ROM 1
1
I Bol mo lai vurugeginire ta Rom
1Ineu i Bol, a tangaloi tabanagi noi Jisas Kraes. Ineu gatagale denire gaihora, i God u leowaheau huri ve nain waregi sere na nona Roro-garea.
2U tuei beno, i God u warataugi na Roro Garea ngaha lawe na tangaloi ligoligogi rau uli bibie lolo Reve reve Gogona. 3A Roro Garea ngaha huri netui God, i Jisas Kraes a noda Huqe, lune u voragi tangaloi, u vora lo duvi Devet. 4Nge gina managi noi Vui Gogona, mo leo wahe i netui God ko gina managi lawua hi u veie mo maraga taligu dena mateana. 5Siu gina lolo garea noi God, ngehi mo eno lui Kraes u vei gamai gam voragi nona gaihora, huri ve igamai gain tabe hagagi na henai Kraes. Siserigi ngaha igamai gam tabana huri ve gan tomuegi na sinobu lo vataha ute ran vanai lobena. Ve ran ladohogo ko ran ronghurie. 6A tabana ngaha mo valu bubugi gimiu doluegi ta Rom vage. I God u ware gimiu beno huri ve igimiu nein huri Jisas Kraes.
7Giniehi, ineu nau uli na leta ngaha lawe gimiu doluegi lo vanue Rom. I God u tabe gimiu garagara, u ware gimiu ve nein voragi nona sinobu gogona.
I God Tamada ko a noda Huqe i Jisas Kraes roin bului gimiu gina nora dom tabetabe lawua, vage ingere roin bete na tamwata lawe gimiu ngehi vin toga mei gimiu gesegi.
I Bol mo tarani ve na vano na lehi na sinobu lo vanue Rom
8A noku leo muegi lawe gimiu, lo henai Jisas Kraes ineu nam veve gareagi God huri gimiu doluegi. A vevenagi a sinobu mo dali na ureure doluegi rau rongo na roro huri na nomiu ladohogo lui Jisas Kraes. 9I God hi nam tabana lawea gina lolo loloku doluegi, nam waregi sere na Roro Garea huri netune, ingeie vin haharaginie lawe gimiu huri ve a havagineu ngaha nam veve a hogo. I God u ilo huri ve gesegi nam lado gimiu vataha tarogi nam tataro. 10Gesegi nam tataro, nam navu dein God, tare ve mo siregi laweau, ingeie vin haqe na matahala tea hurieu ve nain siro gimiu. 11Huri ineu nam tarani garagara ve nain siro gimiu huri ve igimiu nein lei na hogogi talo Vui huri ve vin vei siagagi gimiu. 12Nge a iloilogi huri ve dain vui bulubului gide gina noda ladohogo. A nomiu lado hogo vin buluieu, ko a noku ladohogo vin bului gimiu.
13Retueku, ineu nam tarani ve igimiu nein ilo huri lo taro u sao ineu nau tarani ve nain siro gimiu, nge a gineu sao rau vei goroau, giniehi nahe vonatu lei tea. Ineu nam tarani ve a noku tabana na wai mwasigi lumiu vage mwerehi mo wai mwasigi lure sinobu ngerehi hate duvi Juda 14Ineu nam rongoe lolo tarabesiku huri ve i God u bete na tabana ngaha laweau huri ve nain bului lei na sinobu doluegi, hate huri tare ram toga lolo togagi venue lalawua, sige ira hine hi ram toga haroharo tau mo sigei, sige irahine hi rau lolorani, sige irahine hatie iloilora lure. 15Siu huri na gineu ngaha, ineu nam tarani garagara ve nain waregi sere na Roro Garea lawe gimiu lo vanue Rom.
A huireanai Roro Garea
16Ineu nahe maemae tea huri na Roro Garea. Huri i ngehi a huireana noi God ve vin vaga mwasoi na sinobu hi ram ladohogo ginie. Ira duvi Juda tomue, siu a sinobu ngerehi hate duvi Juda. 17Siu a Roro Garea mo haharagi huri ve i God mo vai na sinobu ram vovohoi lo nagona. A doridorigi hi, mo tavuigi gina ladohogo ko mo rovo lo ladohogo. Mwere na Reve reve Gogona mo veve vena, “Lune i God mo vai na tangaloi mo vovohoi lo nagona, ingeie vin mwaso a vevenagi a nona ladohogo”
A sinobu rau ehu beragi dein God
18A lologagasi noi God mo haharaginie den eulu, mo qalogoro na gineu esi doluegi ngerehi a sinobu ram vaire. A mwasoara hi u esi mo lulungegi goro na hogo. 19I God mo haharagi na nona lologagasi a vevenagi a lolo rani hurie u matamwasara lawera. Ko, i God u mata-mwasaraginie sibona lawera. 20Igide dain he leo lai God tea gina matada, a gineu hi dahe leo laire tea, ngehi a nona mwasoana tavuigi tuei, ko a nona huireana. Nge igide dain leolai na havagineu hi i God u teure lo tavuigi mo dadari gaqarigi, siu sinobu hate nora leo ve rain veve. 21Ingere rau ilo God, nge rahe ware gareaginie God tea, sige rahe veve garea tea ginie. A domire mo huri na mamalawa. A nora domiana asi u horo gina dodogi. 22Ingere ram veve huri ve rau mataisao, nge ingere a mala robagi. 23Siu u tatarise huri ve ingere rain hudu-hudugoro na God vin he mate lai tea, nge ingere ram leahi ram hudu-hudugoro na tarabesi nunui gineu ram gihire rau mwere na tangaloi, sige a manu ko a kakarue ko a mwata.
24Siu i God mo siregi nire ram vano tuturedu ram vai na gineu ngerehi a tanoi maemae lune ngehi a loloi taqangire mo taranie. Ram vaivei esi gina tarabesire gagatalegi. 25U tatarise huri ve rain ladohogo gina hava gineu hi ve a hogo huri God, nge ram leahi huri ve rain ladohogo gina kalikeli. Siu ingere ram hudu-hudugoro na tanoi limana hi u teure, nge i God hatie, ngehi ve dain waregarea ginie vagituei Amen.
26A vevenagi a sinobu rau vei na gineu ingere hi i God mo vaire ram vano tuturedu ram vai na gineu ngerehi a tanoi maemae lure ngehi ram tarani ve ran vaire. Ira vavine ram siregi rahe maturu tea mena mwera, ko ram tavuigi ram maturu meire sibora taligu. 27Ko a mwera lo dori dorigi vovohoi huri ve rain meturu meire vavine, nge a nora taratarani esi mo hurire sibora. A mwera ram vai na gineu a tanoi maemae lure meire mwera wagiwegineu, ko ingere ram wali na gagarasi lo tarabesire sibora ngehi a gaitawe mo eno vovohoi hurive ingere rain leie.
28Lune ingere rahe tarani tea ve rain ilo God. Siu i God mo sireginire ve ran vai na gineu ngerehi ve rain he vaire tea, 29A domire mo horo gina halai galegaleasi u sao, a domi esi a domiana bugure, ko a leo leomasi tangaloi. A domire mo horo gina gineu gagarasi, a ue vagamate tangaloi, a vui qalogi a kalikeli, ko a ladoladoasi vano vovohoire gagatagalegi. Ingere ram veve huri tangaloi, 30Ko ram veve asiesiginire gagatagalegi. Ingere rau leomasi God. Ingere rahe lado mava tea, ko ram lailei hageginire sibora. Ram hikehike huri na matahalai lalakogi lo gineu rau esi. Ingere rahe rong huri tamara tora ratahire tea. 31Ingere a mala robagi ingere rahe hako bibi na nora waratau tea ko rahe haharagi na nora vaivei garea tea sige a nora hahagavi lawe na tangaloi wagineu. 32Ingere rau ilo na Leohora noi God mo veve huri ve ira hine ram toga lo matahala mwere ngaha rain mate. Nge hate huri ve ingere sibora hogosie ram vano tuturedu ram vai na gineu ingere ngaha, nge ram vosavosagi limara huri rahine wagineu ram vai na gineu ingere hi.
ទើបបានជ្រើសរើសហើយ៖
ROM 1: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
ROM 1
1
I Bol mo lai vurugeginire ta Rom
1Ineu i Bol, a tangaloi tabanagi noi Jisas Kraes. Ineu gatagale denire gaihora, i God u leowaheau huri ve nain waregi sere na nona Roro-garea.
2U tuei beno, i God u warataugi na Roro Garea ngaha lawe na tangaloi ligoligogi rau uli bibie lolo Reve reve Gogona. 3A Roro Garea ngaha huri netui God, i Jisas Kraes a noda Huqe, lune u voragi tangaloi, u vora lo duvi Devet. 4Nge gina managi noi Vui Gogona, mo leo wahe i netui God ko gina managi lawua hi u veie mo maraga taligu dena mateana. 5Siu gina lolo garea noi God, ngehi mo eno lui Kraes u vei gamai gam voragi nona gaihora, huri ve igamai gain tabe hagagi na henai Kraes. Siserigi ngaha igamai gam tabana huri ve gan tomuegi na sinobu lo vataha ute ran vanai lobena. Ve ran ladohogo ko ran ronghurie. 6A tabana ngaha mo valu bubugi gimiu doluegi ta Rom vage. I God u ware gimiu beno huri ve igimiu nein huri Jisas Kraes.
7Giniehi, ineu nau uli na leta ngaha lawe gimiu doluegi lo vanue Rom. I God u tabe gimiu garagara, u ware gimiu ve nein voragi nona sinobu gogona.
I God Tamada ko a noda Huqe i Jisas Kraes roin bului gimiu gina nora dom tabetabe lawua, vage ingere roin bete na tamwata lawe gimiu ngehi vin toga mei gimiu gesegi.
I Bol mo tarani ve na vano na lehi na sinobu lo vanue Rom
8A noku leo muegi lawe gimiu, lo henai Jisas Kraes ineu nam veve gareagi God huri gimiu doluegi. A vevenagi a sinobu mo dali na ureure doluegi rau rongo na roro huri na nomiu ladohogo lui Jisas Kraes. 9I God hi nam tabana lawea gina lolo loloku doluegi, nam waregi sere na Roro Garea huri netune, ingeie vin haharaginie lawe gimiu huri ve a havagineu ngaha nam veve a hogo. I God u ilo huri ve gesegi nam lado gimiu vataha tarogi nam tataro. 10Gesegi nam tataro, nam navu dein God, tare ve mo siregi laweau, ingeie vin haqe na matahala tea hurieu ve nain siro gimiu. 11Huri ineu nam tarani garagara ve nain siro gimiu huri ve igimiu nein lei na hogogi talo Vui huri ve vin vei siagagi gimiu. 12Nge a iloilogi huri ve dain vui bulubului gide gina noda ladohogo. A nomiu lado hogo vin buluieu, ko a noku ladohogo vin bului gimiu.
13Retueku, ineu nam tarani ve igimiu nein ilo huri lo taro u sao ineu nau tarani ve nain siro gimiu, nge a gineu sao rau vei goroau, giniehi nahe vonatu lei tea. Ineu nam tarani ve a noku tabana na wai mwasigi lumiu vage mwerehi mo wai mwasigi lure sinobu ngerehi hate duvi Juda 14Ineu nam rongoe lolo tarabesiku huri ve i God u bete na tabana ngaha laweau huri ve nain bului lei na sinobu doluegi, hate huri tare ram toga lolo togagi venue lalawua, sige ira hine hi ram toga haroharo tau mo sigei, sige irahine hi rau lolorani, sige irahine hatie iloilora lure. 15Siu huri na gineu ngaha, ineu nam tarani garagara ve nain waregi sere na Roro Garea lawe gimiu lo vanue Rom.
A huireanai Roro Garea
16Ineu nahe maemae tea huri na Roro Garea. Huri i ngehi a huireana noi God ve vin vaga mwasoi na sinobu hi ram ladohogo ginie. Ira duvi Juda tomue, siu a sinobu ngerehi hate duvi Juda. 17Siu a Roro Garea mo haharagi huri ve i God mo vai na sinobu ram vovohoi lo nagona. A doridorigi hi, mo tavuigi gina ladohogo ko mo rovo lo ladohogo. Mwere na Reve reve Gogona mo veve vena, “Lune i God mo vai na tangaloi mo vovohoi lo nagona, ingeie vin mwaso a vevenagi a nona ladohogo”
A sinobu rau ehu beragi dein God
18A lologagasi noi God mo haharaginie den eulu, mo qalogoro na gineu esi doluegi ngerehi a sinobu ram vaire. A mwasoara hi u esi mo lulungegi goro na hogo. 19I God mo haharagi na nona lologagasi a vevenagi a lolo rani hurie u matamwasara lawera. Ko, i God u mata-mwasaraginie sibona lawera. 20Igide dain he leo lai God tea gina matada, a gineu hi dahe leo laire tea, ngehi a nona mwasoana tavuigi tuei, ko a nona huireana. Nge igide dain leolai na havagineu hi i God u teure lo tavuigi mo dadari gaqarigi, siu sinobu hate nora leo ve rain veve. 21Ingere rau ilo God, nge rahe ware gareaginie God tea, sige rahe veve garea tea ginie. A domire mo huri na mamalawa. A nora domiana asi u horo gina dodogi. 22Ingere ram veve huri ve rau mataisao, nge ingere a mala robagi. 23Siu u tatarise huri ve ingere rain hudu-hudugoro na God vin he mate lai tea, nge ingere ram leahi ram hudu-hudugoro na tarabesi nunui gineu ram gihire rau mwere na tangaloi, sige a manu ko a kakarue ko a mwata.
24Siu i God mo siregi nire ram vano tuturedu ram vai na gineu ngerehi a tanoi maemae lune ngehi a loloi taqangire mo taranie. Ram vaivei esi gina tarabesire gagatalegi. 25U tatarise huri ve rain ladohogo gina hava gineu hi ve a hogo huri God, nge ram leahi huri ve rain ladohogo gina kalikeli. Siu ingere ram hudu-hudugoro na tanoi limana hi u teure, nge i God hatie, ngehi ve dain waregarea ginie vagituei Amen.
26A vevenagi a sinobu rau vei na gineu ingere hi i God mo vaire ram vano tuturedu ram vai na gineu ngerehi a tanoi maemae lure ngehi ram tarani ve ran vaire. Ira vavine ram siregi rahe maturu tea mena mwera, ko ram tavuigi ram maturu meire sibora taligu. 27Ko a mwera lo dori dorigi vovohoi huri ve rain meturu meire vavine, nge a nora taratarani esi mo hurire sibora. A mwera ram vai na gineu a tanoi maemae lure meire mwera wagiwegineu, ko ingere ram wali na gagarasi lo tarabesire sibora ngehi a gaitawe mo eno vovohoi hurive ingere rain leie.
28Lune ingere rahe tarani tea ve rain ilo God. Siu i God mo sireginire ve ran vai na gineu ngerehi ve rain he vaire tea, 29A domire mo horo gina halai galegaleasi u sao, a domi esi a domiana bugure, ko a leo leomasi tangaloi. A domire mo horo gina gineu gagarasi, a ue vagamate tangaloi, a vui qalogi a kalikeli, ko a ladoladoasi vano vovohoire gagatagalegi. Ingere ram veve huri tangaloi, 30Ko ram veve asiesiginire gagatagalegi. Ingere rau leomasi God. Ingere rahe lado mava tea, ko ram lailei hageginire sibora. Ram hikehike huri na matahalai lalakogi lo gineu rau esi. Ingere rahe rong huri tamara tora ratahire tea. 31Ingere a mala robagi ingere rahe hako bibi na nora waratau tea ko rahe haharagi na nora vaivei garea tea sige a nora hahagavi lawe na tangaloi wagineu. 32Ingere rau ilo na Leohora noi God mo veve huri ve ira hine ram toga lo matahala mwere ngaha rain mate. Nge hate huri ve ingere sibora hogosie ram vano tuturedu ram vai na gineu ingere ngaha, nge ram vosavosagi limara huri rahine wagineu ram vai na gineu ingere hi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013