Romanos 6
6
Uy cowapa'ttame, nʌ'ittamʌ Cristo ndzoco'yojmo
1¿Tiya'ndʌ jeque ndzamba? ¿Maŋbajatʌ ŋgowapa'tjojcʌtʌjcu wa'y wyʌwa'u más te' yajya'moquiuy? 2Ja'ne nijutz. Porque jujche'ŋbʌndʌ ca'uwʌše'a ndzʌctamu nwin uytyʌ ŋgowapa'ttamu, ¿jutza'ndʌ maŋba ŋgowapa'ttaŋgue'tumaj? 3¿Ja'nja mustame que jujche'ŋdʌ tumʌtzʌctamu Cristo Jesusji'ŋ nʌ'yʌ'yoquiu'yojmo, tumʌtzʌctamutʌ ñe'cʌji'ŋ quia'a'ŋojmošej nʌ'yʌ'yoquiu'yojmo? 4Porque tumʌnipyajwa'ndʌ ñe'cʌji'ŋ quia'a'ŋojmošej nʌ'yʌ'yoquiu'yojmo. Y jujcha' winsa'u te' Cristo ca'yajupʌ'ojmoc Tyata Diojsis myʌja'ŋajcupyit, te'šejtijque' tʌta'm wa'ytyʌ ndu'ŋajtamu jomepʌ quengu'yojmo.
5Porque juca tumʌtzʌctamutʌ ñe'cʌji'ŋ ñe' quia'a'ŋojmo, te'šejtijtʌ tumʌtzʌctaŋgue'tpa ñe'cʌji'ŋ ñe' wyinsa'cu'yojmo. 6Y muspatʌ que tʌta'm pecapʌ nwin tumʌma'mwa'a cruzcʌsi Cristoji'ŋ wa'y yaju tʌ nyatzitzoco'yajcuy, u'yandʌ aŋgui'mdamu cowa's. 7Porque iwʌ ca'uwa'a, chajcuwa'nde' te' cowa's. 8Y juca Cristoji'ŋdʌ ca'tamu, nwʌ'aŋjambatʌ que te'šejtijtʌ maŋba ittaŋgue'tu ñe'cʌji'ŋ. 9Mustambatʌ que Cristo winsa'u ca'yajupʌ'ojmoc y ja'na quia'e. Ja'na yajtiyʌ musi chʌcjayu ñe'cʌ te' ca'a'ŋis. 10Porque tumnacatij ca'u, cowacotoyate' ca'u mumu pʌngotoya. Y yʌtij quenba, Dioscotoyate' quenba. 11Te'šejtijque' ca'uwʌšej tzʌctamʌ nwin u'yamij 'yaŋgui'mdamu cowa's. Pero quenbawʌšej tzʌctamʌ nwin Dioscotoya porque tumʌtzʌctamutʌ Cristo Jesusji'ŋ.
12U'ya tzi'i lugar wa'y 'yaŋgui'mjayu te' cowa's mis ca'papʌ ŋgüerpo, ni uy mato'ŋoyjay misne' ja'n 'yoyepʌ su'noquiuy. 13Uy tzi'oquia'tame mista'm ŋgüerpo's tyiyʌjanatiyʌ wa'mij ŋguiowapa'ttamu, ni wa'mis yacha'cuy ndzʌctamu. Tzi'oquia'tamʌ nwin Dioscʌsi jujcha' winsa'yajupʌ ca'yajupʌ'ojmoc. Y tzʌctamʌ justo'ajcuy mista'm ŋgüerpo's tyiyʌjanatiyʌpit. 14Ja'nmij 'yaŋgui'mdaŋgue'temaj cowa's, porque ja'ndiyʌta'mamij aŋgui'mguquiʌ'mʌ, sino que te' yajya'moquiuquiʌ'mʌ.
Justicia'sandʌyʌ' quioyosa
15¿Tiya' jeque? ¿Cowapa'tpasʌ'ŋdʌ porque ja'nandʌ aŋgui'mguquiʌ'mʌ ittame, sino que yajya'moquiuquiʌ'mʌ? Ja'ne nijutz. 16¿Ja'nja mustame que iwʌcʌsimis ndzi'oquia'tamba nwin coyosašej wa'mis mato'ŋoyjaytyamu, te'wʌ'smijte' ŋguioyosata'm iwʌmis mato'ŋoyjaytyamba? Juca ŋguiowapa'tjojcʌtʌcpamij, maŋbamij ŋguia'u. Pero juca mato'ŋoyjojcʌtʌcjapyamis Dios, maŋbamij ñchi'tamu justicia ñe'cʌ's. 17Nguioyosata'm mij inʌc cowa'sñe'. Pero nʌjapya'ʌs Dios yʌscotoya que yʌtij ndumʌtzocoy mis nʌ mato'ŋoyjaytyamu te' aŋma'yoquiuy ndzi'oquiu'yajtamupʌcʌsi mis nwin. 18Y como ŋguiotzoctamumij cowa'ojmoc, yʌtij ŋguioyosašejmij ñʌ'ittamu justicia's. 19Ndzamjaytyamba'ʌsmij yʌ'šej ñempe'iwʌ pʌnšej porque mochita'mbʌ mbyʌnmij. Wina ndzi'oquiu'yajtamumis mista'm ŋgüerpo's tyiyʌjanatiyʌ wa'mis ndzʌctamu yatzita'mbʌ tiyʌ y tocoquiuy. Yʌtij tzi'oquiu'yajtamʌ mista'm ŋgüerpo's tyiyʌjanatiyʌ wa'mis ndzʌctamu justicia, y te'šej wa'mij myasa'najtamu.
20Ñʌ'ittamu'cmajmij quioyosašej te' cowa's, libreta'm mij inʌc wa'mis jana ndzʌctamu justota'mbʌ tiyʌ. 21¿Tiya' inʌc nʌwʌ'ajtamu jeque te'šejta'mbʌ tiyʌ'ojmo te' yʌti'amis ŋgotza'ajtambapʌ? Te'šejta'mbʌ tiyʌpit ca'tambatʌ. 22Pero yʌtij ŋguiotzoctamumij te' cowa'ojmoc, y quioyosašejmij ñʌ'ittamba Diojsis. Nʌwʌ'ajtamumis porque te'wʌ'smij nyajmasa'najtamba, y ñe'cʌpit mba'ttambamis ja'n yayepʌ quenguy. 23Porque te' cowa's quioyowa, ca'aŋde', pero Diojsistʌ saŋdzi'pa ja'n yayepʌ quenguy tʌta'm Ngomi Cristo Jesuspit.
ទើបបានជ្រើសរើសហើយ៖
Romanos 6: ZCNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testamento en Zoque Copainalá © Sociedad Bíblica de México, A.C. 1967.
Romanos 6
6
Uy cowapa'ttame, nʌ'ittamʌ Cristo ndzoco'yojmo
1¿Tiya'ndʌ jeque ndzamba? ¿Maŋbajatʌ ŋgowapa'tjojcʌtʌjcu wa'y wyʌwa'u más te' yajya'moquiuy? 2Ja'ne nijutz. Porque jujche'ŋbʌndʌ ca'uwʌše'a ndzʌctamu nwin uytyʌ ŋgowapa'ttamu, ¿jutza'ndʌ maŋba ŋgowapa'ttaŋgue'tumaj? 3¿Ja'nja mustame que jujche'ŋdʌ tumʌtzʌctamu Cristo Jesusji'ŋ nʌ'yʌ'yoquiu'yojmo, tumʌtzʌctamutʌ ñe'cʌji'ŋ quia'a'ŋojmošej nʌ'yʌ'yoquiu'yojmo? 4Porque tumʌnipyajwa'ndʌ ñe'cʌji'ŋ quia'a'ŋojmošej nʌ'yʌ'yoquiu'yojmo. Y jujcha' winsa'u te' Cristo ca'yajupʌ'ojmoc Tyata Diojsis myʌja'ŋajcupyit, te'šejtijque' tʌta'm wa'ytyʌ ndu'ŋajtamu jomepʌ quengu'yojmo.
5Porque juca tumʌtzʌctamutʌ ñe'cʌji'ŋ ñe' quia'a'ŋojmo, te'šejtijtʌ tumʌtzʌctaŋgue'tpa ñe'cʌji'ŋ ñe' wyinsa'cu'yojmo. 6Y muspatʌ que tʌta'm pecapʌ nwin tumʌma'mwa'a cruzcʌsi Cristoji'ŋ wa'y yaju tʌ nyatzitzoco'yajcuy, u'yandʌ aŋgui'mdamu cowa's. 7Porque iwʌ ca'uwa'a, chajcuwa'nde' te' cowa's. 8Y juca Cristoji'ŋdʌ ca'tamu, nwʌ'aŋjambatʌ que te'šejtijtʌ maŋba ittaŋgue'tu ñe'cʌji'ŋ. 9Mustambatʌ que Cristo winsa'u ca'yajupʌ'ojmoc y ja'na quia'e. Ja'na yajtiyʌ musi chʌcjayu ñe'cʌ te' ca'a'ŋis. 10Porque tumnacatij ca'u, cowacotoyate' ca'u mumu pʌngotoya. Y yʌtij quenba, Dioscotoyate' quenba. 11Te'šejtijque' ca'uwʌšej tzʌctamʌ nwin u'yamij 'yaŋgui'mdamu cowa's. Pero quenbawʌšej tzʌctamʌ nwin Dioscotoya porque tumʌtzʌctamutʌ Cristo Jesusji'ŋ.
12U'ya tzi'i lugar wa'y 'yaŋgui'mjayu te' cowa's mis ca'papʌ ŋgüerpo, ni uy mato'ŋoyjay misne' ja'n 'yoyepʌ su'noquiuy. 13Uy tzi'oquia'tame mista'm ŋgüerpo's tyiyʌjanatiyʌ wa'mij ŋguiowapa'ttamu, ni wa'mis yacha'cuy ndzʌctamu. Tzi'oquia'tamʌ nwin Dioscʌsi jujcha' winsa'yajupʌ ca'yajupʌ'ojmoc. Y tzʌctamʌ justo'ajcuy mista'm ŋgüerpo's tyiyʌjanatiyʌpit. 14Ja'nmij 'yaŋgui'mdaŋgue'temaj cowa's, porque ja'ndiyʌta'mamij aŋgui'mguquiʌ'mʌ, sino que te' yajya'moquiuquiʌ'mʌ.
Justicia'sandʌyʌ' quioyosa
15¿Tiya' jeque? ¿Cowapa'tpasʌ'ŋdʌ porque ja'nandʌ aŋgui'mguquiʌ'mʌ ittame, sino que yajya'moquiuquiʌ'mʌ? Ja'ne nijutz. 16¿Ja'nja mustame que iwʌcʌsimis ndzi'oquia'tamba nwin coyosašej wa'mis mato'ŋoyjaytyamu, te'wʌ'smijte' ŋguioyosata'm iwʌmis mato'ŋoyjaytyamba? Juca ŋguiowapa'tjojcʌtʌcpamij, maŋbamij ŋguia'u. Pero juca mato'ŋoyjojcʌtʌcjapyamis Dios, maŋbamij ñchi'tamu justicia ñe'cʌ's. 17Nguioyosata'm mij inʌc cowa'sñe'. Pero nʌjapya'ʌs Dios yʌscotoya que yʌtij ndumʌtzocoy mis nʌ mato'ŋoyjaytyamu te' aŋma'yoquiuy ndzi'oquiu'yajtamupʌcʌsi mis nwin. 18Y como ŋguiotzoctamumij cowa'ojmoc, yʌtij ŋguioyosašejmij ñʌ'ittamu justicia's. 19Ndzamjaytyamba'ʌsmij yʌ'šej ñempe'iwʌ pʌnšej porque mochita'mbʌ mbyʌnmij. Wina ndzi'oquiu'yajtamumis mista'm ŋgüerpo's tyiyʌjanatiyʌ wa'mis ndzʌctamu yatzita'mbʌ tiyʌ y tocoquiuy. Yʌtij tzi'oquiu'yajtamʌ mista'm ŋgüerpo's tyiyʌjanatiyʌ wa'mis ndzʌctamu justicia, y te'šej wa'mij myasa'najtamu.
20Ñʌ'ittamu'cmajmij quioyosašej te' cowa's, libreta'm mij inʌc wa'mis jana ndzʌctamu justota'mbʌ tiyʌ. 21¿Tiya' inʌc nʌwʌ'ajtamu jeque te'šejta'mbʌ tiyʌ'ojmo te' yʌti'amis ŋgotza'ajtambapʌ? Te'šejta'mbʌ tiyʌpit ca'tambatʌ. 22Pero yʌtij ŋguiotzoctamumij te' cowa'ojmoc, y quioyosašejmij ñʌ'ittamba Diojsis. Nʌwʌ'ajtamumis porque te'wʌ'smij nyajmasa'najtamba, y ñe'cʌpit mba'ttambamis ja'n yayepʌ quenguy. 23Porque te' cowa's quioyowa, ca'aŋde', pero Diojsistʌ saŋdzi'pa ja'n yayepʌ quenguy tʌta'm Ngomi Cristo Jesuspit.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuevo Testamento en Zoque Copainalá © Sociedad Bíblica de México, A.C. 1967.