AMOSI 6
6
Kunoneka kwa Israeli
1Ni bugha konyu inyo mkaiagha kwa raha Sioni na kwa inyo mmbonagha kukaia moko nicha Samaria; inyo wandu wabaa wa iyo mbari mbaa ya Israeli wesuwirilwa ni wandu wa Israeli. 2Marenyi muzi ghwa Kalno mzighane mmbone; na kufuma aho mghende ghuja muzi m'baa ghwa Hamathi; sena muide msee hata Gathi, muzi ghwa Wafilisti. Welee, weko nicha kuchumba agha mawuzuri gha Juda na Israeli? Angu, weko na isanga ibaa kuchumba jenyu? 3Inyo mleghagha kurumiria wei ijo ituku jekabwa jalighisa, ela sena agho mughibonyagha ghaawuyashashira ijo ituku jimchee. 4Ni bugha konyu inyo mkuhoreshagha aighu ya mawuli gha mbembe ra chovu, na kukughorua aighu ya makochi, mkija nyama ra ng'ondi kufuma chaghenyi, na nyama ra ngache kufuma boronyi; 5inyo m'boragha chumbo mkitumia vinubi, na kukubonyera vombo vebora sa Daudi. 6Mnywagha divei na bakuli, na kukushinga mavuda gha marumba mecha, ela msetalagha kunoneka kwa Israeli. 7Kwa huwo mchakaia wa imbiri kudwalwa wunyika; karamu na maseko ghenyu ghichasia.
8Bwana MLUNGU waghema kwa uo moni, ukighamba, “Nazamilwa ni uko kukujosa kwa wandu wa Israeli na iro ngome rawo; nani nichaghufunya muzi ghwawo na vose viko andenyi yaro kwa wamaiza.”
9Iji wandu ikumi wasigharika andenyi ya nyumba, wichafwa wose. 10Mkichuku wa mundu ufue, uo uko kilongozi cha mariko uchaghufunya ugho mumbi nyumbenyi. Uja mkichuku uchawanga mundu uo ose wasigharika nyumbenyi, “Wele mokwanye na mndungi aho?” Ukatumbulia, “Hata!” Uchaghamba, “Shii! Nyama kima, disesikirike dikijighora irina ja BWANA.”
11BWANA ukafunya momu, nyumba mbaa na ndini richachikanywa vipande vipande. 12Welee, farasi rakimbiagha aighu lwalenyi? Welee, mndungi walimagha na ighembe ja ng'ombe a baharinyi? Ela inyo mwaighalusire hachi iwuye sumu, na itunda ja hachi jiwuye sa kilambo chiwawie.
13Inyo mwawuyaboilwanya na Lo-debari#6.13 Lo-debari: kutambua kwaro ni wuduu. mkighamba, “Welee, ndededewada muzi ghwa Karnaimu kwa ndighi redu diweni?” 14BWANA Uwadie-Ndighi-Rose waghamba, “Olenyi nichamredia ijeshi ja kighenyi isangenyi konyu, ee wandu wa Israeli, nawo wichamkoronga kufuma mbembe ya Hamathi cha kaskazinyi hata kamoda ka Araba cha kusinyi.”
ទើបបានជ្រើសរើសហើយ៖
AMOSI 6: TAITA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.
AMOSI 6
6
Kunoneka kwa Israeli
1Ni bugha konyu inyo mkaiagha kwa raha Sioni na kwa inyo mmbonagha kukaia moko nicha Samaria; inyo wandu wabaa wa iyo mbari mbaa ya Israeli wesuwirilwa ni wandu wa Israeli. 2Marenyi muzi ghwa Kalno mzighane mmbone; na kufuma aho mghende ghuja muzi m'baa ghwa Hamathi; sena muide msee hata Gathi, muzi ghwa Wafilisti. Welee, weko nicha kuchumba agha mawuzuri gha Juda na Israeli? Angu, weko na isanga ibaa kuchumba jenyu? 3Inyo mleghagha kurumiria wei ijo ituku jekabwa jalighisa, ela sena agho mughibonyagha ghaawuyashashira ijo ituku jimchee. 4Ni bugha konyu inyo mkuhoreshagha aighu ya mawuli gha mbembe ra chovu, na kukughorua aighu ya makochi, mkija nyama ra ng'ondi kufuma chaghenyi, na nyama ra ngache kufuma boronyi; 5inyo m'boragha chumbo mkitumia vinubi, na kukubonyera vombo vebora sa Daudi. 6Mnywagha divei na bakuli, na kukushinga mavuda gha marumba mecha, ela msetalagha kunoneka kwa Israeli. 7Kwa huwo mchakaia wa imbiri kudwalwa wunyika; karamu na maseko ghenyu ghichasia.
8Bwana MLUNGU waghema kwa uo moni, ukighamba, “Nazamilwa ni uko kukujosa kwa wandu wa Israeli na iro ngome rawo; nani nichaghufunya muzi ghwawo na vose viko andenyi yaro kwa wamaiza.”
9Iji wandu ikumi wasigharika andenyi ya nyumba, wichafwa wose. 10Mkichuku wa mundu ufue, uo uko kilongozi cha mariko uchaghufunya ugho mumbi nyumbenyi. Uja mkichuku uchawanga mundu uo ose wasigharika nyumbenyi, “Wele mokwanye na mndungi aho?” Ukatumbulia, “Hata!” Uchaghamba, “Shii! Nyama kima, disesikirike dikijighora irina ja BWANA.”
11BWANA ukafunya momu, nyumba mbaa na ndini richachikanywa vipande vipande. 12Welee, farasi rakimbiagha aighu lwalenyi? Welee, mndungi walimagha na ighembe ja ng'ombe a baharinyi? Ela inyo mwaighalusire hachi iwuye sumu, na itunda ja hachi jiwuye sa kilambo chiwawie.
13Inyo mwawuyaboilwanya na Lo-debari#6.13 Lo-debari: kutambua kwaro ni wuduu. mkighamba, “Welee, ndededewada muzi ghwa Karnaimu kwa ndighi redu diweni?” 14BWANA Uwadie-Ndighi-Rose waghamba, “Olenyi nichamredia ijeshi ja kighenyi isangenyi konyu, ee wandu wa Israeli, nawo wichamkoronga kufuma mbembe ya Hamathi cha kaskazinyi hata kamoda ka Araba cha kusinyi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 1997
All rights reserved.