LALAKOGI 22
22
1I Bol mo veve vena, “Retueku ko ire tamaku, igimiu nen rorongtagieu nain veve mata-mwasaragieu lo nagomiu.” 2Lune ingere ram rongoe mo laqa lawera lo leora vovohoi, ingere ram tarataqao. I Bol mo laqa mo vano tuturedu.
3Mo veve vena, “Ineu a duvi Israel, nau vora lo qatui vanue Tasas lo vanue Silisia, siu nau sesea hano lo qatui vanue Jerusalem lo vavai huhui lawua a henana i Kamaliel. Ingeie u huhui vurugeginie gina leoi tamwata noi retubude, siuineu a domiku huire lo tabanagi noi God mwerei gimiu hi nem labe gaqarigi. 4Tomue nau veivei na tangaloi hi ram huri na Matahalai Jisas. Ko nau ue vagamatera. Nam wiribibi na mwera ko a vavine u sao nam tulire talolo valei veuveu. 5Siu a Muei Rugurugu ko a tangaloi lalawua doluegi talolo Kansel rain veve vovohoi huri ve ineu nam veve hogo. Ineu nau lei na leo denire rau uli lawe retuada a duvi Israel hi ram toga lo qatui venue Damaskas. Siu nau vano aiehi vena wiribibi na sinobu ingere hi nain veuhire gina seni nain leire taligu vano Jerusalem ve rain vereginire.
I Bol mo veve sere huri mo ladohogo gina Huqe
6Lune ineu nam vano mo kakarani mena qatui venue Damaskas, lategi lo matainaho tu vovohoi, a vile mo vile vonai dena mahava mo leleo dalieu. 7Siu nam soi hivo lo tano, ko nam rongo na dilo mo veve laweau vena, “!Sol, Sol! ?Huri havagineu gom vaiveieu?” 8Nam duvi vena, “?Huqe iniko hine?” Ingeie mo duvi vena, “Ineu Jisas ta Nasaret hi gom vaiveieu.” 9Siu a tangaloi ngere hi igamai bulu rau lehi na leleo, nge rahe rongo na diloi tangaloi hi tea mo laqa meieu. 10Siu ineu nam hui vena, “?Ineu nain vei mwere hilogo Huqe?” Ko a Huqe mo veve laweau vena, “Gon maraga ko gon vano lolo vanue Damaskas a tangaloi vin veve na leo lawego aiehi, huri na gineu doluegi hi i God u domigi vagatai hurigo huri ve goin veire.” 11A mataku mo dodo gina leleoi vile, siu ira buluiku ram dule lo limeku ram laieu mo vano lo vanue Damaskas.
12Lolo togagi venue lawua hi a tangaloi lawua gatagale a henana i Ananaeas, ingeie a tangaloi vovohoi u lado mavagi God ko u tabe na noda Tamwata. A duvi Israel doluegi hi ram toga lolo vanue Damaskas rau lado mavaginie. 13Siu ingeie mo vonai lobeku, mo vonai mo labe kakarani lobeku, mo veve vena, “Tueku Sol, gon leo taligu.” Siserigi ineu nam leo taligu ko nam lehie. 14Siu ingeie mo veve vena, “A God noi retubude u leo wahego ve goin ilo na nona tarani doluegi, ve goin lehi na nona Tangaloi Vovohoi, ko ve goin rongo na leona dena singona sibona. 15Siu iniko goin veve sere na gineu gu rongo ko gu leo hurie, goin veve sere lawe na tangaloi doluegi. 16Ko siserigi ngaha goin mese toga rorongo. Gon maraga gon lai na garuhigogona, goin tataro lawe na Huqe, ko a bugumu rain meriqe.”
I God u hora Bol vena toretore lawera tangaloi tavala varea den duvi Israel
17Lune ineu nam vanai taligu a Jerusalem, nam tataro lolo sara Gogona a sarai valei God, nam hueri, 18nam lehi na noku Huqe. Ingeie mo veve laweau vena, “Gon siseri, gon vano den vanue Jerusalem, huri a sinobu lolo vanue hi rain he rorongtagi na leomu hi tea ve goin veve sere hurieu.” 19Nam duvi lawea vena, “Huqe, ingere rau ilo vurugegi ve ineu nau vano lolo valei soneana u sao ko nam wiribibire, ko nam wehire hi ram ladohogo lo henamu. 20Siu a tangaloi ram buguri vagamate Stivin, a daine mo hale huri hi mo veve sere na leo hurigo, lo taro hi ineu vage nau labe meire. Lolo domiku, ineu nau rong garea u liu huri rau buguri vagamatea, siu ineu hi nau leogoro na luqara tangaloi hi rau ue vagamatea. 21Siu a Huqe mo veve laweau vena, ‘Go vano, nain horago goin vano vagahao lobera tangaloi tavala varea den duvi Israel.’ ”
22Lune a sinobu ram rorongtagi Bol mo laqagi na nona leo mo dadari tahi, ingere ram tauvuigi ram ulo gina dilogi u lawua vena “!Lai vohogi na tangaloi hi! !Uevagamatea! !He tatarise tea ve ingeie vin mwaso!” 23Ingere ram ulo gina dilogi u gagadiri, ingere ram ilegi na luqara lategi, ko ingere ram gaburegi na qie tahage lo mahava. 24Siu a muei tangaloi vuro ta Rom mo hora na nona tangaloi ram lai Bol mo vano lo valera, ko mo horara ve ran wehi Bol huri ve ran haqea ve a duvi Israel ram ulo gagadiri ram qalo meie huri na havai. 25Lune ingere rau veu bibie mo rarai hurive rain vivihie, i Bol mo veve lawe na nora leogoro tangaloi vuro u labe tahi, mo veve lawea vena, “?Wa leo siregi lawego huri ve goin vivihi na nati Rom tare ve gohe haqe na asigi tea nge hi huri ve ingeie u veie?”
26Lune a leogoro tangaloi vuro hi mo rongoe, mo vano lobei na muei tangaloi vuro hi ko ingeie mo huie vena, “?Iniko gom vai na havai? !A tangaloi ngaha i ingeie ta Rom!”
27Siu a muei tangaloi vuro hi mo vano lobei Bol ko mo huie vena, “!Ei! Iniko gon veve laweau ?Wa iniko a nati Rom?” I Bol mo duvi lawea vena, Io.”
28Siu a muei tangaloi vuro hi mo veve vena, “!Ei! ?U vei mwerehilogo? Ineu nau voli mane lawua siu nabei voragi nati Rom.”
I Bol mo duvi lawea vena, “Nge ineu nau leie lo noku voraana.”
29Ko siserigi a tangaloi hi rau tarani ve rain hui Bol gina huihui ram susu taligu denie, ko a muei tangaloi vuro hi mo matagu huri mo ilo vurugegi huri ve i Bol ingeie a nati Rom ko huri ingeie u veuhie gina seni.
I Bol mo labe lo nagora kansel
30Ko a muei tangaloi vuro hi mo tarani vena haqe vurugegi na gineu hi a duvi Israel ram vaivei Bol hurie, siu lo rani tuegi ingeie mo riqe vohogi na seni deni Bol ko mo tau na leo lawera rugurugu lalawua ko a kansel lawua doluegi ve rain toga bubugi. Siu mo lai Bol vanai mo taue mo labe lolo livugara.
ទើបបានជ្រើសរើសហើយ៖
LALAKOGI 22: HNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013
LALAKOGI 22
22
1I Bol mo veve vena, “Retueku ko ire tamaku, igimiu nen rorongtagieu nain veve mata-mwasaragieu lo nagomiu.” 2Lune ingere ram rongoe mo laqa lawera lo leora vovohoi, ingere ram tarataqao. I Bol mo laqa mo vano tuturedu.
3Mo veve vena, “Ineu a duvi Israel, nau vora lo qatui vanue Tasas lo vanue Silisia, siu nau sesea hano lo qatui vanue Jerusalem lo vavai huhui lawua a henana i Kamaliel. Ingeie u huhui vurugeginie gina leoi tamwata noi retubude, siuineu a domiku huire lo tabanagi noi God mwerei gimiu hi nem labe gaqarigi. 4Tomue nau veivei na tangaloi hi ram huri na Matahalai Jisas. Ko nau ue vagamatera. Nam wiribibi na mwera ko a vavine u sao nam tulire talolo valei veuveu. 5Siu a Muei Rugurugu ko a tangaloi lalawua doluegi talolo Kansel rain veve vovohoi huri ve ineu nam veve hogo. Ineu nau lei na leo denire rau uli lawe retuada a duvi Israel hi ram toga lo qatui venue Damaskas. Siu nau vano aiehi vena wiribibi na sinobu ingere hi nain veuhire gina seni nain leire taligu vano Jerusalem ve rain vereginire.
I Bol mo veve sere huri mo ladohogo gina Huqe
6Lune ineu nam vano mo kakarani mena qatui venue Damaskas, lategi lo matainaho tu vovohoi, a vile mo vile vonai dena mahava mo leleo dalieu. 7Siu nam soi hivo lo tano, ko nam rongo na dilo mo veve laweau vena, “!Sol, Sol! ?Huri havagineu gom vaiveieu?” 8Nam duvi vena, “?Huqe iniko hine?” Ingeie mo duvi vena, “Ineu Jisas ta Nasaret hi gom vaiveieu.” 9Siu a tangaloi ngere hi igamai bulu rau lehi na leleo, nge rahe rongo na diloi tangaloi hi tea mo laqa meieu. 10Siu ineu nam hui vena, “?Ineu nain vei mwere hilogo Huqe?” Ko a Huqe mo veve laweau vena, “Gon maraga ko gon vano lolo vanue Damaskas a tangaloi vin veve na leo lawego aiehi, huri na gineu doluegi hi i God u domigi vagatai hurigo huri ve goin veire.” 11A mataku mo dodo gina leleoi vile, siu ira buluiku ram dule lo limeku ram laieu mo vano lo vanue Damaskas.
12Lolo togagi venue lawua hi a tangaloi lawua gatagale a henana i Ananaeas, ingeie a tangaloi vovohoi u lado mavagi God ko u tabe na noda Tamwata. A duvi Israel doluegi hi ram toga lolo vanue Damaskas rau lado mavaginie. 13Siu ingeie mo vonai lobeku, mo vonai mo labe kakarani lobeku, mo veve vena, “Tueku Sol, gon leo taligu.” Siserigi ineu nam leo taligu ko nam lehie. 14Siu ingeie mo veve vena, “A God noi retubude u leo wahego ve goin ilo na nona tarani doluegi, ve goin lehi na nona Tangaloi Vovohoi, ko ve goin rongo na leona dena singona sibona. 15Siu iniko goin veve sere na gineu gu rongo ko gu leo hurie, goin veve sere lawe na tangaloi doluegi. 16Ko siserigi ngaha goin mese toga rorongo. Gon maraga gon lai na garuhigogona, goin tataro lawe na Huqe, ko a bugumu rain meriqe.”
I God u hora Bol vena toretore lawera tangaloi tavala varea den duvi Israel
17Lune ineu nam vanai taligu a Jerusalem, nam tataro lolo sara Gogona a sarai valei God, nam hueri, 18nam lehi na noku Huqe. Ingeie mo veve laweau vena, “Gon siseri, gon vano den vanue Jerusalem, huri a sinobu lolo vanue hi rain he rorongtagi na leomu hi tea ve goin veve sere hurieu.” 19Nam duvi lawea vena, “Huqe, ingere rau ilo vurugegi ve ineu nau vano lolo valei soneana u sao ko nam wiribibire, ko nam wehire hi ram ladohogo lo henamu. 20Siu a tangaloi ram buguri vagamate Stivin, a daine mo hale huri hi mo veve sere na leo hurigo, lo taro hi ineu vage nau labe meire. Lolo domiku, ineu nau rong garea u liu huri rau buguri vagamatea, siu ineu hi nau leogoro na luqara tangaloi hi rau ue vagamatea. 21Siu a Huqe mo veve laweau vena, ‘Go vano, nain horago goin vano vagahao lobera tangaloi tavala varea den duvi Israel.’ ”
22Lune a sinobu ram rorongtagi Bol mo laqagi na nona leo mo dadari tahi, ingere ram tauvuigi ram ulo gina dilogi u lawua vena “!Lai vohogi na tangaloi hi! !Uevagamatea! !He tatarise tea ve ingeie vin mwaso!” 23Ingere ram ulo gina dilogi u gagadiri, ingere ram ilegi na luqara lategi, ko ingere ram gaburegi na qie tahage lo mahava. 24Siu a muei tangaloi vuro ta Rom mo hora na nona tangaloi ram lai Bol mo vano lo valera, ko mo horara ve ran wehi Bol huri ve ran haqea ve a duvi Israel ram ulo gagadiri ram qalo meie huri na havai. 25Lune ingere rau veu bibie mo rarai hurive rain vivihie, i Bol mo veve lawe na nora leogoro tangaloi vuro u labe tahi, mo veve lawea vena, “?Wa leo siregi lawego huri ve goin vivihi na nati Rom tare ve gohe haqe na asigi tea nge hi huri ve ingeie u veie?”
26Lune a leogoro tangaloi vuro hi mo rongoe, mo vano lobei na muei tangaloi vuro hi ko ingeie mo huie vena, “?Iniko gom vai na havai? !A tangaloi ngaha i ingeie ta Rom!”
27Siu a muei tangaloi vuro hi mo vano lobei Bol ko mo huie vena, “!Ei! Iniko gon veve laweau ?Wa iniko a nati Rom?” I Bol mo duvi lawea vena, Io.”
28Siu a muei tangaloi vuro hi mo veve vena, “!Ei! ?U vei mwerehilogo? Ineu nau voli mane lawua siu nabei voragi nati Rom.”
I Bol mo duvi lawea vena, “Nge ineu nau leie lo noku voraana.”
29Ko siserigi a tangaloi hi rau tarani ve rain hui Bol gina huihui ram susu taligu denie, ko a muei tangaloi vuro hi mo matagu huri mo ilo vurugegi huri ve i Bol ingeie a nati Rom ko huri ingeie u veuhie gina seni.
I Bol mo labe lo nagora kansel
30Ko a muei tangaloi vuro hi mo tarani vena haqe vurugegi na gineu hi a duvi Israel ram vaivei Bol hurie, siu lo rani tuegi ingeie mo riqe vohogi na seni deni Bol ko mo tau na leo lawera rugurugu lalawua ko a kansel lawua doluegi ve rain toga bubugi. Siu mo lai Bol vanai mo taue mo labe lolo livugara.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific, 2013