ROM 3
3
1Siu, ?Wa ira duvi Israel a nora gineu tea ngehi a sinobu wagineu hatie nora? ?Wa gineuhigi tea hi u eno hageliu lawera ve rain lei na tevegigilegi? 2Io, u garea lo matahala u sao, a gineu u eno hageliu ngehi i God u lado talo duvi Israel ve rain lei hougi na nona leo huhui. 3Tare ve a duvi Israel lavasigi rahe tabea tea. ?Wa ngehi vin veie vena siregi nase vai tui na nona waratau? 4Hatie, i God vin labe tuturedu lo hogo, hatie huri tare a tangaloi doluegi ram kalikeli. Mwere na Reve reve Gogona mo veve vena, “Iniko goin labe lo hogo lune gom laqa ko iniko goin qoragi na leo asi hi mo eno vovohoigo.” 5Lune igide dam vai na galegaleasi, mo vosangi mwasaragi huri ve i God u vovohoi. Siu, ?Wa igide dain veve lai huri i God mo vagasile huri vin vevegi gide? Ineu nam laqa lo matahala mwere ngaha a vevenagi a sinobu lavasigi bataha rain tarani ve rain laqa mwerehi. 6Hatie, tare ve i God vin he vai lei tea vena vevegi gide. ?Ingeie vin vei lei vena vevegi na ureure mwerehilogo? 7Bataha ihine tea vin veve vena, “Lune nam kali, ngehi mo bete na roroa lawea, a vevenagi a noku kalikeli mo haharagi na hogo noi God. ?Nge huri havagineu ineu nam lai na leo vevegi mwere na tangaloi galegaleasi? 8U mwerehi tau, tare ve igide dam veve vena, “Igide da vai na galegaleasi siu huri a gineu garea vin vonai.” A sinobu ram vai leo ve ran vevegi gamai, ingere ram veve ve igamai gam huhui na gineu ingere ngaha. Ingere rau vagasile ko rau tatarise ve rain lei na leo vevegi.
A sinobu doluegi rau vagasile
9Siu, ?Wa igide ira duvi Israel dau garea denire sinobu wagineu? Hatie, igide dau veve beno huri ve ira duvi Israel ko a sinobu ingere hi hatie duvi Israel ingere doluegi rau vagasile lo galegaleasi 10Mwere na Reve reve Gogona mo veve vena,
“Hatie ve ihine tea ve mo vai na gineu garea,
hatie ve gatagale vohogi.
11Hatie tangaloi ve u rongronghogo.
Hatie ve ihine tea mo hike buluiana dein God.
12Ingere doluegi rau tudori dein God,
ingere rau vano rerarera.
A tangaloi gatagale he vai na gineu garea tea,
hatie ve gatagale vohogi.
13A wuwara mo horo gina lamalamagi
ko mo horo gina kalikeli vin vei na
tangaloi vin mate ginie
Ingere ram veve leo kalikeli tamwere
a nora leo rau mwere na mwata asi hi
hi vin ue vagamate lai na tangaloi.
14A wuwara u horo gina leo warawarai
ko a lolo gadigedi.
15Ingere ram rarai tamwere,
ve rain ue vagamate na sinobu.
16Vataha ute ram vano aie,
ingere ram vai asiesigi na gineu uliu,
ko ram vai na sinobu ram hahagavi.
17Ingere rahe ilo tea ve rain toga
lo tamwata mwerehilogo,
18Vage ingere rahe hikehike tea
ve rain rong huri God.”
19Dau ilo beno huri ve vataha na gineu hi a Leohora noi Mosis u veve, u veve lawera hi ram toga lo vavai Leohora hi. Nge a Leohora hi mo tugoro na tangaloi doluegi, huri ve rain mese veve huri vei ingere rau vovohoi lo nagoi God, ko mo vai na turegi huri ve i God vin vevegi na tangaloi doluegi lolo ure. 20A tangaloi vin he vailei tea ve na vovohoi lo nagoi God lo gineu ingere hi mo vaire mo huri mwere hi a Leohora mo veve. A Leohora mo haharagi na galegaleasi, a nona tabana nge hi hogosie hi.
God mo vai na tangaloi ram vovohoi lo nagona
21Nge siseri ngaha i God a nona turegi, a Leohora he bulu tea meie vohogi. Ko ingeie mo haharagi na matahala lawe gide nge hi a Leohora ko ira tangaloi ligoligogi rau veve lawe gide. 22I God u vei na tangaloi ram vovohoi lo nagona huri na nora ladohogo lui Jisas Kraes. Nge ngaha a hogo huri irahine ram lado hogo lui Kraes a vevenagi tangaloi rau tatarise doluegi. 23Ingere doluegi rau galegaleasi ko rau vagahao dena gineu roroa doluegi noi God. 24Ingere doluegi ram tarani garagara ve rain vovohoi lo nagoi God. Lo nona dom tabetabe, mo bete na nona hogohogo garea. Ngehi mo vaire ram vovohoi lo nagona, huri rau bulu mei Jisas Kraes nge hi u mate voli na nora galegaleasi rau meriqe. 25I God u siregi netune Jisas Kraes mo mate, huri ve a daine vin lei vohogi na galegaleasi nora tangaloi ram ladohogo ginie. I God u vei u garea ko u vovohoi, ko mwere hi tuei ingeie u rongoribi ko he vevegi na tangaloi tea huri na nona galegaleasi. 26Nge i God u bete Jisas mo haharagi garagaragi huri ve ingeie u vei na gineu garea. I God u veve mwere hi huri na nona Leo vevegi ve vin vovohoi, ko ingeie vin vei vovohoigi na tangaloi tea hi mo lado hogo lui Jisas.
27?Siu a havagineu hi dain sage gide lai hurie? !Hatie! ?Wa vevenagi huri hi dam ronghuri na Leohora? Hatie, nge a vevenagi igamai gam lado hogo gain he sage gamai tea. 28Huri dau ilo beno vei God u vei na tangaloi ram vovohoi lo nagona a vevenagi rau ladohogo ginie, nge he vaire tea ve ra vovohoi a vevenagi ram rong huri na Leohora. 29Siu hate domianagi mwere hi vage, ve i God a God nora duvi Juda hogosie. Hatie mwere hi, nge i God a God nora tangaloi tavalavarea den duvi Juda vage. 30I God ingeie gatagale hogosie, ingeie vin vei na duvi Israel rain vovohoi lo nagona, a vevenagi a nora ladohogo. Ingeie vin vei na sinobu hatie duvi Israel rain vovohoi lo nagona vage lo nora ladohogo. 31?Siu wa igide dain tuli vohogi na Leohora? Hatie nge a ladohogo mo vai gide dam vagahorongi na matahala vovohoi ngehi a Leohora mo taranie.
ទើបបានជ្រើសរើសហើយ៖
ROM 3: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
ROM 3
3
1Siu, ?Wa ira duvi Israel a nora gineu tea ngehi a sinobu wagineu hatie nora? ?Wa gineuhigi tea hi u eno hageliu lawera ve rain lei na tevegigilegi? 2Io, u garea lo matahala u sao, a gineu u eno hageliu ngehi i God u lado talo duvi Israel ve rain lei hougi na nona leo huhui. 3Tare ve a duvi Israel lavasigi rahe tabea tea. ?Wa ngehi vin veie vena siregi nase vai tui na nona waratau? 4Hatie, i God vin labe tuturedu lo hogo, hatie huri tare a tangaloi doluegi ram kalikeli. Mwere na Reve reve Gogona mo veve vena, “Iniko goin labe lo hogo lune gom laqa ko iniko goin qoragi na leo asi hi mo eno vovohoigo.” 5Lune igide dam vai na galegaleasi, mo vosangi mwasaragi huri ve i God u vovohoi. Siu, ?Wa igide dain veve lai huri i God mo vagasile huri vin vevegi gide? Ineu nam laqa lo matahala mwere ngaha a vevenagi a sinobu lavasigi bataha rain tarani ve rain laqa mwerehi. 6Hatie, tare ve i God vin he vai lei tea vena vevegi gide. ?Ingeie vin vei lei vena vevegi na ureure mwerehilogo? 7Bataha ihine tea vin veve vena, “Lune nam kali, ngehi mo bete na roroa lawea, a vevenagi a noku kalikeli mo haharagi na hogo noi God. ?Nge huri havagineu ineu nam lai na leo vevegi mwere na tangaloi galegaleasi? 8U mwerehi tau, tare ve igide dam veve vena, “Igide da vai na galegaleasi siu huri a gineu garea vin vonai.” A sinobu ram vai leo ve ran vevegi gamai, ingere ram veve ve igamai gam huhui na gineu ingere ngaha. Ingere rau vagasile ko rau tatarise ve rain lei na leo vevegi.
A sinobu doluegi rau vagasile
9Siu, ?Wa igide ira duvi Israel dau garea denire sinobu wagineu? Hatie, igide dau veve beno huri ve ira duvi Israel ko a sinobu ingere hi hatie duvi Israel ingere doluegi rau vagasile lo galegaleasi 10Mwere na Reve reve Gogona mo veve vena,
“Hatie ve ihine tea ve mo vai na gineu garea,
hatie ve gatagale vohogi.
11Hatie tangaloi ve u rongronghogo.
Hatie ve ihine tea mo hike buluiana dein God.
12Ingere doluegi rau tudori dein God,
ingere rau vano rerarera.
A tangaloi gatagale he vai na gineu garea tea,
hatie ve gatagale vohogi.
13A wuwara mo horo gina lamalamagi
ko mo horo gina kalikeli vin vei na
tangaloi vin mate ginie
Ingere ram veve leo kalikeli tamwere
a nora leo rau mwere na mwata asi hi
hi vin ue vagamate lai na tangaloi.
14A wuwara u horo gina leo warawarai
ko a lolo gadigedi.
15Ingere ram rarai tamwere,
ve rain ue vagamate na sinobu.
16Vataha ute ram vano aie,
ingere ram vai asiesigi na gineu uliu,
ko ram vai na sinobu ram hahagavi.
17Ingere rahe ilo tea ve rain toga
lo tamwata mwerehilogo,
18Vage ingere rahe hikehike tea
ve rain rong huri God.”
19Dau ilo beno huri ve vataha na gineu hi a Leohora noi Mosis u veve, u veve lawera hi ram toga lo vavai Leohora hi. Nge a Leohora hi mo tugoro na tangaloi doluegi, huri ve rain mese veve huri vei ingere rau vovohoi lo nagoi God, ko mo vai na turegi huri ve i God vin vevegi na tangaloi doluegi lolo ure. 20A tangaloi vin he vailei tea ve na vovohoi lo nagoi God lo gineu ingere hi mo vaire mo huri mwere hi a Leohora mo veve. A Leohora mo haharagi na galegaleasi, a nona tabana nge hi hogosie hi.
God mo vai na tangaloi ram vovohoi lo nagona
21Nge siseri ngaha i God a nona turegi, a Leohora he bulu tea meie vohogi. Ko ingeie mo haharagi na matahala lawe gide nge hi a Leohora ko ira tangaloi ligoligogi rau veve lawe gide. 22I God u vei na tangaloi ram vovohoi lo nagona huri na nora ladohogo lui Jisas Kraes. Nge ngaha a hogo huri irahine ram lado hogo lui Kraes a vevenagi tangaloi rau tatarise doluegi. 23Ingere doluegi rau galegaleasi ko rau vagahao dena gineu roroa doluegi noi God. 24Ingere doluegi ram tarani garagara ve rain vovohoi lo nagoi God. Lo nona dom tabetabe, mo bete na nona hogohogo garea. Ngehi mo vaire ram vovohoi lo nagona, huri rau bulu mei Jisas Kraes nge hi u mate voli na nora galegaleasi rau meriqe. 25I God u siregi netune Jisas Kraes mo mate, huri ve a daine vin lei vohogi na galegaleasi nora tangaloi ram ladohogo ginie. I God u vei u garea ko u vovohoi, ko mwere hi tuei ingeie u rongoribi ko he vevegi na tangaloi tea huri na nona galegaleasi. 26Nge i God u bete Jisas mo haharagi garagaragi huri ve ingeie u vei na gineu garea. I God u veve mwere hi huri na nona Leo vevegi ve vin vovohoi, ko ingeie vin vei vovohoigi na tangaloi tea hi mo lado hogo lui Jisas.
27?Siu a havagineu hi dain sage gide lai hurie? !Hatie! ?Wa vevenagi huri hi dam ronghuri na Leohora? Hatie, nge a vevenagi igamai gam lado hogo gain he sage gamai tea. 28Huri dau ilo beno vei God u vei na tangaloi ram vovohoi lo nagona a vevenagi rau ladohogo ginie, nge he vaire tea ve ra vovohoi a vevenagi ram rong huri na Leohora. 29Siu hate domianagi mwere hi vage, ve i God a God nora duvi Juda hogosie. Hatie mwere hi, nge i God a God nora tangaloi tavalavarea den duvi Juda vage. 30I God ingeie gatagale hogosie, ingeie vin vei na duvi Israel rain vovohoi lo nagona, a vevenagi a nora ladohogo. Ingeie vin vei na sinobu hatie duvi Israel rain vovohoi lo nagona vage lo nora ladohogo. 31?Siu wa igide dain tuli vohogi na Leohora? Hatie nge a ladohogo mo vai gide dam vagahorongi na matahala vovohoi ngehi a Leohora mo taranie.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013