuilwa, na chumbo renyu riwue ra wasi; nicham'bonya muro nguwo ra magunia, na kuara vongo venyu. Ituku ijo nichajibonya jikaie sa ifwa jelilia mwana wa womi wa ititi, na kutua kwa ituku jaro kuchakaia kwa wasi m'baa.
11“Olenyi matuku ghichacha, nichaareda njala isangenyi; si njala esowa vindo, angu kau esowa machi, ela ichakaia njala esowa kughisikira malagho gha BWANA. Ini BWANA naghamba. 12Wandu wichamara-mara kufuma kutua uku kwa bahari, hata kutua kuja kwa bahari na kufuma kaskazinyi hata mashariki; wichakimbia ii chia na i chia wikilola ilagho ja BWANA, na ndewichaajiwona anduangi. 13Ngelo iyo, wai wighokie na wadawana wichadumbuka kwa wundu ghwa kau. 14Awo wandu wighemagha kwa milimu ya Samaria, wikighamba, ‘Kwa mlungu ghwa Dani’ angu ‘Kwa mlungu ghwa Beer-sheba’ wandu awo wichaghwa hata ndewiichaawuka sena.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.